Khotbah Markus 7: 1-8 "Memelihara Perintah Allah Dengan Benar"

Minggu Sexagesima; 16 Februari 2020

7:1 Pada suatu kali serombongan orang Farisi dan beberapa ahli Taurat dari Yerusalem datang menemui Yesus.

7:2 Mereka melihat, bahwa beberapa orang murid-Nya makan dengan tangan najis, yaitu dengan tangan yang tidak dibasuh.

7:3 Sebab orang-orang Farisi seperti orang-orang Yahudi lainnya tidak makan kalau tidak melakukan pembasuhan tangan lebih dulu, karena mereka berpegang pada adat istiadat nenek moyang mereka;

7:4 dan kalau pulang dari pasar mereka juga tidak makan kalau tidak lebih dahulu membersihkan dirinya. Banyak warisan lain lagi yang mereka pegang, umpamanya hal mencuci cawan, kendi dan perkakas-perkakas tembaga.

7:5 Karena itu orang-orang Farisi dan ahli-ahli Taurat itu bertanya kepada-Nya: "Mengapa murid-murid-Mu tidak hidup menurut adat istiadat nenek moyang kita, tetapi makan dengan tangan najis?"

7:6 Jawab-Nya kepada mereka: "Benarlah nubuat Yesaya tentang kamu, hai orang-orang munafik! Sebab ada tertulis: Bangsa ini memuliakan Aku dengan bibirnya, padahal hatinya jauh dari pada-Ku.

7:7 Percuma mereka beribadah kepada-Ku, sedangkan ajaran yang mereka ajarkan ialah perintah manusia.

7:8 Perintah Allah kamu abaikan untuk berpegang pada adat istiadat manusia."

7:1 Dung i rap marpungu ma tu jolona angka Parise dohot deba sian angka sibotosurat, naung ro sian huta Jerusalem.

7:2 Jadi diida nasida ma deba sian angka siseanna, na jorjor mangan roti, so jolo marburi.

7:3 Ai anggo halak Parise nang nasa Jahudi, ndang olo mangan, ia so jumolo tangkas diusa tanganna mangihuthon adat ni angka situatua.

7:4 Na sian onan pe, ndang dipangan, so jolo diuras, jala godang dope na asing ditiop siradotan, songon pamurion di angka panginuman, gendi dohot hudon.

7:5 Jadi disungkun angka Parise dohot angka sibotosurat ma Ibana: Boasa so diihuthon angka siseanmi adat ni angka situatua, ai ramun do tanganna mangan roti?

7:6 Alai ninna Ibana ma mandok nasida: Sintong do dapot di hamu pangansi na sinurirangkon ni si Jesaya, songon na tarsurat i: "Dipapujipuji pamangan ni bangso on do Ahu; alai ia rohanasida dao do sian Ahu!"

7:7 "Jala magopo do pambahennasida pasangaphon Ahu, ai patikpatik ni jolma do dipodahon nasida."

7:8 Ai tading do patik ni Debata dibahen hamu, laho mangaradoti adat na sian jolma.

Di angka parugamo di portibi o sai adong do ruhutruhut parugamoon, na dipatupa laho mangatur parsaoran na denggan dohot Debata nang dongan jolma. Di tongatonga ni bangso Jahudi di partingkian ni Jesus, tarlumobi di Palestina, atik pe bangso i dirajai Kekaisaran Romawi, adong do tong uluan/parhuaso ugamo di nasida, i ma na niuluhon ni angka Malim Bolon, na marhuaso di bagas joro di Jerusalem. Nasida ma panungkunan nang mangaturhon songon dia bangso Jahudi uju i marsaor dohot Debata nang dohot dongannasida jolma. Rap dohot manang mandongi nasida adong do angka uluan pangajari, isarana, angka halak Saduse, halak Farisi, angka rabbi, nang angka sibotosurat. Atik pe asing ondolan pangajarionnasida alai sada do sangkapnasida, i ma mangurupi parugamo Jahudi mangantusi dohot mangihuthon ruhutruhut parugamoon na mangaturhon parsaoran dohot Debata nang dohot dongan jolma. Sangkapnasida i ma beha asa boi unduk nasida tu patik ni Debata, tarlumobi tu patik habadiaon. Ia patik habadiaon i ndang holan taringot songon dia badia manomba Debata nasida di Jerusalem. Alai dohot do nang di ngolunasida siganup ari di jabu, di parsaoran dohot dongan jolma ang di ulaon siganup ari tongtong badia nasida. Isarana, na mardomu tu parmanganon dohot sipanganon, ingkon jagahonon do tarlumobi dia sipatupaon andorang so mangan, i ma jolo marburi. Jala sipanganon na songon dia na boi panganon. Ai molo so jamot disi, ninna gabe rumar do pamatang. Ramun do di jolo ni Debata molo ndang jolo binuri tangan andorang so mangan.

