Khotbah Yeremia 29: 1-7 Mewujudkan Kesejahteraan Bersama

 Minggu 23 Set. Trinitas; 15 November 2020

29:1 Beginilah bunyi surat yang dikirim oleh nabi Yeremia dari Yerusalem kepada tua-tua di antara orang buangan, kepada imam-imam, kepada nabi-nabi dan kepada seluruh rakyat yang telah diangkut ke dalam pembuangan oleh Nebukadnezar dari Yerusalem ke Babel.

29:2 Itu terjadi sesudah raja Yekhonya beserta ibu suri, pegawai-pegawai istana, pemuka-pemuka Yehuda dan Yerusalem, tukang dan pandai besi telah keluar dari Yerusalem.

29:3 Surat itu dikirim dengan perantaraan Elasa bin Safan dan Gemarya bin Hilkia yang diutus oleh Zedekia, raja Yehuda, ke Babel, kepada Nebukadnezar, raja Babel. Bunyinya:

29:4 "Beginilah firman TUHAN semesta alam, Allah Israel, kepada semua orang buangan yang diangkut ke dalam pembuangan dari Yerusalem ke Babel:

29:5 Dirikanlah rumah untuk kamu diami; buatlah kebun untuk kamu nikmati hasilnya;

29:6 ambillah isteri untuk memperanakkan anak laki-laki dan perempuan; ambilkanlah isteri bagi anakmu laki-laki dan carikanlah suami bagi anakmu perempuan, supaya mereka melahirkan anak laki-laki dan perempuan, agar di sana kamu bertambah banyak dan jangan berkurang!

29:7 Usahakanlah kesejahteraan kota ke mana kamu Aku buang, dan berdoalah untuk kota itu kepada TUHAN, sebab kesejahteraannya adalah kesejahteraanmu.

29:1 On do hata ni surat na tinongos ni panurirang Jeremia sian Jerusalem tu pasipasi ni sintua angka na tarbuang i dohot tu angka malim dohot tu angka panurirang dohot tu sandok bangso i, angka naung binuangkon ni si Nebukadnesar sian Jerusalem tu Babel.

29:2 Dung tarboan raja * Jekonya dohot jolmana ro di angka na pinangkis, angka induk ni Juda dohot Jerusalem dohot angka pande hau dohot pande bosi sian Jerusalem.

29:3 Na tinongosna tu Babel marhite sian si Eleasa, anak ni si Sapan, dohot si Gemaria, anak ni si Hilkia, na sinuru ni si Sedekia, raja sian Juda, tu si Nebukadnesar raja sian Babel, ninna do:

29:4 Songon on do hata ni Jahowa Zebaot, Debata ni Israel, tu saluhut naung tarbuang, angka na hubuangkon sian Jerusalem tu Babel:

29:5 Pauli hamu angka bagas, laos ingani hamu, jala pungka hamu angka porlak, laos pangan hamu parbuena!

29:6 Buat hamu ma parompuan bahen jolmamu, asa tumubuhon anak dohot boru hamu; paorohon hamu anakmuna jala boruhon hamu borumuna, asa tumubuhon anak dohot boru nasida, asa sopar hamu disi, jala unang moru bilanganmuna.

29:7 Ringkoti hamu huhut hasonangan ni huta habuanganmuna na hubahen i, jala tangiangkon hamu nasida tu Jahowa, ai molo marhasonangan huta i, marhasonangan ma dohot hamu.

