Khotbah Yohanes 12: 12-19 "Sambutlah Rajamu Datang"

Minggu Palmarum; 05 April 2020

12:12 Keesokan harinya ketika orang banyak yang datang merayakan pesta mendengar, bahwa Yesus sedang di tengah jalan menuju Yerusalem,

12:13 mereka mengambil daun-daun palem, dan pergi menyongsong Dia sambil berseru-seru: "Hosana! Diberkatilah Dia yang datang dalam nama Tuhan, Raja Israel!"

12:14 Yesus menemukan seekor keledai muda lalu Ia naik ke atasnya, seperti ada tertulis:

12:15 "Jangan takut, hai puteri Sion, lihatlah, Rajamu datang, duduk di atas seekor anak keledai."

12:16 Mula-mula murid-murid Yesus tidak mengerti akan hal itu, tetapi sesudah Yesus dimuliakan, teringatlah mereka, bahwa nas itu mengenai Dia, dan bahwa mereka telah melakukannya juga untuk Dia.

12:17 Orang banyak yang bersama-sama dengan Dia ketika Ia memanggil Lazarus keluar dari kubur dan membangkitkannya dari antara orang mati, memberi kesaksian tentang Dia.

12:18 Sebab itu orang banyak itu pergi menyongsong Dia, karena mereka mendengar, bahwa Ia yang membuat mujizat itu.

12:19 Maka kata orang-orang Farisi seorang kepada yang lain: "Kamu lihat sendiri, bahwa kamu sama sekali tidak berhasil, lihatlah, seluruh dunia datang mengikuti Dia."

12:12 Dung i torang ni arina i dibege halak natorop na ro tu pesta i, na naeng ro ma Jesus tu Jerusalem.

12:13 Jadi dibuat nasida ma angka maremare, laho manomunomu Ibana huhut dijoujouhon: Hosianna! Pinanasupasu ma na ro marhite Goar ni Tuhan i, Raja ni Israel!

12:14 Dung i dapot Jesus ma halode sada, i ma dihunduli, hombar tu na tarsurat:

12:15 "Unang ho mabiar, boru Sion; ida ma, Rajam do na ro, marsihundul di anak ni halode!"

12:16 Alai ndang diantusi angka siseanna i hian; dung pe marsangap Jesus, asa diingot nasida, naung marhahonaan tu Ibana do hape na tarsurat i ro di pambahenannasida tu Ibana.

12:17 Laos dihatindangkon natorop, angka na mandongani Ibana do, paboa naung jinouna i si Lasarus sian tanoman, laho manungguli ibana sian na mate.

12:18 Jadi ala naung dibege natorop i barita ni tanda na binahenna i, umbahen na ditomu nasida Ibana.

12:19 Jadi didok angka Parise ma sama nasida: Diida hamu do, na so marniula na binahenmu, ai liat portibi on do paihutihut Ibana.

Hatorangan

Di Minggu Palmarum sadari on, dipaingot do hita manomunomu Jesus na ro mamongoti rohanta be, tarlumobi di naung jonok ari parningotan ni hamamateNa di ari jumat na naeng ro on. Ndang huta Jerusalem secara fisik be na neng bongotan ni Jesus nuaeng, alai dirinta, rohanta, pingkiranta na naeng dibongoti Jesus, asa mian Ibana dibagasan hadirionta. HaroroNa mamongoti dirinta na marlapatan na olo do Ibana humongkop hita, mate alani dosanta asa malua hita sian ihotihot ni dosanta be. Jala haroroNa pe dibagasan serep ni rohaNa, marhite na hundul Ibana di sada anak ni halode (ay. 15), ima gombaran ni haserepon ni rohaNa. Ndang ro Ibana marhite na hundul di sda hoda na jotjot dipangke halak laho marporang mangalo musu. Sitiruon do na binahen ni Jesus tu hita marhite haroroNa na hundul di sada anak ni halode. Ndang laho marporang Ibana dompak hita angka pardosa. Alai na ro do Ibana mamboan hadameon tu hita, asa malua hita sian dosa. Hadameon na binoanNa songon Raja, marhite hamamateNa di Golgatha, ingkon Ibana mate di hau pinarsilang, manggantihon hamamatenta alani dosanta. Asa mardame hita dohot Debata nang dongan jolma. I ma serep ni rohaNa songon Raja na manghaholongi hita, asa di hita ngolu dibagasan harajaon ni Debata.

