Khotbah Efesus 4: 7-16 "Memperlengkapi Orang-orang Kudus"

Minggu 15 Set. Trinitatis; 29 September 2019

4:7 Tetapi kepada kita masing-masing telah dianugerahkan kasih karunia menurut ukuran pemberian Kristus.

4:8 Itulah sebabnya kata nas: "Tatkala Ia naik ke tempat tinggi, Ia membawa tawanan-tawanan; Ia memberikan pemberian-pemberian kepada manusia."

4:9 Bukankah "Ia telah naik" berarti, bahwa Ia juga telah turun ke bagian bumi yang paling bawah?

4:10 Ia yang telah turun, Ia juga yang telah naik jauh lebih tinggi dari pada semua langit, untuk memenuhkan segala sesuatu.

4:11 Dan Ialah yang memberikan baik rasul-rasul maupun nabi-nabi, baik pemberita-pemberita Injil maupun gembala-gembala dan pengajar-pengajar,

4:12 untuk memperlengkapi orang-orang kudus bagi pekerjaan pelayanan, bagi pembangunan tubuh Kristus,

4:13 sampai kita semua telah mencapai kesatuan iman dan pengetahuan yang benar tentang Anak Allah, kedewasaan penuh, dan tingkat pertumbuhan yang sesuai dengan kepenuhan Kristus,

4:14 sehingga kita bukan lagi anak-anak, yang diombang-ambingkan oleh rupa-rupa angin pengajaran, oleh permainan palsu manusia dalam kelicikan mereka yang menyesatkan,

4:15 tetapi dengan teguh berpegang kepada kebenaran di dalam kasih kita bertumbuh di dalam segala hal ke arah Dia, Kristus, yang adalah Kepala.

4:16 Dari pada-Nyalah seluruh tubuh, -- yang rapi tersusun dan diikat menjadi satu oleh pelayanan semua bagiannya, sesuai dengan kadar pekerjaan tiap-tiap anggota -- menerima pertumbuhannya dan membangun dirinya dalam kasih.

4:7 Alai tu ganup hita be do dibasabasahon asiasi i, marguru tu panagihon ni pangalehon ni Kristus.

4:8 Dibahen i ninna do: "Nunga manaek Ibana tu ginjang, ditaban do na tarhurung; dilehon do silehonlehon tu angka jolma!"

4:9 Alai nangkok pe Ibana, naung tuat do Ibana jumolo tu inganan na ditoru ni tano.

4:10 Ibana, naung tuat i, laos I do na manaek tu ginjang ni saluhut banua ginjang, asa digohi sasude.

4:11 Laos Ibana do mangalehon deba gabe apostel, deba panurirang, deba evangelist, deba muse parmahan jala pangajari,

4:12 patureturehon angka na badia i, laho mangulahon tohonan i, pauliulihon daging ni Kristus:

4:13 Paima sahat hita saluhut tu hasadaon ni haporseaon nang parbinotoan di Anak ni Debata, gabe jolma na tang jala matoras situtu, mangihuthon hagogok ni rimpas ni Kristus.

4:14 Asa unang be hita dakdanak, angka na pinalindaklindak jala na pinamboanboan ni pangombus ni ragam ni poda, binahen ni pangaliluhon ni jolma dohot angkal na paotootohon.

4:15 Gabe parhasintongan hita tahe di bagasan haholongon i, jala lam magodang ma hita di na saluhut, mangeahi Ibana, Ulu i, i ma Kristus.

4:16 Sian Ibana do sandok daging i dipadomu jala martomu, tiniop ni sude uraturat pangurupi, gabe lam magodang daging i mangihuthon pangulaon ni ganup ruas di bagianna be, pinauliuli di bagasan haholongon i.

Adong sada pandohan ni halak Cina mandok; sepuluh lidi yang diikat menjadi satu lebih kokoh dari pada seribu lili yang tercerai berai. Pandohan on naeng mangondolhon ringkot ni hasadaon. Ndada holan halak cina na mangajarhon taringot tu hinaringkot ni hasadaon. Angka Apostel pe nunga disoarahon jala diajarhon nasida i tu tongatonga ni ruas ni huria jala andorang so i pe nunga diajarhon Jesus taringot tu hasadaon i. sada sian pangajarion ni Jesus i boi taida marhite tangiang ni Jesus songona na tarsurat di Johanes 17. Dipangidohon Jesus taringot tu hasadaon i jala taida adong dua sialana umbahen ringkot hasadaon i. naparjolo ala di hosomi portibion ondo angka sisean ni Jesus, alani diadopi nasida do haporsuhon godang di portibion, parungkilon sahat tu na agoan hosa.  Alai ringkot situtu asa marhasadaon nasida, asa boi nasida margogo jala mangolu di parungkilon i. Laos boi do tapahombar i tu pandohan di hata Indonesia mandok; “bersatu kita teguh, bercerai kita runtuh”. Napaduahon diboto Jesus do dang holan sian horng Jahudi na gabe si ihuthon Jesus alai laos dohot do sian halak Gorik nang angka bangso na asing. Alani i marragam do angka budaya, hata, huta hatubuan, lan angka na asing. Alani i di adopi angka sisean ni Jesus do 2 situasi na boi parohon hamaolondi nasida. Dihososmi portibion jaka marragam situtu latar belakang ni nasida. alani na dua kondisi i gabe lam mura ma nasida palindaklindak jala di gosagosa portibion. Ido umabhen naringkot disuarahon tu nasida: asa sada.

