Khotbah Lukas 17: 26-37 Allah Menyatakan Kuasanya Melalui Bencana Alam

 Minggu 15 Set. Trinitatis; 20 September 2020

17:26 Dan sama seperti terjadi pada zaman Nuh, demikian pulalah halnya kelak pada hari-hari Anak Manusia:

17:27 mereka makan dan minum, mereka kawin dan dikawinkan, sampai kepada hari Nuh masuk ke dalam bahtera, lalu datanglah air bah dan membinasakan mereka semua.

17:28 Demikian juga seperti yang terjadi di zaman Lot: mereka makan dan minum, mereka membeli dan menjual, mereka menanam dan membangun.

17:29 Tetapi pada hari Lot pergi keluar dari Sodom turunlah hujan api dan hujan belerang dari langit dan membinasakan mereka semua.

17:30 Demikianlah halnya kelak pada hari, di mana Anak Manusia menyatakan diri-Nya.

17:31 Barangsiapa pada hari itu sedang di peranginan di atas rumah dan barang-barangnya ada di dalam rumah, janganlah ia turun untuk mengambilnya, dan demikian juga orang yang sedang di ladang, janganlah ia kembali.

17:32 Ingatlah akan isteri Lot!

17:33 Barangsiapa berusaha memelihara nyawanya, ia akan kehilangan nyawanya, dan barangsiapa kehilangan nyawanya, ia akan menyelamatkannya.

17:34 Aku berkata kepadamu: Pada malam itu ada dua orang di atas satu tempat tidur, yang seorang akan dibawa dan yang lain akan ditinggalkan.

17:35 Ada dua orang perempuan bersama-sama mengilang, yang seorang akan dibawa dan yang lain akan ditinggalkan."

17:36 [Kalau ada dua orang di ladang, yang seorang akan dibawa dan yang lain akan ditinggalkan.]

17:37 Kata mereka kepada Yesus: "Di mana, Tuhan?" Kata-Nya kepada mereka: "Di mana ada mayat, di situ berkerumun burung nasar."

17:26 Songon na masa uju di tingki ni si Noak i, suman tusi do sogot di angka ari ni Anak ni jolma i:

17:27 Na mangan minum do nasida, mangoli jala pabolihonsa sahat ro di ari habobongot ni si Noak i tubagasan parau i; jadi ro ma aek na sumar i mangagohon nasida saluhutna.

17:28 Songon na masa di angka ari ni si Lot: Mangan minum nasida, manuhor manggadis, manuan jala pauli bagas.

17:29 Alai di ari halalaho ni si Lot sian huta Sodom turun ma udan api dohot barerang sian ginjang, mangagohon nasida saluhutna.

17:30 Songon i ma masa di na sadari i, di na gabe patar Anak ni jolma i.

17:31 Ia halak na di bilut parginjang ni jabuna di na sadari i, jala di jabu i ugasanna, unang ma dialap i, di na mijur ibana; jala halak na di ladang, laos songon i: Unang pola muli ibana!

17:32 Ingot hamu ma nioli ni si Lot i!

17:33 Agoan hosa ma na naeng paluahon hosana; alai na agoan hosa, i do na pangoluhonsa.

17:34 Hudok ma di hamu: Di na saborngin i dua halak ma sapodoman; na sada do jangkononna, na sada nari tulahonna.

17:35 Rap manduda ma dua parompuan; na sada do jangkononna, na sada nari tulahonna.

17:36 Rap mangula hauma ma dua halak; na sada do jangkononna, na sada nari tulahonna.

17:37 Jadi ninna nasida ma mangalusi Ibana: Didia ma i, Tuhan? Gabe didok ma tu nasida: Ia disi bangke, laos tusi do marumbal angka lali!