Nunga dipatupa halak Jahudi jala nunga diajarhon halak Farisi dohot sibotosurat pangantusion marparangehon habadiaon si songon i songon sada adat, napinungka ni sijolojolo tubu, ndang jadi so patupaon. Ndang jadi aloon. Nunga gabe hasintongan mangihoti tu sude. Alani i do di turpuk jamitanta ditihai halak Parise dohot Sibotosurat naung tuat sian Jerusalem tu sada huta tondongkon ni Genesaret (Mrk. 6: 53) angka sisean ni Jesus na diidanasida tongon jojor mangan roti so jolo marburi (Mrk. 7: 2,5). Denggan do panghangoluhonon ni patik ni Debata na songon i? Denggan do manihai dongan na so sapangantusion dohot iba di ruhutruhut habadiaon domu tu sipanganon sisongon i, na mamaksahon tradisi, adat na niantusan tu angka na so sapingkiran dohot sapambahenan sisongon i? Mangihuthon Tuhanta Jesus, ndang denggan. Gariada di panghataionNa dohot natorop dung panghataion dohot halak Parise dohot Sibotosurat na sian Jerusalem, dumao sian i dope dipatorang Jesus. I ma, ndang holan pamarangehon patik ni Debata na songon i ditulak Jesus, alai sahat do tu pangantusion na mandok boi sipanganon mambahen ramun iba dijolo ni Debata. Dua na mangihut on ma didok Jesus tu nasida mangojahi tu nasida:

Naparjolo, parange pangansi do nasida. Marhite na mamangke hata ni Debata pinatolhas ni panurirang Jesaya didok ma, ia nasida angka na pasangaphon Debata di pamangan, alai di roha nasida padao diri sian Debata (Jes. 29: 13; Mrk. 7: 6). Patik ni jolma do na diradoti nasida, ndang patik ni Debata. Napaduahon, pangantusion na mandok boi sipanganon mambahen ramun jolma i pe dialo Jesus do, “Ndang na masuk tu pamangan ni jolma i na mambahen ibana rumar manang ndang badia. Alai na ruar sian jolma i do na mangaramuni ibana (Mrk. 7: 14-15). Jala, dipagas Jesus do i marhite na mangajarhon, na ruar sian jolma i do na mangaramuni ibana. Ai sian bagasan roha ni jolma i do ro pingkiran na jahat, parmainanon, panangkoon, pamunuon, pangalangkupon, pangahution, hajahaton, pangansion, pargadombuson, pangorgangon, panginsahion, ginjang dohot neang ni roha (Mr. 7: 21-22)”.

Molo tapamanat angka na masa nuaeng, suraon do tongon margurasa di tongatonga ni hakristenon nuaeng on lam mangondolhon songon na niondolhon ni halak Parise dohot Sibotosurat i, na mandok na boi do ramun sasahalak di jolo ni Debata siala ni cara ni ibana mangan manang dia na pinangan. Di Hakristenon di abad parjolo sanga do margurasa na songon i. Laho mangalo i disurat angka uluan ni huria i ma angka surat, isarana surat surat Pastoral: Titus, 1 dohot 2 Timoteus, Judas. Sanga do tong di pardalanan ni hakristenon sian abad paduahon sahat tu abad pa-16-hon margurasa situtu pangantusion na songon i. Dung pe ro partingkian reformasi asa dialo angka huria na protestan ma pangantusion na songon i. Sian abad pa-16-hon sahat tu nuaeng pe sai tubu jala maherbang do na nialo ni Tuhan Jesus dohot na nialo ni reformasi. Pangantusion reformasi, i ma na mulak muse tu pangajarion ni Jesus songon na tarsurat di Markus 7: 1 – 8. Adong do tong di tonga ni halak Kristen patupa songon na binahen ni halak Parise dohot Sibotosurat i. Diida nasida angka na so sapingkiran, sapangantusion di dalan patupa patik ni Debata didok nasida ndang tutu manang ndang hibul dope hakristenonna. Suraon do ingkon manghuling pangaloon sinoarahon ni Jesus i nuaeng, ala lam martumbur jala maherbang taida torop na mamujimuji Debata di pamanganna, pola mansai balga biaya dipangke tusi, na parpudio na pataridahon marhite mangendehon dohot mandok na denggan mamuji Debata di medsos, digitalisasi, alai di rohanasida sai dipatupa angka na maralo tu patik ni Debata.

Na tong mansai ringkot siparateatehononta domu tu topik ni jamitanta on, i ma hinaringkotta meret sian holan na manulak pangantusion na tinulak ni Jesus i naung tagoari nangkin, i ma mamujumuji Debata alai roha dao sian Debata tu na mangulahon pangantusion na denggan na niajarhon ni Tuhan Jesus uju mangalo na so denggan i, marhite na manjagahon asa pangulahononta di patik ni Debata iingkon marharoroan sian rohanta do, na niida ni Debata, i ma roha na sai pajonok diri tu Debata, sai manghasiholi dohot mangulahon lomo ni roha ni Debata. Songon na tinonahon ni apsotel Paulustu huria Pilippi, songon on ma rumang ni siulahonon: Angkup ni i, ale angka dongan, pingkiri hamu ma nasa parange na sintong, na daulat, na tigor, na bontor, na uli, na denggan begeon ro di sude na targoar haburjuon, na tau pujipujian! Ulahon hamu ma na ginuruhonmuna, na jinalo, na binege jala na niidamuna di ahu; dung i donganan ni Debata Sipardame i ma hamuna (Pilippi 4: 8-9). Laos di hita halak Kristen Protestan ringkot do pangantusion on tapeop, “Umbahen tasangkapi dohot taulahon pe patik ni Debata ndang asa tigor jala tumigor manang umbadiaan hita di jolo ni Debata nang di jolo ni jolma, alai ala naung pinatigor pinarbadiaanNa do ngolunta, pola dipelehon diriNa di hau pinorsilang. Mardonganhon hagogoon dohot habisuhon na sian Ibana do hita boi patupahon i di ngolu, ulaon nang parsaoranta, molo tung alani hagaleonta madabu hita tu bagasan dosa, taingot ma muba marhite na manjonohi habangsa parasianNa”.