Khotbah Matius 25: 31-46 Penghakiman Terakhir

 Akhir Tahun Gerejawi; 22 November 2020

25:31 "Apabila Anak Manusia datang dalam kemuliaan-Nya dan semua malaikat bersama-sama dengan Dia, maka Ia akan bersemayam di atas takhta kemuliaan-Nya.

25:32 Lalu semua bangsa akan dikumpulkan di hadapan-Nya dan Ia akan memisahkan mereka seorang dari pada seorang, sama seperti gembala memisahkan domba dari kambing,

25:33 dan Ia akan menempatkan domba-domba di sebelah kanan-Nya dan kambing-kambing di sebelah kiri-Nya.

25:34 Dan Raja itu akan berkata kepada mereka yang di sebelah kanan-Nya: Mari, hai kamu yang diberkati oleh Bapa-Ku, terimalah Kerajaan yang telah disediakan bagimu sejak dunia dijadikan.

25:35 Sebab ketika Aku lapar, kamu memberi Aku makan; ketika Aku haus, kamu memberi Aku minum; ketika Aku seorang asing, kamu memberi Aku tumpangan;

25:36 ketika Aku telanjang, kamu memberi Aku pakaian; ketika Aku sakit, kamu melawat Aku; ketika Aku di dalam penjara, kamu mengunjungi Aku.

25:37 Maka orang-orang benar itu akan menjawab Dia, katanya: Tuhan, bilamanakah kami melihat Engkau lapar dan kami memberi Engkau makan, atau haus dan kami memberi Engkau minum?

25:38 Bilamanakah kami melihat Engkau sebagai orang asing, dan kami memberi Engkau tumpangan, atau telanjang dan kami memberi Engkau pakaian?

25:39 Bilamanakah kami melihat Engkau sakit atau dalam penjara dan kami mengunjungi Engkau?

25:40 Dan Raja itu akan menjawab mereka: Aku berkata kepadamu, sesungguhnya segala sesuatu yang kamu lakukan untuk salah seorang dari saudara-Ku yang paling hina ini, kamu telah melakukannya untuk Aku.

25:41 Dan Ia akan berkata juga kepada mereka yang di sebelah kiri-Nya: Enyahlah dari hadapan-Ku, hai kamu orang-orang terkutuk, enyahlah ke dalam api yang kekal yang telah sedia untuk Iblis dan malaikat-malaikatnya.

25:42 Sebab ketika Aku lapar, kamu tidak memberi Aku makan; ketika Aku haus, kamu tidak memberi Aku minum;

25:43 ketika Aku seorang asing, kamu tidak memberi Aku tumpangan; ketika Aku telanjang, kamu tidak memberi Aku pakaian; ketika Aku sakit dan dalam penjara, kamu tidak melawat Aku.

25:44 Lalu mereka pun akan menjawab Dia, katanya: Tuhan, bilamanakah kami melihat Engkau lapar, atau haus, atau sebagai orang asing, atau telanjang atau sakit, atau dalam penjara dan kami tidak melayani Engkau?

25:45 Maka Ia akan menjawab mereka: Aku berkata kepadamu, sesungguhnya segala sesuatu yang tidak kamu lakukan untuk salah seorang dari yang paling hina ini, kamu tidak melakukannya juga untuk Aku.

25:46 Dan mereka ini akan masuk ke tempat siksaan yang kekal, tetapi orang benar ke dalam hidup yang kekal."

25:31 Alai dung ro sogot Anak ni jolma i marhasangapon rap dohot saluhut surusuruanna, hundulanna ma disi habangsa hasangaponna i.

25:32 Dung i marluhut ma tu jolona nasa bangso, jadi sirangonna ma nasida songon binahen ni parmahan na manirang birubiru boruboru sian birubiru tunggal.

25:33 Jadi pajongjongonna ma boruboru i tu siamunna, alai anggo tunggal i tu hambirangna.

25:34 Dung i dohonon ni Raja i ma tu angka na di siamunna i: Ro ma hamu, angka na pinasupasu ni Damang, tean hamu ma harajaon i, na pinature di hamu sian haoojak ni tano on!

25:35 Ai na male do Ahu, dilehon hamu do Ahu mangan; na mauas do Ahu, dilehon hamu do Ahu minum; na buro do Ahu, gabe dijangkon hamu do Ahu.

