Khotbah Yosua 24: 13 - 25 "Beribadah Hanya Kepada Tuhan"

Minggu 14 Set. Trinitatis; 22 September 2019

24:13 Demikianlah Kuberikan kepadamu negeri yang kamu peroleh tanpa bersusah-susah dan kota-kota yang tidak kamu dirikan, tetapi kamulah yang diam di dalamnya; juga kebun-kebun anggur dan kebun-kebun zaitun yang tidak kamu tanami, kamulah yang makan hasilnya.

24:14 Oleh sebab itu, takutlah akan TUHAN dan beribadahlah kepada-Nya dengan tulus ikhlas dan setia. Jauhkanlah allah yang kepadanya nenek moyangmu telah beribadah di seberang sungai Efrat dan di Mesir, dan beribadahlah kepada TUHAN.

24:15 Tetapi jika kamu anggap tidak baik untuk beribadah kepada TUHAN, pilihlah pada hari ini kepada siapa kamu akan beribadah; allah yang kepadanya nenek moyangmu beribadah di seberang sungai Efrat, atau allah orang Amori yang negerinya kamu diami ini. Tetapi aku dan seisi rumahku, kami akan beribadah kepada TUHAN!"

24:16 Lalu bangsa itu menjawab: "Jauhlah dari pada kami meninggalkan TUHAN untuk beribadah kepada allah lain!

24:17 Sebab TUHAN, Allah kita, Dialah yang telah menuntun kita dan nenek moyang kita dari tanah Mesir, dari rumah perbudakan, dan yang telah melakukan tanda-tanda mujizat yang besar ini di depan mata kita sendiri, dan yang telah melindungi kita sepanjang jalan yang kita tempuh, dan di antara semua bangsa yang kita lalui,

24:18 TUHAN menghalau semua bangsa dan orang Amori, penduduk negeri ini, dari depan kita. Kami pun akan beribadah kepada TUHAN, sebab Dialah Allah kita."

24:19 Tetapi Yosua berkata kepada bangsa itu: "Tidaklah kamu sanggup beribadah kepada TUHAN, sebab Dialah Allah yang kudus, Dialah Allah yang cemburu. Ia tidak akan mengampuni kesalahan dan dosamu.

24:20 Apabila kamu meninggalkan TUHAN dan beribadah kepada allah asing, maka Ia akan berbalik dari padamu dan melakukan yang tidak baik kepada kamu serta membinasakan kamu, setelah Ia melakukan yang baik kepada kamu dahulu."

24:21 Tetapi bangsa itu berkata kepada Yosua: "Tidak, hanya kepada TUHAN saja kami akan beribadah."

24:22 Kemudian berkatalah Yosua kepada bangsa itu: "Kamulah saksi terhadap kamu sendiri, bahwa kamu telah memilih TUHAN untuk beribadah kepada-Nya." Jawab mereka: "Kamilah saksi!"

24:23 Ia berkata: "Maka sekarang, jauhkanlah allah asing yang ada di tengah-tengah kamu dan condongkanlah hatimu kepada TUHAN, Allah Israel."

24:24 Lalu jawab bangsa itu kepada Yosua: "Kepada TUHAN, Allah kita, kami akan beribadah, dan firman-Nya akan kami dengarkan."

24:25 Pada hari itu juga Yosua mengikat perjanjian dengan bangsa itu dan membuat ketetapan dan peraturan bagi mereka di Sikhem.

24:13 Hulehon huhut tu hamu tano na so hinangaluthonmuna dohot huta, angka na so pinaulimuna, asa hamu maringan disi, jala mangan do hamu sian porlak anggur dohot hau Jetun, angka na so sinuanmuna i.

24:14 On pe sai habiari hamu ma Jahowa, jala marsihohot rohamuna mangoloi Ibana di bagasan hasintongan, jala paholang hamu debata sileban, angka na nioloan ni ompumuna di bariba ni batang aek i dohot di Misir, jala oloi hamu ma Jahowa!

24:15 Alai molo tung sogo rohamuna mangoloi Jahowa, pillit hamu ma sadarion manang ise naeng oloanmuna, manang debata sileban angka na nioloan ni ompumuna di bariba ni batang aek i, manang debata ni halak Amori nampuna tano na niingananmuna i; alai anggo ahu dohot donganku sajabu, ingkon Jahowa do oloannami.

24:16 Dung i ninna bangso i ma mangalusi: Dao ma i sian hami, anggo tung manadingkon Jahowa laho mangoloi angka debata sileban.

24:17 Ai Jahowa, Debatanta, Ibana naung manogihon hita dohot ompunta ruar sian tano Misir, sian bagas parhatobanan, jala Ibana naung mambahen di adopanta tanda angka na bolon i, jala diramoti do hita di sandok dalan na itadalani i, di tongatonga ni saluhut bangso angka na itabolusi.

