Khotbah 1 Korintus 6: 12-20 Pengendalian Diri Terhadap Teknologi

 Minggu 11 Set. Trinitatis; 23 Agustus 2020

6:12 Segala sesuatu halal bagiku, tetapi bukan semuanya berguna. Segala sesuatu halal bagiku, tetapi aku tidak membiarkan diriku diperhamba oleh suatu apa pun.

6:13 Makanan adalah untuk perut dan perut untuk makanan: tetapi kedua-duanya akan dibinasakan Allah. Tetapi tubuh bukanlah untuk percabulan, melainkan untuk Tuhan, dan Tuhan untuk tubuh.

6:14 Allah, yang membangkitkan Tuhan, akan membangkitkan kita juga oleh kuasa-Nya.

6:15 Tidak tahukah kamu, bahwa tubuhmu adalah anggota Kristus? Akan kuambilkah anggota Kristus untuk menyerahkannya kepada percabulan? Sekali-kali tidak!

6:16 Atau tidak tahukah kamu, bahwa siapa yang mengikatkan dirinya pada perempuan cabul, menjadi satu tubuh dengan dia? Sebab, demikianlah kata nas: "Keduanya akan menjadi satu daging."

6:17 Tetapi siapa yang mengikatkan dirinya pada Tuhan, menjadi satu roh dengan Dia.

6:18 Jauhkanlah dirimu dari percabulan! Setiap dosa lain yang dilakukan manusia, terjadi di luar dirinya. Tetapi orang yang melakukan percabulan berdosa terhadap dirinya sendiri.

6:19 Atau tidak tahukah kamu, bahwa tubuhmu adalah bait Roh Kudus yang diam di dalam kamu, Roh Kudus yang kamu peroleh dari Allah, -- dan bahwa kamu bukan milik kamu sendiri?

6:20 Sebab kamu telah dibeli dan harganya telah lunas dibayar: Karena itu muliakanlah Allah dengan tubuhmu!

6:12 Saluhutna do jadi di ahu, alai ndang saluhut marguna; saluhutna do jadi di ahu, alai ndang jadi patunduhon ni manang aha ahu.

6:13 Tu butuha i do angka sipanganon, jala butuha i do tu angka sipanganon; alai rap pasohoton ni Debata do angka i. Alai anggo daging i, unang ma tu parmainanon; tu Tuhan i ma, jala tu daging i do Tuhan i!

6:14 Alai dipahehe Debata do Tuhan i, laos paheheonna ma nang hita di hagogoonna i.

6:15 Ndang diboto hamu, ruas ni Kristus do pamatangmuna? Tung pangkeonku ma angka ruas ni Kristus i bahen ruas ni siula parmainanon? Dao ma i!

6:16 Ndang diboto hamu, naung gabe sada daging dohot boruboru na jahat, anggo sampur tusi; ai ninna do: "Na gabe sada daging do nasida na dua i."

6:17 Alai na padomu dirina dohot Tuhan i, gabe sada tondi do i dohot Ibana.

6:18 Maporus ma hamu pasiding parmainanon i! Nasa dosa na niula ni jolma, dibalian ni dagingna do; alai na marmainan, mardosa di dagingna sandiri do.

6:19 Ndang diboto hamu: Dagingmuna do joro ni Tondi Parbadia, na di bagasan hamu, naung jinalomuna sian Debata; ndada hamu nampuna dirimuna.

6:20 Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna i.

Di naung canggih hamajuon ni zaman nuaeng, hira so tarholipan be angka pangalangkupon, parmainon dohot pangalaho harumaron. Ndada holan natuatua, naposo targoda tu na masa i alai dohot do nang dakdanak, ala boi patar barita manang ulaon na songon i diida di internet manang media elektronik. Pasupasu ni Debata do sasintongna hamajuon ni zaman i. Alai unang ma hamajuon i mangihot hita, mamparhatoban hita. Unang ma tapangke molo gabe manghorhon dosa tu hita. Ai ingkon tuk do gogo ni jolma laho mangarajai dirina, ndada gabe dirajai na pinarhagiot ni dagingna. Ndada holan mangasahon hagiot sambing alai naeng do hombar tu lomo ni roha ni Debata na maringanan dibagasan ngolu ni na porsea i.

Dung tajaha turpuk on, boi do tubu sungkun sungkun, aha do na masa dihatiha i di tingki disurathon apostel Paulus turpuk on? Boasa diarahon apostel Paulus asa manjaga habadiaon ni pamatang? Jala boasa ditaringoti apostel Paulus taringot tu butuha dohot sipanganon? Di Hakristenon na parjolo i, di huria Korint, nang pe naung marugamo Kristen nasida, alai sai hot dope di diri nasida dohot dipangalaho nasida parmainan (pangalangkupon) na hea masa di ngolu nasida, alani budaya kebebasan na so terbatas na masa dihatiha i di halak Korint (1 Kor. 5). Gabe ndang tarida be hatandion ni nasida songon halak Kristen sian halak na so mananda Kristus di parngoluan siganup ari. Alani do didok apostel Paulus, dung mangolu ruas ni Korint di Hakristenon, naeng ma nasida mangolu dibagasan habadiaon na ingkon tarida diparngoluan siganup ari di humaliang nasida.

