Khotbah Kejadian 2: 18-25 "Setara di Hadapan Tuhan"

Minggu 17 Set. Trinitatis; 4 Oktober 2020

2:18 TUHAN Allah berfirman: "Tidak baik, kalau manusia itu seorang diri saja. Aku akan menjadikan penolong baginya, yang sepadan dengan dia."

2:19 Lalu TUHAN Allah membentuk dari tanah segala binatang hutan dan segala burung di udara. Dibawa-Nyalah semuanya kepada manusia itu untuk melihat, bagaimana ia menamainya; dan seperti nama yang diberikan manusia itu kepada tiap-tiap makhluk yang hidup, demikianlah nanti nama makhluk itu.

2:20 Manusia itu memberi nama kepada segala ternak, kepada burung-burung di udara dan kepada segala binatang hutan, tetapi baginya sendiri ia tidak menjumpai penolong yang sepadan dengan dia.

2:21 Lalu TUHAN Allah membuat manusia itu tidur nyenyak; ketika ia tidur, TUHAN Allah mengambil salah satu rusuk dari padanya, lalu menutup tempat itu dengan daging.

2:22 Dan dari rusuk yang diambil TUHAN Allah dari manusia itu, dibangun-Nyalah seorang perempuan, lalu dibawa-Nya kepada manusia itu.

2:23 Lalu berkatalah manusia itu: "Inilah dia, tulang dari tulangku dan daging dari dagingku. Ia akan dinamai perempuan, sebab ia diambil dari laki-laki."

2:24 Sebab itu seorang laki-laki akan meninggalkan ayahnya dan ibunya dan bersatu dengan isterinya, sehingga keduanya menjadi satu daging.

2:25 Mereka keduanya telanjang, manusia dan isterinya itu, tetapi mereka tidak merasa malu.

2:18 Dung i ninna Debata Jahowa ma: Ndang jadi punjung jolma i; hubahen ma di ibana sada pangurupina bahen donganna.

2:19 Ai dung sun dijadihon Debata Jahowa sian tano i nasa binatang di ladang ro di sude pidong angka na martongatonga langit, ditogihon ma i tu si Adam, asa diida manang beha goaranna; jala ia i dibahen si Adam goar ni nasa na marhosa laos i do goarna.

2:20 Jadi dibahen si Adam ma goar ni nasa pahanpahanan ro di pidong angka na martongatonga langit dohot nasa na manggulmit di tano on. Alai anggo di si Adam ndang adong jumpang pangurupi bahen donganna.

2:21 Dung i tarlalap modom ma si Adam dibahen Debata Jahowa, jadi dienet ma sada sian rusukna, jala dilangkophon sibuk tu pambuatanna i.

2:22 Dung i dipauli Debata Jahowa rusuk na binuatna i sian si Adam, bahen boruboru, jala ditogu ibana tu si Adam.

2:23 Dung i ninna si Adam ma: On do sahali holiholi sian angka holiholingku, jala sibuk sian sibukku; goaron ma ibana: Jolma ni baoa, ala sian baoa ibana binuat.

2:24 Dibahen i tadingkonon ni baoa do amana dohot inana mandongani jolmana, jadi sada sibuk nasida.

2:25 Marsaemara do nasida duansa, si Adam dohot jolmana i, jala ndang maila nasida.

