Khotbah Matius 27: 1-10 Manusia Tidak Untuk Diperjualbelikan

 Khotbah Minggu 13 Set. Trinitatis; 6 September 2020

27:1 Ketika hari mulai siang, semua imam kepala dan tua-tua bangsa Yahudi berkumpul dan mengambil keputusan untuk membunuh Yesus.

27:2 Mereka membelenggu Dia, lalu membawa-Nya dan menyerahkan-Nya kepada Pilatus, wali negeri itu.

27:3 Pada waktu Yudas, yang menyerahkan Dia, melihat, bahwa Yesus telah dijatuhi hukuman mati, menyesallah ia. Lalu ia mengembalikan uang yang tiga puluh perak itu kepada imam-imam kepala dan tua-tua,

27:4 dan berkata: "Aku telah berdosa karena menyerahkan darah orang yang tak bersalah." Tetapi jawab mereka: "Apa urusan kami dengan itu? Itu urusanmu sendiri!"

27:5 Maka ia pun melemparkan uang perak itu ke dalam Bait Suci, lalu pergi dari situ dan menggantung diri.

27:6 Imam-imam kepala mengambil uang perak itu dan berkata: "Tidak diperbolehkan memasukkan uang ini ke dalam peti persembahan, sebab ini uang darah."

27:7 Sesudah berunding mereka membeli dengan uang itu tanah yang disebut Tanah Tukang Periuk untuk dijadikan tempat pekuburan orang asing.

27:1 Torang ni arina i martuptup ma sude angka sintua ni malim dohot sintua ni bangso i dompak Jesus, laho mamusa Ibana.

27:2 Ditali jala ditogu nasida ma Ibana laho pasahathon tu panguhum si Latus.

27:3 Jadi dung diida si Judas, parjehe i, na naeng hona uhum nama Ibana, disolsoli ma rohana, dipaulak ma na tolupulu rupia i tu angka sintua ni malim dohot tu sintua ni bangso i;

27:4 ninna ma: Sala do ahu! Hujehehon do hape na so marpipot! Alai didok nasida ma: Ndang ro di hami i! Ho do na sari disi!

27:5 Jadi ditimpalhon ma perak i tu bagasan joro i, laos sumurut sian i laho maningkot.

27:6 Alai dibuat angka sintua ni malim ma hepeng i, ninna ma: Ndang jadi padomuon i tu arta ni joro, ai tuhor ni mudar do i!

27:7 Jala mardos ni roha nasida manuhorhonsa tu ladang ni pande hudon, bahen parbandaan ni halak dagang.

27:8 Ala ni i do umbahen na margoar i ladang mudar ro di sadari on.

27:9 Disi ma jumpang hata ni panurirang Jeremia na mandok: "Dibuat nasida do na tolupulu rupia i, asam ni na niasam, diasam deba anak Israel.

27:10 Dung i dilehon ma i manuhor ladang ni pande hudon, songon na nidokkon ni Tuhan i tu ahu."

Di masa panaonon ni Tuhan Jesus, mansai ragam do taida angka pangalaho ni jolma na hurang denggan hombar tu lomo ni rohaNa. Sada pangalaho naso denggan i ima manadinghon jolma naung tinobusni Tuhan Jesus i. Pangalaho ni sada sisesan na jonok tu Tuhan Jesus, dipasahat Jesus do ulaon na arga tu ibana, ala ibana sitiop puropuro di punguan nasida. Tontu alani ulaon na arga I sai jumotjot do ibana marinteraksi dohot Jesus. Dipaboa do tu hita, ima na margoar si Judas Iskariot, sahalak sian angka sisesan-Na, na gabe si idaonta siala digoari do ibana si panjehe, jala tu ari na parpudi manjehe do ibana.

