Khotbah Ayub 42: 7-17 Melestarikan Kebiasaan/Budaya yang Baik

Minggu 19 Set. Trinitatis; 18 Oktober 2020

42:7 Setelah TUHAN mengucapkan firman itu kepada Ayub, maka firman TUHAN kepada Elifas, orang Téman: "Murka-Ku menyala terhadap engkau dan terhadap kedua sahabatmu, karena kamu tidak berkata benar tentang Aku seperti hamba-Ku Ayub.

42:8 Oleh sebab itu, ambillah tujuh ekor lembu jantan dan tujuh ekor domba jantan dan pergilah kepada hamba-Ku Ayub, lalu persembahkanlah semuanya itu sebagai korban bakaran untuk dirimu, dan baiklah hamba-Ku Ayub meminta doa untuk kamu, karena hanya permintaannyalah yang akan Kuterima, supaya Aku tidak melakukan aniaya terhadap kamu, sebab kamu tidak berkata benar tentang Aku seperti hamba-Ku Ayub."

42:9 Maka pergilah Elifas, orang Téman, Bildad, orang Suah, dan Zofar, orang Naama, lalu mereka melakukan seperti apa yang difirmankan TUHAN kepada mereka. Dan TUHAN menerima permintaan Ayub.

42:10 Lalu TUHAN memulihkan keadaan Ayub, setelah ia meminta doa untuk sahabat-sahabatnya, dan TUHAN memberikan kepada Ayub dua kali lipat dari segala kepunyaannya dahulu.

42:11 Kemudian datanglah kepadanya semua saudaranya laki-laki dan perempuan dan semua kenalannya yang lama, dan makan bersama-sama dengan dia di rumahnya. Mereka menyatakan turut berdukacita dan menghibur dia oleh karena segala malapetaka yang telah ditimpakan TUHAN kepadanya, dan mereka masing-masing memberi dia uang satu kesita dan sebuah cincin emas.

42:12 TUHAN memberkati Ayub dalam hidupnya yang selanjutnya lebih dari pada dalam hidupnya yang dahulu; ia mendapat empat belas ribu ekor kambing domba, dan enam ribu unta, seribu pasang lembu, dan seribu ekor keledai betina.

42:13 Ia juga mendapat tujuh orang anak laki-laki dan tiga orang anak perempuan;

42:14 dan anak perempuan yang pertama diberinya nama Yemima, yang kedua Kezia dan yang ketiga Kerenhapukh.

42:15 Di seluruh negeri tidak terdapat perempuan yang secantik anak-anak Ayub, dan mereka diberi ayahnya milik pusaka di tengah-tengah saudara-saudaranya laki-laki.

42:16 Sesudah itu Ayub masih hidup seratus empat puluh tahun lamanya; ia melihat anak-anaknya dan cucu-cucunya sampai keturunan yang keempat.

42:17 Maka matilah Ayub, tua dan lanjut umur.

 42:7 Jadi dung sun dihatahon Jahowa angka hata ondeng tu si Job, ninna Jahowa ma mandok si Elipas sian Teman: Nunga tung marsigorgor rimashu mida ho dohot mida alealem sidua halak i; ai ndang hata sintong dipaboa hamu taringot tu Ahu, songon na pinaboa ni * naposongku si Job i?

42:8 Nuaeng pe, buat hamu ma di hamu * pitu lombu tombur dohot pitu birubiru tunggal, jala laho ma hamu manopot naposongku si Job, asa dipelehon hamu sada pelean situtungon manguras hamu, jala ** ditangiangkon naposongku si Jobi hamu. Jadi tataponku ma ibana, gabe ndang bahenonku tu hamu hombar tu haotoon binahenmuna i, ai ndang hata sintong dipaboa hamu taringot tu Ahu, songon na pinaboa ni naposongku si Jobi.

42:9 Dung i laho ma si Elipas sian Teman dohot si Bildad sian Sua dohot si Sopar sian Naema, jala dibahen nasida ma hombar tu hata ni Jahowa tu nasida. Jadi marpamuati ma roha ni Jahowa ala si Job. III

42:10 Dung i humosing ma dibahen Jahowa * parsorion ni si Job, uju na martangiang ibana mangondihon alealena, jala nasa arta na di si Job na jolo * silompit dua ditambai Jahowa.

