Khotbah Lukas 12 : 13 - 21 "Jauhilah Ketamakan"

Minggu 1 Set. Trinitatis 14 Juni 2020

12:13 Seorang dari orang banyak itu berkata kepada Yesus: "Guru, katakanlah kepada saudaraku supaya ia berbagi warisan dengan aku."

12:14 Tetapi Yesus berkata kepadanya: "Saudara, siapakah yang telah mengangkat Aku menjadi hakim atau pengantara atas kamu?"

12:15 Kata-Nya lagi kepada mereka: "Berjaga-jagalah dan waspadalah terhadap segala ketamakan, sebab walaupun seorang berlimpah-limpah hartanya, hidupnya tidaklah tergantung dari pada kekayaannya itu."

12:16 Kemudian Ia mengatakan kepada mereka suatu perumpamaan, kata-Nya: "Ada seorang kaya, tanahnya berlimpah-limpah hasilnya.

12:17 Ia bertanya dalam hatinya: Apakah yang harus aku perbuat, sebab aku tidak mempunyai tempat di mana aku dapat menyimpan hasil tanahku.

12:18 Lalu katanya: Inilah yang akan aku perbuat; aku akan merombak lumbung-lumbungku dan aku akan mendirikan yang lebih besar dan aku akan menyimpan di dalamnya segala gandum dan barang-barangku.

12:19 Sesudah itu aku akan berkata kepada jiwaku: Jiwaku, ada padamu banyak barang, tertimbun untuk bertahun-tahun lamanya; beristirahatlah, makanlah, minumlah dan bersenang-senanglah!

12:20 Tetapi firman Allah kepadanya: Hai engkau orang bodoh, pada malam ini juga jiwamu akan diambil dari padamu, dan apa yang telah kausediakan, untuk siapakah itu nanti?

12:21 Demikianlah jadinya dengan orang yang mengumpulkan harta bagi dirinya sendiri, jikalau ia tidak kaya di hadapan Allah."

12:13 Jadi adong ma sahalak sian natorop i na mandok tu Ibana: Guru, dokkon ma amparangku marbagi teanteanannami rap dohot ahu!

12:14 Alai didok ma tu ibana: Baoa! Ise do pabangkit Ahu gabe panguhum manang sibagi teanteanan di hamu?

12:15 Laos didok ma tu nasida: Jaga ma hamu, pasiding hamu ma nasa haholiton! Ai nang pe marlobilobi halak, ndada sian artana i ngoluna.

12:16 Gabe dihatahon ma sada umpama tu nasida, ninna ma: Suha do gogo ni hauma ni sada halak na mora.

12:17 Jadi marhusari ma ibana di bagasan rohana songon on: Aha nama bahenonku? Ai ndang adong hasiatan ni gogo ni tanongki.

12:18 Gabe ninna ma: On ma bahenonku: Hulohai nama angka sopongki, hupauli ma angka na umbalga, asa tusi papunguonku sude na tubu i ro di artangku.

12:19 Jala dohononku ma tu tondingku: Ale tondingku, nunga rade godang artam, sae manang piga taon on. Ipe, marhasonangan ma ho, mangan minum ma ho, las ma roham!

12:20 Alai ninna Debata ma mandok ibana: E ho na loahon! Saborngin on ma tungguon hosam sian ho. Ia na pinaradem, tu ise ma i?

12:21 Songon i ma masa di halak an, na papunguhon arta di dirina, anggo so mamora ibana di Debata.

Hatorangan

Di tingki mangajari Jesus, torop do halak na umbege pangajarionNa. Dung i ro ma sahalak sian na umbegesa mangido tu Jesus, asa didok Jesus tu amparana marbagi teanteanan dohot ibana (ay. 13). Alai didok Jesus mangalusi ibana, ndang dipabangkit diriNa gabe panguhum laho mambagi teanteanan tu nasida. Disurathon di turpuk on di ahat Gorik adelpo mou (saudaraku), na marlapatan baoa do na manungkun i. Di halak Jahudi, baoa do na manjalo teanteanan sian natorasna molo adong dipasahat natorasna. Jalak anak siangkangan memiliki hak istimewa manjalo dua hali loppit manang aha pe teanteanan sian natorasna. Ala diongkui anak siangkangan do na manggontihon amongna songon kepala rumah tangga. Alani boi do adong kecemburuan ni anggina baoa i diparsagi teanteanan i, ala dua hali loppit dijalo siangkangan baoa, na mambahen gabe ndang denggan hubungan ni sianggian dohot siangkangan. Dibagasan roha ni na mangungkun i tu Jesus, asa neng ma dimapini Jesus ibana di parsagian teanteanan dohot haha manang anggina. Ditulak Jesus do pangidoanna i, tangkas dialusi Jesus, na so dipabangkit Ibana gabe panguhum manang sibagi teanteanan. Diposisihon Jesus do diriNa songon guru na mangajari sude jolma, ndang laho membela kasus ni sasahalak alani teanteanan sambing, manang alani kepentingan ni sasahalak di teanteanan. Jala dipangke Jesus do partingkian i marhite na paingothon huhut mangajari angka natorop i taringot tu hamongkuson di arta portibi on.

