Khotbah Yohanes 1: 14-18 "Firman Yang Menjadi Manusia"

Minggu Advent II; 08 Desember 2019

1:14 Firman itu telah menjadi manusia, dan diam di antara kita, dan kita telah melihat kemuliaan-Nya, yaitu kemuliaan yang diberikan kepada-Nya sebagai Anak Tunggal Bapa, penuh kasih karunia dan kebenaran.

1:15 Yohanes memberi kesaksian tentang Dia dan berseru, katanya: "Inilah Dia, yang kumaksudkan ketika aku berkata: Kemudian dari padaku akan datang Dia yang telah mendahului aku, sebab Dia telah ada sebelum aku."

1:16 Karena dari kepenuhan-Nya kita semua telah menerima kasih karunia demi kasih karunia;

1:17 sebab hukum Taurat diberikan oleh Musa, tetapi kasih karunia dan kebenaran datang oleh Yesus Kristus.

1:18 Tidak seorang pun yang pernah melihat Allah; tetapi Anak Tunggal Allah, yang ada di pangkuan Bapa, Dialah yang menyatakan-Nya.

1:14 Gabe daging ma Hata i jala maringan di tongatonga ni hita on, jadi huida hami ma hasangaponna, i ma hasangapon ni Anak sasada na sian Ama i, gok asi ni roha dohot hasintongan.

1:15 Dihatindangkon si Johannes do Ibana, ai ninna ma: On do Ibana na hudok i, na ro sian pudingku; jumolo do Ibana adong asa ahu, ai parjolo hian do Ibana.

1:16 Ai sian hamoraonna do saluhut hita manjalo, i ma asi ni roha na so marnamontok.

1:17 Ai marhite sian si Musa do dilehon anggo patik i; alai hinorhon ni Jesus Kristus do manjadi asi ni roha dohot hasintongan.

1:18 Ndang dung adong na marnida Debata; Anak na sasada i, na di ampuan ni Ama i, Ibana do mamaritahonsa.

Mansai maol do konsep inkarnasi ni Debata na gabe jolma tarjalo pingkirang ni jolma secara umum, ala dietong do i konsep “na so masuk angkal ni jolma”. Ala dihaporseai, Debata mansai dao sian jolma, Debata na badia situtu, na so terbatas, ndang mungkin gabe jolma na terbatas. Boha do parjadina Debata na hot salelenglelengna (kekal) gabe jolma? Boasa Debata ingkon gabe jolma? Ai ndang boi huroha Debata mangajari sude jolma di portibi on so pola ingkon gabe jolma asa unang mangulahon dosa be jolma i? Ndang mura mangalusi sungkunsungkun i, ala esensi ni sungkunsungkun i mangondolhon superioritas ni jolma hira so mardosa. Molo tadok cukup ma Debata mangajari jolma asa unang mangulahon dosa, ndang pola ingkon gabe jolma Debata, i ma na naeng mandok “naung denggan do jolma i, alani cukup ma holan diajari” Debata jolma i taringot tu hasintongan, ndang porlu be panobusion dibagasan Jesus Kristus. On ma pamingkirion na ro sian pangajaran “Tabularasa” na mandok ndang mardosa do pe di tingki tubu jolma (songon harotas na bontar). Molo mardosa pe jolma alani pengaruh ni lingkungan do i. Toho do konsep pemikiran na songon i? Molo toho do konsep pemikiran na songon i, boasa boi margabus dakdanak dung diboto manghatai nang pe ndang hea diajari natorasna manang lingkunganna? Sian dia do boi dakdanak ne metmet boi dipengaruhi lingkungan hape ndang diantusi manang aha?

Alai adong do muse konsep na asing mandok “nunga mardosa jolma mulai tubu” (dosa asal). Dosa asal na mambahen jolma i gabe hatoban ni dosa. Na marlapatan dosa na lohot dibagasan diri ni jolma sian mulai tubu (dosa asal) mambahen jolma i tarihot tu dosa jala diparhatoban dosa i do jolma sian tubu (Rom 7: 17-20). Antong boha do jolma i paluahon dirina sian dosana? Boi do marhite pangulaon na denggan (amal baik). Pingkiran na mandok, marhite na mangulahon na denggan boi do jolma i malua sian dosana. Hira na boi ulaon na denggan manutupi dosa ni jolma. Ujungna motivasi manang tujuan ni jolma mangulahon na denggan i ma asa malua ibana sian dosa. Na marlapatan, ndang dihaporluhon jolma i be Debata molo naeng malua ibana sian dosana, ala boi do jolma i paluahon dirina sandiri sian dosana marhite ulaon na dengga. Alai na gabe sungkunsungkun nuaeng, boha do ujungna, molo ndang boi malua jolma sian dosana nang pe diulahon jolma i ulaon na denggan?

