Khotbah 1 Tesalonika 5: 16-24 Hidup Tak Bercacat Pada Kedatangan Tuhan

Minggu Advent III, 13 Desember 2020

5:16 Bersukacitalah senantiasa.

5:17 Tetaplah berdoa.

5:18 Mengucap syukurlah dalam segala hal, sebab itulah yang dikehendaki Allah di dalam Kristus Yesus bagi kamu.

5:19 Janganlah padamkan Roh,

5:20 dan janganlah anggap rendah nubuat-nubuat.

5:21 Ujilah segala sesuatu dan peganglah yang baik.

5:22 Jauhkanlah dirimu dari segala jenis kejahatan.

5:23 Semoga Allah damai sejahtera menguduskan kamu seluruhnya dan semoga roh, jiwa dan tubuhmu terpelihara sempurna dengan tak bercacat pada kedatangan Yesus Kristus, Tuhan kita.

5:24 Ia yang memanggil kamu adalah setia, Ia juga akan menggenapinya.

5:16 Tongtong ma hamu marlas ni roha!

5:17 Unang mansadi hamu martangiang!

5:18 Mandok mauliate ma hamu siala saluhutna! Ai i do dipangido Debata sian hamu marhitehite Kristus Jesus.

5:19 Unang intopi hamu tondi i!

5:20 Unang lea rohamuna di panurirangon!

5:21 Tangkasi hamu ma saluhutna; na denggan i ma tiop hamu!

5:22 Pasiding hamu ma nasa rumang ni na roa!

5:23 Diparbadiai Debata pardame i ma hamu gabe sun denggan, jala diramoti ma tondimuna, nang roha, nang daging, asa ias, so hasurahan di haroro ni Tuhanta Jesus Kristus!

5:24 Haposan do Ibana na manjou hamu; sai pasautonna do i.

 I.                   PATUJOLO:

Tesalonika ima ibu kota provinsi Makedonia. Hurang lobi 120 Km dompak Purba ni Roma sebelah Barat daya ni kota Filipi, kota teluk jala nalaos gabe inganan ni partigatigaan na balga. Ala targoar do kota Tesalonika on kota nabalga (partigatigaan) tontu marragam do angka jolma na ro tusi sian angka luat na asing. Ditingki pardalanan zending II Paulus (Rap dohot si Silas dohot si Timotius) adong 2 halak Jahudi dison jala laos diajari nasida ma paboa naung ro do Mesias ima Jesus. Godang do na gabe Porsea jala na laos dohot do Yunani, alai sogo ma roha ni sude pangula ni sinagoge marnida si Paulus dohot donganna.  Gabe di papinda ma inganan pangkhobasion nasida tu jabu ni ruas na burju na margoar si Jason. dison pe dang sadia leleng nasida maringanan ai marningot do tihas on angka alona I do na torop I gabe masa hagunturon, dialuhon do nasida tu pembesar kota didok gabe “penghasut Mesias” na mambahen hagunturon ndada holan na di Tesalonik alai di sude keKaisaran Romawi na adong halak Yahudi na mandok adong Raja na asing sian Kaisar, laos terpengaruh do antong pembesar kota I, mabiar do nasida molo marganti Kaisar, sotung maon hamagoan jabatan. Alani I dilele do si boan barita na uli jala jaminan ni pangurupion nisi Jason marhite na borhat borngin si Paulus sian kota I tu Berea boi do malua sian mara na bolon I (Ul. Apostel 17:1-15) jala poso dope Huria I, tontu mansai ringkot do panogunoguon lumobi muse di angka poda parhuriaon. Marhite turpuk jamita on boi idaonta piga-piga sipaingot na pinasahat ni Apostel Paulus dalan manogunogu diri managam ari haroro ni Kristus.