Antong molo ro Ibana mamongoti hita di bagasan serep ni roha, boha do hita manomunomu haroroNa songon Raja na serep marroha, na mamboan hadameon tu hita? Manomunomu Jesus na marlapatan mangungkap rohanta asa dibongoti Jesus, jala mian Ibana dibagasan dirinta. Mangungkap rohanta nang pingkiranta, unang menutup diri, unang leas rohanta diharoroNa jala unang tatundalhon Ibana. Molo Jesus sandiri marserep ni roha maongoti rohanta be, hita pe naeng ma dibagasan serep ni roha manomunomu haroroNa. Tatomutomu ma haroroNa, marhite na manjangkon Ibana di bagasan rohanta, asa mian Ibana di bagasan rohanta, di tonga ni keluarganta be, nang di huria, asa tapanghilalahon haroroNa na mamboan hangoluan marhite hamamateNa humongkop hita, i ma hangoluan na salelenglelengna. Manomunomu Jesus dohot do na mangorom hisaphisap ni pardagingonta, na jotjot mamboan hita tu hamagoan (pagodanghu mangan, pagodanghu marmeammeam, pagodanghu muruk, na sai holan hundulhundul ndang mulaulaon, roha na sai tu hamoraon nang arta ni portibi on). Na pasangaphon Jesus do hita molo mampu hita memaakan hahurangan nang hasalaan ni dongan songon Tuhan Jesus na manesa angka hahurangan nang dosanta. Na pasangaphon Jesus do hita, molo dibagasan serep ni roha hita, ndang paburnangburnang dirinta di media sosial. Ai jotjot halak ulaonna holan memoles-moles dirina di media sosial, asa idaon hira halak na burju na denggan ulaonna, hape godang angka hajahaton ditabunihon. Na pasangaphon Jesus do hita molo marsitutu hita mangulahon angka ulaon parasi ni rohaon (ulaon diakonia), dohot marbarita nauli (marturia) di ngolunta siganup ari.

Tangkas do didok Jesus tu angka natorop i na manomunomu Ibana, di ayat 15: Unang ho mabiar, boru Sion; ida ma, Rajam do na ro marsihundul di anak ni halode! Boasa didok Jesus “unang ho mabiar” tu nasida? Ala gok biar do roha ni jolma hatiha i, ala tekanan sian kekuatan politik Romawi, nang sian tokoh-tokoh ugamo Jahudi tu angka siihuthon Jesus. Hata ni Jesus tu angka natorop i, na manomunomu Ibana, naeng mangalehon pangapulion dohot hagogoon, asa unang bonsa, unang mabiar nasida manomunomu haroro ni Jesus. Ai boi do halak gabe ndang olo be manomunomu Jesus di ngoluna, ala mabiar di angka ancaman na ro tu ngoluna. Boi do halak sai mabiar alani parsahiton, hapogoson, angka masalah nang angka persoalan na mambahen jolma sai mabiar jala tahutan. Angka na mora nang na pogos pe, boi do gabe ndang olo manomunomu Jesus alani angka pergumulan na borat di ngoluna, gabe holan na mabiar, holan na cemas, holan na marsak, holan na susa, holan na manutup diri ala tahutan. Hata ni Tuhanta sadari on mangarahon hita, asa unang mabiar be hita mangadopi angka pergumulan ni ngolunta. Tatomutomu ma Jesus di bagasan roha na tenang, roha dame, roha na memiliki kepastian di hangoluan na binoan ni Jesus. Molo didok Jesus, ida ma, na marlapatan naeng taida, tasaksihon, jala taboto haroroNa tu bagasan ngolunta. Halak na marnida Jesus marhite “mata haporseaon”, angka i do na mamboto jala na margogo manomunomu Jesus di ngoluna.

Di turpuk on dipatorang do di ayat 17-19, dung diida jala ditanda angka natorop i, sude angka pambahenan ni Jesus, i ma pangoluhon si Lazarus naung mate dohot angka tanda na binahen ni Jesus, gabe ditomutomu jala dihatindanghon nasida ma sude pambahenan ni Jesus, di jolo ni angka natorop nang angka Parisi. Molo tangkas taida angka pambahenan ni Jesus di ngolunta, secara spontan nang pe ndang adong na marsuru hita pasti do tahatindanghon angka pambahenan ni Jesus tu halak na asing. Gabe marpanindangion manang marbarita nauli ma hita taringot tu pambahenan ni Jesus di ngolunta. Ala adong hagogoon sian bagasan dirinta, na mangonjar hita laho mamaritahon barita nauli tu halak na asing. Antong, molo nunga tahilala, jala taida sude angka pambahenan ni Jesus di ngolunta, naeng dohot hita marbarita nauli manghatindanghon pambahenan ni Jesus marhite hata nang ulaonta siganup ari, mandok na Ibana do Sipalua hita.