Khotbah Markus 10: 35-45 Kepemimpinan yang Menghamba

 Minggu 18 Set. Trnitatis; 11 Oktober 2020

10:35 Lalu Yakobus dan Yohanes, anak-anak Zebedeus, mendekati Yesus dan berkata kepada-Nya: "Guru, kami harap supaya Engkau kiranya mengabulkan suatu permintaan kami!"

10:36 Jawab-Nya kepada mereka: "Apa yang kamu kehendaki Aku perbuat bagimu?"

10:37 Lalu kata mereka: "Perkenankanlah kami duduk dalam kemuliaan-Mu kelak, yang seorang lagi di sebelah kanan-Mu dan yang seorang di sebelah kiri-Mu."

10:38 Tetapi kata Yesus kepada mereka: "Kamu tidak tahu apa yang kamu minta. Dapatkah kamu meminum cawan yang harus Kuminum dan dibaptis dengan baptisan yang harus Kuterima?"

10:39 Jawab mereka: "Kami dapat." Yesus berkata kepada mereka: "Memang, kamu akan meminum cawan yang harus Kuminum dan akan dibaptis dengan baptisan yang harus Kuterima.

10:40 Tetapi hal duduk di sebelah kanan-Ku atau di sebelah kiri-Ku, Aku tidak berhak memberikannya. Itu akan diberikan kepada orang-orang bagi siapa itu telah disediakan."

10:41 Mendengar itu kesepuluh murid yang lain menjadi marah kepada Yakobus dan Yohanes.

10:42 Tetapi Yesus memanggil mereka lalu berkata: "Kamu tahu, bahwa mereka yang disebut pemerintah bangsa-bangsa memerintah rakyatnya dengan tangan besi, dan pembesar-pembesarnya menjalankan kuasanya dengan keras atas mereka.

10:43 Tidaklah demikian di antara kamu. Barangsiapa ingin menjadi besar di antara kamu, hendaklah ia menjadi pelayanmu,

10:44 dan barangsiapa ingin menjadi yang terkemuka di antara kamu, hendaklah ia menjadi hamba untuk semuanya.

10:45 Karena Anak Manusia juga datang bukan untuk dilayani, melainkan untuk melayani dan untuk memberikan nyawa-Nya menjadi tebusan bagi banyak orang."

10:35 Dung i ro ma mandapothon Ibana si Jakobus dohot si Johannes, angka anak ni si Sebedeus; ai hatanasida: Gurunami, adong do pinangido ni rohanami, silehononmu tu hami nian.

10:36 Gabe ninna ma mandok nasida: Ai aha do pinangido ni rohamu sibahenonku tu hamu?

10:37 Dung i didok nasida ma tu Ibana: Naeng bahenonmu hami hundul di hasangaponmi, na sada tu siamunmu, na sada nari tu hambirangmu.

10:38 Alai ninna Jesus ma mandok nasida: Ndang diboto hamu na pinangidomuna i. Tung tarinum hamu ma siinumonki? Tung tarparidi hamu ma paridion siparidionki?

10:39 Gabe didok nasida ma tu Ibana: Tarbahen hami do! Dung i ninna Jesus ma mandok nasida: Tutu do nian, inumonmuna do siinumonki, jala paridionmuna do paridion siparidionki.

10:40 Alai na mambahen hundul tu siamunhu dohot tu hambirangku, ndang guru di Ahu i; di angka naung dirade hian do i.

10:41 Alai dung tarbege i tu na sampulu i, gabe sogo ma rohanasida di si Jakobus dohot Johannes.

10:42 Jadi dipapungu Jesus ma nasida, ninna ma mandok nasida: Diboto hamu do, dirajai angka sigomgomi bangso do parripenasida jala dipaksa angka na sangapna do nasida.

10:43 Alai unang ma songon i, anggo di hamu! Manang ise hamu na giot sangap, i ma gabe pangoloi di donganna!

10:44 Jala manang ise hamu, na naeng parjolo, i ma gabe naposo ni donganna saluhutna.

10:45 Ai nang Anak ni jolma i pe, ndada asa dioloi halak Ibana, umbahen na ro; Ibana do balik pangoloi jala mangalehon hosana bahen tobus ni torop jolma.