Dijehehon ibana do Jesus i alani rupia, alani hepeng si tolupulu rupia i, jala digadis ibana  Jesus i alani arta portibian on. Songon umpasa batak na mandok: “Pat ni manuk paturegreg, marrara mata marnida hepeng. Ai ro do sibolis i manegai rohana. Sasintongna nunga diboto Jesus na ingkon jehehonon ni si Judas ibana jala nungga dipaingot Jesus ibana taringot tusi. Ai didok Jesus do: “Tong do nian langka ni Anak ni Jolma i, songon naung diaturhon tu ibana; alai marjea do halak na manjehehon ibana” (Luk 22:22). Nunga dipaingot Jesus na ingkon masa tu halak na manjehehon ibana. Jala singotsingot i dipasahat Jesus uju rap ibana dohot angka siseanNa, jala rap disi do si Judas hatiha i. Alai ndang tangi jala ndang sari si Judas di singotsingot ni Jesus i. Dituntun do lomona, dioloi do si bolis. Dijehehon ibana do guruna I, na so marpipot i.

Tutu ma hata ni umpasa batak na mandok: “Tinampul bulung sihupi, pinarsaong bulung sahala, unang sumolsol di pudi, ai ndada sipaingot na soada. Ndang tangi si Judas di sipaingot naung pinasahat ni Jesus, gabe sumolsol do ibana. Ia dung diida si Judas na naeng hona uhum nama Jesus, di solsoli  ma rohana alai ndang marlapatan be panolsolionna i. Tutu manolsoli do ibana di dosana, alai di ujungna tong do ndang marguna i di ibana, ala nungga mananda jala mamoto ibana di sala dohot dosa naung niulana. Alai ndang marguna panolsolion i molo ndang diuduti dohot hamubaon ni roha. Jala i do na masa tu si Judas. Diboto ibana do naung marsala ibana, disolsoli do dosana, alai ndang dipauba rohana marhite na mulak tu Tuhan i, ndang Tuhan i di dapothon ibana, alai angka sintua ni malim do. Andul do na masa tu si Simon Petrus. Tong do mardosa ibana tu Tuhan Jesus ala pola tolu hali disoadohan  ibana Jesus, mandok na so tinanda Jesus. Jala marsala do ibana disi. Diboto ibana do salana jala manolsoli do ibana. Alani i do umbahen na laho si Petrus tumatangis. Manolsoli do ibana alai ndang holan manolsoli. Dipauba do dirina, tarida do hamubaonna i  marhite na didapothon ibana do muse punguan ni angka sisean ni Jesus. Antong adong do pigapiga  na boi putihanta sian turpuk jamita on.

Na Parjolo, Tangkas do didok Jesus: “ Marjea do halak na manjehehon Tuhan i. Jala masa do jea i tu si Judas Iskariot. Marjea do ibana ala dijehehon ibana Tuhan Jesus i. Alai so tung tarimpu na holan si Judas na boi gabe parjehe. Sai adong dope halak na boi madabu tu hasalaan songon naung niula ni si Judas, manjehehon Jesus, manggadis Jesus i alanai arta portibi, na manungkap dalan laho mamparsilangkon Jesus. Sai dao ma pangalaho si songon i sian hita. Ingot ma hita di hata ni Tuhan Jesus na mandok: “Marjea do halak na manjehehon Tuhan i.” Dao ma jea i sian hita. Alani so tung adong na ummarga di ngolunta, dungkon ni Tuhan i. Tutu ringkot do di hita sinamot manang arta, ringkot do dihita jabatan dohot huaso portibi, ringkot do dihita lan angka na asing na adong di portibi on, alai naeng rumingkot Tuhan i di ngolunta. Jala dang pola mabiar hita molo dao rumingkot Tuhan i di ngolunta. Ai sarihononNa jala paradeonNa do angka na ringkot di ngolunta, asal ma tongtong porsea hita tu ibana. Ai tangkas do didok Tuhan Jesus: “Sai jumolo ma lului hamu harajaon ni Debata dohot hatigoranNa, dung i tambahononNa do sude angka ondeng tu hamuna” (Mat.6:33). Lobi sian tolupulu rupiah lehonon ni Jesus do i tu hita, tambahononNa do sude angka ondeng. Alani i unang ma adong manang aha na adong di portibion gabe rumingkot di ngolunta, gabe sidalian di hita manjehehon manang mamparsilangkon Jesus.

