Khotbah Efesus 5: 22-33 "Sehati Untuk Menjalankan Perintah Tuhan"

Minggu 20 Set. Trinitatis; 03 Nopember 2019

5:22 Hai istri, tunduklah kepada suamimu seperti kepada Tuhan,

5:23 karena suami adalah kepala istri sama seperti Kristus adalah kepala jemaat. Dialah yang menyelamatkan tubuh.

5:24 Karena itu, sebagaimana jemaat tunduk kepada Kristus, demikian jugalah istri kepada suami dalam segala sesuatu.

5:25 Hai suami, kasihilah istrimu sebagaimana Kristus telah mengasihi jemaat dan telah menyerahkan diri-Nya baginya

5:26 untuk menguduskannya, sesudah Ia menyucikannya dengan memandikannya dengan air dan firman,

5:27 supaya dengan demikian Ia menempatkan jemaat di hadapan diri-Nya dengan cemerlang tanpa cacat atau kerut atau yang serupa itu, tetapi supaya jemaat kudus dan tidak bercela.

5:28 Demikian juga suami harus mengasihi istrinya sama seperti tubuhnya sendiri: Siapa yang mengasihi istrinya mengasihi dirinya sendiri.

5:29 Sebab tidak pernah orang membenci tubuhnya sendiri, tetapi memelihara dan merawatnya, sama seperti Kristus terhadap jemaat,

5:30 karena kita adalah anggota tubuh-Nya.

5:31 Sebab itu, laki-laki akan meninggalkan ayahnya dan ibunya dan bersatu dengan istrinya, sehingga keduanya itu menjadi satu daging.

5:32 Rahasia ini besar, tetapi yang aku maksudkan ialah hubungan Kristus dan jemaat.

5:33 Bagaimanapun juga, bagi kamu masing-masing berlaku: Kasihilah istrimu seperti dirimu sendiri dan istri hendaklah menghormati suaminya.

5:22 Dioloi angka parompuan ma baoana be, songon pangoloi di Tuhan!

5:23 Ai baoa i do ulu ni pardihutana, songon Kristus ulu ni huria i; laos Sipangolu daging i do Ibana.

5:24 Alai songon pangoloion ni huria di Kristus i, songon i ma angka parompuan maradophon baoana be di na saluhutna.

5:25 Hamu angka baoa, haholongi hamu ma pardihutamuna be songon Kristus, na mangkaholongi huria i jala dilehon do dirina humongkopsa;

5:26 asa diparbadiai, dung diiasi marhitehite na mandidihon aek di bagasan Hata i.

5:27 Jala sangap do dipadiri di Ibana huria i, so marlindang, so marhalingking, manang marhahurangan dia pe, asa badia tahe jala so hasurahan.

5:28 Songon i do patut haholongan ni angka baoa pardihutana be, songon dagingna sandiri. Na mangkaholongi pardihutana, dirina do hinaholonganna disi.

5:29 Ndang dung dihosomi jolma dagingna, diparmudumudu do jala dipainuinu, songon pambahen ni Kristus tu huria i.

5:30 Ai ruas ni dagingna do hita.

5:31 "Ala ni i, tadingkonon ni halak do amana dohot inana, mangangkupi dongan saripena; jala gabe sada daging do nasida na dua i!"

5:32 Tung na balga do hahomion on; alai tu Kristus dohot tu huria i huhonahon.

5:33 Alai sandok ganup hamu, masihaholongi pardihutana be songon dirina; alai dihabiari parompuan i ma baoana!

Las do roha ni sude jolma molo pasupasu na jinalona sumurung sian na jinalo ni donganna. Alai na jotjot dihalupahon i ma molo gumodang pasupasu dijalo, tanggungjawab na pe sasintongna tong do ingkon gumodang. Isarana, mansai las do rohanta molo didok: ditompa do jolma i tumiru rupa ni Debaa, tudos tu pangalahoNa, na somal digoari Imago Dei (segambar dengan Allah). Hasurungan ni jolma do Imago Dei i sian angka na tinompa na asing, alai udut do tusi nang tanggungjawab na sumurung i ma papatarhon hasangapon ni Debata. Molo tajalo silehonlehon na balga, isara huaso, udut do tu si nang tanggungjawab na balga. Laos i do siondolhonon sian turpuk on hombar tu judul perikop di Bibelta, i ma pardongansaripeon ni halak Kristen. Mansai bagas jala uli do hinamham ni Hata ni Debata on alai sipata sala diantusi na deba. Adong do na mamangke turpuk on laho mangondolhon “huaso” ni baoa (suami) di rumatangga, na manghorhon ndang boi ina mangalo ama. Na deba nari, i ma angka pendukung kesetaraan gender mangusulhon asa unang be diondolhon “haunduhon ni boruboru” manang asa diganti hata “dioloi angka parompuan ma baona be”, ala bentuk penindasan do i tu parompuan, ninna nasida.

