Khotbah Roma 3: 1-8 "Kesetiaan Allah"

Minggu Misericordias Domini; 26 April 2020

3:1 Jika demikian, apakah kelebihan orang Yahudi dan apakah gunanya sunat?

3:2 Banyak sekali, dan di dalam segala hal. Pertama-tama: sebab kepada merekalah dipercayakan firman Allah.

3:3 Jadi bagaimana, jika di antara mereka ada yang tidak setia, dapatkah ketidaksetiaan itu membatalkan kesetiaan Allah?

3:4 Sekali-kali tidak! Sebaliknya: Allah adalah benar, dan semua manusia pembohong, seperti ada tertulis: "Supaya Engkau ternyata benar dalam segala firman-Mu, dan menang, jika Engkau dihakimi."

3:5 Tetapi jika ketidakbenaran kita menunjukkan kebenaran Allah, apakah yang akan kita katakan? Tidak adilkah Allah -- aku berkata sebagai manusia -- jika Ia menampakkan murka-Nya?

3:6 Sekali-kali tidak! Andaikata demikian, bagaimanakah Allah dapat menghakimi dunia?

3:7 Tetapi jika kebenaran Allah oleh dustaku semakin melimpah bagi kemuliaan-Nya, mengapa aku masih dihakimi lagi sebagai orang berdosa?

3:8 Bukankah tidak benar fitnahan orang yang mengatakan, bahwa kita berkata: "Marilah kita berbuat yang jahat, supaya yang baik timbul dari padanya." Orang semacam itu sudah selayaknya mendapat hukuman.

3:1 Asa dia nama hasurungan ni Jahudi? Tu aha ma hasea parsunaton i?

3:2 Sandok godang do i. Parjolo: Hasahatan ni angka pandok ni Debata do nasida.

3:3 Ai beha nama, ia so porsea na deba? Tung tarbahen nasida na so porsea i ma manegai haburjuon ni Debata Sihaposan i?

3:4 Dao ma i! On do tahe: Parsintong do ia Debata, alai pargabus do nasa jolma, songon na tarsurat i: "Asa pintor ho di angka pandohanmu jala monang di panguhumonmi!"

3:5 Alai beha ma dohononta? Ia dipajongjong hageduhonta hatigoran ni Debata, nda na geduk ma Debata, molo dipalalu rimasna? Santabi di Debata!

3:6 Dao ma i! Ai aut i, songon dia ma taruhum Debata portibi on?

3:7 Alai molo lam timbul hasintongan ni Debata binahen ni gabushu paganda hasangaponna boasa uhumon dope ahu songon pardosa?

3:8 Nda tagonan ma taula na roa, asa ro na denggan, songon pandok ni na deba magarehei hita; songon i do hatanta, ninna. Patut ma antong hona uhum angka sisongon i!

Hatorangan

Di Poda 20 : 6  didok “Lan jolma mangusaphon denggan basana sandiri, alai anggo baoa haposan, tung mahal do jumpang manang ise (Banyak orang menyebut diri baik hati, tetapi orang yang setia, siapakah menemukannya?)”. Sian pandohan ni raja Salomo na manurat Poda on, tontu boi idaonta maol ni mangalului halak na satia, satia tu dongan jolma tarlumobi tu Debata. Jala bangso naung dipillit Debata sandiri, i ma bangso Israel (Jahudi) sandiri pe ndang satia nasida tu Debata. Dipatorang apostel Paulus do hasurungan ni halak Jahudi sian bangso na asing. Tu bangso Jahudi do dipasahat Debata parsunatan, jala nasida do hasahatan ni angka pandok ni Debata (Patik ni Debata). Alai madabu do bangso i tu ginjang ni roha alani hasurunganna i. Ndang satia nasida di angka padan na binahen ni Debata. Alai nang pe songon i, molo tung pe ndang satia halak Jahudi tu Debata, ndang tarbahen nasida manegai hasatiaon (haburjuon) ni Debata. Ndang gabe so satia Debata, nang pe ndang satia halak Jahudi di Patik na binahen ni Debata tu nasida. Hot do hasatiaon ni Debata, nang pe ndang satia halak Jahudi di Debata. Songon na tarsurat di 2 Timoteus 2 : 13 “So haposan pe hita, tong do haposan anggo Ibana; ai ndang tarsoadahonsa dirina”.

Alani ndang targantung tu hasatiaon ni jolma anggo hasatiaon ni Debata. Ndang dipengaruhi hasatiaon ni jolma hasatiaon ni Debata, alai hot do hasatiaonNa di diri ni Debata. I ma perbedaan ni hasataion ni Debata sian hasataion ni jolma. Molo jolma boi do ndang satia tu pasangan hidup (ama tu ina, ina tu ama), jala gabe sirang. Ala ndang satia be amanta i di pada parsaripeon, ujungna gabe ndang satia be inanta i, ujungna gabe sirang. Ndang songon i ianggo hasatiaon ni Debata. Molo pe ditinggalhon jolma pardosa i Debata, alai anggo hasatiaon ni Debata ndang boi malua sian diriNa. Molo didok “na satia do Debata” i ma na manggombarhon haburjuonNa (holongNa), sihaposan do Ibana (ay. 3). Haposan do Debata di angka hataNa nang pambahenanNa.