Na Paduahon,  sude do hita hea madabu tu bagasan dosa. Di na so panagaman madabu do hita tu  sibolis i. Songon si Simon Petrus, sipata gabe taparsoada Tuhan i, taparsoado huaso dohot holongNa. Mardosa do hita disi. Jala godang nari angka dosa dohot hasalaan na hea taulahon. Alai mauliate ma tadok tu Tuhan i. Ai parasiroha godang do ibana, lambat tarimas. Ndang dibalashon tu hita hombar tu hajahatonta, jala ndang hamamate ni parjahat i dipangido ibana alai hamumulak ni parjahat i do tumadingkon dalanna. Ai tangkas do didok di Lukas 15:10. Suman tusi do masa las ni roha ni angka surusuruan ni Debata mida sahalak pardosa na paubahon rohana.”

Turpuk on ndang terjadi di Minggu Parningotan Panaonon ni Tuhan Jesus, alai di Minggu Dung Trinitatis do, jala Topik ni Minggunta ima, “Ndang Jadi Manjehehon Dongan Jolma.” Ala dibagasan pardalanan ni sitaonon ni Tuhan Jesus i, adong masa parjehehon sian sahalak sisesanNa i, asa dumenggan ma nian turpuk ni jamitanta on laho mangihuthon topikna i, asa domu jamita i tu tona na naeng sipasahatonNa tu hita. Sitaonon dohot haleaon ni Jesus paingothon hita di  hadirionta alani dosanta, alani haleaonta do dipalea Jesus i jala olo Tuhan Jesus i dipalealea alani hita. Sitaonon ni Tuhan Jesus i paingothon hita asa tatanda dirinta, manolsoli dosanta jala paubahon rohanta hombar tu lomo ni Debata. Jala unang ma hita  olo manjehehon donganta sandiri alani arta sinamot na diportibion, dungi taingot ma na nidok ni si Paulus, “Ai arga do hamu ditobus, dibahen i pasangap hamu ma Debata marhite-hite dagingmuna dohot marhite-hite tondimuna, ai Debata do nampuna i ( 1 Kor. 6:20).” Na ingkon rap mangargahon, manjagahon dohot manghaholongi hosa ni donganta do hita. Taingot ma Patik Pasiahon i “Unang ho olo manghatindanghon hata na so tutu maralohon dongan jolma”, na marlapatan: Ingkon dihabiari rohanta Debata jala ingkon holong rohanta di Ibana, asa unang hita olo manggapgapi dongan jolma manang manjehehon manang pahatahatahon, paoruhon sangapnasida, ingkon siampinan do dongan jolma anggo so tangkas dope binoto salana. Holan uhum na denggan ido paboaboahon. Suang songon i Patik Paonomhon “Unang ho mamunu! , na mangarahon hita asa umpunahon roha na pangoluhon di nasa na mangolu. Jadi, ingkon peoponta do ummarga do hosa ni hita jolma dohot donganta jolma sian hepeng, sinamot, manang arta di sude portibion. Amen.

 

 

27:8 Itulah sebabnya tanah itu sampai pada hari ini disebut Tanah Darah.

27:9 Dengan demikian genaplah firman yang disampaikan oleh nabi Yeremia: "Mereka menerima tiga puluh uang perak, yaitu harga yang ditetapkan untuk seorang menurut penilaian yang berlaku di antara orang Israel,

27:10 dan mereka memberikan uang itu untuk tanah tukang periuk, seperti yang dipesankan Tuhan kepadaku."