Khotbah 2 Samuel 9: 1-8 "Kepedulian Terhadap Disabilitas"

Minggu 16 Set. Trinitatis; 27 September 2020

9:1 Berkatalah Daud: "Masih adakah orang yang tinggal dari keluarga Saul? Maka aku akan menunjukkan kasihku kepadanya oleh karena Yonatan."

9:2 Adapun keluarga Saul mempunyai seorang hamba, yang bernama Ziba. Ia dipanggil menghadap Daud, lalu raja bertanya kepadanya: "Engkaukah Ziba?" Jawabnya: "Hamba tuanku."

9:3 Kemudian berkatalah raja: "Tidak adakah lagi orang yang tinggal dari keluarga Saul? Aku hendak menunjukkan kepadanya kasih yang dari Allah." Lalu berkatalah Ziba kepada raja: "Masih ada seorang anak laki-laki Yonatan, yang cacat kakinya."

9:4 Tanya raja kepadanya: "Di manakah ia?" Jawab Ziba kepada raja: "Dia ada di rumah Makhir bin Amiel, di Lodebar."

9:5 Sesudah itu raja Daud menyuruh mengambil dia dari rumah Makhir bin Amiel, dari Lodebar.

9:6 Dan Mefiboset bin Yonatan bin Saul masuk menghadap Daud, ia sujud dan menyembah. Kata Daud: "Mefiboset!" Jawabnya: "Inilah hamba tuanku."

9:7 Kemudian berkatalah Daud kepadanya: "Janganlah takut, sebab aku pasti akan menunjukkan kasihku kepadamu oleh karena Yonatan, ayahmu; aku akan mengembalikan kepadamu segala ladang Saul, nenekmu, dan engkau akan tetap makan sehidangan dengan aku."

9:8 Lalu sujudlah Mefiboset dan berkata: "Apakah hambamu ini, sehingga engkau menghiraukan anjing mati seperti aku?"

9:1 Dung i ninna si Daud ma manangkasi: Adong dope ulaning jolma tadingtadingan ni raja Saul, asa hubahen asi ni roha tu ibana, ala si Jonatan?

9:2 Jadi adong ma sada naposo isi ni bagas ni si Saul nahinan, na margoar si Siba, gabe tarjou ibana tu jolo ni si Daud. Dung i ninna rajai ma mandok ibana: Atehe ho do si Siba? Naposom do ahu, ninna ibana.

9:3 Dung i didok rajai ma: Atehe adong dope jolma tadingtadingan ni si Saul, asa hubahen tu ibana asi ni roha sian Debata? Jadi ninna si Siba ma mandok rajai: Adong dope sada anak ni si Jonatan, pangpang patna duansa.

9:4 Dung i ninna rajai ma mandok ibana: Didia ibana? Gabe didok si Siba mandok rajai: Ida ma, di Lodebar do ibana, sorang tu si Mahir, anak ni si Ammiel.

9:5 Dung i disuru raja Daud suruanna mangalap ibana sian bagas ni si Mahir, anak ni si Ammiel di Lodebar.

9:6 Jadi dung sahat si Mepiboset, anak ni si Jonatan, tubu ni si Saul, tu jolo ni si Daud, manungkap ma ibana tu tano marsomba. Alai ninna si Daud ma: Ale Mepiboset! Gabe didok ibana ma: Dison do ahu naposom.

9:7 Dung i didok si Daud muse tu ibana: Unang ho mabiar, ai ingkon bahenonku tu ho asi ni roha, ala ni si Jonatan amangmu, ingkon paulahonku tu ho sude golat ni si Saul, ompumi, jala ingkon tongtong ho sapanganan dohot ahu.

9:8 Jadi marsomba ma ibana, huhut didok: Tung ise ma pola ahu naposom, umbahen pola dompakkononmu biang na mate songon ahu on?