 

Torop do angka tanda dibahen Debata laho patuduhon huasoNa tu hita saluhutna. Dipapatar Debata angka huasoNa marhite angka na masa di ngolunta asa marsihohot hita di haporseaonta tu Ibana paima ro ari hasosonggop ni harajaon ni Debata na so taboto sadihari harorona. Andorang so patar Anak ni Jolma i, jumolo do didok Jesus disi adong dua tanda na boi masa andorang so hapapatarNa i. Turpuk on i ma songon udut ni panghataion ni Tuhan Jesus dohot angka Parise nang angka siseanNa. Sintuhu ni panghataion i marbonsir sian sungkun sungkun ni angka Parise tu Tuhan Jesus, andigan ma songgop harajaon ni Debata? Sungkun sungkun on mansai hatop manait roha ni jolma. Torop do halak na manguji nang na marsurasura taringot tu tingkina. Dipardalanan ngolu ni hajolmaon tarida do pangalaho ni angka halak naeng mangalehon alus na tontu taringot tu tingki hasosonggop ni harajaon ni Debata. Laos gabe tubu ma angka pangajarion gapgap taringot tu ari haroroni harajaon ni Debata. Alani i sasintongna ndang apala ringkot be disungkun andigan ma songgop harajaon ni Debata? Ndang pola loja be hita manungkun andigan ma songgop harajaon ni Debata? Pasti do ro Tuhan i paduhalihon, papatarhon jala pasingkophon harajaonNa. Tutu nunga ro harajaon ni Debata marhite haroro dohot panghobasion ni Jesus di portibi on, alai pasingkoponNa do i marhite haroro ni Tuhan Jesus na paduahalihon tu portibi on.

Tuhan Jesus paboahon ianggo ari dohot sadiharina ndang adong na umbotosa (Mat. 24: 36). Sada do nuang hot, ai tung di tonga tongamuna do harajaon ni Debata (Luk. 17: 21). Sian pandohan ai tung di tonga tongamuna do harajaon ni Debata naeng dipabotohon Tuhan Jesus tu sude halak na manghatai dohot Ibana di hatiha i, asa hobas managam hasosonggop ni harajaon ni Debata i ma ari haroro ni Anaka ni jolma i. Dienet Tuhan Jesus do barita ngolu ni si Noak dohot si Lot laho mangondolhon ndang marpanggortap haroro ni Anak ni Jolma i. Uju ro hata ni Debata tu si Noak asa dipauli ibana parau, ndang adong agia ise di humaliangna na managam ingkon ro ma aek na sumar. Ganup halak do mula ulaonna songon na somal diulanasida siganup ari. Na mangan minum do angka pangisi ni portibi on, pangolihon anak jala pamuli boru sahat ro di habobongot ni si Noak tu bagasan parau na pinaulina i. Hape tompu na so panagaman ro aek na sumar jala disalpui aek i ma sude dolok na timbo na ditoru ni sandok langit i. Rimpas do sude na adong di tano on, sian jolma ro di pinahan, ro di gulok gulok ro di pidong na martonga tonga langit. Holan si Noak rap dohot pangisi ni parau i do na tading. Angkup ni i, dienet Tuhan Jesus ma muse barita ngolu ni si Lot uju maringan di huta Sodom dohot Gomora ala dosa ni pangisi ni huta i. Dilumbahon Debata do sangkapNa i tu si Abraham. Diondihon si Abraham do huta Sodom ala disura ibana sai adong dope halak na tigor  marroha na maringan di bagasan huta i. Sahat ma pangondihonon ni si Abraham i tu haputusan ni Debata, ndang ripashonon ni Debata huta i molo jumpang dope sampulu halak na tigor. Paluaon ni Debata do na saluat i ala ni na sampulu i. Hape ndang sahat sampulu halak na tarrajum halak na tigor. Holan si Lot, ripena dohot boruna na dua i do na ditogihon surusuruan ni Debata asa bungkas tu Zoar, alai huta Sodom dohot Gomora dirimpashon Debata marhite udan balerang dohot api. Tagan so ro udan i, mangan minum do pangisi ni luat i, manuhor manggadis, manuan jala pauli bagas. Ndang adong na sian nasida na managam haroro ni udan barerang dohot api di ari halalaho ni si Lot sian huta i.

