Khotbah Mazmur 112: 1-10 "Kebahagiaan Orang Yang Takut Akan Tuhan"

Minggu Septuagesima; 9 Februari 2020

112:1 Haleluya! Berbahagialah orang yang takut akan TUHAN, yang sangat suka kepada segala perintah-Nya.

112:2 Anak cucunya akan perkasa di bumi; angkatan orang benar akan diberkati.

112:3 Harta dan kekayaan ada dalam rumahnya, kebajikannya tetap untuk selamanya.

112:4 Di dalam gelap terbit terang bagi orang benar; pengasih dan penyayang orang yang adil.

112:5 Mujur orang yang menaruh belas kasihan dan yang memberi pinjaman, yang melakukan urusannya dengan sewajarnya.

112:6 Sebab ia takkan goyah untuk selama-lamanya; orang benar itu akan diingat selama-lamanya.

112:7 Ia tidak takut kepada kabar celaka, hatinya tetap, penuh kepercayaan kepada TUHAN.

112:8 Hatinya teguh, ia tidak takut, sehingga ia memandang rendah para lawannya.

112:9 Ia membagi-bagikan, ia memberikan kepada orang miskin; kebajikannya tetap untuk selama-lamanya, tanduknya meninggi dalam kemuliaan.

112:10 Orang fasik melihatnya, lalu sakit hati, ia menggertakkan giginya, lalu hancur; keinginan orang fasik akan menuju kebinasaan.

112:1 Martua ma baoa na mangkabiari Jahowa, na lomo roha situtu di angka patikna!

112:2 Sangap ma pinomparna i sogot di tano on, dapotan pasupasu ma sundut ni angka partigor sogot.

112:3 Hamoraon marlobilobi di bagasan jabuna, jala hot do hatigoranna i ro di salelenglelengna.

112:4 Sai * binsar do di partigor i hatiuron di haholomon, sian Ibana pardengganbasa, parasi roha jala na bonar.

112:5 Mardohar ma baoa na asi roha dohot na pasalihonsa, tarondolhonsa ma angka hatana di paruhuman.

112:6 Ndang tagamon humordit ibana salelenglelengna, marbarita salelenglelengna do partigor i.

112:7 Ndang tagamon mabiar ibana binahen ni barita hinamago, nalom do rohana marhaposan tu Jahowa.

112:8 Marsitiopan do rohana, ndang mabiar ibana, paima * idaonna pamaloson tu angka alona i.

112:9 * Manaburi ibana, mangalehon tu angka na pogos, hot do hatigoranna i ro di salelenglelengna, * timbul ma tandukna sogot di bagasan hamuliaon.

112:10 Idaon ni parjahat i ma i sogot, jala hagitikhononna, * patungoripon ma iponna jala malangke ibana, matua lonong do pinangido ni angka parjahat i.

Tandi situtu do parasinga ni halak partigor, sihabiari Jahowa sian halak parjahat, na so manghabiari Jahowa. Atik pe malo sasahalak manabunihon, alai tong do boi haidahan i sian gulmit ni parngoluonna siapari. Boasa ringkot taringotanta parasingan ni naduaon laho mamuhai jamita on? Siala tung i nama doras ni panosak ni arus ni haportibi on, hamongkuson, debata sileban dohot lan angka na asing na ro sian duru maradophon bangso ni Debata di ujung ni periode Persia. Gabe ringkot situtu nalnal di hatiha i di nasa parasingan ni halak partigor (sihabiari Jahowa) sian halak parjahat (na so manghabiari Jahowa). Dia do lapatan ni biar mida Jahowa? Parsaoranta do manghamham roha biar mida Jahowa di Padan na Robi. Parsaoranta dohot Debata mangonjar roha biar mida Jahowa. Manghabiari Jahowa, ndada marlapatan tahuton manang godor (secara negatif) mida Jahowa alai mangolu dibagasan roha na hormat mida Jahowa, jala marlomo ni roha mida patik ni Jahowa (ay. 1). Dia do parasingan ni halak partigor sian halak parjahat?

