Khotbah Matius 28 : 1 - 10 "Kuasa Kebangkitan Yesus"

Khotbah Paskah I; 12 April 2020

28:1 Setelah hari Sabat lewat, menjelang menyingsingnya fajar pada hari pertama minggu itu, pergilah Maria Magdalena dan Maria yang lain, menengok kubur itu.28:2 Maka terjadilah gempa bumi yang hebat sebab seorang malaikat Tuhan turun dari langit dan datang ke batu itu dan menggulingkannya lalu duduk di atasnya.28:3 Wajahnya bagaikan kilat dan pakaiannya putih bagaikan salju.28:4 Dan penjaga-penjaga itu gentar ketakutan dan menjadi seperti orang-orang mati.28:5 Akan tetapi malaikat itu berkata kepada perempuan-perempuan itu: "Janganlah kamu takut; sebab aku tahu kamu mencari Yesus yang disalibkan itu.28:6 Ia tidak ada di sini, sebab Ia telah bangkit, sama seperti yang telah dikatakan-Nya. Mari, lihatlah tempat Ia berbaring.

28:7 Dan segeralah pergi dan katakanlah kepada murid-murid-Nya bahwa Ia telah bangkit dari antara orang mati. Ia mendahului kamu ke Galilea; di sana kamu akan melihat Dia. Sesungguhnya aku telah mengatakannya kepadamu."

28:8 Mereka segera pergi dari kubur itu, dengan takut dan dengan sukacita yang besar dan berlari cepat-cepat untuk memberitahukannya kepada murid-murid Yesus.

28:9 Tiba-tiba Yesus berjumpa dengan mereka dan berkata: "Salam bagimu." Mereka mendekati-Nya dan memeluk kaki-Nya serta menyembah-Nya.

28:10 Maka kata Yesus kepada mereka: "Jangan takut. Pergi dan katakanlah kepada saudara-saudara-Ku, supaya mereka pergi ke Galilea, dan di sanalah mereka akan melihat Aku."

28:1 Alai di buhabuha ijuk, di ari parjolo dung salpu Sabbat i, ro ma si Maria Magdalena dohot si Maria na sada maningkir tanoman i.

28:2 Alai nunga masa lalo na gogo. Ai tuat do surusuruan ni Tuhan sian banua ginjang; jala dung sahat, digulang ma batu i, laos hundul diatasna.

28:3 Alai songon hilap do rupana idaon, saksak do ulosna songon hapur.

28:4 Jadi angka dotdot ma parjaga i dibahen biar ni rohanasida, hira na mate do.

28:5 Alai ninna surusuruan i ma mandok parompuan i: Unang hamu mabiar, ai huboto, dilului hamu do Jesus, naung diparsilangkon.

28:6 Ndang dison Ibana. Ai nunga hehe Ibana, songon na nidokna hian. Pajonok hamu ma; ida hamu ma inganan hapeahanna i!

28:7 Hatop ma hamu laho tu angka siseanna i paboahon, naung hehe Ibana sian na mate, jadi joloananna do hamu tu Galilea, disi ma idaonmuna Ibana; nunga hupaboa i tu hamu.

28:8 Dung i hatop ma nasida laho sian tanoman i, mabiar huhut las situtu rohanasida; marlojong do nasida laho mamaritahonsa tu angka siseanna.

28:9 Disi ma ro Jesus mandapothon nasida, ninna ma: Dame ma di hamu! Dung i dipajonok nasida ma, dihaol ma patna, huhut manungkap tu jolona.

28:10 Jadi didok Jesus ma tu nasida: Unang hamu mabiar, laho ma hamu mandokkon angka anggingku tu Galilea, disi ma idaonnasida Ahu!

Hatorangan

Molo adong tarbege hita barita taringot na adong jolma na hehe sian na mate, ra boi dohonon godang do sian hita maol jala ndang porsea. Jala molo pe naeng porsea, ingkon na taida do secara langsung na mate i hehe sian tanoman. Alani do sian bona ni haheheon ni Jesus Kristus sahat tu nuaeng on sai torus do adong angka na so tarbahen manghaporseai hamamasa ni haheheon ni Jesus. Alai di hita angka siseanNa, sian bona ni Hakristenon sahat tu nuaeng, sada na so tarlupahon hita di hamamasa ni haheheonNa i, ima hagogoon ni huaso ni Debata na pahehe Jesus sian hamatean i. Masa jala tarida huaso ni Debata na so hatudosan disi. Alani do marhite turpuk on, ndang hamamasa i na naeng idaonta, alai hagogoon ni huaso ni Jesus i do. Hagogoon ni Debata na pahehe Jesus sian hamatean na gabe unok ni jamita on. I do umbahen ndang apala dipatorang songon dia Jesus dipahehe, alai songon dia do huaso na paheheon Jesus sian angka na mate i mangula, jala songon dia Jesus naung hehe i marhuaso. Jala i do na boi dapot hita di turpuk on, adong opat na masa na patuduhon huaso ni Debata na marhadomuan tu haheheon ni Jesus. Sada sian kejadian alam, sada sian hajolmaon, sada sian parbanua ginjang, sada sian Jesus naung dipahehe i.