Sian i tarida, nang pe so marpanggortap haroro ni Tuhan i, na so jadi marmara ganup halak naung rade jala marsihohot mian dibagasan hatigoran. Na rade do tong Debata mangalehon asi ni roha di angka na rade mangondihon angka luat na niinganan ni angka na tigor i. I do bohal na parjolo managam haroro ni Anak ni Jolma i: marsihohot jala mian dibagasan hatigoran.

Diuduti Tuhan Jesus ma muse paandarhon angka na tuk mangihot diri ni jolma di portibi on i ma: arta, parsaoran dohot ulaon siganup ari. Dipaingot do songon dia na nioli ni si Lot manaili tu pudi, dompak huta na tinadinghononna i, muba gabe batu sira ibana (1 Musa 19: 26). Ndang rade dope ibana paluahon arta, parsaoran nang ulaonna siganup ari na tading di pudina. Molo mangihuthon Tuhan Jesus hita, ingkon ma nian hibul roha nang haporseaonta tu Ibana, unang be mardua roha tu Debata. Unang ma nian ala hinatabo ni parngoluan di tano on, gabe lalap jolma i mansari ngolu ngolu di tano on gabe lupa ibana di Debata na umpasupasuhon tu jolma i. Ringkot pasidingonta pangalaho hedonis, i ma rumang ni ngolu na sai manjalahi hinatonggi ni ngolu sisaonari on marhite ragam ni ulao na mangoloi hisap hisap ni pamatang. Ringkot marsiajar hita ditogu togu hata ni Debata songon dia mangargahon nasa na adong di ngolunta sisaonari on so gabe tarihot dirinta tu si. Arta, parsaoran nang ulaonta na adong saonari on naeng ma tahamauliatehon songon silehonlehon ni Debata na ringkot pangkeonta laho paturehon na denggan di ngolunta nang di humaliangta.

Alani do ringkot do dijouhon: jaga ma hamu (Mat. 24: 4, 25; 25: 13), dungo ma hamu (Mat. 24: 42). Dungo ma hita, asa unang luangan, unang mago, unang hona uhum hita. Asa unang masa tu hita songon na disunggulhon turpuk on taringot tu na masa di na robi, songon na masa uju di tingki ni si Noak dohot si Lot. Sian dua na masa i boi idaonta, ndang pintor masa ari paruhuman i. Adong do partingkian dilehon Jahowa tu jolma i asa muba sian dosana, asa malua sian hamatean. Alai toropan do na so mamparhaseang tingki i. Ndang dilehon rohana, nang pe nunga diida jala dibege angka paruhuman dohot hamagoan na naeng ro i. Alai ndang dilehon rohana. Dung pe masa angka na masa i, tarsonggot ma nasida. Alai ndang adong be na hot patupahon nasida laho malua sian hamagoan i.

Laos songon i do na masa di haroroni harajaon ni Debata, songgot jala tomu do harorona jala ndang adong na umboto arina dohot sadiharina. Na boi masa do i uju di podomanta hita, uju mangan, manang uju mangula hita. Ndang tarambatan ni manang ise hamamasana, haroro ni harajaon ni Debata. Jala masa ma hamatean dohot hamagoan di angka na so mangarade, na so olo manangihon jala mangoloi hata ni Debata. Jala asa unang manaili tu pudi molo naeng mangihuthon Jesus Kristus Tuhanta i. Unang ma hita mardua roha laho mangihuthon Ibana di ngolunta on. Alani i taparhaseang ma tingki. Marbisuk ma hita mamangke tingki parasian on, asa malua hita jala unang sahat hita tu parmaraan na jorbut i. Antong dungo jala marsihohot ma hita dihaporseaonta laho managam haroroNa. Ala ndang adong na boi pasiding diri sian ari ni Anak ni Jolma i. Di angka na mangarade, haroroNa i gabe ari parsaulian. Baliksa, di angka na so mangarade, haroroNa i gabe ari hamagoan. Amen.