Molo tangkas tajaha turpuk on, antusanta ma ia ruhut ni pardongansaripeon dipatudos do songon hubungan ni Kristus tu huria. Kristus do Ulu ni huria, alai ndang adong digombarhon diturpuk on na marlomolomo Krostus di huria i. Posisi ni Uluan gumodang do idaonta marpardomuan tu tanggungjawab sian tu huaso. Marhuaso do Kristus di huria, alai molo sai lam tajaha, ndang apala adong diondolhon di turpuk on huaso “hauluan” ni Kristus, baliksa na diondolhon i ma tanggungjawab ni Kristus maradophon huria. Sipangolu daging do Ibana (ay. 23), songon ulu ni huria, bertanggungjawab do Kristus pangoluhon huria. Marusaha do Kristus asa unang mate manang matemate be huria i. Pangoluon ni Tuhan Jesus do huria na niuluhonNa i asal ma olo jala rade hita dipangolu. Manghaholongi huria jala mangalehon diri humophopsa (ay. 25), songon Uluan, dihaholongi Kristus do huria i. Ndang holan diriNa dihaholongi Kristus, alai sude do na niuluhonNa. Tanda na holong roha ni Kristus di huria, dipelehon Ibana do diriNa pola mate tarsilang humophop hita. Laos on do pos ni rohanta songon halak Kristen dihaholongi Tuhan Jesus do hita. Pabadiahon jala pasangaphon huria (ay. 26-27), ndang tarbahen huria i sangap jala badia sian dirina alani diparbadiai jala dipasangap Tuhan Jesus do huria na niuluhonNa i. Jadi, ndang adong sasintongna huria na lea, tung pe otik ruasNa, tung metmet pe bangunanna. Sangap jala badia do sude huria alai ndada ala hasangapon ni ruas nang parhaladona, holan ala diparsangapi jala diparbadiai Kristus, Ulu ni huria i do.

Dung dipangolu, dihaholongi, diparbadiai, jala diparsangapi Kristus huria i dialusi huria i ma marhite na mangoloi Kristus. Tanggungjawab ni ruas i ma mangoloi Kristus, ulu ni huria i. Gabe sungkunsungkun dihita, nunga taoloi Kristus di nasa panggulmiton ni ngolunta? Manang hagiot ni dagingta dope na taihuthon? Molo las rohanta Kristus na manguluhon hita, lapatanna ingkon dibagasan las ni roha do hita mangoloi Ibana; unduk tu hata nang parsuruan ni Kristus ma hita. Sada na umbalga sian parsuruonNa i ma manghaholongi dongan jolma doshon dirinta. Lam tangkas ma on tahangoluhon di ngolu pardongansaripeon songon na dipaingot di turpuk on.

Molo diondolhon na baoa i do uluan ni rumatangga, ndang na mangondolhon huaso i, alai tanggungjawab do. Pasupasu na balga do tu angka ama posisi gabe uu ni pardihutana, alai dihamham i do nang tanggungjawab na balga. Songon uluan ni huria, dihaholongi Kristus do huria i, alani songon uluan angka baoa, ingkon dihaholongi ma pardihutana. Ndang boi marlomolomo baoa tu pardihutana (ay. 25), ndang boi holan guru dokna. Tanggungjawab ni baoa i songon uluan, i ma manghaholongi pardihutana songon dagingna sandiri (ay. 28). Patik raya paduahon na dos songon patik na parjolo i ma, “Sihaholonganmu do donganmi doshon dirim!” (Mat. 22:39). Apala dogan jolma na so adong partalianna ingkon haholongan, lam ma dongan saripeniba naung gabe sada daging. Ndang adong jolma na manghosomi dagingna, alani ndang mungkin sahalak ama pulut rohana mamungkul ripena, ala dos do i mamungkul dagingna sandiri ai nunga sada daging nasida. Molo didok baoa i do ulu ni pardihutana, lapatanna haholongan ni baoa i ma pardihutana doshon dirina, rade berkorban asal ma mangolu jala sangap ripena i, songon na niula ni Kristus maradophon huria. Hajongjongan ni baoa maradophon ripea i ma parmudumuduhon jala painuinuhon (ay. 29) nionjar ni holong ni roha. I do umbahen ingkon tangkas antusanta ia dasor parrumatanggaon ni halak Kristen i ma holong na sian Debata, holong na rade berkorban.

Dung i tanggungjawab ni boruboru/isteri i ma mangoloi jalamanghabiari baona (ay. 22,24,33). Gabe penindasan do tutu turpuk on molo dilapati songon pangoloion na mutlak, na so marbatas, hape sasintongna ndang hea diajarhon hata ni Debata haunduhon na mutlak maradophon dongan jolma songon na tarsurat di Ulaon ni Apostel 5: 29 “Ingkon oloan do iba di Debata asa dijolma!” Pangoloion tu jolma termasuk pangoloion tu suami, ingkon dibagasan pangoloion tu Debata. Molo maralo nidok ni suami tu lomo ni roha ni Debata, berhak do parompuan i manulak manang mangalo. Tangkas do i disurathon di turpuk on, i ma di ayat 22, “Dioloi angka parompuan ma baoana be, songon pangoloi di Tuhan!” Patar do batas ni pangoloion ni parompuan i, i ma dibagasan pangoloionna tu Tuhan, ndang adong dihamham turpukta on pangoloion na membabibuta. Lam dipahantus muse haunduhon na terbatas on di ayat 24, ”Alai songon pangoloion ni huria di Kristus i, songon i ma angka parompuan maradophon baona be di na saluhutna”. Huria i mangoloi Kristus, ala naung jumolo do Kristus mangulahon tanggungjawabna songon uluan, i ma manghaholongi jala berkorban. Suang songon i ma nang pangoloion ni parompuan maradophon baoana, ingkon na jumolo ma nian baoa i patuduhon tanggungjawabna songon uluan, i ma manghaholongi pardihutana songon pamatangna sandiri. Molo tajaha do turpuk on tangkas, taantusi ma na so adong penindasan tu angka parompuan. Jala molo taparrohahon, gumanjang do parenta tu baoa i sian tu parompuan. Antong, taingot ma ia ojahan pardongansaripeon ni halak Kristen i ma holong ni roha. I do umbahen didok di tema minggu “Saroha sapingkiran di bagasan Tuhan i”. Saroha sapingkiran ma huria i mangoloi Kristus Ulu ni huria. Saroha sapingkiran ma baoa dohot parompuan di pardongan saripeonna, masihaholongan dibagasan holong na sian Kristus.