Parjolo, pasupasu marsundutsundut do jangkonon ni angka partigor (ay. 2), alai molo angka parjahat i, patungoripon ma iponna jala malangke ibana, matua lonong do pinangido ni angka parjahat (ay. 10). Dung i, hamoraon marlobilobi dibagasan jabuna, jala hot do hatigoranna i ro di salelenglelengna (ay. 3). Ndang na mandok ingkon sarombang haporseaon dohot hamoraon songon na masa di budaya Timur Kuno hatiha ni turpuk on, ingko dumenggan do hasil ni na niula nasida, dumenggan kemampuan ekonomina, jala gumogo militerna. Tontu ndang na laho manaringoti hamoraon secara fisik parpsalmen dison. Marasing do hatuaon ni halak partigor sian parjahat. I ma arta na so ra suda sisalelengna do molo hamoraon ni bangso Israel. Paduahon, sai binsar do di partigor i hatiuron di haholomon, sian Ibana pardengganbasa, parasiroha jala na bonar (ay. 4). Jahowa do sinondang na binsar i, laho sumondangi ngolu ni halak partigor di tongatonga ni portibi on. Disondangi Jahowa partigor i mangulahon na nidok ni ayat 5 di turpuk on, bermurah hati tu angka na manghaporluhon, mangulahon keadilan dohot sintong. Patoluhon, ndang tagamon humordit ibana salelenglelengna, marbarita salelenglelengna do partigor i. Ndang tagamon mabiar ibana binahen ni barita hinamago, nalom do rohana marhaposan tu Jahowa (ay. 6-7). Gombaran ni ngolu ni halak partigor ndada holan na dipadao sian mara (ay. 6), dipadao sian fitnah (ay. 7), dohot sian kekerasan (ay. 8), alai dibagasan diri ni partigor i dilehon Debata gogo laho mangadopi hinamago. Ndang adong be barita hinamago na tuk mangago halak partigor. Ala gok di Jahowa do haporseaon dohot pos ni roha na. Ndang na mandok ndang adong be hamaolon dohot sitaonon na boi songgop tu sasahalak na manghabiari Jahowa, alai dirajumi ibana do saluhutna i manumpak tu na denggan bahen hasangapon di Debata. Paopathon, manaburi ibana, mangalehon tu angka na pogos, hot do hatigorana i ro di salelenglelengna, timbul ma tandukna sogot di bagasan hamuliaon (ay. 9). Diulahi muse patudu parasingan ni halak partigor (ay. 9) sian halak parjahat (ay. 10) songon na di ayat 3 ondeng. Alai di ayat 9 on morot ma partigor i sian hatuaon tu habasaon, tubu tu lomo ni roha (ay. 9), sian na managam jala manjalo pasupasu (ay. 1) tu na gabe pasupasu (ay. 9), alai sabalikna do na masa molo tu angka parjahat. Ngolu na patungoripon iponna jala malangke. Boi dohonon sasingtongna sada hatuaon (kebahagiaan) do di halak Batak ulaon masilehonlehon, alani do asa adong pandohan ni halak Batak “hansit mulak manjalo, hansitan do mulak mangalehon”.

Hira na maol do mangalului halak partigor na nidok ni turpuk on di partingkianta si nuaeng. Alai molo sai lam tapamanat, tagamon dope boi jumpang angka halak partigor di partingkian on, isarani halak na ginosagosa alai tongtong mabiar mida Jahowa, marsitutu mangoloi Jahowa atik pe dokdok parsorionna. Hatuaon ni halak partigor na parjolo ima dipasupasu (ay. 1) asa gabe pasupasu (ay. 2-9). Ndang hagoaran martua sasahalak molo sai holan na pagukgukhon tu dirina. Ingkon dirajumi halak Kristen dirina gabe pasupasu manang parhitean ni pasupasu ndada intap ni sihirim pasupasu. Hatuaon ni halak partigor na manghabiari Jahowa na paduahon ima citra diri ni angka na manghabiari Ibana. Memang sangat relatif do citra diri ni ganup jolma di adopan ni donganna, ala ditimbangi narhite kemampuan na ruar sian diri ni sasahalak i. Citra diri mangihuthon Psalmen 112 on ndang marharoroan sian dirina, alai sian hatuaon na nilehon ni Debata. Hatuaon ni halak na manghabiari Jahowa na patoluhon di partingkian si nuaeng on ima, Sinondang ni Debata Jahowa di ngolu na. Sinondang i na tongtong mangapuli partigor i, jala mangalehon panghirimon tu angka partigor mandalani dalan na holom. Marganti sori do arsak dohot las ni roha mamolus di ngolu ni angka na mangahbiari Jahowa, alai ganda ma gogona, tarapul rohana hinorhon ni na manghabiari Jahowa. Asa ndang tudos tu ngolu na so marsitaonon ngolu ni halak na manghabiari Jahowa. Tontu sude jolma naeng taruli pasupasu hatuaon di ngoluna. Hinorhon ni panghirimon di na laho mangalului pasupasu hatuaon on mambahen torop halak berusaha sian nasa gogona laho marsaulihon pasupasu hatuaon i. Alai ringkot do tarajumi, pasupasu hatuaon i ndada jumpang alana talului marhite gogonta sandiri. Ai tangkas do didok hata ni Debata di Poda 16 : 9 “Roha ni jolma marsangkap dalanna. Alai Tuhan Jahowa do patontu langkana”