25:36 Na marsangkotbulung do Ahu, jadi diparulosi hamu do ahu; na hansitan do Ahu, jala ditingkir hamu do Ahu; na tarhurung do Ahu jadi ro hamu mandulo Ahu.

25:37 Dung i dohonon ni angka partigor i ma mangalusi: Tuhan, nandigan huida hami Ho male, gabe hulehon hami Ho mangan; manang mauas, gabe hulehon hami Ho minum?

25:38 Nandigan huida hami Ho na buro, gabe hujangkon hami Ho; manang marsangkotbulung, gabe huparulosi hami Ho?

25:39 Nandigan huida hami Ho marsahit manang tarhurung, gabe hudulo hami Ho?

25:40 Dung i alusan ni Raja i ma nasida: Situtu do na hudok on tu hamu; Nasa na binahenmuna tu sada sian anggingku angka na metmet on, na tu Ahu do i dibahen hamu!

25:41 Dung i dohononna ma tu angka na di hambirangna: Laho ma hamu sian jolongkon, hamu angka na binuraan tu api sisalelenglelengna, na pinature di sibolis i dohot di angka surusuruanna!

25:42 Ai na male do Ahu, ndang dilehon hamu Ahu mangan; na mauas do Ahu, ndang dilehon hamu Ahu minum.

25:43 Na buro do Ahu, ndang dijangkon hamu Ahu; na marsangkotbulung do Ahu, ndang diparulosi hamu Ahu; na marsahit do Ahu, na tarhurung do Ahu, ndang didulo hamu Ahu.

25:44 Dung i dohononnasida ma mangalusi Ibana: Tuhan, nandigan huida hami Ho male, manang mauas, manang na buro, manang marsangkotbulung, manang marsahit, manang tarhurung, so hupatureture hami Ho?

25:45 Dung i dohononna ma mangalusi nasida: Situtu do na hudok on tu hamu: Di na so niantoanmuna sahalak sian angka na metmet on, sandok Ahu do na so niantoanmuna disi.

25:46 Dung i laho ma nasida tu na bernit salelenglelengna; alai anggo partigor i tu hangoluan sisalelenglelengna do.

I.         PATUJOLO

Somal do tabege hata lumba-lumba na mandok “ingkon jaloon na be do na hombar tu na niulana”. Arga do pandohan I laho pajamothon hita jolma marpangalaho, ai ndang salpu sambing ngolu on, adong do jambar sijaloonna sogot. Dipaingot do hita tu dua na masa di ngolunta ima, tingki hamatean dohot tingki paruhuman. Parjolo Mansai porlu suanon tu ganup pangantusionta dohot tu panghilalaanta na ingkon adop do hita tu hamatean. Andigan ma hamatean I ro? Ndang taboto arina manang tingkina, ai songon parro ni panangko borngin do harorona. Ganup na tinompa I ingkon ombusonna do hosa parpudi sian dagingna jala disi ma sahat hamatean I tu ibana. Na paduahon Paruhuman. Na ro do ibana di ari parpudi laho manguhumi hajolmaon. On pe molo tasungkun andigan I masa, andigan do haroro na i? na tontu alusna Ndang adong na boi mangalusi I  nasa na dihasiangan on. Alai ingkon adop be do sogot tu paruhuman i. Taruli ma angka na porsea alai ianggo na so  porsea tu Tuhan I jaloonna ma uhuman ima hamatean saleleng ni lelelngna.