24:18 Jahowa huhut mangonjar saluhut bangso ro di halak Amori na maringan di tano i jumolo sian hita; hami pe, Jahowa do naeng oloannami, ai Ibana do Debatanta.

24:19 Dung i didok si Josua ma tu bangso i: Ndang tarbahen hamu mangoloi Jahowa, ai Debata na badia do Ibana, Debata parrimas do Ibana, ndang tagamon marpamuati rohana mida pangalaosionmuna dohot mida dosamuna i.

24:20 Molo tung ditadingkon hamu Jahowa, jala dioloi hamu angka debata sileban, marbalik ma Ibana manorui hamu, tung siap hamu bahenonna, hombar tu uhumna na denggan i naung binahenna tu hamu.

24:21 Dung i ninna bangso i ma tu si Josua: Sitongka ma anggo i, ingkon Jahowa do naeng oloannami.

24:22 Jadi didok si Josua ma tu bangso i: Hamu sandiri do sitindangi dompak hamu, paboa naung dipillit hamu Jahowa, naeng oloanmuna Ibana. Jadi ninna nasida ma: Hami ma tutu sitindangi!

24:23 On pe paholang hamu ma debata sileban, angka na di tongatongamuna i, jala paunduk hamu rohamuna tu Jahowa, Debata ni Israel.

24:24 Jadi ninna bangso i ma tu si Josua: Jahowa Debatanta i do naeng oloannami, jala soarana i naeng tangihononnami.

24:25 Dung i dibahen si Josua ma sadarina i parjanjian tu bangso i, jala dipatindang do i bahen patik dohot uhum di Sikem.

Tagan so ro barita nauli tu tano Batak, torop halak Batak na manomba debata sileban, begu, hariara na balga dohot angka na marrumanghon haporseaon tu hagogoon portibi on (berhala). Alai dung ro barita nauli, porsea ma halak Batak tu Debata jala marsomba tu Ibana. Jala dipardalanan ni halak Batak dirajumi ma hinatabo ni na manomba Debata. Taruli hamajuon, pandaraman dohot parbinotoan. Sandok godang ma tongon angka na masa di ngoluna. Adong angka na uli na denggan na mambahen las rohanta. I do panindangion na arga di jolo ni Debata. Alai laos godang do tong na mambahen hita marungkil dohot marsak. Asa sudena i gabe parsiajaran na arga di ngolunta. Jala ingkon tangkas do hatindanghononta na tongtong dipatuduhon Debata holong ni rohaNa tu hita saleleng mamolus hita di hasiangan on. Alai nang pe songon i ndang boi hita mandele apalagi gabe manundalhon Debata. Gariada nian lam pasolhotonta dirinta tu Debata. Unang ala tingki susa hita tapajonok tu Debata. Manang tingki las rohanta tapuji Debata.

I do joujou ni si Josua tu bangso i asa tangkas nasida marpanindangion di adopan ni Debata, molo pe dibolus nasida angka hamaolon di pardalanan mulak sian tano Misir. Alai ndada boi parsoadahononna angka las ni roha pe tong do masa di nasida. Umbahen dipaingot si Josua nasida asa tongtong marhaporseaon tu Debata unang maninggalhon Debata. Alana tung tangkas do Debata manogunogu nasida haruar sian parhatobanan dohot sian halak Amori, Persi, Kanaan, Heti, Girgasi, Hevi dohot Jesbusi. I do umbahen didok si Josua asa tangkas nasida dia do pilliton nasida. Dua do gondang na, mangoloi debata sileban manang Debata ni si Abraham, Ishak dohot Jakob. Tagan di ngolu ni si Musa tangkas ditonahon Jahowa tu si Musa uju mamolus nasida di pardalanan mulak sian Misir. Ia tona i didok songon on: Tangihon ma, ale Israel, anggo Jahowa Debatanta i, Jahowa Sasadasa do. Jala ingkon haholonganmu Jahowa, Debatam sian nasa roham dohot sian nasa ateatem dohot sian nasa gogom. Laos tona i do diparatarata si Josua tu bangso i asa tangkas nasida marpanindangion di adopan ni Debata. Alani do umbahen na diondolhon si Josua tu bangso i asa marsomba tu Jahowa sian bulus ni roha dibagasan roha na marsihohot. Diondolhon do asa dipadao jala dipasiding nasida angka debata sileban dohot ganaganaan sian parngoluan nasida asa unang nian songon ompunasida na marsomba mangihuthon debata sileban di bariba ni sunge Euprat dohot Misir.

