Khotbah Yohanes 4: 5-14 Air Kehidupan

 Minggu 20 Set. Trinitatis; 25 Oktober 2020

4:5 Maka sampailah Ia ke sebuah kota di Samaria, yang bernama Sikhar dekat tanah yang diberikan Yakub dahulu kepada anaknya, Yusuf.

4:6 Di situ terdapat sumur Yakub. Yesus sangat letih oleh perjalanan, karena itu Ia duduk di pinggir sumur itu. Hari kira-kira pukul dua belas.

4:7 Maka datanglah seorang perempuan Samaria hendak menimba air. Kata Yesus kepadanya: "Berilah Aku minum."

4:8 Sebab murid-murid-Nya telah pergi ke kota membeli makanan.

4:9 Maka kata perempuan Samaria itu kepada-Nya: "Masakan Engkau, seorang Yahudi, minta minum kepadaku, seorang Samaria?" (Sebab orang Yahudi tidak bergaul dengan orang Samaria.)

4:10 Jawab Yesus kepadanya: "Jikalau engkau tahu tentang karunia Allah dan siapakah Dia yang berkata kepadamu: Berilah Aku minum! niscaya engkau telah meminta kepada-Nya dan Ia telah memberikan kepadamu air hidup."

4:11 Kata perempuan itu kepada-Nya: "Tuhan, Engkau tidak punya timba dan sumur ini amat dalam; dari manakah Engkau memperoleh air hidup itu?

4:12 Adakah Engkau lebih besar dari pada bapa kami Yakub, yang memberikan sumur ini kepada kami dan yang telah minum sendiri dari dalamnya, ia serta anak-anaknya dan ternaknya?"

4:13 Jawab Yesus kepadanya: "Barangsiapa minum air ini, ia akan haus lagi,

4:14 tetapi barangsiapa minum air yang akan Kuberikan kepadanya, ia tidak akan haus untuk selama-lamanya. Sebaliknya air yang akan Kuberikan kepadanya, akan menjadi mata air di dalam dirinya, yang terus-menerus memancar sampai kepada hidup yang kekal."

4:5 Gabe ro ma ibana tu sada huta na di Samaria, na margoar Sikar, mardonokkon ladang na nilehon ni si Jakkob tu si Josep, anakna i.

4:6 Alai adong ma disi sumur ni si Jakkob; jadi dibahen naung loja Jesus sian pardalanan, hundul ma Ibana di lambung ni sumur i; tar di hos ni ari ma i.

4:7 Dung i ro ma sada boru Samaria, manahui aek. Jadi didok Jesus ma mandok ibana: Lehon Ahu minum!

4:8 Ai nunga laho angka siseanna i tu huta, manuhor bohal.

4:9 Jadi didok boru Samaria i ma mandok Ibana. Boasa mangido tapian Ho halak Jahudi, sian ahu boru Samaria? Ai ndang marparsaoran halak Jahudi dohot halak Samaria.

4:10 Dung i ninna Jesus ma mangalusi ibana: Aut diboto ho basabasa ni Debata, jala aut ditanda ho na mangido aek inumon sian ho, ra olo ho mangido tu Ibana; dung i lehononna ma tu ho aek na mangolu.

4:11 Jadi didok boruboru i ma tu Ibana: Tuan, tahutahu gari soada di Ho, tole bagas do sumur on; tung sian dia ma tu Ho aek na mangolu?

4:12 Tung umbalga ma Ho asa ompunta si Jakkob, na mangalehon sumur on di hami? Ibana do manginum sian i dohot ianakhonna ro di pinahanna!

4:13 Dung i ninna Jesus ma mangalusi ibana: Sai mangulahi mauas do nasa na minum sian aek on.

4:14 Alai na manginum aek silehononki, na so tupa mauas be i ro di salelenglelengna. Ai anggo aek silehononki, gabe mual do i di bagasan ibana, na mabaor sahat ro di hangoluan sisalelenglelengna.

I.    Patujolo

Torus dope mamolos Tuhan Jesus di portibi on pasahathon hinaringkot ni panarihonNa di hajolmaon. Nungga pola mangula dohot angka siseaNa laho manogihon hajolmaon asa mangihuthon Jesus. Di bagasan parungkilon do jolma i hatiha i marningot ngolu pardagingon, gabe maol do manjalo ngolu partondion na pinasahat ni Jesus.  Ai dihalomohon jala diparsinta angka jolma ido ngoluna denggan/ makmur, jala  diigil do Tuhan i manupahi parngoluon i. Alai di na ro Tuhan Jesus pabotohon angka na naeng sipatupaon di ngolu siapari gabe tung mansai susa dihilala jolma, ala maol diantusi: aha do ngolu on? Jala dia do haojahanna? Turpuk on patoranghon marpusat tu Jesus do sandok ngolu on. 

II.     Hatorangan

·         Mangulon Jesus di huta Samaria mardonokkon sumur ni si Jakob

Diuduti Jesus ma pardalanan panghobasionNa mamaritahon Harajaon ni Debata na mian jala patar dibagasan mardompakhon huta Galilea, alai ingkon mamolus luat Samaria. Jumonok do tutu pardalanan i molo mamolus sian huta Samaria, alai nang pe jumonok ndang apala haru dihasomalhon halak Jahudi mamolus huta i marningot parmusuon nasida dompak halak Jahudi sian na robi. Alai ianggo Jesus ndang diihuthon rohana parulaon sisongon i marhite na dibolus Ibana huta i. Tar di hos ni ari mangulon ma Jesus di sada inganan ima Sikhar mardonokkon sumur ni si Jakob. Tontu marningot tingki hos ni ari, lumobi naung mardalan sian luat Juda, loja jala mauas do Jesus. Tung mansai ringkot do magalap gogo molo dung loja mardalani manang mangula ulaon di hasiangan on. Hombar do i tu ngolu pardagingon na ingkon adong rileks, menyemangati kembali manang paulakhon gogo sian naung loja hian. Pangaradeon na mansai arga do pinatupahonNa di na mangulon i.