II.       Hatorangan

Matius 24-25 patoranghon taringot tu paruhuman parpudi. Dung sidung sian bagas joro na di Jerusalem, nangkok do Jesus tu dolok Zetun, laos disi ma ro siseanna manungkun ibana songon dia do tanda tanda ni ari parpudi. Dipatorang Jesus ma na marragam ma na masa na manjoloani haroro ni Ibana ro tu portibi on. Jala dipatorang Jesus do marhite angka perumpamaan na mangondolhon hinaringkot ni jolma asa rade manomunomu haroroNa na padualihon. Dipaingot do hita asa rade paimahon haroro ni Kristus nang tingkinta sandiri. Ai dang taboto sadihari ro tingkina. Dipatorang Jesus ma taringot tu harorona na padualihon I tu angka siseanNa jala gabe dohot hita mulai parbinoto taringot tu haroro ni Tuhan Jesus na padualihon. Hadirion ni Jesus na ro padualihon ima sada Raja na hundul di habangsa hasangapon. Haroro ni Jesus di bagasan hamulion I sada sorminan na tarsurat di Daniel 7:13-14. HaroroNa na padualihon I nunga disuriranghon hian. Jala dipagomos Jesus na ro do muse anak ni jolma i. Hamuliaon dohot hasangapon ni Jesus Raja tarida sian na marluhut saluhut bangso di adopanna. Gombaran on paingothon hita na tarsurat di Sakria 14:1-21 na manuriraghon sude bangso mangoku Tuhan do Raja, jala saluhut bangso papunguonNa tu joloNa. Jesus patudoshon dirina songon parmahan na manirang birubiru boruboru dohot birubiru tunggal na rap manggagat di sada adaran. Di goari Jesus do angka birubiru I angka na pinasupasu ni damang (25:34). Angka na pinasupasu ni damang ima angka halak naung mangulahon ulaon parasi ni rohaon/ melayani angka dongan jolma. Angka na pinasupasu ima angka halak na patuduhon hasatiaon marhite ulaon holong ni roha, ima mangurupi angka na pogos, angka na hurang beruntung songon naung dipatuduhon Jeus ulaon pelayananNa. Di Evangelium ni Matius on nunga dibaritahon Jesus naung songgop harajaon ni Debata huhut dipamalum ibana angka na marsahit, paradehon sipanganon tu angka na male. Disuru Jesus do angka siseanna asa manorushon ulaon pelayanan ima mangulahon songon naung ni ula ni Jesus. Sahat tu tingki on sai adong do angka na marsitaonon, tarhurung, na gale ditongtonga ni halak si ihuthon Jesus na ingkon siurupanta. Asa tangkas angka na pinasupasu ni damang hita na tama manaon harajaon ni Debata.  Hombar tu pangantusion I, Tontu lam bagas ma rimanganta andorang mangolu dope hita di hasingan on, asa adong na ingkon sitioponta na gabe impola sian pardalanan ngolunta on.

1.   Ro do Anak ni jolma I laho tumopot hita

Di pabotohon Jesus do, na ingkon masa sogot ima di ari parpudi. Asa diboto ganup hinauli ni ngolu on, Ro do ibana di bagasan harajaon na marhasangapon, patandahon na nirajaanNa do saluhut nasa na tinompaNa i. Ndang be songon haroroNa tubu di bara ni pinahan di bagsan haleaon. Ndada sungkup holan harorona marhite hatutubuNa di Betlehem uju i. Alai nang dung singkop sogot hombar tu na niaturhonna patulusonna ma na ingkon masa di sandok hajolmaon, ima sangkap Haluaon. Alani I ma, asa tajangkon ma ibana di bagasan haradeon marroha na pantas, ima sipatuduhononta di ngolu siapari marhitehite ragam ni angka halomoan na boi taula.

            Torop do jolma naso parhatutuhon na ingkon masa do sogot ala sai marpangusandean tu pingkiranta . Didok anggo dung mate iba ndang binoto be manang aha na masa sogot. Sebatas hidup diportibi on do na boi tarjalosa. Gabe madabu do deba tu sikap kesenangan sambing, na holan naeng manikmati hinatabo di pardagingon. Tontu ndang holan asa pasonangsonanghon di portibi on, alai naeng ma patuduhon haunduhon tu HataNa. Asa boi tarjalo I ingkon di bagasan haporseaon do mangantusi I ai ndang boi taida manang tahilala nuaeng alai asa taboan dirinta manjanghon haroroNa, so tung dilalapi angka na dihasiangan on.