Panompaan ni Debata taboto tangkas do marhaujungan di panompaon ni angka manisia, na marlapatan sasintongna ima adong pe manisia i, harorona di portibion alani naso dituntun jala ndang  alani na masa di portibion (peristiwa alam semesta). Bahkan saluhut angka na masa diportibion (alam) boi didok marhite sada haporseaon ima ndang adong namasa jala ndang adong dihilala angka manisia i, ia so marhite huaso manang hagogo ni Debata, manang so marhite asi ni rohana. Jala on na gabe bonsir panuraton ni buku 1 Musa on, na mandok saluhut angka manisia mulana sian parniulaan tangan ni Debata sitompa langit dohot tano on do. Marhite ima, sasintongna nungga ikkon porsea angka manisia i, jala porsea di angka panindangion panompaon ni Debata di portibion. Jala porsea ia so marhite Debata luhutna on di portibion dang manjadi (mempercayai bahwa Allah adalah penciptanya, bukan dewa, illah atau berhala). Na ,marlapatan ikkon porsea angka manisia i, Debata do manompa saluhut jala sasintongna ingkon boto on ni jolma i do Debata ai dia do sisombaonna. Hombar tu si ma, ala dang adong huaso na asing na laho umboto manisia anggo so Debata, jala angka na manompa manisia i. jala ditompa Debata do nasida sada pangurupion bahen donganna mangolu di portibi on.

I do turpuk jamita di hita sadarion. Dung ditompa Debata si Adam, jolma naporjolo i, dilehon ma tu ibana sada boruboru. Ninna Debata: “Ndang dengan sasada baoa i punjung, hubahen ma di ibana sada pangurupina bahen donganna.” Marhite i dia ma nanaeng dohonon ni turpuk jamita on tu hita?

Parjolo, ringkot pangurupi di jolma i. Dilehon debata boroboru tu si Adam asa adong mangurupi ibana di angka ulaonna na pinasahat ni Debata. Alai molo didok gabe pangurupi ndada songon pangurupi (pembantu) na taantusi nuaeng. Na gabe tipa tu ibana sude angka ulaon. Alai asa rap manea marbagi di sude ulaonna. Dung dilehon Debata tu si Adam na gabe pangurupi dirajumi ibana do las ni roha i jala dietong ibana do boruboru na pinasahat ni Debata tu ibana dos argana dohot ibana. Ndada gabe holan sisurusuruonna alai asa rap nasida pasauthon parsuruon ni Debata. Laos martudutudu do on tu ngolu ni angka na mardongan saripe. Songoni do ngolu angka na mardongan saripe. Molo jumpang dos ni roha ndang adong na so tulus. Boha suraon do adong baoa na pasombuhon sadasada ulaon holan tu sada ina? Manang boha tutu holan ama do na berhak mangula angka ulaon sude di sadasada bagas? Asa ngolu na masiurupan  ido na ingkon jumpang di tonga ngolu ni halak Kristen. Unang masipasombuan dohot masipabalibalian di angka siulaon. Ido hataridaan holong ni roha na sian Debata. Di ngolu parsaripeon pe ido na ingkon jumpang, asa gabe tiruan tu angka ianakhon. Ndang pasombuon ni ama holan ina gabe batang boban. Molo ina pe na mangalului hepeng. Unang pola antoi ahu. Manang dohonan ni ama tu ina ala gumodang ibana marsari hepeng, gabe marlomolomo tu inanta i. “Lomolomongku do pahabishon hepeng on ala ahu do na marsari” Unang ma masa sisongon i. Sandok dilehon Debata do tugas dohot tanggungjawab tu sude jolma mangalului angka na ringkot di ngoluna huhut jumpang roha na masiurupan. Neang do ulaon molo adong na gabe mangurupi di hita.

