Khotbah Kisah Para Rasul 20: 21-31 "Hidup Untuk Melayani Tuhan"

Minggu 16 Set. Trinitatis; 06 Oktober 2019

20:21 aku senantiasa bersaksi kepada orang-orang Yahudi dan orang-orang Yunani, supaya mereka bertobat kepada Allah dan percaya kepada Tuhan kita, Yesus Kristus.

20:22 Tetapi sekarang sebagai tawanan Roh aku pergi ke Yerusalem dan aku tidak tahu apa yang akan terjadi atas diriku di situ

20:23 selain dari pada yang dinyatakan Roh Kudus dari kota ke kota kepadaku, bahwa penjara dan sengsara menunggu aku.

20:24 Tetapi aku tidak menghiraukan nyawaku sedikit pun, asal saja aku dapat mencapai garis akhir dan menyelesaikan pelayanan yang ditugaskan oleh Tuhan Yesus kepadaku untuk memberi kesaksian tentang Injil kasih karunia Allah.

20:25 Dan sekarang aku tahu, bahwa kamu tidak akan melihat mukaku lagi, kamu sekalian yang telah kukunjungi untuk memberitakan Kerajaan Allah.

20:26 Sebab itu pada hari ini aku bersaksi kepadamu, bahwa aku bersih, tidak bersalah terhadap siapa pun yang akan binasa.

20:27 Sebab aku tidak lalai memberitakan seluruh maksud Allah kepadamu.

20:28 Karena itu jagalah dirimu dan jagalah seluruh kawanan, karena kamulah yang ditetapkan Roh Kudus menjadi penilik untuk menggembalakan jemaat Allah yang diperoleh-Nya dengan darah Anak-Nya sendiri.

20:29 Aku tahu, bahwa sesudah aku pergi, serigala-serigala yang ganas akan masuk ke tengah-tengah kamu dan tidak akan menyayangkan kawanan itu.

20:30 Bahkan dari antara kamu sendiri akan muncul beberapa orang, yang dengan ajaran palsu mereka berusaha menarik murid-murid dari jalan yang benar dan supaya mengikut mereka.

20:31 Sebab itu berjaga-jagalah dan ingatlah, bahwa aku tiga tahun lamanya, siang malam, dengan tiada berhenti-hentinya menasihati kamu masing-masing dengan mencucurkan air mata.

20:21 Tongtong do huhatindangkon tu halak Jahudi nang tu halak Junani hamumuba ni roha tu Debata dohot haporseaon di Tuhanta Jesus Kristus.

20:22 Anggo saonari, songon na diihoti Tondi i do ahu, laho tu Jerusalem; so adong huboto, manang dia na naeng masa tu ahu disi.

20:23 Holan on: Hira di ganup huta dilumbahon Tondi Parbadia, tali dohot na porsuk do sitagamonku disi.

20:24 Alai ndang pola arga hurajumi hosangku, asal ma hupaujung langkangki dohot ulaon naung hujalo sian Tuhan Jesus, i ma na mangkatindangkon barita na uli taringot tu asi ni roha ni Debata.

20:25 Nuaeng pe, huboto do, ndang be idaonmuna bohingku, saluhut hamu na hutopot i paboahon Harajaon i.

20:26 Dibahen i huhatindangkon tu hamu sadari on: Naung lias do ahu sian sapata ni mudar ni saluhut hamu.

20:27 Ai ndang adong hubuati agia aha; tung sahat do hupabotohon tu hamu nasa tahi ni Debata.

20:28 Antong, ramoti hamu ma dirimu ro di sandok panggungan i, ai dipatindang Tondi Parbadia i do hamu gabe simatamatai, asa diparmahani hamu huria ni Tuhan i, na tinobusna marhite sian mudarna sandiri.

20:29 Ai huboto do: Ia dung laho ahu, bongot ma tu hamu, babiat panoro, angka na so mangolani na pinarmahan i.

20:30 Gari sian tongatongamuna sandiri hehe ma halak angka na mamodahon na lipe, mangelaela angka sisean i mangihuthon nasida.

20:31 Dibahen i, dungo ma hamu; ingot hamu ma, na so marpansadian ahu arian dohot borngin tolu taon lelengna paingothon ganup hamu mardongan iluilu.

Di pardalanan ni ngolu dohot ulaon ni Debata di portibi on sai dipangke Ibana do angka jolma na tinompa i mangula rap dohot Ibana pasauthon angka sangkapNa na mansai uli maradophon hajolmaon nang na tinompaNa na asing i, na sumurung asi ni rohaNa mida hajolmaon i, asa unang mago jolma i, alai asa dapotan hangoluan na saleleng ni lelengna marhite Jesus Kristus. Di abad parjolo dijou, dipatau jala ditongos Jesus do angka siseanNa na tubu jala mangolu di Palestina laho manghatindanghon asi ni roha ni Debata di luat i nang di duru ni luat i. Mangula nasida di Palestina nang di duru ni Palestina. Nang sian tongatonga ni angka na tubu di duru ni Palestina pe dijou Jesus Kristus do angka na olo patupa panindangion di asi ni rohaNa i. Sada sian nasida i ma apostel Paulus na mansai hobas manindangi di angka kota na adong di Kekaisaran Romawi di abad parjolo. Dung tubu huria di kota Roma dohot di angka kota na asing di Harajaon ni Romawi dijou Jesus Kristus do marhite angka dalan na gok halongangan angka na olo borhat manghatindanghon asi ni rohaNa, ndang holan di huta nasida sandiri, alai dohot do tu huta ni na asing, na jonok sian hutanasida sahat tu na dao situtu.