Nasa jolma giot do naeng sangap, marmulia saleleng di ngoluna. I do umbahen sai dilului jolma pangkat manang jabatan. Ndang holan naeng sangap, alai naeng sumangap sian dogananna jolma. Sian parsiajaran psikologi hal na wajar jala alamiah do i. Alai dipaingot hata ni Debata hita,nia dalan ni hasangapon i ma haporsuhon dohot toruk ni roha di bagasan pangoloion situtu. Denggan do halak molo naeng gabe partogi manang uluan asa sangap ibana. Alai dipangke ma huaso na adong laho mangulahon hatigoran dohot hasintongan. Songon na diajarho Jesus di turpuk on taringot tu hapartogion na manghobasi. Jala ingkon adong do hatandion ni hapartogion na manghobasi dohot hapartogion na somal di portibi on. Ianggo hasomalan di portibi on, molo timbo jabatanna, boi ma marlomolomo tu na di toruna. Jala angka na ditoruna ingkon rade manghobasi na ringkot di ibana. Alai ndang songon i anggo hapartogion na manghobasi.

Ndang tangkas jala ndang tingkos partinandaan ni angka sisean i di Jesus dohot pangajarion nang ulaonNa di portibi on. Nang pe naung leleng nasida rap mangan rap minum. Rap mardalan do nasida tu dolok tu toruan. Nungga nian dipaidaida nasida songon dia Jesus pamalum angka na marsahit, mangalehon lima ribu halak mangan jala patupa ragam ni halongangan. Sude i dipatupa laho pasauthon lomo ni Ama na marsuru Ibana do, dohot patupa panghobasion tu jolma manisia. Misi ni Jesus di portibion, i ma pasauthon sangkap ni Debata paluahon jolma dohot paluahon portibi on sian gomgoman ni dosa dohot hamatean. Boasa ma gabe tubu rohanasida laho mangalului huaso dohot hagogoon portibi on? Boi dohonon “gagal paham” do nasida di hadirion dohot ulaon ni Jesus. Hataridaan ni pangantusion nasida na so tangkas jala naso tingkos i, tarida ma i sian pangidoan ni si Jakobus dohot si Johannes. Na marhaha maranggi do nasida, ianakhon ni si Sebedeus. Didok nasida, “Gurunami, adong do pinangido ni rohanami silehonoMu tu hami nian. Naeng bahenonmu hami hundul di hasangaponMi, na sada tu siamunMu, na sadanari tu hambirangMu. Pangidoan on, nungga tung tangkas patuduhon, ia pangantusion nasida taringot hadirion ni Jesus songon Mesas manang sipalua holan sian hajolmaon manang haportibon sambing do. Molo sahat Jesus tu harajaonNa, gabe hira songon partogi manang pargomgoman na di portibi on ma Ibana.

Molo dung sahat Jesus tu harajaon i, tontuadong ma angka posisi tarsongon wakil raja manang menteri-menteri. Molo dung jonok hundulanna tu Raja i, ibana pe teruli ma di angka haulion, hamoraon dohot hasangapn ni raja i. Hape ulaon ni Jesus i ma pasauthon lomo ni roha ni Damang na di banua Ginjang i do pasauhon harajaonNa di portibi on, manobus jolma sian dosa dohot hamatean, mamboan nasida tu hamubaon ni roha dohot pasauthon hatuaon dohot haluaon ni jolma manisia.

Sada pangajarion na mansai arga situtu marhite turpuk on,  i ma taringot tu lapatan ni na gabe partogi (pemimpin), parhobas, juara bagas, manang uluan di bagasan harajaon ni Debata. Mangihuthon pangajarion ni Jesus, di angka siihuthon Ibana, aha pe na niula, songon dia pe balgana, sude ingkon di bagasan pangantusion laho pasauthon na hinalomohon ni Ama na di banua ginjang i jala manghobasi na ringkot di dongan jolma. Molo i do na mangonjar  sasahalak magula siulahon manang patupa sipatupaon, tontu ndang posisi manang jabatan na rumingkot di rohana. Alai na rumingkot i ma songon dia do dalan manang aha do sipatupahon laho pasauthon i. Pangalaho manang sikap sisongon i mangarahon ibana tu na mangula siulahon sian nasa roha, sian nasa gogo dohot sian nasa pingkiran “marhobas sian nasa roha”.