I.                   PATUJOLO

Jeremia ima sahalak panurirang anak ni Hilkia sahalak malim sian Anatot di luar Benjamin.Na tarjou do ibana songon sahalak panurirang di tongatonga ni bangso Juda (Israel Selatan) andorang so tarbuang dope tu Babel sahat tu na tarbuang nasida tu Babel alani haginjangon ni roha dohot dosa ni bangso i dung salpu panggomgomion ni raja Josia  ima di taon 586 SM. Na tarjou do si Jeremia gabe panurirang ni Debata laho marsoarahon haimbaruon nang hamubaon ni roha di tongatonga ni bangso Israel. Ala tongon ma nasida mangolu dibagasan haporseaon na manomba ganaganaan, dewa Baal dohot angka pengaruh ni panurirang pargapgap na manjamitahon hata naso tutu, holan pasonangsonanghon roha ni bangso i, gabe ndang diboto pardosaon nasida. Alani, marhite panuriragon ni si Jeremia, naeng diarahon do bangso i asa mangolu di bagasan hasintongan, unang be di bagasan dosa. Asa naeng jumpang ma hamubaon ni roha di bangso i. Ai nungga tangkas diparade debata haluaon di nasida ima paboa na ingkon mulak nasida tu Jerusalem , bona pasogit/ huta nasida i dung 70 taon lelangna tarbuang.

II.                HOTORANGON

Ditongos panurirang Jeremia do surat sian Jerusalem tu angka pasipasi ni sintua na tarbuang dohot angka malim, panurirang dohot bangso Juda (Israel Selatan) na tarbuang di Babel, ima naung binuanghon ni si Nebukadnesar sian Jerusalem tu Babel na ginomgomanna i. Ditongos si Jeremia do suratna marhite si Eleasa, anak ni si Sapan dohot si Gemarya anak ni si Hilkia uju panggomgomion ni raja Sedekia di Juda hatiha . Marhitehita surat na tinongos ni si Jeremia on, naeng patoguonna haporseaon ni bangso Israel na tongon terbuang di Bebel hatiha i. Asa unang mandele, jala lam mandao nasida sian dalan ni Debata. Ingkon margogo do nasida mandalani marhamubaon ni roha, jala ingkon mulak do nasida sian buangan i tu Jerusalem muse di ujungna. Dipabangkit Debata do si Jeremia bahen panurirangNa, laho pasahathon tona/hata ni Debata tu bangso Israel na tarbuang i. Angka dia ma tona ni Debata i? Idaonta ma marhitehite turpuk on, ima:

1. Pauli bagasmu laos ingani, pungka porlak laos pangan ma perbuena! (ay.5)

Bagas/jabu ima inganan ni parmianan ni sasaripe, jala gabe kebutuhan primer manang na rumingkot di parngoluan ni jolma atik pe halak na tarbuang do bangso Juda di Babel, disosoi Debata do marhitehite panurirang Jeremia asa dipauli nasida bagas di nasida ganup ima inganan parmianan di nasida be. Memang ndang adong tano manang pangulaan na gabe hak milik nasida, hak mamangke do adong dilehon panggomgomi Babel tu nasida ala Nebukadnezar raja na mamboan nasida tarbuang i sian Jerusalem tu Babel mangalehon inganan disi jala ingkon ringgas do halak na tarbuang i mangulahon,  jala berjuang laho pauli angka bagas di nasida be, asa inganan ni nasida. Suang songoni disosoi do nasida asa mamungka  porlak, ra kemungkinan besar mata pencaharian di Babel ima di bidang pertanian do. Ido umbahen sian pertanian do mangula,  jala mangolu pangisi ni luat i. Apostel Paulus pe didok ibana do: Na so ra mangula, unang ma ibana mangan (2 Tes 3:10). Jadi , mansai ringkot do perjuangan dohot kerja keras asa jumpang ngolu na berkualitas.