Dipabangkit Debata do si Daud gabe raja di Israel singkat ni  si Saul na so unduk be tu hata ni Debata (1 Sam.16). Tung mansai sogo do roha ni si Saul tu si Daud na gabe raja manggantihon ibana di Israel (1 Sam.18), mangiburu roha ni si Saul umbege hata ni angka parompuan na mandok: Marriburibu do naung tinaluhon ni si Saul, alai anggo si David marloksaloksa do (1 Sam.8:7), ala songon ima hagogoon ni si Daud dipargogoi Debata ibana laho manaluhon si Goliat dohot halak Palistim nang angka musu. Nang pe sogo roha ni si Saul marnida si Daud, tongtong do denggan parsaoran ni si Daud tu si Jonatan anak ni si Saul. Jala marpadan do si Daud dohot si Jonatan, Alai anggo hata naung tapadanhon, ahu dohot ho, ida ma, Jahowa do di tongatonganta ro di saleleng ni lelengna (1 Sam.20:23). Na tongtong do nasida nadua satia di padannasida i, denggan situtu do parsaoran nasida, nang holong marsihaholongan di paralealeon nasida i.

Mate do si Saul dohot tolu halak anakhonna baoa ima Jonatan, Abinadab, dohot Malkisua uju marporang halak Israel maradophon halak Palistim. Alai ia si Daud sai Dipasupasu Debata do ibana di na manguluhon bangso Israel, nang uju marporang pe sai marhamonangan do ibana maralohon musu, halak Palistim, Moab, Aram dohot Edom (2 Sam.8). Jadi tarbarita situtu ma goar ni si Daud di saluhut luat. Tongtong do ingot si Daud maradophon alealena si Jonatan naung jumolo marujung ngolu i, umbahen na disungkun ibana di bagasan turpuk on: Adong dope ulaning jolma tading-tadingan ni Raja Saul, asa hubahen asi ni roha tu ibana, ala si Jonatan? (ay.1). Dipatuduhon si Daud do denggan basana tu pinompar ni raja Saul na ginantihonna i, hape raja Saul uju di ngoluna marsogo ni roha situtu do mida si Daud jala hea naeng mamunu ibana uju bangkit Daud gabe raja singkatna. Saluhutnai diulahon ibana ala satia do ibana di hata naung nipadanhonna tu si Jonatan, anak si Saul alealena i. Marhitehite si Siba ima naposo ni si Saul hian, gabe diboto raja Daud ma na adong dope tinggal anak si Jonatan ima si Mepiboset, jala pahompu ni si Saul do ibana. Marhitehite turpuk on, idaonta ma sada tiruan na binahen ni si Daud, ima:

1.   Satia Ma Tu Hata Naung Nipadanhon, Ingkon Dos Do Hata Tu Pambahenan

Atik pe naung marujung ngolu si Jonatan dohot si Saul, tongtong do diingot si Daud saluhut hatana naung hea dipadanhon ibana tu si Jonatan alealena i, paboa na parbinoto do Debata, jala dipaloas nasida do Debata mangula di tongatonga ni paralealeonnasida i. Atik pe nunga gabe raja si Daud, ndang gabe leas rohana tu si Saul raja naung ginantihonna i, suang songon i si Saul ipe simatua do, ala nunga mardongansaripe raja Daud tu si Mikhal boru ni si Saul (1 Sam.18:27-28). Alai, ndada ala ni tondongna umbahen na mardenggan basa si Daud tu si Mepiboset pahompu ni si Saul sian si Jonatan i. Alai ala marningot jala satia do Daud dipadanna diadopan ni Debata. Ndada hata sambing padanna i, ndada holan padan tu jolma, alai na umbalga ima padan naung nihatahonna i ima padan tu Debata do, paboa na ingkon tongtong ibana mangulahon na denggan tu saluhut pinompar ni si Jonatan alealena i. Jala diulahon ibana do i. Tarida do dos hata tu pambahenan ni raja Daud i.