Pangidoan  ni dua halak siseanNa, i ma manggombarhon haginjangon ni roha, mangido keistimewaan sian Jesus mangalului hundulan na lomak, patuduhon asa rap sahundulan nasida dohot Jesus. I ma na mangalului hasangapon marhite hundulan. Boi do masa na songoni di tingki on? Sai adong do halak na mangalului hasangapon marhite na mangalului hundulan manang jabatan di tonga ni huria nang di masyarakat. Hape hata ni Debata mandok, ndang hundulan manang jabatan i na mambahen sangap hita di jolo ni Debata nang di dongan jolma. Alai sangap do hita molo olo hita melayani manang manghobasi ditonga huriaNa nang di masyarakat. Jala ido tong diondolhon di ayat 44: “jala manang ise hamu, na naeng parjolo, i magabe naposo ni donganna saluhutna”. Pandohan ise na naeng parjolo, na marlapatan ise na naeng gabe pemimpin,manang dipatujolo di loloan, naeng ma ibana gabe naposo didongana saluhut. Molo didok “hamba” manang naposo, na marlapatan na olo melayani (marhobas) tu saluhut donganna. Lapatanna, roha na olo manghobasi manang di angka donganna ima gombaran manang cerminan haserepon ni roha. Jala baliksa, manang ise naeng sangap alai ndang olo manghobasi di donganna ima patuduhon haginjangon ni roha.  Ai molo olo hita marhobas ingkon tapatutoru do dirinta/rohanta melayani, membagi tingkinta , gogonta, rohanta, pingkironta nang angka talenta na adong di hita.

Di ayat 45 didok: “Ai nang Anakni jolma i pe, ndada asa dioloi halak ibana, umbahen na ro; Ibana do balik pangoloi jala mangalehon hosana bahen tobus ni torop jolma” . Na gabe sitiruon di hita songon partogi/uluan manang naposo (hamba), i ma ngolu ni Jesus sandiri, na gabe pangoloi jala mate mangalehon hosanNa bahen tobus ni torop jolma. Haunduhonta songon naposo (hamba) ndang haunduhon tu jolma, alai haunduhonta tu Debata na manontuhon aha do na ingkon siulahononta. Suang songoni do nang hite pe luhutna parhalado, molo tahobasi pe huria, naeng ma tahobasi ala haunduhonta dohot pangoloionta tu Debata. Suang songoni nang angka ruas na gabe naposo (hamba) di masyarakat, manangaha pe proesinta di masyarakat (guru, dokter, polisi, hakim, jaksa, partigatiga, pengacara), naeng ma tahobasiangka masyarakat ala haunduhonta tu Debata. Tahobasi angka ulaonta ndang alani hepeng manang materi. Hepeng manang hamoraon ro do i songon parbue ni pasupasu sian panghobasionta be. Alai ndang hepeng manang materi na gabe dasorta (motivasinta) marhobas songon naposo pangoloi di Debata. Dasorta manghobasi ulaonta songon naposo pangoloi di Debata,i ma haunduhonta tu ibana, ala i do sitiruon na binahen ni Jesus tu hita ganup.

Denggan do halak molo naeng gabe partogi manang uluan asa sangap ibana. Alai dipangke ma huaso na adong laho mangulahon hatigoran dohot hasintongan. Di bagasan partingkion na maol situtu do huria, masyarakat dohot bangsonta di taon 2020 on, tarlumobi ma i ala ni pendemi Virus Corona na  tung marpangontak tu sude parngoluon. Godang na marsitaonon. Godang na manaon na hansit. Godang na agoan ulaon, agoan arta, jala agoan hosa hinorhon ni Covid 19 i. Di tongatonga ni situasi na tung maol i, maimaima do godang ruas dohot masyarakat di angka partogi na manghobasi pemimpin yang benar-benar malayani dengan hati/ marhobas sian nasa roha. Antong, manang dia pe ulaon na pinasahat ni Debata tu hita, sebagai pemimpin na manguluhon huria, manguluhon masyarakat, manguluhon keluarga pe, naeng ma taulahon di bagasan holong ni roha. Tapasiding ma sikap na diktator nang otoriter, tapatuduhon ma integritasta songon naposopangoloi, na serep marroha, na mangula ala nionjar holong ni rohanta tu Debata nang tu dongan jolma. Amen.