Paduahon, ringkot do mardongan. “ Dung i tarlalap modom ma si Adam dibahen Debata Jahowa, jadi dienet ma sada sian rusukna, jala dilangkophon sibuk tu pambuatanna i ” . Asingkon na gabe pangurupi, udut tusi dilehon Debata boruboru tu si Adam gabe donganna. Ido umbahen didok Debata : ndang jadi punjung. Sangkap na denggan do dilehon Debata tu si Adam. Alai na umarga di turpuk on ima asa rap baoa dohot boruboru  i mangaradoti  na tinompa ni Debata. Dihilala Debata do hagaleon dohot halojaon ni si Adam mangula ulaonna. Marhite parompuan mangula Debata lahomangurupi baoa i. Alai molo dilehon Debata boruboru tu baoa ndada asa marlomolomo baoa tu borua. Jala dihatindanghon si Adam do borua i gabe pasupasu tu dirina. I do umbahen didok ibana: On do sahali holiholi sian angka holingholingku, jala sibuk sian sibukku. Goaron ma ibada: jolma ni baoa, ala sian baoa ibana binuat”. Memang hurang do tabona ngolu on molo so adong donganiba. Halak Batak mandok unang punjung songon tandiang nahapuloan, ndang adong donganna. Alani dihasiholi jolma do asa adong donganna. Tontu dohot na saroha, sapingkiran atik pe marasing sifat, karakter dohot status sosial alai boi gabe dongan, mambahen las roha, komunikasi dohot diskusi. Ido umbahen dilehon Debata boruboru tu si Adam asa adong do donganna. Di ngolunta di portibi on sipata do tahilala hira na so adong donganta mangula siulaonta manang mamarson angka na dokdok. Alai tong ma taingot las boha pe godang ni donganta di portibi on satongkin do i. Holan Jesus do na gabe donganta manang aleale na sumurung. Uju marsak hita dilehon pangapulon di hita. Jesus I ma tapardongan di ngolunta on. Ido umbahen didok endeta: Aleale na sumurung ima Tuhan Jesus i. (BE 219)

Patoluhon, dos baoa dohot borua. Nunga gabe sada daging si Adam dohot boruboru napinasahatna i (Hawa) tu ibana. “Dibahen i tadingkonon ni baoa do amana dohot inana mandongani jolmana, jadi sada sibuk nasida.” Jumpang ma di nasida hasadaon ni roha, pingkiran dohot daging sian Debata. Gabe manghilala ma nasida na dos diadopan ni Debata. On do na pinagke ni deba huria di angka poda pardongansaripeon patuduhon hadosan ni baoa dohot borua di parsaripeon i. Rap  martanggungjawab dohot marsihaholongan. Ala dos do hita di adopan ni Debata tung so boi do hita mandok umporlu ahu sian halak an. Molo jumpang panghilalaan na so dos gabe tubu ma parbadabadaan di jolma. Ndang jarang tabege ni angka na mardongan saripe perbadabadaan. Nda holan di namardongan saripe. Na mardongan saulaon, dongan sahuta, sakarejo, sapunguan masa do angka parsalisian. Songon nang ditonga ni huria masa angka parsalisian, ala na so adong dos ni roha jala ndang mian be holong ni roha nang na sapanghilalaan. Ndang adong panghilalaan na dos dohot jolma na asing. Alami tapatuduhon ma holong ni roha tu angka dongan ai rap dihahoholongi Debata do hita sude. Taingot ma hata ni Debata: Masiurupan ma hamu mamorsan angka nadokdok i, i ma dalan mangaradoti patik ni Kristus (Gal 6:2).

Dung ta jaha hatorangan ni jamita i, tangkas ma ta antusi aha do sasintongna na ni ondolhon  ni tema ni turpuk on “ Dos do hita di adopan ni debata”. Alani i songon jolma na tinompa  ni Debata adong be do hahurangan dohot hagaleonta ganup marsadasada. Dipatuduhon panompaon i do tu hita ndang singkop molo holan baoa manuhuk angka ulaon i, alai ingkon marsipaleanan. Hombar tusi do tong nang Epistelta di Minggu on na paingothon hita ingkon marsiurupan ma di sude angka hagaleon, masitumpahan di angka halobian. Ai ganup jolma adong be hahuranganna manang halobianna. Alai laos adong do hahurangan manang hagaleonna. Sandok ingkon ma masiurupan di angka ulaon asa jumpang hasadaon dohot parsaoran na denggan songon ruas ni Kristus. Asa jumpang holong namasihaholongan songon Debata naung manghaholongi hita. Songon na nidok ende on: Tatiru holong ni rohana i, pinatuduhon ni Tuhanta i, tahaholongi ma donganta, ai ruas ni Tuhanta do nang i, Mardame ma masijalanganma, tatuju ma solhot tu Debata (BE 481:3). Amen.