TATA IBADAH MINGGU PENTAKOSTA 09 JUNI 2019

1.  Hata Patujolo

P  : Pitu minggu dung ari Paskah, dijalo angka sisean ni Tuhan Jesus do hagogok ni bagabaga ni Tuhan i taringot tu hasasaor ni Tondi Parbadia na naeng mandongani nasida di panindangion di tongatonga ni portibi on. Tondi Parbadia do na manggogoihon angka sisean i manghatindangkon Kristus naung hehe i jala na manuanhon haporseaon di roha ni angka na umbegesa jala naung manjangkon panindangion ni nasida i. Molo ndang ala ni huaso ni Tondi Parbadia i, tung so tarbahen halak do manghaporseai Kristus na gabe Tuhan jala marroha naimbaru laho manjangkon ngolu na sintong jala na songkal.

Hasasaor ni Tondi i huhut do gabe tudutudu i taringot tu parsuruan ni angka sisean marbarita nauli sahat tu “ujung ni portibi on”na manorusi sude marga, parhataan dohot adat pe. Dipasada Tondi I do hajolmaon i sian na marserak di tingki hea pajongjonghon tungkup sahat ro di langit. Di bagasan Tondi i do tapestahon angka ruhut parragamon gabe sada hamoraon i jala na pataridahon asi ni roha manang silehonlehon ni Debata di angka ruas-Na laho papatarhon panindangion dohot parsuruan nasida di tongatonga ni portibi on. Selamat Ari Pentakosta ma di hita! Ale Tondi Parbadia, ro ma Ho tu parsaoran nami on.

2.  Marende B.E. No. 108  : 1 – 3             (Hata ni Jahowa)

Baen ma gabagaba dohot bungabunga nang pelean i.

Ai nuaeng ma jumpang ari parningotan, Pentakoste i;

Haroro ni Tondi do, i ma Tondi Parbadia, masuk tu huria.

Jangkon ma Ibana, ai asi rohaNa ro tu hita on,

Asa sondangonNa, tiur bahenonNa, parrohaon tongtong.

Jangkon ma Ibana da asa lao sude arsakmu, nang pardangolanmu.

Tondi pangapuli, sahap na umuli di sisean i,

Tuhan Jesus Kristus ro ma Ho, pabulus tongtong langkangki

Di na lao tu surgo au, pargogoi ma au, pamonang, sahat tu na sonang.

3.  Votum    :                                                                               (Huria Jongjong)

   P : Dibagasan goar ni Debata Ama, dohot goar ni Anak-Na Tuhan Jesus Kristus dohot goar ni Tondi Parbadia, na manompa langit dohot tano on.

   H : Amen.

4.  Panopotion ni Dosa

   P  : Angka dongan na hinaholongan, tapajonok ma dirinta tu Tuhanta sian roha na ias. Taparhatopot ma sude dosanta tu Ibana jala tapangido ma hasesaan ni dosanta marhitehite Tuhan Jesus Kristus parasiroha i.

   H : Ianggo pangurupion di hita i ma dibagasan goar ni Jahowa Sitompa langit dohot tano on.

   P  : Ale Debata Ama Pargogo na so hatudosan, Sitompa jala Sitobus hami, pardosa godang do hami jala tung so tama d hami jongjong di adopan-Mu. Nunga mardosa hami maradophon Ho marhite pingkiran, panghataion nang pambahenan name pe. Dibahen i do umbahen na ro hami tu Ho mangido hasesaan ni dosa nami ala ni Anak-Mu Tuhan Jesus Kristus Tuhan nami.

   H : Mangendehon B.E No. 182 : 2 – 3   (Haholongan na badia)

Husolsoli do rohangku na gok dosa i tongtong;

Ai godang ariaringku na hubahen ambolong.

Sai jotjot do hutadingkon dalanMi na tigor i;

Kristen au, hape hutondong, dalan hamagoan i

P  : Tangihon ma ahu hamu angka na mangeahi hatigoran, angka na mangalului Jahowa! Paberengbereng hamu ma dolok batu hapultahanmuna dohot godung parsumuran na hinali, haruaranmuna i. Hasangapon ma di Debata na di ginjang.

H : Amen.                                                                                  (Huria Hundul)

5.  Marende B.E. No. 102 : 1 + 3              (O Tondi Parbadia i, bongoti)

O tondi Parbadia i, bongoti rohanami be, ro, Sipatiur roha!

O sondang sian Surgo i, sondangi rohanami be, tu halalas ni roha!

Asa masa patupahon pinodahon ni hataMu, sai tu hami ma rohaMu.