Parjolo, andorang so dipahehe Jesus sian angka na mate, nunga jolo masa lalo na gogo (bhs Gorik: seismos megas, ay. 2). Ndang asal lalo i, alai lalo na gogo, na so dipaboa piga skala richter gogona. Alai molo dipangke hata mega, nunga boi tudutudu i di hita songon dia gogo ni lalo i. Jala masa lalo na balga san sangkap ni Debata, i ma laho pasaut sangkapNa na balga (1 Kor. 15: 20). Paduahon, hamamasa na songon i, ndang dipasombu Debata ndang diboto manang ise. Dipangke Debata do sangkap ni dua parompuan na sian punguan na mangihuthon Jesus, i ma si Maria Magdalena dohot si Maria na sadanari, na naeng maningkir tu udean di ari parjolo dung salpu Sabat (ay. 1). Nasida ma na gabe sitindangi di haheheon ni Jesus. Jala songon hasomalan di halak Jahudi, asa dimpos manang togu taringot tu angka na masa, ingkon adong do saotikna sitindangi dua halak, jala i do uhumna (5 Musa 19: 15). Jala na menarik dison sitindangi i ima dua halak parompuan, hape dihalak Jahudi ingkon baoa do na gabe sitindangi, di son ma taida haheheon ni Jesus mamboan haimbaruon manang mangarumpakkon hasomalan adat ni halak Jahudi saleleng on taringot tu horong ni sitindangi. Tamba ni i angka parjaga ni udean na sinuru ni pamarenta Roma (ay. 4). Adong na marnida dohot manghilalahon panghorhon ni ulaon ni Debata patupa lalo na gogo i.

Patoluhon, ditongos Debata surusuruanNa manggulang batu ni udean ni Jesus jala hundul di atas na, songon hilap do rupana idaon, saksak do ulosna songon hapur, na mambahen angka dotdot jala mabiar parjaga i, ala adong masa na so somal. Ndang holan lalo na balga diadopi nasida. Surusuruan i do na paboahon haheheon ni Jesus i tu dua halak parompuan na maningkir udean ni Jesus. Ninna surusuruan i ma tu parompuan i: “unang hamu mabiar, ai huboto, dilului hamu do Jesus. Naung diparsilangkon i. Hata “unang hamu mabiar” on mansai ringkot, ala dibagasan biar do parompuan i alani parjaga i, jala masa lalo na balga, jala pajumpang muse nasida dohot surusuruan na so hea dope diadopi si songon i. Laos surusuruan i do na manuru dua parompuan i marbarita tu angka sisean ni Jesus na sampulu dua di Galilea, naung sanga manadingkon Jesus i. Tugasnasida i ma laho paboahon naung dipahehe Jesus sian hamatean. Mansai dao sian huta i tu Galilea. Alai rade do nasida mangulahon i. Daona tu Galilea i ma lobi hurang 127 km. Nang pe songon i daona, ndang manjua laho nasida paboahon barita i.  Paopathon, Jesus naung hehe i pe dohot do patuduhon huaso ni haheheonNa. Dia ma i? Ro Jesus tu dua halak parompuan na tongon marlojong di bagasan biar dohot las ni roha laho pabotohon na masa i tu angka sisean ni Jesus di Galilea (ay. 8). Ro Jesus patuduhon dirina laho patoguhon hasintongan ni haheheonNa dohot mangalehon pos ni roha tu dua halak parompuan i laho mangulahon tugas na pinasahat ni surusuaruan i. Di ulahi Jesus muse mandok “unang hamu mabiar”, jala jotjot do hata “unang hamu mabiar” diondolhon Jesus tu angka na mangihuthon Ibana (pat. Mat. 10: 31; Mat. 14: 27; dna). Asa ndang holan surusuruan i be barita dohot tugas i, alai nunga dohot Jesus na manuru. Di parjumpangan nasida i, dipajonok nasida ma tu Jesus, dihaolnasida patNa, jala manungkapnasida tu joloNa (ay. 9). Marhite i naeng patuduhon ndang hatahata be haheheon ni Jesus. Sintong do. Nunga diida dohot dipanghilalahonnasida. Jala didok Jesus ma muse tu nasida laho patuguhon nasida laho patoguhon na so nidok ni surusuruan i tu nasida, i ma: “dame ma di hamu”. Jesus naung hehe i pasahat dame, mambuat manang padao biar di angka na jinumpanganNa.

Mansai ringkot do panghorhon jala huaso ni haheheon ni Jesus on di ngolu ni angka na porsea tingkion na boi dohonon adong biar taadopi alani panghorhon ni virus corona on. haheheon ni Jesus paintophon manang pamagohon biar ni angka na porsea. Alani denggan do molo dibagasan tingki on tarimangrimangi huaso ni Debata na pahehe Jesus sian hamatean, tarlumobi di na taadopi angka hamaolon na mansai balga situtu di ngolu nang ulaon, tarlumobi disiala ni virus corona on, na sahat tu nuaeng na so jumpang dope obat dohot vaksin na. Marhite huaso haheheon ni Jesus on, naeng idaonta, gari hamatean nunga ditaluhon Ibana, tontu hamamasa ni virus corona on boi do taluhonon ni Debata. Alani unang ganggu hita dihuaso ni Debata, unang gabe mago haporseaonta gabe sungkun-sungkun hita di huaso ni Debata. Unang lupa hita marningot hagogoon ni huaso haheheon ni Kristus di ngolunta, ai haposan do hagogoon ni Debata na pahehe Jesus Kristus sian angka na mate. Pos ma rohanta margogo do haheheon ni Jesus i manalpuhon biar i, jala haheheon ni Jesus laho mamboan dame di ngolunta. Manang aha pe biar dohot holso ni rohanta, maporus manang tu ibana ma hita mangalu-alu, rade do Ibana laho mangurupi hita songon na binahenna i tu dua halak parompuan i. Dung i, mansai ringkot situtu do haheheon ni Jesus i di angka na porsea, ala marhite haheheon ni Tuhan Jesus do ojahan ni haporseaonta, ai molo so hehe Kristus, magopo ma haporseaon ni halak Kristen (1 Kor. 15: 17). Jala marhite haheheon ni Jesus i gab i ma ojahan di pangkirimonta na hehe do sogot angka na porsean sian hamatean.