Hasatiaon ni Debata boi do tarida marhite rimasNa nang uhum na binahenNa tu angka pardosa manang na so satia tu Ibana. Ndang boi dohononta na so satia Debata ala tarrimas Ibana mida angka hageduhonta. Di bagasan rimas ni Debata pe tarida do hasatiaonNa tu jolma pardosa. Molo dirimasi Debata jolma pardosa, na patuduhon holong ni rohaNa do Ibana tu jolma pardosa. Boasa tarrimas Debata tu jolma pardosa? Ala holong rohaNa di jolma i. Dosa ni jolma i do dihagigihon Debata, alai jolma i dihaholongi Ibana do, asa mulak muse tu Ibana. Ndang tarbatas hasatiaon ni Debata alani do ndang hadodoan marhite pingkiran ni jolma hasatiaonNa. Jotjot do marhite rimas ni Debata dipapita (dimurnikan) ngolu ni jolma, asa lam pita, lam tiur jala lam ture ngolu ni jolma i. Jala marhite rimasNa do diuhumi Debata portibi on (ay. 6), asa tubu hasintongan di portibi on. Ndang adong na boi manguhumi portibi on, asing ni uhum na sian Debata. Jala molo diuhumi Debata pe portibi on marhite rimasNa, ala dihaholongi Ibana do angka na tinompaNa dibagasan hasintonganNa. Debata na patuduhon rimasNa marhite uhum hasintonganNa, i ma Debata na satia. Alani, taida ma rimas ni Debata songon tanda hasatiaonNa tu hita. Tutu do parasiroha Debata, alai Debata na badia do Ibana, jala ndang lomo rohaNa mangida hageduhon. Alai, molo tung pe tadok “rimas ni Debata songon tanda hasatiaonNa” ndang boi gabe tadok “lam taula ma na roa, asa lam tamba rimas ni Debata tu hita, ai marhite rimasNa do tarida hasatiaonNa tu hita” (ay. 8). Na mangarehei Debata do hita molo songon i. Jala patut do hona uhum hita molo songon i pingkiranta. Antong dia ma sidohononta? Naeng gabe jolma na satia hita tu Debata. Unang tadatdati be mardosa, asa unang tarrimas Debata. Molo tarrimas pe Debata ala na tarsulandit hita mangulahon dosa, naeng ma tasolsoli dirinta huhut tatinggalhon dosanta, jala mulak tu Debata.

Memang sai adong halak na sai martangkang manang pajogal rohana ndang olo mulak tu Debata, ndang olo maninggalhon dosana. Angka sisongon i ndang sahat tu asi ni roha ni Debata, ndang idaonna hasatiaon ni Debata di ngoluna. Hasatiaon ni Debata songon tingki parasian do i di angka na porsea. Molo satia Debata paimahon hita asa mulak tu Ibana, ingkon taparhaseang ma hasatiaonNa i. Unang sanga suda tingki parasian di ngolunta, gabe ndang sahat be hita tu harajaonNa. Taargahon ma hasatiaon ni Debata di ngolunta. Molo ndang manigor diuhum Debata pe hita, di tingki taulahon dosa, ala hasatiaon ni Debata do i. Dilehon Debata di hita tingki parasian, laho paubahon roha dohot pangalahonta.

Hasatiaon ni Debata ndang dapot hita i sian portibi on. Naeng marsiajar hita di ngolunta maniru hasatiaon ni Debata. Molo Debata satia, naeng ma satia hita tu Debata nang tu donganta jolma. Satia di padan pardongansaripeon, satia di padan naung tahatindanghon di tingki manghatindanghon haporseaon. Satia di haporseaonta di Jesus Kristus, jala satia hita di sude padan na binahen ni Debata tu hita. Angka halak na satia, i ma angka na boi gabe haposan. Jadi angka na satia, i ma angka na porsea jala haposan di Debata. Haposan di dongan parsaripeon, haposan di sude ulaonna (profesina), haposan di jabatan na pinasahat ni Debata tu hita marsadasada. Haposan di hepeng, nang di sude arta na pinasahat ni Debata tu hita. Haposan di parianakhonon, haposan di ulaon dia pe na pinasahat ni Debata tu hita. Antong gabe angka na satia (haposan) ma hita saleleng mangolu di portibi on, songon Debata na satia salelenglelengna. Rohanta i naeng tapaimbaru gabe sioloi Tuhan i. Manolsoli dosa dohot mamarangehon lomo roha ni Debata, i do diigil sian hita.