Tata Ibadah Minggu Akhir Tahun Gereja

 Minggu, 22 November 2020

P  : Paragenda               H  : Huria

1.  Hata Patujolo

     P  : Sadari on sahat ma hita tu ujung ni taon parhuriaon. Tahamauliateon do asi ni roha dohot              pasupasu ni Tuhan na so hea manadinghon angka bangso-Na di na mandalani angka dalan na          nangkok nang na tuap pe. Tadalani do angka si las ni roha nang angka habot ni roha pe di na sataon on, anggiat ma lam patoguhon haporseaon dohot panghirimonta na tongtong do Ibana mandongani hita di udut ni pardalanan ni ngolunta be. Songon na somal, sadari on taingot ma angka donganta naung parjolo borhat tu inganan paradianan na songkal i. songon parningotan di nasida angka na tahaholongi i adong panghirimonta ganup pajumpang do nasida rap hundul di Parpadanan na Badia i rap dohot Tuhan i sahat ro di ari sogot rampak di hasampuran rea i, i ma di Parpadanan na Badia na songkal i di bagas ni Damang.

     Dibahen i, di ujung taon parhuriaon on gabe pamuhai ma on di angka ulaon na denggan mangungkap tingki na naeng ro nag ok panghirimon, asa boi tapasidung paraloan haporseaon i na dipalumehon tu hita sahat ro di tingki ni Tuhan i pasahathon tumpal hangoluan tu sude angka na badia sian sude bangso, marga, houm nang parhataan pe.

2.  Marende B.E. No. 344  : 1 – 2 “Ungkap Bahal na ummuli)

Ise do angka na sida di lambung ni Debata,

Na martumpal be huida jala marsinondang da?

Na marende do sude girgir pamujina be.

I do angka na malua, angka na tutu burju,

Angka dongan na martua, naung porsea situtu

Di Tuhanta Jesus i, na humophop sasude.

3.  Votum     :                                                                               (Huria Jongjong)

    P  : Dibagasan goar ni Debata Ama, dohot goar ni Anak-Na Tuhan Jesus Kristus dohot goar ni Tondi Parbadia, na manompa langit dohot tano on.

H  : Amen.

4.  Panopotion ni Dosa

    P  : Angka dongan na hinaholongan, tapajonok ma dirinta tu Tuhanta sian roha na ias. Taparhatopot ma sude dosanta tu Ibana jala tapangido ma hasesaan ni dosanta marhitehite Tuhan Jesus Kristus parasiroha i.

    H  : Ianggo pangurupion di hita i ma dibagasan goar ni Jahowa Sitompa langit dohot tano on.

    P  : Ale Debata Ama Pargogo na so hatudosan, Sitompa jala Sitobus hami, pardosa godang do hami jala tung so tama d hami jongjong di adopan-Mu. Nunga mardosa hami maradophon Ho marhite pingkiran, panghataion nang pambahenan name pe. Dibahen i do umbahen na ro hami tu Ho mangido hasesaan ni dosa nami ala ni Anak-Mu Tuhan Jesus Kristus Tuhan nami.

    H  : Mangendehon B.E No. 182 : 3 (Tu Jolom O Debatangku)

Sai jotjot do hutadingkon dalanMi na tigor i;

Kristen au, hape hutondong, dalan hamagoan i.

P  : Baga-baga ni Debata taringot tu hasesaan ni dosa :

    Molo tatopoti angka dosanta, haposan do Ibana jala bonar, manesa dosanta jala paiashon hita sian         nasa hageduhon. Hasangapon ma di Debata na di ginjang.

H  : Amen.                                                                                   (Huria Hundul)

5.  Marende B.E. No. 508: 4 – 5 “Sai patogu”

Lehon hagogoonMi, maralohon dosa i.

Unang talu au disi sai maporus musungki.

Lehon di portibi on hamonangan di au on.

Dok tu au: Hutogu pe ho tu surgo i muse

Molo suda bohalhi, sai patalak pintuM i.

Tu adian di joloM, masuk ahu tu joroM.

Bura hamatean i, tolong au mamolus i.

Dok tu au: Hutogu pe ho tu surgo i muse

(Huria Jongjong)

6.  Introitus  :                                                                             

P  : Ai songon duhut-duhut do nasa daging, songon bunga-bunga ni duhut-duhut i do saluhut hasangaponna. Nunga malos duhut-duhut I jala nunga marurus bunga-bungana. Alai na mian do ro di salelenglelengna ia hata ni Tuhan i! Sai burju ma ho rasirasa mate; dung I lehononku ma tu ho tumpal hangoluan i. Haleluya! 