Sai pargogoi ma hami on mangihutihut hataM on di pardalanannami.

Haporseaonnami pe tambai tung masa aha pe na bernit taononnami.

Tatap, tatap sude hami, rohanami pasonangkon,

Hajolmaon hamonangkon!

6.  Introitus :                                                                              (Huria Jongjong)

P  : Songon on ninna Tuhan Jahowa: Jala lehononku tu hamu roha na imbaru dohot tondi na imbaru tu bagasan ateatemuna; jala unsatonku do roha batu sian dagingmuna, jala lehononku tu hamu roha sibuk. Jala lehononku ma tondingku tu bagasan ateatemuna, jala ahu mambahensa, asa marparange hamu di bagasan angka patikku, angka uhumhu pe radotan jala patupaonmuna do. Haleluya!

7.  Kirye Eleison (Tuhan, asi ma rohaM di hami)

P  : Tuhan, asi ma roham di hami.

H : Tuhan, asi ma roham di hami.

P  : Kristus, asi ma roham di hami.

H : Kristus, asi ma roham di hami.

P  : Tuhan, asi ma roham di hami.

H : Tuhan, asi ma roham di hami.

(Hohom satongkin)

8.  Hasangapon ma di ginjang   :

P  : Hasangapon ma di Debata di ginjang.

H : dame ma di tano on, di angka jolma halomoan i.

9.  Tabe/Salam & Tangiang Kolekta     :

P  : Tuhan mandongani hamu!

H : Dohot mandongani ho!

P  : Martangiang ma hita :

Ale Tondi Parbadia, mual ni hasintongan, lehon ma tu hami habisuhon-Mu asa marsinondangi tu roha nang di ngolu name pe.

   H : Ro ma Ho, ale Tondi Parbadia, tompa ma hami gabe jadijadian-Mu naimbaru.

   P  : Ale Tondi Parbadia, mual ni hagogoon, pasiding ma roha biar dohot holso sian hami.

   H : Ro ma Ho, ale Tondi Parbadia, tompa ma hami gabe jadijadian-Mu naimbaru.

   P  : Ale Tondi Parbadia, mual ni hadameon, lehon ma tu hami roha na hohom dohot dame tumangihon hata-Mi.

   H : Ro ma Ho, ale Tondi Parbadia, tompa ma hami gabe jadijadian-Mu naimbaru.

  P  : Ale Tondi Parbadia, mual ni las ni roha, pagorgor ma roha name laho mambaritahon Barita las ni roha i tu sude halak na marungkil dohot na mar dok ni roha.

   H : Ro ma Ho, ale Tondi Parbadia, tompa ma hami gabe jadijadian-Mu naimbaru.

   P  : Ale Tondi Parbadia, mual ni holong i, urupi ma hami asa tongtong ungkap roha nami, laho mangurupi angka dongan name na marhahurangan.

   H : Ro ma Ho, ale Tondi Parbadia, tompa ma hami gabe jadijadian-Mu naimbaru.

  P  : Ale Tondi Parbadia, mual ni hasintongan i, uluhon ma hami ganup ari asa tongtong mardalan hami di dalan hasintongan naung dipapatar Ho marhite Jesus Kristus, Tuhan nami.

 H : Ro ma Ho, ale Tondi Parbadia, tompa ma hami gabe jadijadian-Mu naimbaru. Amen.                                                                       (Huria Hundul)

10.      Koor   :

11.      Marende B.E No. 171 : 1 – 2  (Tandai ma au)

Tandai ma au! Sungkapi ma dohot rohangku.

Uji ma au. Pamanat huhut ma dalanku. Olo ditanda Ho au Debata!

Asi ma rohaM taringot tu pangalahongku.

Olo, tutu, jotjot do na lilu dalanku, sesa dosangku sude Debata!

12.      Epistel            : Kolose 3 : 5 – 11   

P  : Hata ni Debata patujolo ni Jamita di Pesta Pentakosta sadari on, i ma na tarsurat di Kolose 3 : 5 – 11

Antong, bunu hamu ma ruasmuna, angka na di tano on: parmainanon, hahodaron, riting ni roha, hisaphisap na roa, ro di pangahution, i ma pardebataon na leban.

H : Ala ni angka i do lalu rimas ni Debata.

P : Diulahon hamu do angka i najolo, tagan di bagasan i ngolumuna.

H : Alai anggo nuaeng, bolongkon hamu ma saluhutna i: Rimas, muruk, hajahaton, panginsahion hata barangsi sian pamanganmuna.