42:11 Dung i ro be ma * sude hahaanggina dohot angka ibotona ro di sude donganna magodang manopot ibana, laos ** mangan sagusagu rap dohot ibana di bagasan jabuna, jala didok hata sipir ni tondina, huhut diapulapuli ibana taringot tu saluhut hinamago na pinaro ni Jahowa tu ibana, jala dilehon be tu ibana * sakesita dohot tintin sere sada be.

42:12 Dung i gumodang dipasupasu Jahowa si Job di ujungna sian na di mulana; ai sampulu opat ribu birubiruna, onom ribu untona, saribu pasang horbona, jala saribu halodena boruboru.

42:13 Tubu muse pitu anakna dohot tolu boruna.

42:14 Goar ni boruna sihahaan, i ma si Jemima, ia goar ni paidua si Kesia, ia goar ni paitolu si Keren-Hapuk.

42:15 Dung i di sandok tano i ndang adong jumpang parompuan songon hinauli ni boru ni si Job i, jala dilehon amanasida tu nasida hauma bangunan di tongatonga ni angka ibotonasida.

42:16 Dung i mangolu dope si Job i saratus opatpulu taonnari, gabe sanga dope diida pahompuna dohot ninina pola opat sundut.

42:17 Dung i mate sarimatua ma si Job i jala mahap rohana di hangoluan on.

I.         Patujolo

Buku Job on ima taringot tu ngolu ni si Job dibaritahon do si Job ima sahalak na daulat, na burju rohana, na biar mida Jahowa jala na padao rohana sian hajahaton (Job 11). Dungi diuji ni sibolis ma si Job marhite suda sude artana jala mate angka ianakkonna, songoni nang ibana mangadopi parsahiton. Boasa martinaonon si Job? Molo ta jaha buku Job on sude mulai sian bindu parjolo sahat tu bindu pa 42 on, tangkas ma botoonta, ia partinaonon na tinaon ni si Job, ima batu ujian haporseaon. Jala di bindu pa 42 on, gabe patar do paboahon saguru di Debata do saluhutna ngolu ni hajolmaon, jala marhamonangan do ujung ni angka na tongtong marsitiopan tu ibana. Dung salpu ujian I, pintor dipuji si Job do Debata, jala dihatindanghon ibana do ia kedaulatan ni Debata, ima kedaulatan na so targugat, pengakuan I do mambehen gabe mardame ma si Job dohot Debata, mardame dohot dirina sandiri, jala ndang holan si Job na mardame dohot Debata tong do angka donganna (Elipas, Bildad, dohot si Sopar) nang songoni angka kaluarga dohot aleale na pe mardame dohot Debata ala diakui nasida do hasalahonna tu Debata marhite si Job.

II.       Hatorangan Turpuk

Parjolo, unang muramura manguhumi dongan (ayat 7-8) Rimas do Jahowa tu nasida na tolu, ala ndang sintong dihatahon nasida tu si Job taringot tu Jahowa, dirajumi nasida ia masa parungkilon tu sasahalak ala na muruk dohot uhum ni Jahowa do tu na marungkil i, hape ndang songoni sasitongna. Adong do parungkilon alani hasalaan niba, alai ndang sude. Adong do holan laho manguji haporseaon songon na masa tu si Job on, jala on do unok dohot teologi ni buku Job. Alani panguhuman nasida tu si Job, muruk ma Jahowa tu nasida. Ingkon pasahaton nasida pelean lombu dohot birubiru tunggal songon dalan nasida mangido hasesaan dosa sian Jahowa. Boha do hita, hea do hita songon aleale ni si Job i, ro mangapuli alai gabe manguhumi? Molo tung marsitaonon donganta, unang sai pintor tarajumi ala ni hasalaanna i. Ai ndang hea hita marsitaonon? Boha molo didok dongan songoni tu hita? Nda hancit rohanta? Molo hancit do diuhumuhumi, unang ma antong hita manguhumuhumi. Ndang lomo roha ni Jahowa mida angka jolma na mura manguhumuhumi, na manudu donganna parsala di adopan ni Debata. Ndang jadi dohonon ni na porsea, "Bereng ma, nunga dijalo na binahenna i?" So tung muruk Jahowa tu hita songon tu si Elipas, Bildad, nang Sopar. Tapasiding ma pangalaho na manguhumi angka dongan, tarlumobi dongan na mangadopi parungkilon.

