Khotbah Mazmur 31: 1-9 "Tuhan Perlindunganku"

Minggu Estomihi; 23 Februari 2020

31:1 Untuk pemimpin biduan. Mazmur Daud.

31:2 Pada-Mu, TUHAN, aku berlindung, janganlah sekali-kali aku mendapat malu. Luputkanlah aku oleh karena keadilan-Mu,

31:3 sendengkanlah telinga-Mu kepadaku, bersegeralah melepaskan aku! Jadilah bagiku gunung batu tempat perlindungan, kubu pertahanan untuk menyelamatkan aku!

31:4 Sebab Engkau bukit batuku dan pertahananku, dan oleh karena nama-Mu Engkau akan menuntun dan membimbing aku.

31:5 Engkau akan mengeluarkan aku dari jaring yang dipasang orang terhadap aku, sebab Engkaulah tempat perlindunganku.

31:6 Ke dalam tangan-Mulah kuserahkan nyawaku; Engkau membebaskan aku, ya TUHAN, Allah yang setia.

31:7 Engkau benci kepada orang-orang yang memuja berhala yang sia-sia, tetapi aku percaya kepada TUHAN.

31:8 Aku akan bersorak-sorak dan bersukacita karena kasih setia-Mu, sebab Engkau telah menilik sengsaraku, telah memperhatikan kesesakan jiwaku,

31:9 dan tidak menyerahkan aku ke tangan musuh, tetapi menegakkan kakiku di tempat yang lapang.

31:1 Ende sian si Daud.

31:2 Tu Ho do, ale Jahowa, ahu marhaposan, unang tung paurak ahu salelenglelengna, sai palua ma ahu marhitehite hatigoranmu!

31:3 Sai paeleng ma pinggolmu tu ahu, hapogani paluahon ahu; sai Ho ma gabe dolok batu partanobatoan di ahu, gabe huta na gonting laho pangoluhon ahu.

31:4 Ai Ho do partanobatoanku hian dohot pangondianku, jala ala ni goarmu sai iringiringonmu jala toguonmu ahu.

31:5 Sai tanggalanmu do ahu sian jorgong, na buni tinaonnasida i mambuat ahu, ai Ho do partanobatoanku.

31:6 Tubagasan tanganmu do hupasahat * tondingku, nunga ditobus Ho ahu, ale Jahowa, * Debata ni hasintongan i.

31:7 Sai huhagigihon do angka na marsomba * ganaganaan na so marniula, alai anggo ahu, Jahowa do na huhaposi.

31:8 Sai marolopolop jala marlas ni roha ma ahu bahen mida asi ni roham, na tinatapmu dangolhon, na marbinoto i Ho di angka hagogotan ni tondingki.

31:9 Jala ndang * dipadapot Ho ahu tu tangan ni musu, * dipajongjong Ho do pathu di halambason.

Sude do hita hea mangadopi hamaolon, hasusaan, na hansit, parir, dokdok, dangol jala paet manang porsuk ni parngoluon. Ndang tagamon so jut roha dohot maheu manang gale panghilalaan molo masa na songon i. Magopu panghilalaan hira so adong tudosan ala taida hagaleonta, hira na so margellok molo ampe na dokdok i tu dirinta. Ala dokdok ni parungkilon i, hira so tarbahen be marhosa, mamereng dongan dohot manghatai tu na torop. Bangkona do i di hajolmaonta. Alai nuaeng, tasungkun ma dirinta be, molo masa na songon i, tu dia manang tu ise do hita marhaporusan? Tapangasahon do hadirionta na gale i? Talului do dalan habidingan na boi padaohon hita sian hasusaan i? Andorang so tasulingkit alusna, ra denggan do parjolo taida, aha na mambahen susa ngolunta? Adong dua ragam mambahen hasusaan. Sada ma i alani dongan na pahatahataon dohot patubu angka na so tingkos taringot tu dirinta. Jut rohata jala marsak. Na sada nari, adong hamaolon diadopi jolma ala hasalaanna sandiri. Ndang jamot mangorom dirina sian angka manusai, ndang holang ibana sian angka na maralo tu lomo ni roha ni Debata.