·         Ro Boru Samaria mangalap aek gabe pajumpang dohot Jesus

Tongon tingki hundul Jesus di lambung ni sumur i ro ma sahalak boru Samaria manahui aek. Ianggo ulaon manahui aek somal do i diulahon angka parompuan, alai molo apala tongon di hos ni ari, ndang apala somal diulahon i. Ianggo sian parange siganup ari ndang na denggan parsaoranna dohot parompuan na asing di humaliangna, ala marningot hadosaonna gabe dipasiding parompuan Samaria on do pajumpang dohot angka jolma marningot hadosaonna na marripe pola 5 halak ama. Alai sada partingkian na mansai arga do i di boru Samaria di na laho ibana tu sumur i, disi ma dapot ni ibana hangoluan. Ro jolma i mangalului na ringkot di ngoluna, alai disi do Tuhan i paimahon. Tung na so hapingkiran do molo masa sisongoni. Alai asa disi ma jumpang haimbaruon ni pangantusion di parngoluon on. Tung mansai ragam do naung masa diulahon jolma hombar tu angka hagiotna ala dihilala do i hasonaganna. Alai ingkon tinggalhonon ni jolma do na humurang i marhitehite na manjalo pamingkirion na imbaru. Jumpang sipaingot na denggan.

·         Manghatai Jesus dohot boru Samaria

Dipungka Jesus panghataion tu parompuan Samaria i. Alai alus ni boru Samariai tu Jesus hira na mardonganhon sogo ni roha. Ai diboto ibana do ndang patut halak Jahudi manghatai dohot halak Samaria, lumobi ma dohot parompuan. Dungi dialusi Jesus ma boru Samaria i na so mardongan sogo ni roha lumobi ma laho manaringoti parsualon ni halak Jahudi dohot Samaria. Sian alus ni Jesus, tangkas do dipataridahon Jesus songon Mesias Ibana laho pataridahon asi ni roha ni Debata laho patupahon pardengganan tu saluhut jolma laho pasadahon jolma i tu Debata. Ro Tuhan i tumopot hita on jala, marsoara do ibana tu hita. Sasintongna ndang na so tarpatupa Jesus aek inumonna.

·         Ndang adong na boi sirang sian Tuhan i

Secara hajolmaon diboto boru Samaria i do na sian Jahudi haroro ni Jesus. I do umbahen didok ndang adong marpasaoran halak Jahudi dohot Samaria (parTuhan manang naso parTuhan). Alai ditegor Jesus do parompuan i didok” Aut diboto ho basa-basa ni Debata jala aut di tanda ho na mangio aek inumon sian ho ra olo ho mangido tu Ibana”. Mansai ringkot sututu ingkon ditanda boru Samaria i Jesus, na ibana do mual hangoluan. Sumur ni Jakob haroroan ni aek siinumon di hajolmaon tung di hasiholi na di luat i do, alai adong dope sumur na umbagak na so olo marsik jala naso olo mauas jolma ganup na manginumsa, ima Jesus. Ingkon saluhut manghasiholi ibana jala ro mandapathon. Dohot manangihon soarana. Ia aek na sian sumur ni si Jakob holan pasombuhon uas ni hajolmaon sambing do i jala parsatongkinan ndada na hot manongtong ro di saleleng ni lelengna. Alani do asa didok Jesus tu boru Samaria i, sai mangulahi mauas do nasa na minum sian aek on. Alai na manginum aek silehononki, na so tupa mauas be ro di salelenglelengna. Boasa ndang mauas be ganup na manginum aek silehonon ni Jesus? Pangantusipn mauas na nidok ni Jesus, ndang holan mauas dipardagingon alai mauas nang partondion. Aek hangoluan silehonon ni Jesus, i ma aek na mangalehon hapuason di partondion nang di pardagingon.

III.     Si pahusorhusoron

Molo didok Jesus aek hangoluan, na marlapatan sian Ibana do hangoluanta di pardagingon nang di partondion. Ibana do silehon ngolungolu di hita, sian Ibana do tajalo pasupasu di pardagingon, nang hamalumon sian parsahiton. Sian Ibana do tajalo gogo na imbaru, semangat na imbaru dohot panghirimon na mangolu ganup tingki, ganup ari, gabe margogo hita mandalani ariarinta nang pe adong sitaonon na taadopi. Molo naeng dihita aek hangoluan, ingkon ro do hita tu aek hangoluan i, asa dihita hangoluan i. Manjalo aek hangoluan na marlapatan na tongtong marsaor dohot Jesus marhite panogunoguon ni Tondi Parbadia, huhut na tumangihon hata ni Debata. Ai marhite na manjalo hata ni Debata, mangulahon i dibagasan ngolunta siganup ari, disi do hataridaan na olo hita mangolu sian aek hangoluan na binoan ni Tuhan Jesus. Aek hangoluan do na mangalehon hagogoon dohot hatauon marhite Tondi Parbadia, di angka na manjangkon Jesus di ngoluna, marhite hamubaon ni roha.songon boru Samaria na marhamubaon ni roha gabe porsea ibana di Tuhan Jesus. Dung i molo nunga tajalo aek hangoluan i gabe mabaor do sahat ro di salelenglelengna. Dung dijalo boru Samaria i Jesus na gabe Sipalua di ibana, gabe pasupasu do ibana tu angka na humaliangna. Songon i do angka na tutu manjalo Jesus di ngoluna, gabe pasupasu do ngoluna tu sude halak na di humaliangna. Amen.