Dipaingot apostel Paulus do huria i di ayat 12: “Saluhutna do jadi di ahu, alai ndang saluhut marguna; saluhutna do jadi di ahu, alai ndang patunduhon ni manang aha ahu”. Tangkas didok di si, nang pe saluhutna boi diulahon jolma alai ndang saluhutna i marguna. Sintong do i, songon halak Kristen angka naung pinalua ni Kristus bebas do hita mangulahon sandok siulaonta. Alai ringkot ingoton udut ni pandohan i, “ndang saluhutna marguna”. Sian on ma tangkas botoon dibagasan kebebasan na nilehon ni Debata laho mangulahon ulaon, adong do ruhut ruhut na ingkon siantusan, siingoton dohot siulahonon. Unang ma ala naung bebas hita gabe marlomolomo mangulahon ulaon hombar tu hisap hisap manang hagiot ni dagingta, alai adong do ruhut ruhut siingoton songon halak na pinalua jala na porsea tu Tuhan i. Di 1 Petrus 2: 16 “Ai angka naung malua do hamu, alai unang ma pinangke haluaon i mangondingi hajahaton, songon angka naposo ni Debata ma tahe”.

Songon i nang dipamatang pe dibahen apostel Paulus do tudos tudos di ayat 13, “Tu butuha i do angka sipanganon, jala butuha i do tu angka sipanganon, alai rap pasohoton ni Debata do angka i, alai anggo daging i, unang ma tu parmainon, tu Tuhan i, jala tu daging i do Tuhan i”. Na marlapatan naeng adong dihalak Kristen pangarajaion diri manganhon angka sipanganon, dohot pangarajaion diri asa unang mangulahon parmainan. Molo ni rimang rimangan taringot tu sipanganon boi dohonon, ndada holan na mangisi butuha naung male. Alai marpardomuan do tu hinatabo, cara mangalompa, dipanggang do, digoreng do manang na tinombur do, gariada tahe sahat do tu na patupahonsa dohot cara manganhonsa. Laos adong do muse alani harga diri manang gengsi gabe ingkon tu restoran mangan. Lam maju sada luat lam maju do nang ragam daini sipanganon di luat i. Kota Korintus sada kota na maju, tontu maju nang diperadabannang ragam ni sipanganon hombar tu selera ni jolma. Tontu boi do nang i mampanghorhon tu haporseaon. Unang diparhatoban sipanganon i hita. Alai tapangan ma sipanganon i hombar tu ringkotna. Ingkon mampu do hita mangotapi dirinta uju manganhon sipanganon. Sotung do gabe manambai sahit tu pamatangta ala so boi tarajai dirinta. Unang be nian adong pandohan na mandok mate mate mangallang.

Tangkas situtu disurathon di ayat 15 “Ndang diboto hamu, ruas ni Kristus do pamatangmuna? Tung pangkeonku ma angka ruas ni Kristus i bahen ruas ni siula parmainanon? Dao ma i!” Ala ruas ni Kristus pamatangta on, naeng ma tajaga manang tarajai dirinta asa unang diramuni dosa parmainan. Molo ruas ni Kristus pamatangta, na marlapatan naung mardomu do hita gabe sada Tondi do hita dohot Kristus (ay. 17). Di ayat 19 pe tangkas didok, “Ndang diboto hamu: Dagingmuna do joro ni Tondi Parbadia, na di bagasan hamu, naung jinalomuna sian Debata; ndada hamu nampuna dirimuna”. Molo ruas ni Kristus jala joro ni Tondi Parbadia do pamatangta, lapatanna ndang hita nampuna dirinta, alai Kristus do. Ala Kristus nampuna hita, ndang boi marlomo lomo hita tu pamatangta.

Ayat 20 mandok, “Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna i”. Molo arga do pamatangta dohot tondinta ditobus Debata, naeng ma tapasangap Debata marhite pamatangta nang tondinta. Ditompa Debata pamatangta, ndang na laho asa mangulahon na so hombar tu roha ni Debata, alai asa tau pasangaphon Debata do. Alani ingkon manat do halak Kristen asa sude ruas ni pamatangta (simanjojak, simangido, pamangan, simalolong, siubeon, simajujung dohot lan na asing) naeng pasangaphon Debata, ndang gabe mangulahon dosa dohot paleahon Debata. Molo naung ditobus Debata hita jala arga do hota ditobus, na marlapatan dipasahat Debata tu pamatangta on hasangapon marhite habadiaon. Molo sangap do pamatangta dibahen Debata, naeng ma tajaga habadiaonta, ai marhite na manjaga habadiaon ni pamatangta do gabe sangap hita.

Tarlumobi di era revolusi industri na paopathon di tingki on, tung godang do halak na so manjaga habadiaon di parrumatanggaon nang di masyarakat. Alani perkembangan teknologi, olo do lupa halak dihabadiaon ni pamatangna nang tondina, ala gabe teknologi na mangarajai dohot mangatur pamatang nang tondina. Alani do ingkon manat hita mamangke teknologi na berkembang nuaeng, ingkon boi tarajai dirinta, naeng marbisuk hita, asa hita na mangarajai teknologi. Pangarajaion diri ima sada sian parbue ulaon ni Tondi (Gal. 5: 22). Molo boi hita mangarajai dirinta mangadopi teknologi, gabe halak Kristen siparmonang ma hita sahat di ujungna. Alai molo ndang boi tarajai dirinta mangadopi teknologi gabe sipartalu jala gabe hatoban ni teknologi do hita. Naeng tapasahat dirinta tu panogunoguon ni Tond Parbadia, na jotjot paingothon hita asa manat mamangke teknologi, manat mamangke media sosial, manat mamangke kebebasan na adong di dirinta be. Asa marhite pangarajaion dirinta mangadopi teknologi, tarpasupasu ngolunta ala marsangap Debata di ngolunta. Amen.