Tontu ndang olo be jolma i mangulahon na denggan ai marisuang do angka pambahenanna na denggan saleleng di ngoluna. Alani cara berpikir ni jolma na mandok boi do jolma malua sian dosana marhite angka ulaon na denggan, i ma pingkiran na so boi dipertanggungjawabkan. On do kegagalan agama Antroposentris, na mangondolhon ulaon na denggan (amal baik) boi paluahon jolma sian dosana. Alani i do ndang tarpalua jolma be dirina sian dosa marhite pambahenan na denggan. Jala ndang margogo jolma mangulahon angka ulaon na denggan molo dibagasan dosa dope jolma i, ala diparhatoban dosa dope jolma i. Antong molo ndang margogo jolma i mangulahon na denggan ala dibagasan dosa dope ibana, boha do mungkin ulaon na denggan boi paluahon jolma sian dosa? Ndang mungkin.

Molo songon i aha do na ingkon ulaohonon ni jolma i asa malua sian dosana? Adong do jolma na berusaha manutupi dosana marhite na holan manopoti sude dosana, jala sesa ma sude dosana. Toho do pingkiran na songon on? Ndang. Ndang sae holan manopoti dosa hita, alai ingkon adong do panobusion sian dosa, asa malua hita sian dosa. Boasa porlu panobusion (pembayaran hutang dosa)? Ala jolma na mardosa i ma na marutang tu Debata. Di Padan Narobi tarsurat do di 5 Musa 21: 22 “Tung sura manang ise mambahen dosa, umbahen patutu ibana marutang hosa, gabe saut ibana tarbunu, pola targantung ibana tu hau”. Didok do “na marutang hosa”, na marlapatan na marutang hosa do hita alani dosanta. Molo didok na marutang hosa, na marlapatan ingkon mate hita alani dosanta. Targarar hita do dosanta i marhite hosanta asa malua hita sian dosanta asa parsidohot hita di ngolu na salelenglelengna? Ndang boi targarar hita dosanta! Boha do bahenon ni halak na mate alani dosana, laho manggarar utang ni hosana? Tarbahen halak na mate do manggarar utang ni dosana? Ndang tarbahen halak na mate manggarar utang ni dosana, ala nunga mate jolma na mardosa i alani dosana.

Antong boha ma asa targarar jolma na mate i dosana? Ingkon jolma na so mardosa, i ma Debata marhite Jesus Kristus na boi manobus hita sian dosanta nang hamatean i. Ingkon Debata sandiri do na boi manobus hita sian dosanta asa malua hita sian dosanta nang hamatean. Alani do ingkon gabe jolma Debata (inkarnasi) marhite Jesus Kristus na mate di hau pinarsilang. Debata do hata i, jala gabe daging ma Hata ni Debata, na marlapatan Debata do na gabe jolma marhite Jesus Kristus. Marhite hadaulaton ni Debata na melampaui pingkiran ni jolma na terbatas, ingkon gabe jolma Debata laho manobus jolma sian dosa. Debata na gabe jolma dibagasan Jesus Kristus 100% Debata jala 100 % jolma. Adong do na mandok ndang masuk angkal ni jolma i. Memang ndang masuk angkal ala terbatas do pingkiran ni jolma, alai masuk angkal do i di Debata, ala na badia jala na marhuaso hot salelenglelengna do Debata. Ingkon gabe jolma do Debata asa boi ditobus Ibana hita sian dosa. Alani do Jesus Kristus memiliki natur manusia, ai ndang boi mate Debata, alai jolma boi do mate. Marhite na gabe jolma Debata (dwi natur), gabe boi mate Ibana jala hehe mangolu muse manobus jolma sian dosa. Di son ma tangkas taantusi lapatan ni Pribadi ni Debata na hot manang na kekal dohot pribadi ni jolna ba so hot manang na so kekal. Holan dibagasan Kristus do i tarida jala terwujud.

Inkarnasi patuduhon haserepon ni roha ni Debata. Marhite i ma naeng lam tarida haserepon ni roha dibagasan ngolunta. Tapadao ma pangalaho na paburnangburnang diri tu dongan, pangalaho na sai menonjolkan diri, nang sude pangalaho na patuduhon haginjangon ni roha. Haserepon ni roha mardomu do tu ngolu na olo berkorban. Berkorban mangulahon na denggan nang angka ulaon na hinalomohon ni Debata. Tasulingkit ma rohanta di sude motivasi ni ngolunta, aha do motivasinta molo taurupi donganta? Asa dapot pujia do hita, manang ala adong do di hita semangat berkorban tu dongan? Songon Debata na mamelehon dirina