Di uduti angka apostel dohot parbarita nauli do joujou i tu angka ruas ni huria na dihobasi nasida, suang songoni tu huria na adong di huta Epesus. Ai kondisi na niadopan ni angka huria di partingkian i ndang apala dao marimba sian kondisi na niadopan sisean ni Jesus uju dingolu ni Jesus. Huria na adong di Epesus pe tong do mangadopi ragam parungkilon dohot hamaolon na ro sian panggomgomi Rom dohot sian Jahudi na so Kristen na manghasogohon jala mangosagosa huhut mangalele nasida. ragam dipatupa na humaliang mambahen malala halak Kristen i. Alani i, asa margogo nasida mangadopi angka hamaolon i jala asa boi hot jongjong mangolu huria i, ringkot situtu ma hasadaon dipareahi jala dipadimundimun. Udut tusi ala marragam do latar belakang ni ruas ni huria i, tarlumobi di buku Epesus 4 on dipatorang do angka silehonlehon na marragam na adong di nasida, lam ringkot ma hasadaon i dinasida. Dua kondisi i boi do mangasupi hajonjongan ni huria i. Tarlumobi ndang na godang bilangan nasida, punguan na metmet do nasida (minoritas). Sian i boi taida ndang apala dao imbar ni kondisi na niadopan ni sisean ni Jesus dohot huria na adong di Epesus. Laos kondisi i do diadopi halak Kristen na adong di Indonesia sahat tu partingkian on. alani i tung hona situtu ma joujou ni Apostel i, marhite turpuk on, nang tu hita halak Kristen nuaeng on. Alani i, ringkot situtu tapareahi jala tatambortambori hasadaon i, asa boi hita mangolu jala margogo ditongatongan ni godang tantangan na ta adopi, lumobi songon golongan minoritas hita di Negarataon. Alani i sada sungkunsungkun na arga na patut tasulingkiti i ma, bohado hita mampareahi hasadaon i? aha do na patut taulahon?

Marhite turpuk on jumpang hita do pangajarion na arga songon dalanta laho mampareahi hasadaon i. tangkas dipatorang diturpuk onmarragam do silehonlehon na pinasahat ni Debata tu hita. Dibagasan huasoNa do dilehon tu hita angka silehonlehon i jala na so dung adong jolma na talup mangalehon (ay. 8-11). banua toru, banua tonga, banua ginjang di bagasan huasoNa dohot saluhut na adong dihitai (telenta, hapistaran, arata, ulaon, tohonan, dll) silehon lehon ni Debata doi jala marragam dilehon tu hita ganup hombar tu panagihon ni pangalehon ni Kristus. Turpuk on mangajari hita mamangke silehonlehon i, i ma laho pature-turehon angka na badia, laho pauliulihon daging ni Kristus. Sian i naeng antusanta, saluhut siilehonlehon na adong naeng pangkeonta laho pature turehon dohot pauliulihon , nada laho manegai manang lao paroaroahon. Silehonlehon i naeng pangkeonta tu angka namarguna dingolunta nang di huria (donganta sahaporseaon). Dohot hata na asing boi dohonon: saluhut hadirionta (silehonlehon ni Debata tu hita) naeng ma tapangke laho mamareahi hasadaon di tongatonga ni huria, ndada laho mamolamola huria.

Molo tapamanat angka partingkian na binolus ni huria, pigapiga hali nunga masa parbolatbolatan di tongan ni huria. Jotjot do parbolaton i masa ndada alani ajaran (dogma) na lipe di tonga ni huria, alai jotjotan do marhahonaan tu politik dohot bisnis manang alani angka jabatan di tongan ni huria. Adong do deba sian halak Kristen na sai manghilala sumurung sian na asing, alani i manghirim ma ibana asa gabe sipatujoloon. Ndang na naeng mansoadahon angka halobian ni dongan, alai aut sugari halobian na adong i diida songon silehonlehon ni Debata, ndang hasurunganna, tontu saluhutna i pangkeonna ma laho patureturehon dohot pauliulihon. Molo dipasahat Tuhan i di hita silehonlehon na arga, tontu marhuaso do Tuhan i mangalehon siehonlehon na arga i nang tu donganta. Asa molo jumpang pangantusion si songon i boi ma jumpang hita roha na masipatureturean jala masipauliulian. Tubu na roha masiurupan, masipauneunean huhut masitungkoltungkolan, asa saluhut boi lam magodang jala tang di harohaon dohot haporseaon.

Molo saluhut silehonlehon na arga i dipangke gabe dalan laho patureturehon angka na badia, dipangke gabe dalan laho mangulahon tanggungjawab hombar tu lomo ni roha ni Debata, jala dipangke gabe dalan laho pauliulihon daging ni Kristus, laos disi ma boi jumpang hita hasadaon di tonga ni huria nang di tonga ni keluarga dohot masyarakat pe, ra sapanghilalaan di angka na humurang dohot di angka hagaleon, dung i rap masipasangapan di angka halobian, jala saroha sapingkiran patulushon ulaon na denggan tau sangap di goar ni Debata. Ai maol do jumpang angka na uli di tongatonga ni keluarga nang huria na sai marbolatbolat, na sai marsuali, na sai mamereng na hurang di dongan, na sai patujolohon diri, na hurang mangargahon na adong di dongan. Alani hirimon do lam herbang huria jala tarpasupasu ruasna molo jumpa hasadaon na lam tu toguna.