P  : Unang ma masigabusan hamu, ai nunga ditanggal hamu jolma na buruk i rap dohot angka parulaonna,

H : jala nunga disolukkon hamu na imbaru i, na pinaimbaru, asa tandaonna rupa ni na tumompa ibana.

P+H :Ndang mardiaimbar disi Junani manang Jahudi, na marsunat manang na so marsunat, bangso na leban manang bangso na so maju dope, hatoban manang anak mata; Kristus i do tahe saluhutna jala di bagasan saluhutna.

P  : Martua ma halak na umbege hata ni Debata na umpeopsa jala na mangulahonsa. Amen.

H : Mangendehon  : Haleluya, Haleluya, Haleluya.

13.      Koor   :

14.      Marende B.E. No. 105 : 1 - 2           (Debata do manggomgomi)

Ro ma Tondi Parbadia, Debatangku situtu!

Rohanami ma paria mangoloi hataM burju.

Sai sondangi ma tongtong rohanami na holom.

Lehon ma di rohanami hapistaran na sintong,

Asa tung huboto hami marparange di joloM

Sian haliluon pe sai palua hami be.

15.      Manghatindanghon Haporseaon            :                                   (Huria Jongjong) 

 P  : Tahatindanghon ma haporseaonta i, songon na hinatindanghon ni donganta sahaporseaon di portibi on, sian mula ni Huria i sahat tu sadari on. Rap mandok ma hita :

16.      Koor :

17.      Marende B.E. 106 : 1 - 2                  (Ale Tuhan, Ama nami)

Ale Tuhan Amanami, na marholong roha i,

Suru TondiM i tu hami, angka na tinoguM i.

Paimbaru tondingki, gabe joroM i ma i.

Sai oloi pangidoanku sian asi ni rohaMu.

Ndang adong hangoluanku, anggo so ro TondiM i,

Maringanan di rohangku, jala ndang margogo i.

Patupahon hataM i, pasangaphon goarMi;

Sai tongtong holom rohangku, molo so patiuronMu.

18.      Tingting/Berita Gereja       :

19.      Tangiang Pangondianon   :

20.      Koor   :

21.      Marende B.E. No. 109 : 1 – 3          (Jesus hami ro dison, asa)

Sai songgopi hami on, ale Tondi Parbadia!

Sai ajari ma tongtong hami on huhut paria,

Martangiang tu Tuhanta, asa tongtong oloanNa.

Tondi hasangapon i sai ingani rohanami,

Pargogoi ma hami be maralohon dosanami.

Asa tung malua hami sian hadosaonnami.

Jolma manisia pe sai sondangi ma luhutna.

Asa olo sasude ro tu Jesus, Sipalua,

Rarat baen harajaonNa tu saluhut manisia.

22.      Jamita : Roma 8 : 9 – 11

23.      Marende B.E. No. 466 : 4 + 6         (Nunga ro au)

Sai gok Tondi ma rohangku, mate roha diri i.

Angka arta sian tano, ndang tusi be rohangki.

Hatuaon i, las ni rohangki. Ai hibul do hupelehon nasa diringki.

Tung bagas do hahoholong ni roham, o Tuhanki.

Holan Ho huhaholongi, Ho nampuna diringki.

Hatuaon i, las ni rohangki. Ai hibul do hupelehon nasa diringki.

24.      Ayat Pelean  : Roma 12 : 1

P  : Andorang so tapasahat do pe peleanta, tabege ma Hata ni Debata ojahan ni haporseaonta laho pasahathon pelean i, i ma na tarsurat di Roma 12 : 1

“Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha”. Amen.

25.      Tangiang Pelean     :                                                         (Huria Jongjong)

26.      Ende Pelean B.E. No. 267 : 2 – 3                (O Tuhan, sulingkit)

Tu aha marguna be i nang godang sinamot di au?

Di ginjang, disambulonki.

Ho Jesus artangku, Tusi do siholhu, sonang rohangki.

Ho Jesus artangku, Tusi do siholhu, sonang rohangki.

Sude hupasahat tu Ho, ai Ho nampunasa hian:

Tongtong au marguru tu Ho

Ai Ho ale Jesus, sihophop sudena, nampuna au on.

Ai Ho ale Jesus, sihophop sudena, nampuna au on.

27.      Tangiang Panutup  : Ale Amanami

28.      Pasupasu       :

29.      Amen, Amen, Amen.

PENDETA DAN PENGURUS HARIAN RESORT

MENGUCAPKAN :

“SELAMAT HARI PENTAKOSTA”

 

KIRANYA SEMANGAT API ROH KUDUS MEMACU KITA

UNTUK TERUS BERKARYA DALAM GEREJA

TUHAN YESUS MEMBERKATI!!!