Didok Jesus tu angka natorop, “Jaga ma hamu...” Na marlapatan asa manat. Singotsingot do hata ni Jesus nang tu hita, asa tajaga dirinta unang mongkus hita di arta portibi. Ndang na mandok na jahat do arta nang hepeng. Alai roha ni jolma i na holongan di arta sian tu Debata, i do na so dihalomohon Jesus (pat. 1 Tim. 6: 10). Dipaingot Jesus hita asa manat di hamongkuson, ala ndang mangolu jolma i sian arta na adong di ibana. Boasa diajari Jesus hita, “Pasiding hamu ma haholiton”? Ala halak na sai mongkus di arta portibi, boi do gabe halak na holit mangurupi donganna na pogos nang na gale. Boi do gabe holit pasahathon pelean (ucapan syukur) na dumenggan tu Debata, nang pe sian Debata artana i. Alani holitna, gabe ndang diboto be mandok mauliate tu Debata, ndang diboto be mangurupi donganna na gale nang na pogos, ndang diboto be mangulahon holong tu donganna jolma. Asa unang gabe halak na holit hita, songon na nidok ni Jesus, unang ma holongan rohanta di arta portibi on sian tu Debata, ai sian Debata do ngolunta, ndang sian arta portibi on. Ndang sian arta portibi on dapot hita dame dohot hasonangan ni roha, alai sian Debata do. Ai godang halak na mora nang na pogos pe, ndang hea sonang jala dame rohana, ala holan tu arta rohana.

Sian tangan ni Debata do angka arta, huaso nang jabatan na adong di hita. Molo diloas Debata pe hita mamora sian dalan na tama, tontu sian tangan ni Debata do tajalo i. Antong tapadao ma hamongkuson. Halak na mongkus di manang aha pe (arta, jabatan, husoa, pujipujian, dna) i ma halak na so boi marnida pasupasu ni Debata di ngoluna. Hamongkuson jotjot do gabe patubu parbadaan di angka na marhahaanggi. Holan alani hamongkuson di arta teanteanan (isarana tano), boi do na marhahaanggi gabe masiseatan. Godang do parkaro di pengadilan na maol sidung, alani maolna padamehon angka na marhahaanggi di parbadaan alani teanteanan. Boasa maol? Ala ndang adong na olo mengalah. Boasa ndang olo mengalah? Alani hamongkuson di tano teanteanan sian natorasna. Hape molo monang pe di pengadilan alani mongkusna, aha ma gunana, ai ndang dipasupasu Debata teanteanan na songon i. Ala gabe mamboan parbadaan bolon di angka na marhahaanggi. Na masihaholongan hian sian na metmet, na samuda, saama – saina, hape gabe marbada bolon holan alani teanteanan. Ndang tarpasupasu be teanteanan na songon i. Gabe jea do i di hita.

Antong asa gabe pasupasu angka teanteanan nang sude arta portibi naung dipasahat Debata tu hita, naeng ma humolong rohanta tu Debata sian tu arta portibi on. Ai sian ibana do tajalo i, jala ndang gabe mate manang rugi hita molo humolong rohanta tu Debata martimbanghon tu arta portibi on. Alai gabe lam tarpasupasu do ngolunta molo humolong rohanta tu Debata daripada tu arta portibi on. di Bibelta disurathon do, hamongkuson tu arta portibi boi do mambahen halak gabe mangulahon na so sintong. Songon si Judas Iskariot, holan alani hepeng tolupulu rupia (30 keping perak), gabe digadis ibana Tuhan Jesus tu angka malim ni Jahudi asa ditangkup Tuhan Jesus (Mat. 26: 15). Jala jotjot do ibana manangko hepeng sian kas na tiniopna songon bendahara ni angka sisean ni Tuhan Jesus (Joh. 12: 6). Songon i nang di Padan na Robi, si Gehasi, naposo ni si Elisa, sipsip manjalo hepeng sian si Naaman alani mongkus na, ndang marbinoto si Elisa (2 Raj. 5: 19-27). Gabe diuhum Debata ma ibana, pintor mamonta ma puru di pamatangna songon hapur (tubuhnya menjadi putih semua kena kusta). Humolong do roha ni Gehasi tu hepeng sian tu Debata. Alani do asa di surathon di 1 Timoteus 6: 10 “Ai urat ni nasa hajahaton do roha na holongan di hepeng; i do disangkapi na deba, umbahen na lilu sian haporseaon i, gabe diaithon do godang na bernit tu dirina.” Bernit do tahilala molo sai holan na marbadai angka na marhahaanggi alani teanteanan. Bernit do tahilala molo sai marlate ni roha hita tu arta ni dongan. Boi do halak gabe marsahit ala holan arta portibi on dipingkiri rohana. Godang na bernit na boi masa tu hita alani hamongkuson di teanteanan nang arta portibi.

Angka halak na humolong rohana di arta portibi sian tu Debata, i ma na mambahen arta portibi on gabe ganaganaan di ngoluna. Sarupa do i na mardebatahon arta portibi, na manomba ganaganaan. Mansai dihagigihon Debata do angka halak sisongon i. Ulaon na mansai dihagigihon Debata i ma manomba ganaganaan, termasuk ma manomba arta portibi on, molo humolong rohanta di arta portibi on daripada tu Debata. Alani gabe halak na manat ma hita asa unang madabu dirinta tu hamongkuson, alai taorom ma hagiotta. Halak na manat diboto do mangorom hagiot na malobihu marhite na manghaholongi Debata sian arta portibi on. jala angka halak na manat ndang madabu tu hamongkuson, gabe diboto ma mandok mauliate tu Debata. Ala diboto Debata do mual ni nasa na denggan. Huhut marsiajar ibana manghasabamhon na adong di ibana, diboto mapangontik jala diboto marlobilobi. Ngoluna pe tongtong hot marsigantung holan tu Debata sambing, ndang sai tu arta portibi on rohana. Antong marhite hata ni Debata sadari on, sai dipargogoi Debata ma hita padaohon hamongkuson. Jala naeng ma humolong rohanta di Debata sian tu arta portibi on. Amen.