Khotbah Keluaran 23: 1-9 Melawan Suap dan Korupsi

Minggu 8 Set. Trinitatis, 2 Agustus 2020

23:1 "Janganlah engkau menyebarkan kabar bohong; janganlah engkau membantu orang yang bersalah dengan menjadi saksi yang tidak benar.

23:2 Janganlah engkau turut-turut kebanyakan orang melakukan kejahatan, dan dalam memberikan kesaksian mengenai sesuatu perkara janganlah engkau turut-turut kebanyakan orang membelokkan hukum.

23:3 Juga janganlah memihak kepada orang miskin dalam perkaranya.

23:4 Apabila engkau melihat lembu musuhmu atau keledainya yang sesat, maka segeralah kaukembalikan binatang itu.

23:5 Apabila engkau melihat rebah keledai musuhmu karena berat bebannya, maka janganlah engkau enggan menolongnya. Haruslah engkau rela menolong dia dengan membongkar muatan keledainya.

23:6 Janganlah engkau memperkosa hak orang miskin di antaramu dalam perkaranya.

23:7 Haruslah kaujauhkan dirimu dari perkara dusta. Orang yang tidak bersalah dan orang yang benar tidak boleh kaubunuh, sebab Aku tidak akan membenarkan orang yang bersalah.

23:8 Suap janganlah kauterima, sebab suap membuat buta mata orang-orang yang melihat dan memutarbalikkan perkara orang-orang yang benar.

23:9 Orang asing janganlah kamu tekan, karena kamu sendiri telah mengenal keadaan jiwa orang asing, sebab kamu pun dahulu adalah orang asing di tanah Mesir.

23:1 Ndang jadi pararatonmu barita gapgap, jala unang paherbang tanganmu rap dohot parjahat, gabe sitindangkon hageduhon.

23:2 Ndang jadi paihutonmu tahi torop laho manjahati, jala ndang jadi parpanguluanmu hata bada, manang manolopi hata torop laho papeolhon uhum.

23:3 Na pogos pe ndang jadi ampinanmu di pargulutanna.

23:4 Molo jumpang ho lombu ni musum, manang halodena lilu, ingkon mulak togihononmu tu ibana.

23:5 Molo diida ho halode ni halak na mangkagigihon ho mandate dibahen soratna, ndang jadi pasombuonmu peak, ingkon paheheonmu do i rap dohot binoanna.

23:6 Ndang jadi pailingonmu uhum tu halak na pogos hasolhotonmu di pargulutanna i.

23:7 Sai paholang ma ho sian hata gapgap, jala ndang jadi mate bunuonmu halak na lidang dohot na tigor, ai ndang olo Ahu mamintori halak parjahat.

23:8 Ndang jadi jaloonmu silehonlehon, ai papitung mata ni halak angka na tonggor hian nian anggo silehonlehon, jala dipapeol parhataan ni halak partigor.

23:9 Ndang jadi hilangonmu halak dagang, ai diboto hamu do roha ni halak dagang ala halak dagang nang hamu na jolo di tano Misir.

Molo taida di partingkian sinuaeng on godang do halak na papeol angka uhum na tigor, jala na mandok angka hata na so sintong, jala manolopi angka hata ni parjahat manang na mangulahon angka hageduhon di pardalanan ni ngoluna, asalma malua dirina manang dapotan silehonlehon (sisip) na pasonang ngoluna. Ndang adong na mangorai jolma mamora alai manang ise na mangomo sian dalan na so ture ndang dihalomohon Debata.

Digoari do turpuk on di hata Batak “patik na so jadi mardingkan (peraturan tentang hak-hak manusia)”. Marlapatan do i dipatihi Debata do jolma asa menjamin hak-hak ni manang ise pe di ngolunta. Na so jadi buaton tumpal ni halak sian ibana, na so jadi salahononhon halak na sintong jala sabalikna mamparhatutu halak na marsala. Ai hajahaton do i di jolo ni Debata. Sandok ingkon mangolu jolma i hombar tu hasintongan, na so jadi angatan manang rupaon ni manang ise pe. Marhite ayat 1-9 on, gumodang parenta on mandok “unang manang ndang jadi”, sada oraora sian Debata asa saluhut bangso i mangolu dibagasan nasida pe, adong hak-hak nasida songon bangso ni Debata nang halak dagang pe. Molo tasagi turpuk on adong pigapiga horong hak-hak ni ganup halak na so boi agohonon ni manang ise pe.