2.   Patuduhon sangap do haroronNa

Haroro ni Jesus na paduahon I ma laho manirang na porsea  dohot na so porsea. Songon parmahan na manirang birubiru boruboru sian birubiru tunggal. Dua pangalaho ima birubiru boruboru na ditogu tu siamun na manggombarhon haradeon manggoloi patikNa. Alai ianggo birubiru tanggal tu hambirangan I ma naso marhaunduhahon tu hataNa. Ai na ro ma sogot Anak ni jolma I di bagasan hasangapon ni Amana rap dohot angka surusuruanna; dung I balosonna ma tu ganup hombar tu na niulana (16:27). Di halomohon ibana do joma I mamolus di bagasan parsitutuon di haburjuon, jala na olo paturehon na humurang. a) Patupa ma na denggan tu saluhut deonganmi.  Na sinuan I do na ingkon tapuon, alani I ma sai angka na denggan I do saburonta maradophon angka na asing. Ingkonmargogo do hita laho pasidinghon angka na pabahirhon ala ta hilala ndang mangurupi I tu hita. Ianggo angka na mian di bagasan pangoloion gabe dapotan parlabahan do hombr tu na niulana. Situtu do na hudok on tu hamu, Nasa na binahenmuna tu sada sian anggiku angka na metmet on, na tu Ahu do I dibahen hamu! Ditilik Debata do jolma sian habangsaNa, ndang adong na huphup di ibana. Panatapan tu na metmet I ma angka na gale, huhut patupahon na denggan taruli las ni roha, I do makna ni pangaradotion. Na patupahon na denggan tu donganna, na manimpa do di sada inganan na soding jala aman, dung di sada tingki jaloonna do marlipatanganda sian naung pinatupana hian. b) Susa ma ganup paolooli rohana. Nasa ulaon hajahaton I ma ulaon ni sibolis, jala ndang adong inganan ni I di lambung ni Tuhan I. ulaon ni sibolis do na mandok naung denggan na niulana hape bura do ianggo tu Tuhan i. songon dia ma pangalaho ni angka na dibagasan hajahaton i?. Situtu do na hudok on tu hamu. Di naso niantusanmuna sahalak sian angka na metmet on, sandok Ahu do na so niantusanmuna disi. Kesombongan, roha, diri, haholiton, dohot na angka na asing naso manghaholongi ngolu di dongan ido bonsir ni hamamago.

Marhite tu hatorangan ni turpuk di Minggu ujung taon parhuriaon on, adong naeng sipahusorhusoronta ima;  Parjolo Marragam do bonsir ni hamatean, adong do najolo marsahit posi, adong na mate tompu so binoto, adong do na madabu manang tinggang, manang kecelakaan, adong na mate marporang, adong muse na mate alani corona songon na masa nuaeng on, dohot lan angka na asing nai muse. Sude I manungguli hita  tu sada partingkian na ingkon mansohot hita sian hasiangan on. Ingot ari hamatean (momentomory). Ai rade do Jesus I manogu hita sian huaso ni hamatean tu hangoluan na salelenglelengna. Paduahon,  rade ma hita laho tumopot ngolu sogot I, tadinghon ma parrohaon na mamintori diri, na so mangahaholongi dongan. Hutundalhon ma na dipudingki Jesus do haposanhi di haroroNa. Patoluhon  marhaporseaon na matoras ho asa unang sai di lalapi sibolis I, binahen ni haporsea on I do ngolu on, boi di bagasan sikap na positif, na martuduhon tu hasangapon ni Tuhan i.

Alani mansai porlu do rimanganta songon hata ni ende na mandok “hidup ini adalah kesempatan, hidup ini harus melayani Tuhan, jangan sia-siakan waktu yang Tuhan beri, hidup ini harus jadi berkat. Saleleng ngolunta on ingkon melayani do hita jala tau pasupasu asa diharoro ni jesus Raja I teanonta ma harajaon i. Unang be holan arta na diportibion tagulut, ai salpu jala tading do saluhutna i. Dipanguhuman na parpudi I, uhumanna do hita hombar tu angka na taula di ngolunta. Molo taula do antong ulaon parasi ni rohaon tagan di ngolunta, ima mangalehon mangan na male, mangalehon minum na mauas, manjangkon angka na buro, mamparulosi na marsungkot bulung, maningkir na marsahit, mandulu na tarhurung panjongjongon ni Jesus raja I ma hita di siamunna. Ai angka ulaon holong na tabaen tu angka na metmet manang na hurangan na mambahen tu Tuhan I do hita. Unang lea rohanta marnida na pogos, na so mardihadiha I. tenaonta ma harajaon I, ima ngolu na manontong nagok hasonangan i. Alai molo dang adong parasi ni rohaon di hita, dabuon  na ma hita tu api na so ra mintop i. Dang na pabiarbiarhon Tuhan Yesus, jala dang lomo rohana gabe madabu hita tu uhuman api na so ra mintop. Dihalomohon Debata do hita asa parjambar di harajaonna I, jala dilehon do hita tingki parasian. Alani tapangke m tingki parasian on laho paubalahon diri na egois/individualis gabe halak na parpudi, mangolu di bagasan holong na sai peka mamereng angka partinaonan ni dongan jolma. Mansai torop do di lambung na paimahon pangurupion sohot ulaon sian hita. Parasi ni rohaon I do tanda holong rohanta tu Debata. AMEN