Didok si Josua: “Pillit hamu ma sadarion manang ise naeng oloanmuna, manang debata sileban angka na ni oloan ni ompumuna di bariba ni batang aek i, manang debata ni halak Amori nampuna tano na ni ingananmuna i”. Jala nang pe songon i tong do dilehon si Josua pandangan dohot sikap na tegas sian ibana, anggiat diboto bangso i ise sioloan nasida. Didok si Josua do: “Alai anggo ahu dohot donganku sajabu, ingkon Jahowa do oloannami”. Marhite panindangion i naeng tangkas nasida mamillit na dumenggan. Hombar tu na niajarhon ni si Josua tu nasida, bangso i pe tong do mangihuthon Debata na hinaposan ni si Josua, didok bangso i: “Sitongka ma anggo i, ingkon Jahowa do naeng oloannami”. Songon parhobas ni Debata si Josua tangkas do marpanghorhon pangajarionna tu bangso i. Ujungna bangso i pe maniru ibana. Alai ro do si Josua mambahen tiruan na tangka tu nasida asa marsomba tu Debata unang tu ganaganaan. Songon na hea pinatupa ompunasida uju di tingki ni si Musa manguluhon nasida sian tano Misir i. Nang bangso i ndang boi gabusanna dirina paboa Debata tongtong mandongani nasida di pardalanan i jala sahat tu tano Kanaan. Monang nasida maralohon angka halak na marmusu dompak nasida, ala Debata sandiri do na marporang rap dohot nasida. Alai nang pe naung diongkuhon bangso i di joloni si Josua panindangion nasida tu Debata, tong do ingkon dipatangkas unang manolsoli, unang asal holan di hata sambing. I do umbahen didok si Josua: Hamu sandiri do sitindangi dompak hamu, paboa naung dipillit hamu Jahowa, naeng oloanmuna Ibana. Dung i dialusi bangso i ma, hami ma tutu sitindangi, lapatanna sian bulus dohot sian ias ni rohanasida do marsomba tu Debata, ndada ala pengaruh na sian luar ni dirina. Nian tong do adong pangajarion binahen ni si Josua alai gumodang do nasida manontuhon pamilliton i.

Mansai arga do turpuk on di hita di partingkian sinuaeng. Lomobi mangadopi tantangan zaman na lam tu majuna, na ginoaran “era milenial”. Marpangontak do zaman on tu parngoluanta siganup ari, mempengaruhi ngolu partondion. Muramura jolma mandok ndang ringkot marugamo, ndang ringkot martangiang dohot na asing. Tung godang na boi mangambati hita marsaor tu Debata. Alani i, molo hot hita manghaporseai Debata sude angka alonta na boi talu do i. Sude angka na taalami di ngolu on mambahen hita lam matoras di haporseaon. Mangihuthon turpuk on, nuaeng ingkon tangkas hangoluhononta songon bangso naung pinillit dohot tinodo ni Debata. Tung arga situtu do hita di adopanNa i. Nunga pola dilehon AnakNa Tuhan Jesus Kristus laho manghophop hita. Alani nang hita pe tama do: Parjolo, mandok mauliate hita tu Debata ala asi bi rohaNa naung tajalo. Lobi sian na so tahirim siapat dipasahat Debata tu hita. Ala disarihon do hita. Dibahen i tung so ada gunana hita mandele jala mangapian tu halak na asing. Sandok tu Debata pardenggan basa i ma hita maporus. Paduahon, unang tung halupahon denggan basa ni Debata naung tajalo. Molo tabolus pe angka hamaolon tapabotohon ma tu Debata, ro di saleleng ni lelengna do asi ni rohaNa i. Patoluhon, marpanindangion na tangkas di adopan ni Debata i do na naeng jumpang di ngolu ni huria. Unang be sai adong jumpang angka hasipelebeguon di tongatonga ni ruas ni huria. Tahatindanghon ma pambahenan ni Debata di ngolunta on. Ibana do na manarihon hita.

Nunga tajalo haluaon sian Debata marhitehite Jesus Kristus Tuhanta i. Alai tutu ndang di portibi on hasisingkop ni haluaon i, sieahanta dope muse hombar tu na binagabagahon ni Debata. Molo mian hita dibagasan panindangion na sintong di adopanNa. Ibana do panguhum na tigor i di ari uhum sogot i, asa bongot hita tu sambulo ni tondinta (Pangk. 20: 11 – 15). Tapatuduhon ma hasatiaonta tu Debata saleleng di portibi on. Pardenggan basa jala parasiroha do Tuhanta i, i ma na sai tongtong hatindanghononta di ngolunta on. Martua ma halak na mambahen Jahowa haposanna jala marsomba tu joloNa.