Tata Ibadah Paskah I; 12 April 2020

PARTORDING NI PARMINGGUON PASKAH I

GKPI RESORT SAGALA

TEMA : HUASO HAHEHEON NI TUHAN JESUS

(Mateus 28 : 1 – 10)

Minggu, 12 April 2020

Andorang so dipungka parmingguon, jumolo ditontuhon sian anggota keluarga na manguluhon parmingguon, siboan tangiang pangondianon, dohot parjamita.

1.    Marende B.E. No. 90 : 1 + 5  “Sai marlas ni roha hita”

Sai tapuji Debatanta, ale hajolmaon i!

Ai naung hehe do Tuhanta sian hamatean i.

Dipasidung Jesus i ulaonna sasude.

Patupahon haluaon disaluhut hajolmaon.

On tongtong do huhalashon; Nunga hehe Jesuski.

Dohot ma hamu donganku angka na tinobus i,

Sai tapuji Debata, sai tadok: Haleluya!

Na mangolu do Tuhanta ala ni sai las rohanta.

2.    Votum – Introitus – Tangiang :

U  : Dibagasan goar ni Debata Ama, dohot AnakNa Tuhan Jesus Kristus, dohot Tondi Parbadia, na manompa langit dohot tano on.

R  : Amen.

U  :  Unang ho mabiar, ai Ahu do Parjolo jala Parpudi! Ahu do Siparngolu; naung mate do Ahu najolo, gabe mangolu antong ro di salelenglelengna; di Ahu do anak hinsu ni hamatean dohot banua toru! Haleluya! Martangiang ma hita : Ale Tuhan Jesus, Tuhannami! Na mandok mauliate do hami tu Ho, ala ditaluhon Ho do dosa dohot hamatean marhitehite hamamateMi.

R  : Ala disondangi Ho tanomannami, asa marpanghirimon na mangolu hami alani haheheonMi.

U  : Ndang huhabiari hami be hamatean, ai ho ulunami, ruasMu do hami.

R  : Dipaunsat Ho do hami sian haholomon tu hatiuron, sian hamatean tu hangoluan

U  : Antong pargogoi ma hami mamuji dohot mangoloi Ho dingolunami. Asa dapot hami hangoluan salelenglelengna marhitehite Tuhan Jesus Kristus Tuhannami, Anak haholongan ni rohaM.

U+R : Amen.

3.    Marende B.E. No. 93 : 1 + 3 “Pesta Paska, hatuaon!”

Pesta Paska, hatuaon! Pesta Paska, Haluaon

Sian hamatean i! Sian hamatean i!

Tuhan Jesus do pasuang, hangoluan, hasonangan tu saluhut jolma i.

Tuhan Jesus do na monang, Tuhan Jesus do pasuang

Las ni roha, dame pe, Las ni roha, dame pe,

Dongan, golom ma hataNa. Na porsea di Ibana ndang tarbahen mago be.

4.    Epsitel : Johannes 11 : 25 – 27

U  : Tabege ma hata ni Debata, patujolo ni jamita, turpuk di minggu sadarion, i ma na tarsurat di Johannes 11 : 25 – 27

U  : (dung sidung manjaha Epistel, didok Uluan ma)

Martua ma angka na umbege hata ni Debata, na umpeopsa jala na mangulahonsa.

U+R : Amen.

5.    Marende B.E. No. 91 : 3 – 4 “Hatuaon do”

Hatuaon do las ni roha do Hangongot ni Tuhanta i.

Mungkap do dalan tu hangoluan, Las be, las be ma rohanta i!

Mungkap do dalan tu hangoluan, Las be, las be ma rohanta i!

Hatuaon do las ni roha do Hangongot ni Tuhanta i.

I ma gogonta dompak dosanta, Las be, las be ma rohanta i!

I ma gogonta dompak dosanta, Las be, las be ma rohanta i!

6.    Manopoti Dosa – Bagabaga Taringot tu Hasesaan ni Dosa :

U  : Tatopoti ma dosanta, martangiang ma hita :

Ale Debata, Amanami pargogo na so hatudosan jala parholongRoha. Ro do hami tu adopanMu manopoti jala manolsoli saluhut dosanami.

R  : Sian hatutubunami, nunga marlaok dosa hami, jala ndang adong na sintong dibagasan rohanami, gabe hutondong hami do dalan na lilu i, i ma na mangalaosi uhumMi.

U  : alai na manolsoli do hami jala hupasahat hami ma tu Ho saluhut hadirionnami.

R  : Ala porsea situtu do hami Ho do Tuhan parasiroha na sumurung jala parholong roha.

U  : Ndang dihalomohon Ho hami mago, gabe dilehon Ho di hami hasesaan ni dosa dohot hangoluan na imbaru ala holong ni AnakMu na manongtong i, Tuhan Jesus Kristus Sipalua hami. Amen. Tabege ma bagabaga ni Debata taringot tu hasesaan ni dosanta.

Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana. Hasangapon ma di Debata na di ginjang.

U+R : Amen.

7.    Marende B.E. No. 92 : 1 “Puji ma na manaluhon”

Puji ma na manaluhon dosa hamatean i;

Puji ma na pangoluhon saluhut pardosa i,

Jesus na dung mate i, las roham, o huriaNa,

Ala na mamillit ho, Jesus i, mangolu do.