Jala sian tongatonga ni halak Kristen Batak pe dijou, diparade, ditongos, dipasupasu, didongani jala disarihon Jesus Kristus na rade manghatindanghon asi ni rohaNa, ndang holan di tongatonga ni angka naung manghaporseai Jesus Kristus, alai dohot do tu tongatonga ni angka na so mian di tongatonga ni halak Kristen Batak. Sahat do nasida manghatindanghon asi ni rohaNa i tu angka houm na soding (suku-suku terasing). Ulaon panindangion di asi ni roha ni Debata i ndang holan asa muba roha ni halak jala marhaporseao di asi ni roha ni Debata, alai dohot do tu ulaon marmahani, mangoloi tona ni Jesus Kristus songon apostel Petrus (Joh. 21: 15-19), asa unang diroro angka babiat panoro angka na porsea di asi ni roha ni Tuhan i, ala ndang holan sian tongatonga ni angka na so porsea di asi ni roha ni Tuhan i ro angka babiat panoro, alai sian tongatonga ni angka na porsea na lilu pe olo do ro angka babiat panoro i (Ulaon 20: 28-31).

Laho mangulahi panjouon ni Debata tu hita marsadasada nuaeng, dipangido as parsidohot manghatindanghon asi ni roha ni Debata i, asa olo muba roha ni donganta jolma, tubu haporseaon nasida di asi ni rohaNa i jala asa tongtong diulahon ulaon marmahani angka na porsea i, songon na pinatupa ni apostel Paulus di panghobasionna. Panindangionna i dipasahat ibana tu tongatonga ni angka sintua na ro sian Miletus dohot na adong di kota Epesus di ujung ni panghobasionna di bagian timur ni harajaon Rom, andorang so borhat ibana tu Jerusalem laho mamboan parbue ni ulaon asi ni roha pinatupana pangkeon ni angka na porsea na marpogos di Jerusalem. Sada hata na marulakulak dipangke apostel Paulus di turpuk on, ima hata Gorik “Diamarturomai” (dari kata kerja martureo), marlapatan manindangi marsitutu, manindangi mardongan parsitutuon. Hata on do na dipangke apostel Paulus manariahon ulaonna manghatindanghon asi ni roha ni Debata nang harajaon ni Debata (ay. 21,23,24,25). Ala na dipatupa ibana ulaon panindangion mardongan parsitutuon i do mambahen ibana mamolus ragam ni haporsuhon. Jala ala panindangion na marsitutu i do umbahen barani ibana manghatindanghon tu angka sintua na ro sian Miletus dohot Epesus na lias do ibana sian sapata ni mudar ni saluhut nasida (ay. 26). Jala panghatindangion di asi ni roha na songon i do na mambahen ibana barani manindangi di jolo nasida na so adong dibuat apostel i sian nasida. Sude nasa tahi ni Debata dipabotohon tu nasida (ay. 27). Panindangion na marsitutu i do na mambahen ibana mangulahon ulaon marmahani angka na porsea i, arian dohot borngin mardongan iluilu. I do tona ni apostel Paulus tu angka sintua na ro sian Miletus dohot na adong di Epesus. Diboto apostel Paulus do, dipudina, gok abatabat na ro sian duru dohot sian bagasan huria i. Alai angka abatabat i, ndang mambahen mansohot manghobasi dohot manghaporseai Tuhan Jesus, alai gabe patanghon (mendewasakan) haporseaon. Ndang mabiar apostel i di angka abatabat na naeng adopan ni huria i. Ala pos do rohana di Tuhan i, na ramotanNa do huriaNa, dipadimundimun Debata marhite Tondi Parbadia do ngolu ni angka na porsea na marsitutu manghatindanghon asi ni roha ni Debata.

Molo marhobas di jolo ni Debata, ndang jadi holan manghobasi songon i boti, alai ingkon marsitutu do, ndang tambatamba ni ulaon, alai prioritas do ulaon marhobas manang manghatindanghon asi ni roha ni Debata. Sada hasangapon do di rajumi apostel Paulus, pamilliton doho t parsuruon ni Kristus asa gabe parbarita na uli ibana, nang pe gok abatabat, pangunjunan, diadopi ibana. I do umbahen, ingkon sian saluhut gogo, roha do mangulahon ulaon panjouon ni Tuhan i. Ummarga do dirajumi ibana panjouon ni Tuhan i sian hosana sandiri. Nang di hita pe angka pangula, ruas dohot sude angka na porsea, ingkon tarajumi jala tahaporseai do sada hasangapon do panjouon dohot pamilliton ni Debata di hita, nang pe godang abatabat dohot pangunjunan na taadopi di na mangihuthon Kristus i. Dohononta ma songon na nidok ni apostel Paulus: “Ai hurajumi angka sitaonon di hasiangan on, hira na so adong do martimbanghon hasangapon sipapataron tu huta sogot (Rom 8: 18)”.

Tapangke ma partingkian on laho manghatindanghon asi ni roha ni Debata marhite ngolu na manghobasi Tuhan i. Nuaeng boha do hita asa unang manalpuhon ngolu dohot tingki on manang menunda waktu laho mangulahon na denggan? Ala na laho salpu do sude (pat. Epistel; Parjamita 3: 1-14). Molo dung salpu ndang adong na boi patupaonta. Didok Tuhan Jesus di Johannes 9: 4 “Ingkon ulaonKu do ulaon ni na marsuru Ahu saleleng arian, ai dung ro borngin, ndang tarbahen mangula disi manang ise”. Ndang dilului Tuhan angka na gogo, angka na pistar nang parsikkola na timbo (nang pe ringkot do nian angka parbinotoan) laho mangula ditongatonga ni huria i, alai na rumingkot di Tuhan i, i ma roha pangoloion, na olo mangalehon dirina jala na satia.