2.   Marasi ni roha tu angka na martihas (difabel/disabilitas).

Mepiboset ima anak si Jonatan na martihas marhite na pangpang duansa patna. Disuruh si Daud do angka naposona mangalap si Mepiboset  i asa boanon nasida ma ibana mangadop raja Daud. Atik pe nunga gabe raja si Daud, ndang dihaginjanghon ibana dirina maradophon angka  na asing, tarlumobi angka sisolhotna pinompar sian si Saul dohot si Jonatan. Molo mangihuthon habatahon, hulahula ni si Daud do si Saul, Jonatan nang si Mepiboset. Ala naung jumolo marujung ngolu si Saul dohot si Jonatan, tinggalma si Mepiboset na mangolu sian pinomparnasida i. Atik pe martihas si Mepiboset, ndang leas roha ni si Daud marnida ibana, jala dihaholongi ibana do ibana songon jolma na asing na so martihas, dietong do na so martihas si Mepiboset i. Jala Mepiboset pe ditanda do dirina nang hahurangan di fisikna, diboto ibana do ise na manghaholongi jala na marasiroha mida ibana ima raja Daud, panggomgomi na tumimbo di Israel. Ndang marginjang ni roha si Mepiboset, jala ndang adong sogo ni roha di ibana songon ompuna si Saul i. Diboto jala ditanda ibana do ise donganna manghatai i. Hata na lambok do sian raja Daud, suang songon i si Mepiboset. Diparbagabaga si Daud do pos ni roha, asa unang mabiar si Mepiboset tu ibana jala naeng paulahon ni si Daud sudena ladang si Saul ompuna i, suang songon i ingkon sapanganon do nasida di bagas ni raja i. Hata Sapanganon, ima patuduhon holong ni roha, panarihonon di ngolu siapari, kesejahteraan, na so jadi be anturaparon halak na asing na rap dohot ibana. Hata Sapanganon, patuduhon serep ni roha ni raja Daud, na dietong ibana do si Mepiboset halak na martihas (difabel) i dirina sandiri, nunga be dipataridahon ibana holong maradophon dongan jolma doshon tu dirina sandiri (Mat.22:37-39).

3.   Tongtong mananda diri jala marserep ni roha

Ditanda si Mepiboset do ise dirina, sahalak na so singkop di pamatangna, alani tihasna ima na pangpang duansa patna. Molo di halak Israel jumpang  sisongon on, dietong do i ala ni dosa ni natoras manang ompuna najolo. Jala somalna dipasiding do sian parsaoran ni keluarga pe, asa unang pailahon keluarga. Idaonta ma dison jumpang do i. Ai di Lodebar do si Mepiboset di jabu ni si Makir, ala ndang adong be sisolhotna na mangolu hatiha i, ai nunga mate be amana ima si Jonatan suang songon i ompuna si Saul i. Panandaon diri dohot serep ni rohana dipatuduhon ibana do uju ro mangadop tu raja, manungkap do ibana tu tano jala marsomba ima pangalaho na pasangaphon sahalak raja, huhut do didok si Mepiboset do dirina doshon biang na mate (ay.8), ima alani situasi ni pamatangna naung nietongna naso mararga jala naso marguna be ibana, doshon na mate nama ibana panghilalaanna ala ni tihasna i. Alai jumpangan asi ni roha do angka na mananda diri dohot na serep marroha i, songon si Mepiboset.

Topik Minggu Marasi ni roha tu angka na martihas, naeng ma tapatuduhon holong ni roha maradophon angka donganta jolma sisongon i. Ai ndang lomo ni roha nasida manang natorasna sorang anakhonna tu portibion  mardonganhon tihas (disabilitas). Alai naeng do papataron ni Debata huasona marhitehite angka jolma sisongon i. Asa tarida holong ni roha ni jolma i maradophon angka sisongon i. Jala jolma na so singkop sian hatutubuna manang penyandang disabilitas (kaum difabel) ingkon mananda dirina do, unang pintor hatop tersinggung di angka hata nang pambahenan ni angka dongan maradophon ibana. Survei taon 2015 mandok 21,84 Juta manang hirahira 8,56 % sian penduduk Indonesia ima penyandang disabilitas (difabel) do. Alani, songon dia do ganup jolma, masyarakat, nang Gereja menyikapi situasi on. Gereja mansoarahon tolu panjouon ni Huria ima: Persekutuan (Koinonia), Kesaksian (Marturia) & Pelayanan Sosial (Diakonia) ingkon ulahonon ni ganup halak na porsea do i, ima tugasna songon sahalak Kristen. Mat.25:40 Nasa na binahenmu tu sada sian anggingKu angka na metmet on, na tu Ahu do i dibahen hamu.