Paduahon, rade mangakui hasalaan dohot mangido hasesaan sian Debata (ayat 9). Rade do si Elipas, Bildad, Sopar mangulahon na nidok ni Jahowa. Diantusi nasida naung sala pambahenan nang hata nasida na tu si Job. Dipelehon nasida ma tu Jahowa pitu lombu nang pitu birubiru tunggal songon parsuruon ni Jahowa tu nasida ima dalan nasida mangido hasesaan ni dosa. Dungi ditangihon Jahowa ma pangidoan nasida, disesa ma hasalaan nasida. Ndang tiruonta bangko na manguhumuhumi sian tolu dongan ni si Job on, alai tiruonta do ianggo haradeon nasida mangakui hasalaan dohot mangido hasesaan. Ai adong do jolma na sai merasa benar; molo dipaboa hasalaanna, gabe ibana na piripirion; donganna disalahon; pintor dilului kambing hitam. Andul dumenggan do taongkuhon hasalaanta, tapangido hasesaan ni dosa. Ndang pola ingkon pasahat pelean songon na pinasahat ni na tolu ondeng hita; nunga singhop Jesus pasahat diriNa gabe pelean hasesaan ni dosa tu hita. Mudar ni Jesus do peleanta, sipangasahononta laho mangido hasesaan ni dosa tu Jahowa. Antong, taongkuhon ma tu Debata nasa hasalaanta, tarlumobi angka dosa panguhumuhumion naung taulahon asa disesa Debata i marhite mudar ni Tuhan Jesus.

Patoluhon, rade manesa sala ni dongan (ay.10). Sintong ma halak na daulat jala na burju roha si Job (1:1); didok di ayat 10, "martangiang ibana mangondihon alealena" Dung ditihai alealenai si Job di tingki marungkil ibana, rade dope ibana manangianghon nasida huhut manalpuhon hasalaan ni angka alealenai; jala molo tapamanat di ayat 9 na marpamuati do roha ni Jahowa tu si Elipas, Bildad, dohot Sopar ala ni si Job do. Tung parlambas roha ma si Job on. Molo tajaha taringot tu haburjuon ni si Job on, nda masihol hita asa boi nian hita songoni? Molo tung hea silap donganta manghata hita, molo tung salpu donganta manguhumi hita, rade do híta manalpuhon ! Manang dohononta do: "Ndaong bah; pahansithu do pambahenannai." Molo songoni do, ndang targoar dope hita siihuthon Kristus. Ai nunga jumolo Kristus manesa dosanta alaní Ingkon masisesaan dosa do hita. Molo so rade hita manalpuhon hasalaan ni dongan, boha ma hasalaanta na andul gumodang jala umbalga i molo so disesa Debata? Sai tapangido ma gogo sian Debata asa dipargogoi hita manalpuhon hasalaan ni dongan tu hita.

III.     Sipahusorhusoron

Hombar tu topik jamita on, “pauliulihon angka hasomalan na dengan”. Lapatanna, marhite ngolu ni si Job tapasiajari ma jala tahasomalhon ma ulaon na dengan ima, mangapuli dongan na marsitaonon so pola manguhumi nasida, manalpuhon hahurangan ni dongan, manongtong martangiang nang marhaporseaon tu Jahowa. Saluhutna na masa di ngolu ni hajolmaon, ingkon lam papatarhon ulaon ni Debata jala lam patangkashon panandaonta di ibana. Tutu ndang sai tuk hita mangantusi angka pambahenan ni Debata di parngoluanta on, ala markedaulatan na so targugat do ibana. Alani i do sai ingkon ungkap hita mangido panuturion tu ibana, asa diajari hita mangantusi, asa boi gabe sintong ma hita paboahon barita taringot tu ibana. Molo taae pe angka hasusaan, parsahiton, maol ni parngoluon, manahan ma hita jala tongtong tahaposi Tuhan i. Boi do torop na mangelaela hita, alai tatiop ma gomos Tuhanta i. Ai molo dipaloas Debata hita manaon na bernit, asa marhamonangan do hita di ujungna. Na manahan ro di ujungna, disangkapi Debata hatuaon di ngolu na di portibion, lumobi hatuaon saleleng ni lelengna. Amen.