8.    Ruhut ni Ngolu na Imbaru : 1 Johannes 2 : 10 – 11

U : Tatangihon ma hata ni Debata na gabe ruhut ni ngolu na imbaru, i ma na tarsurat di  : 1 Johannes 2 : 10 – 11

Na holong roha di donganna, i do na mian di bagasan na tiur; ndang pargasipan ibana. Alai na manghosomi donganna, di bagasan na holom do i; di bagasan na holom do dalanna. Ndang diboto, manang tudia ibana laho, ai dipapitung na holom i do matana.

U  : Antong rap mangido gogo ma hita tu Debata

U+R : Ale Tuhan Debata, sai pargogoi ma hami mangulahon na hombar tu hataMi. Amen.

9.    Marende B.E. No. 95 : 1 + 3  “Ngot ma ho dijou soara”

Haleluya! Taendehon Nuaeng di ari haheheon Tuhanta Siparmonang i.

Ai malua do Ibana, Haruar sian tanomanNa; Na talu hamatean i.

Sun ulaonNa i dibaen Tuhanta i. Haleluya!

Naung sahat di Tuhanta i. UpaNa na sumurung i.

Na so pola habiaran ni hita on be hamatean, ai hita pe sai hehe do.

Molo burju taihuthon Tuhanta i di parungkilon sai ingkon tu lambungNa ro.

Diboan Jesus i do hita on muse tu lambungNa. Parmonang i!

Sai saut ma i binaen ni hagogoonMi!

10.     Manghatindangkon Haporseaon :

U  : Tahatindangkon ma haporseaonta i, songon na hinatindangkon ni donganta sahaporseaon di portibi on, rap mandok ma hita :

11.     Tangiang Pangondianon : (Dipillit ma sahalak sian anggota keluarga)

12.     Marende B.E. No. 449 : 1 – 2  “Nunga talu hamatean”

Nunga talu hamatean dibaen Tuhan Jesus i,

Ai na hehe do Ibana songon na nidokna i.

Haleluya, Haleluya! Nunga hehe Jesus i.

Haleluya, Haleluya! Nunga hehe Jesus i

     Ia angka boruboru lao do tu tanoman i;

     Ndang disi be Tuhan Jesus nunga hehe sian i

     Haleluya, Haleluya! Nunga hehe Jesus i.

     Haleluya, Haleluya! Nunga hehe Jesus i

13.     Evangelium : Mateus 28 : 1 – 10  

14.     Marende B.E. No. 94 : 1 + 3  “Ale tondingku, naung hehe”

   Ale tondingku, naung hehe Tuhanmu, Nunga ditaban do banuatoru;

   Las ma roham, ai martua ma ho;

   Rap dohot Jesus mangolu ma ho; Rap dohot Jesus mangolu ma ho

     Tahaburjuhon mangalo dosanta, jala tabaen Tuhan Jesus donganta.

     Posma rohanta di Tuhanta i;

     PamonangonNa do hita sude; PamonangonNa do hita sude

15.     Ayat Pelean :1 Kronika 29 : 17

U  : Hata ni Debata ojahan ni haporseaonta laho pasahathon peleanta, i ma na tarsurat di 1 Kronika 29 : 17

Tangkas do huboto, ale Debatangku, Ho do na manguji roha, jala hasintongan do lomo ni roham; dibahen i saluhutna on sian sintong ni rohangku umbahen na mangaringgas ahu margugu, tole dohot bangsomu na pungu dison, nunga huida marlas ni roha mangaringgas be margugu tu Ho.

16.     Tangiang Pelean :

U  : Ale Debata, Amanami na di banua ginjang. Diparhatopot rohanami do sian unduk ni rohanami, Ho do mual ni nasa ulibasa na mauliutus. Dison hupasahat hami do pelean ni hamauliateonnami tu Ho. Sai jala jala pasupasu ma peleannami on asa gabe dalan panindangion, parsaoran dohot ulaon asi ni roha di huriaMon. Bahen ma ngolunami gabe pelean na hombar tu lomo ni rohM, jala parsidohot parohon harajaonMu, holong, hasintongan dohot hadameonMu di sandok portibi on. buhai ma rohanami marhitehite TondiM, asa sai tongtong mandok mauliatetu Ho, di bagasan goar ni AnakMu, Jesus Kristus, Tuhannami. Amen. 

17.     Ende Pelean B.E. No. 465 : 1 “Ale Tondi Parbadia”

   Pasupasu lehononMu, i do bagabagaM i

   Songon angka udan nene sai tu au manetek i.

   Nang tu au, nang tu au, patetekkon i tu au.

18.     Tangiang Panutup : Ale Amanami (Rap mandok)

19.     Pasu-Pasu :

   Dipasupasu jala diramoti Tuhan Debata ma hita!

   Dipasondangkon Tuhan Debata ma Bohina tu hita, jala asi rohana mida hita!

   Didompakkon Tuhan Debata ma Bohina tu hita,

   Jala dipasaorhon ma dame tu tondinta be!

20.     Amen... Amen...Amen...