II.                HATORANGAN

Ayat 16: “Tongtong Marlas ni Roha”

Sude do jolma naeng marlas ni roha alai dang sude boi marlas ni roha. Molo dapot naniluluan jumpang na jinalahan tontu las ma roha. Molo denggan parsingkolaan ni ianakhon jala ture pangalaho nasida tontu las ma roha ni angka na toras, molo denggan pelayanan dang sai adong na manggunturi, tontu boi ma las roha. Alai boha  molo masa parsahiton, masa haleon, masa parbadaan, masa pangaleleon tu hita? marlas ni roha dope hita? Jotjot maol situtu do i. ido na pinangido ni turpuk on, nang pe masa haporsuhon tu halak Kristen na di Tesalonika unang ma sundat nasida marlas ni roha, alai las ni roha nasida, ima ala naung mananda Tuhan Jesus gabe boi jongjong huria ni Kristus. Dipangido do tongtong hita marlas ni roha dang sasangombas alai manontong. Saurdot do joujou on tu joujou ni Apostel Paulus tu hria Filipi na mandok Marlas ni roha ma hamu tongtong di bagasan Tuhan (Filipi 4:4) ido tutu holan di bagasan Tuhan I do hita marlas ni roha jala disoarahon Apostel Pau;us hata on hatiha huria tongon mangadopi hamaolon.

Ayat 17 “ Unang mansadi martangiang

Sada hataridaan ni halak na porsea ima dihangoluhon tangiang dibagasan ngoluna. Asa sahat tu pangantusion I ingkon do antusanta Lapatan ni tangiang. Tangiang  ima manghatai dohot Debata manang marsaor na uli dohot Debata Sitolusada I, alai pahipas parsaoran dohot ibana marhite tangiang. Andorang so tauduti manangihon pangajarion Jesus taringot tu songon partangiangan na niajarhonNa tu angka siseanna mansai ringkot do taulahon manungkunhon tu dirinta, songondia do nuaeng pos ni rohanta di Debata na rade rap dohot hita mandalani ngolunta on. Tapangasahon dope ibana di ngolunta on? Manang ndang be? . Alani dung taboto lapatan ni tangiang I tontu na gabe syaratna ima Haporseaon  jala ido gabe ojahan na arga di hita na boi manosoi rohanta tongtong martangiang. Marhahonaan do I tu pandohan na tarsurat di Heber 11:1 na mandok : Alai anggo haporseaon I pos ni roha do I di angka si hirimon jala pamotoan na tontu taringot tu naso na ni ida. Jadi molo martangiang hita tontu adong ma sihirimon disi. Jala molo pe sai di lelei halak Kristen na diluat Tesalonika ala ni haporseaon na tu Jesus Kristus di paingot Apostel Paulus asa tongtong nasida martangiang manjou goar ni Tuhan, Ido na ni ajarhon ni Apostel Paulus di angka parguruan dohot di si nagoge ni halak Jahudi. Partangiangon ima tanda ni Huria na mangolu jala na marpanindangion. Alani adong piga-piga na naing si rimangonta di point on ima: na parjolo: Asa ringkot di ngolunta ganup ari diportibion sahat ro di ujung ni ngolunta do na tapangido. Sotung tapangido sagodanggodangna tu ngolunta na satongkin I manghorhon gabe ndang risbe adong di donganta jolma na tinompaNa na asing. Alai tumpahi pangidoan on do pos ni roha ni na porsea na satia do Debata Ama I manarihon na ringkot di ngolunta ganup ari.

Ayat 18 “Mandok Mauliate tu saluhut na”

Dipaingot Apostel Paulus do asa mandok mauliate tu Debata panandaion ni denggan basa ni Debata ido patauhon hita mandok mauliate tu Tuhan I alai di angka naso mangolu di bagasan Tuhan I maol do I mandok mauliate. Aha do dasar nasida ingkon mandok mauliate tu Debata, ima ala malua sian pangaleleon na masa dohot angka ragam ni ha susaan sian humaliang na. diramoti Debata huria I mamolus ragam ni hamaolon.

Ayat 19 “ unang intopi Tondi”

Dilehon Debata do tondi porbadia asa margogo mangula ulaonta jala naung umbalga tondi I mangajari hita asa porsea tu Debata dohot anak ni Jesus Kristus. Dilehon tondi ni Debata tu hita asa tau marpanindangion hita di adopan ni Debata alani unang ta arsahi tondi I, ai tondi na mangajari ganup halak asa porsea tu Debata jala ido na pauliulihon huria I boi  bertahan jongjong di portibion.