7.  Kirye Eleison (Tuhan, asi ma rohaM di hami)

P  : Tuhan, asi ma roham di hami.

H  : Tuhan, asi ma roham di hami.

P  : Kristus, asi ma roham di hami.

H  : Kristus, asi ma roham di hami.

P  : Tuhan, asi ma roham di hami.

H  : Tuhan, asi ma roham di hami.

(Hohom satongkin)

8.  Hasangapon ma di ginjang       :

P  : Hasangapon ma di Debata di ginjang.

H  : dame ma di tano on, di angka jolma halomoan i.

9.  Tabe/Salam & Tangiang Kolekta        :

P  : Tuhan mandongani hamu!

H  : Dohot mandongani ho!

P  : Martangiang ma hita :

     Ale Debata, Tuhan ni angka na mate dohot na mangolu, na di Ho do hami tingki mangolu manang mate pe. Ai nang pe mardalan hami di rura ni linggoman ni hamatean, ndang huhabiari parmaraan, ai Ho do na mandongani hami. ndang boi tartahan banua toru dohot hamatean I be hami, ala Ho do Tuhan name na manobus hami asa di Ho hami. ro do hami mangido tu joloM: Hupasahat hami ma tondi dohot daging nami tu Ho, di tingki mate nang mangolu pe hami. tiop ma tangan name jala urupi ma hami alani panghophopMu, asa di hami hangoluan na salelenglelengna. Amen.                                                  (Huria Hundul)

10.      Marende B.E. No. 345 : 1 “Di dia adian?

Di dia adian na sun demak i, sambulo ni tondi, di dia do i?

Tung jumpang adian ni tondi dison, di tano ni jolma na mardosa on?

Nda tung nda tung di tano on, di surgo do dapot sambulo inon.

Nda tung nda tung di tano on, di surgo do dapot sambulo inon.

11.      Epistel : Hesekiel 25 : 31 - 46   

    P  : Hata ni Debata patujolo ni Jamita di Ujung Taon Parhuriaon on, i ma na tarsurat di Hesekiel 25 : 31 – 46

Ai songon on do hata ni Tuhan Jahowa: Ida ma, ahu, apala ahu sandiri usouso sogot di birubirungku, jala luluanku nasida.

H  : Songon pangalului ni parmahan di punguanna di ari uju di tongatonga ni birubirunna angka na mampar i ibana, suang songon i ahu mangalului birubirungku sogot, jala paluaonku nasida sian saluhut inganan parserahannasida i, uju di ari ombun dohot haholomon marimpotimpot.

P   : Jala ahu manogihon nasida ruar sian angka bangso dohot papunguhon nasida sian angka luat, asa huboan nasida mulak tu tanonasida i, laos ahu marmahan nasida di atas ni angka dolok Israel, di bagasan angka rura dohot di bagasan saluhut parmianan di tano on.

H  : Di jampalan apala na lomak ahu marmahan nasida, jala di atas dolok angka na timbo di Israel parudamannasida, disi ma mangulon nasida di parudaman na denggan, jala jampalan apala na lomak jampalanna di atas ni angka dolok ni Israel.

P   : Ahu sandiri ma marmahan birubirungku, jala ahu paulon nasida, ninna Tuhan Jahowa.

P+H : Luluanku ma na mago i, jala mulak boanonku na tardempar i, jala lilitanku do na mabugang i, jala pargogoanku do na marsahit i; alai anggo na mokmok i dohot na gogo i siaphononku do, ahu sandiri tahe marmahansa marhitehite uhum.

P   : Martua ma angka na umbege hata ni Debata naumpeopsa jala na mangulahonsa.

H  : Mangendehon           : Haleluya, Haleluya, Haleluya.

12.      Marende B.E. No. 383: 3 – 4            “Adong do Ama”

Di surgo do dipeop tumpalhi, na hiniraphon ni Tuhanta i.

Dijou do au, na lao ma au manean na di surgo i.

Lao ma au, lao ma au tu na di surgo i,

Lao ma au, lao ma au tu na di surgo i,

Dijou do au na lao ma au tu Ama na di surgo i.

Molo masihol ho muse di au, ingot ma na di surgo i do au;

Dapothon au tu surgo i, ai ho pe sonang do disi!

Lao ma au, lao ma au tu na di surgo i,

Lao ma au, lao ma au tu na di surgo i,

Dapothon au tu surgo i, ai ho pe sonang do disi!

13.      Manghatindanghon Haporseaon     :                                   (Huria Jongjong)

    P  : Tahatindanghon ma haporseaonta i, songon na hinatindanghon ni donganta sahaporseaon di portibi on, sian mula ni Huria i sahat tu sadari on. Rap mandok ma hita :

14.      Marende B.E. No. 528: 1 + 4            “Tu dia ho dung mate ho”

Tu dia ho, dung mate ho, alusi ma, alusi ma!