Tatangkasi ma jo dirinta nuaeng, hasusaan dia ma na tongon taadop? Di ulaon siganup ari, adong do hamaolon dohot  dongan saulaon. Angka partigatiga, hot, tamba manang moru do pangomoan? Angka pangusaha, uli do pandaramanta? Boha angka Aparat Sipil Negara, tagamon do lam nangkok jabantanta? Ra, adong do sian hita na mangadopi hangaluton, alai boha ma turpuk on mamangkulingi hita? Panindangion ni parpsalmenon yung mansai tabo tajaha ala dipaboa panandaonna na tangkas taringottu Debat.manguhuthon ayat 1, raja Daud do manurat turpuk on. Alani i, boi do tapadomu paesorionna tu na pinatolhasna on. Uju so hundul ibana di habangsa harajaonna, godang do parmaraan dibolus ale dilele parangan ni raja Saul. Pola mansai lelengibana martabuni ala jornut ni tahe si si Saul naeng pamatehon. Lungun situtu dihilala ala ingkon dao sian angka alealena. Alai, ala didongani Jahowa ibana, malua do sian parmaraan i. Saut do ibana bangkit raja manggomgomgomi Israel. Jahowa do haporusanna jala ndang tarurak ngoluna salelenglelengna. Hatigoran ni Jahowa do paluahon hosana sian hamagoan. Marhite na masa i do ibana mandok, “Ho ma gabe dolok batu partanobatoan di ahu”. Diondihon huaso hagogoon ni Tuhan i do ibana, pola dipatudos tu hata na gonting. Hira naung mate do ibana di hasosakan i alai ala panogunoguon ni Debata ndang marmara ngoluna.

Manghaposi Jahowa, i so apala nidok ni turpuk jamita on. Molo marsihohot jolma marhaporusan tu Jahowa sai dapotan parsaulian do ibana. Dbata ma mangiringiring pardalananna. Apala na mansai uli naeng parangehonta sian panindangion ni raja Daud on, ima hatana na mandok, “tu bagasan tanganMu dohupasahat tondingku”. Pasahat diri tu Debata unang alang alai ingkon hibul,himpal. Ndang mardua roha dohot pingkiran. Ganggu ni roha do na jotjot mambahen jolma i sundat marlasniroha. Godang do jolma ndang saut dapot hasonangan di ngoluna ala ndang hot hajongjonganna. Sipata tu hambirang, sipata tu siamun. Nang di haporseaon pe sai adong dope jolma na songon i. Marmimggu do nian ibana ro tu gareja alai haporseaonna di hagogoon ni portibi ndang mago.

Boha ma ia hita nuang  Adong dope sian tongatonganta na porsea di huaso dohot gogo ni ganaganaan? Adong dope taboto ruas ni huria na laho tu dolok mangalului homitan molo naeng mangalului jabatan? Ra, sai adong dope jolma na songon i. Angka jolma na songion i, i ma na so porsea di hagogoon ni Debata. Padan na robi tung tangkas do mandok, sai na maila do jolma molo marhaposan tu ganagnaan ai aha ma tarpatupa Debata na mate tu jolma na mangolu?

Nuaeng nunga tangkas taboto isedo Debara Jahowa na pinatandahon ni parPsalmen on. Taida ma sadasada:

1.      Jahowa – Debata haposan

Dang tagamon tarurak jolma na marhaposan tu Jahowa. Diondihon ibana do jolma na ro pasahathon sori ni ngoluna. Las ni roha bolon do sijaloonta molo hot haposanta Ibana.

2.      Jahowa – hatigoran di angka na porsea

Ndang tagamon so godang na ro manusai dohot patubu hamaolon tu ngolu ni na porsea, alai molo Jahowa tahaposi sai pintoran ni hatigoran dohot hasintonganNa i do ngolunta. Sipata hira na talu do taida angka na sintong alai unang ma i manundati hita gabe dao sian hatigoran ni Debata ai i do na mamintori hita di tano on nang banua ginjang.

3.      Jahowa – Debata Pangondian

Ndang hurang gogo ni Jahowa paluaho hita di sude parungkilonta. Diida do hagaleonta jala diboto do na jotjot talpe ngolunta tu hamatean alai molo dibagasan pos ni roha hita di huasoNa, sai na dapotan las ni roha do hita di ujung ni na tahalungunhon. Haporseaon on manjou hita asa unang adong na mangasahon gogona nang na marpangusandean tu hadirionna.

4.      Jahowa – Debata Partanobatoan

Diondingi huaso ni Debata do angka na porsea asa unang mago alani hagogoon na mambahen parmaraan. Partanobatoan marlapatan, Ibana do na mangondingi hita sa unang manaon. Diolani do hita asa unang porsuk ngolunta uju ro angka na maol.

            Porsea tuDebara ndang holan panindangion alai nunga ingkon tangkas tarida sian parange. Hot do asi ni roha ni Tuhan i dibagasan Jesus Kristus manobus hita pardosa. Alani, naeng ma sude parulaonta hombar tu lomo ni rohaNa. Unang be adong sian hita na marlaok haporseaon. Unang adong na mabola manang marigat haporseaonna tu Debata. Taingot ma poda ni apostel Jakobus na mandok, na so tagamon adong hasonangan di jolma na mardua roha manghaposi Tuhan i. Aha ma jambarta molo tahaposi Jahowa partanobatoan i? Didok di ayat 8, “sai marolopolop jala marlasniroha ma ahu bahen mida asi ni roham”.