 

Ayat 21-22 “ Tangkasi hamu saluhutna

Asa jumpang di huria Tesalonika ingkon jumolo do tangkasan dia do  nasian tondi jala dia panurirangon, boi do jolma di tingki I, asa boi taangkasan tontu marhite tondi na pinasahat ni Debata dipasahat Debata do tu hita basahon laho manangkasi rumang ni tondi (1Korintus 12:10; 14:29; 1 Joh 4:1) alani ingkon tangkasanta do manang na sintong manang na daong. Songoni halak Kristen na masa di luar Berea  (Ul. 17:11) dung ta uji, tatangkasi botoonta ma pandohan diri sian naso hasea I, alai angka na denggan I ima si tiopon. Na denggan do si pareahon anggo naso denggan si padaon ma i. angka na denggan ido di pangido Debata ulahonon ni halak Kristen manang didia pe maringanan, tontu laho manangkasi saluhutna ima marhitehite hata ni Tuhan i.

Ayat 23-24 “ Diparbadiai Debata ma hamu”

Tiruan do na ni lehon ni Apostel Paulus sian ayat 16-22 dang muramura mangulahon I alai mansai maol situtu. Alai ido na pinangido ni Debata sian hita sebagai hita naung mananda Tuhan I asa mangulahonsa. Dang margogo halak  Kristen patupahon I molo holan mangasahon diri sendiri. Antong boha do halak Kristen laho mangulahon I? ido umbahen didok di parbadiai/ dipargogoi Debata. Na badia do Debata alani hita pe ingkon badia do di adopan ni Debata. Ulaon ni Debata do pabadiahon jolma, dang sanggup jolma pabadiahon dirina ala jolma na tubu di bagasan dosa do hita. Debata do mambahen jolmana porsea I asa badia dohot mangalehon gogo laho mangalo dosa. Alani porlu do hita di parbadiai Debata asa unang sarombang hita dohot jolma naso badia di portibi on. Ai marsaor do hita dohot portibi on. Alai anggo halak na porsea ingkon badia jala so hasurahan. Ai tangkas haposan do ibana na manjou hita jala manimpuli angka pangajarion I dipasahat Apostel Paulus ma Jaminan tu Huria Tesalonik laho patupahon dohot pasauthon na ni dokna tu nasida. Ditogihon nasida asa marpos ni roha tu Debata na manjou nasida gabe Huria na. Ai dang pasombuon ni Debata angka na porsea I bonduton, elaelaon ni sibolis manang musu ni Debata, alai ondingan ni Debata do hita di pardalanan ni ngolu on asal ma marhaposan tu Debata hita jala marojahan tu hata angka ulaon na tasangkapi di huria.

III.             PANIMPULI

Hombar tu topik  minggu Advent III (patoluhon) di minggunta sadarion na marojahan ngolu na manomunomu di haroro ni Tuhan i. Adong pigapiga si ulahonon songon tanda ni halak Kristen hita ima tongtong marlas ni roha hita nang pe godang ta adopi hamaolon jala ingkon gabe si partangiang do hita di ngolunta on. Keadaan na songonon manghorhon ma tu penderitaan na sangat luar biasa (Covid-19). Alai songon dia pe penderitaan na ni alaman ndang gabe putus asa/ frustasi atau kecewa. Alai sebalikna parangenta ingkon marolopolop dibagasan Jahowa, boasa? Ala mananda hita di hagogoon ni Debata. Gabe ndang madabu tu pandelean, ndang mandao sian Debata. Ala dihaporseai angka jolma na porsea ido na mangula do Debata dibagasan angka namasai jala sude I patuduhon hagogoonNa sambing do. Molo tung masa pe angka hamaolon I, alai ndang mago boti angka na marsihohot na manghaporseai ibana. Pos ni roha, panghirimon na togu dibagasan Tuhan ima haluaon na mangalehon semangat dohot gogo tu sude jolma laho tetap boi bertahan mangadopi hamaolon sada bukti hagogoon ni Debata tu Negaranta on ima Indonesia adong berita na baru na mansai las rohanta Vaksin Virus Corona (Covid-19) sudah tiba di tana air kita Indonesia melalui Bandara Soekarno Harta, Cengkareng sai sahat ma tu  hita ganup ma