Ndang jadi pararatonmu barita gapgap. Tangkas di ayat 1 didok ndang jadi pararatonmu barita gapgap, dung i didok muse di ayat 7, sai paholang ma ho sian hata gapgap. Domu tuson didok si Martin Luther do pangalapation ni Patik Paualuhon: ingkon ampinan do halak anggo so tangkas dope salana, angka barita na denggan i do sipaboaon. Sada na mangondolhon asa unang targasip di angka na didokna, dung i asa unang diuhumi halak donganna hape soada salana. Jolma na olo marhata gapgap ndada holan manegai parsaoran ala patubu parbadaan di tonga ni na sahuta alai dohot do mangaleai Debata na pahot uhum. Marjea do halak na paro gasip. I do umbahen na koras Jesus mandok tu halak na paro gasip tumagon ma dilonongkon ibana tu laut songon na tarsurat di Markus 9: 42 “Alai na manggasipi sada sian na metmet on, angka na porsea di Ahu, dengganan ma digantungkon losung batu tu rungkungna, laho mangalonongkon ibana tu laut”. Jala sabalikna, ndang jadi ampinan halak disalana, ingkon na sintong do hatindanghonon, sala ia sala, sintong ia sintong. Ndang mardia imbar, i do umbahen na dipatihi di turpuk on: “nang pogos ndang jadi ampinanmu di pargulutanna (ay. 3). Ingkon adong do kepastian ni uhum, ndang gabe ala pertimbangan tertentu gabe didok dibagasan roha, asi roha gabe dipasintong ibana dihaurahonna. Da dumenggan do jolo dijalo hasalaanna, dung i pe pinangido asi ni roha. Ai Debata pe mamparmuati do rohana di angka hahuranganta.

Hajahaton do molo ndang niula na tama hape na boi ulahononton. Molo tajaha di ayat 4-5 “Molo jumpang ho lombu ni musum, manang halode na lilu, ingkon mulak togihononmu tu ibana. Molo diida ho, halode ni halak na manggigihon ho mandate dibaen soratna, ndang jadi pasombuonmu peak, ingkon paheheonmu do i rap dohot binoanna”. Sian pandohan on boi taida ia hajahaton ndang holan na mambahen manang patubu na roa dohot mangulahon na jat maradophon halak. Alai ala na so mangulahon na denggan na patut siurupan maradophon dongan manang musu tong do i hajahaton. Dua ma tudosan dipangke di son i ma halode ni musu na lilu. Somalna molo marmusu sasahalak, ndang holan halakna dihasogohon, dohot do keluargana, pinomparna dohot pahan pahanan na suang songon i nang suan suanan na. Tontu di parngoluan si saonari on maol do adopanta angka si songon on. Boha do manghaholongi musus? Tontu suhar do poda pangajarion on tu roha nang pingkiranta. Hape dipatihi Debata do bangsoNa molo lilu halode ni musu, ingkon paulakon do i tu nampunasa. Manang molo tarbereng bangso i pasorathu halode ni na manghagigihon ibana pola sampe tinggang ingkon paheheonna do i. Sarupa ma i di ngolunta on, molo niida sada mara laos marsombusombu, parsala do ibana disi. Manang masa hajahaton taida tangkas di jolonta hape ndang niambatan hajahaton i tarajuman do hita mangona i patik i. Alani do asa adong pandohan na manok: “Molo diida ho na jahat hape ndang dibahen ho manang aha tu si, tong do na jahat roham disi. Alani naeng ma tatangkasi dirinta marihite turpuk on taringot holong ni roha dohot asi ni rohanta, ra hea do tatangihon ende na mandok songon on, marisuang do ninna sasude pardalanan ni ngolunta molo so mian be di hita holong ni roha, ai holong i do sasintongna pangarimpunan.

Manghagigihon sisip dohot korupsi. Marhite pandohan manghagigihon boi do i martudu respon ni sasahalak marnida na ramun. Somalna pinadao diri jala pinasiding ma langka dais tu angka na ramun jala pinadao pamerengan sian angka sihagigihononhon. Di turpuk on memang ndang didok secara hurufiah “manghagigihon sisip” alai didok: “Ndang jadi jaloonmu silehonlehon”. Ndang dihalomohon Debata silehonlehon na songon i ai boi do i gabe manegai hadirion ni jolma i sandiri. Tonggor do simalolongna alai gabe ndang boi marnida. Adong do utokutokna alai ndang marpingkir, adong do rohana alai gabe mago roha, jala adong do pamanganna alai gabe mauhom. Jotjot do jumpangta sisongon i tarlumobi di angka parkarejoan na naeng nangkok jabatan tu na tumimbo manang naeng mandungdung jabatan na pinarsinta ni rohana. Na naeng masuk tu perguruan tinggi, na naeng masuk tu parkarejon, mambuka usaha dohot lan na asing dope.

Marragam dope ra istilah na boi putihanta pangalaho na sahorong tu na manjalo sisip, saluhutna i bentuk korupsi do, roha na pamagahon boniaga, alai dohot do na pamagohon donganna, pamagohon hasintongan jala pamagohon diri sandiri. I do korupsi, mangagohon na adong gabe so adong. Tontu ringkot do di hita sihumisik, jabatan, parkarejoan manang arta alai ndada alani gabe mapitung simalolongta marnida na sintong jala tapapeol halak partigor holan mangahut tu dirinta. Di son ma diuji roha nang hadirionta, tolap do hita mangalo roha sibuk manang daon. Marjea jala marlea do ngolu ni jolma na mamora sian dalan na so tingkos. Ai aha ma gunana godang sinamot tapapungu di portibi on hape mago do tondinta di ari sogot? Amen.