Jempek tingkim, ujung na ro tu dia ho dung mate ho,

Dung mate ho, dung mate ho, sai pingkir ma tu dia ho?

Jangkon ma Jesus, Rajam i, Sihophop ho, sihophop ho,

Ias dibaen mudarNa ho, dung i rade tu surgo ho.

Rade ma ho, rade ma ho. Tu surgo sai rade ma ho.

15.      Tingting/Berita Gereja         :

16.      Tangiang Pangondianon      :

17.      Marende B.E. No. 520 : 1 + 3           “Partangisan do hape”

Partangisan do hape anggo hasiangan on;

Holso, arsak, sahit pe, sai manosak do tongtong.

Ingkon songgop hamatean tu sudena jolma i.

Ai sude do na manean Uhum ala dosa i.

Unang marsak hita be naung mananda Jesus i;

Ai inganan na rade dapot ho di surgo i.

Tatadingkon pe luhut na, na di atas tano on;

Dapotonta di lambungNa, hasonganan na tongtong.

18.      Jamita : Mateus 25: 31 – 46

19.      Parningotan di Angka na Monding

P: Hamu ale angka dongan, ganup taon di ujung ni taon parhuriaon songon minggu sadarion, ditontuhon do di sude huria mambahen parningotan di angka naung jumolo monding. Ia tabahen pe parningotan di nasida angka dongan na jumolo i, ndada na naeng mangarsahi roha ni hita sisolhotna. Jala ia martangiang pe hita, ndada tumangiangkon nasida, alai manangiangkon ganup hita be do, asa boi dohot hita sainganan di lambung ni Tuhanta rap dohot nasida naung jumolo sahat tu Tuhanta Sipalua i. Asa mambahen pardomuan, manaiti rohanta malungun tu inganan hasonangan dibagasan Jesus Kristus, Parmahan na denggan roha i, na naeng ro muse Ibana mangalap hita asa rap hita dohot Ibana. I do na tarimangrimangai jala taauhon di na marningot hita di angka donganta naung jomolo monding apala di tingki on.

Angkup ni naung tiningtingkon di angka ujung ni taon na salpu, ingotonta ma nuaeng dohot angka donganta naung jomolo monding sataon on, mamungka sian bona ni taon parhuriaon sahat tu sadarion, i ma:

Namagodang           :           Baoa:         halak;      Boruboru:         halak

Naposobulung         :           Baoa:         halak;      Boruboru:         halak

Nametmet                :           Baoa:         halak;      Boruboru:         halak

Godangna                :           Baoa:         halak;      Boruboru:         halak

 

Manjaha      : Pangungkapon 20: 12

Dung i huida ma angka naung mate i, angka na metmet nang angka na balga, jongjong di jolo ni habangsa i; jadi diungkap ma angka buku. Dung i diungkap ma sada buku na asing, i ma buku hangoluan, gabe diuhumi ma angka na mate i marguru tu na tarsurat di bagasan angka buku i, hombar tu na niulanasida be.

Rap jongjong ma hita sude. Martangiang ma hita dibagasan rohanta be mambahen parningotan di nasida angka naung jumolo monding i.

.........Hatiha hohom/martangiang dibagasan roha, diiringi Organ/musik..........

Amen.

20.      Marende B.E. No. 336 :  3                (Sonang ma modom)

Molo soara ni Tuhan Jesus i, na manorusi sude tanoman i,

Ro manungguli angka naung mate. Hehe nasida marhasangapon.

21.      Ayat Pelean    :

    P  : Andorang so tapasahat do pe peleanta, tabege ma Hata ni Debata ojahan ni haporseaonta laho pasahathon pelean i, i ma na tarsurat di 1 Kronika 29: 14

   “Ai ise nian ahu pola, jala ise pola ia bangsongki, tung pola tuk gogonami mangaringgas margugu songon on? Ai marharoroan sian Ho do saluhutna i, jala sian tanganmi do i na hulehon hami tu Ho!”

22.      Tangiang Pelean        :                                                         (Huria Jongjong)

23.      Ende Pelean B.E. No. 476 : 3           “Ndada au guru di au”

Ulaonku nang artangku pangke ma baen sangapMi,

Diusehon Ho mudarMu tung tanda do holongMi.

Ndang be au guru di au, Jesus na humophop au, nampuna au

Tung saleleng au mangolu, Jesus do nampuna au.

24.      Tangiang Panutup    : Ale Amanami

25.      Pasupasu        :

26.      Amen, Amen, Amen.