2. Marpinompari asa sopar pinompar ni jolma i (ay.6)

Disuru Debata do bangso Juda na tarbuang i marhitehite si Jeremia asa marpinompari, marhitehite na mangoli dohot marhamulian. Saonari na gabe sungkunsungkun di hita, tu ise do nasida mangoli dohot marhamulian? Molo halak Juda (Israel Selatan) polin dope manjaga uhum dohot ruhut-ruhut ni aturan ni Israel. Atik pe tarbuang nasida tu Babel, na so jadi buaton nasida parompuan sian bangso sipelebegu ima na so manomba  Debata gabe ripe nasida. Jadi, tontu ingkon sesama nasida pinompar ni Israel do marhot ripe. Jala ingkon lam sopar do pomparan ni Israel di Babel, jala ndang jadi moru bilangan ni nasida. Gabe taingot ma hata ni Debata uju ni panompaon ni portibion, didok do tu jolma na porjolo i: Dung i , dipasupasu Debata ma nasida, marpinompari ma hamu, asa sopar hamu, jala gohi hamu sandok tano on, jala patunduk hamu, jala rajai hamu di atas tano on (1 Musa 1:28). Suang songon i,  na masa di halak Israel pinompar ni si Jakob di Misir, lam torop do nasida, marpinompari jala lam deak, jala lam marhuaso situtu pola digohi nasida tano Misir uju i      (2 Musa 1:7). Jadi, na sai tongtong do Debata mamasumasu bangso na hinaholonganNa i. Atik pe ingkon tarbuang, songon uhuman ni dosa ni halak Juda hatiha i , naung manimbil sian patik ni Debata, tongtong do marparmuati roha ni Debata. Jala naso jadi mansohot pasupasuNa di hita jolma pardosa. Dalan patanghon haporseaon, asa jumpang hamubaon ni roha do molo pe tung diuhum Debata hita satongkin ala ni dosanta i. Ai nungga jumolo dipatuduhon holongNa, na balga i tu bangso Israel najolo jala ndang mansohot sahat tu sadarion.

3. Mangharingkothon hasonangan ni huta didia hita maringanan huhut rumangianghon huta i (ay.7)

Dilehon Debata do tanggungjawab di halak Juda na tarbuang i, ima ingkon mangharingkothon hasonangan (kesejahteraan) ni huta habuangannasida i, ima Babel i. Jala ingkon tangianghonon nasida do huta i dohot pangisina pe. Na marlapatan, ingkon gabe siboan pasupasu do bangso Israel manang tudia pe nasida maringanan, bahkan tu inganan na so hinalomohonnasida pe. Babel ima inganan habuangan, ndada huta ni halak Israel manang Bonapasogit di nasida. Alai ingkon mangolu jala mangula do nasida seleleng maringanan disi. Ndada holan dirinasida sambing disarihonnasida, jala ingkon diharingkothon nasida do kesejahteraan ni luat i . Isarani, marhitehite kerja keras, tekad dohot perjuangan ni halak na tarbuang i, gabe taruli hamajuon do nang luat i dohot pangisina. Jala idaon pangisi ni luat Babel ma na tama halak Israel na tarbuang i gabe tiruan di parngoluon siganup ari. Ndada holan ngolu pardagingon na ingkon siluluannasida, alai di ginjang ni i, ingkon luluan nasida do ngolu partondion, marhitehite lam mangharinggashon ngolu partangiangon, huhut tumangianghon luat parmianannasida dohot pangisina. Jumpang ma ngolu na berkualitas, ima ngolu pardagingon dohot partondion na berkualitas di adopan ni Debata.

III.             PANIMPULI

Topik Minggu “ Patulushon Hadumaon”, na tarjaou do halak Kristen di bagasan ngoluna ndada holan mangharingkothon ngolu sandiri, alai ingkon dohot do sumarihon ngolu di humaliangna. Jumolo ma dirina disarihon marhitehite na mangalului na ringkot di ngoluna dohot keluargana, jala manarihon humaliangna. Ido tanda ma paboa gabe pasupasu hita tu humaliangta be. Isarani, angka na mangaranto di luat parserahan i, molo halak Kristen do ibana ingkon gabe siboan pasupasu ma ibana di humaliangna, jala ingkon rap manangianghon do hita di huta/ luat parmiananta, suang songon i negaranta Indonesia on. Di masa pendemi covid 19, marpanghorhon do i tu ekonomi masyarakat. Godang ma halak na agoan parkarejoanna. Jadi, ingkon sipardohot do halak Kristen laho tumangianghon negaranta on asa marhasonangan jala patupa na boi sipatupaonna hambar tu gogona be. Asa tanda ma hita gabe pasupasu tu humaliangta, songon bagabaga ni Debata tu si Abraham, Hubahen do ho gabe pasupasu (1 Musa 12:2). Amen.