Khotbah 2 Samuel 7: 1-16 Kerajaan Mesias Yang Kokoh Selama-lamanya

 Minggu Advent IV; 20 Desember 2020

7:1 Ketika raja telah menetap di rumahnya dan TUHAN telah mengaruniakan keamanan kepadanya terhadap semua musuhnya di sekeliling,

7:2 berkatalah raja kepada nabi Natan: "Lihatlah, aku ini diam dalam rumah dari kayu aras, padahal tabut Allah diam di bawah tenda."

7:3 Lalu berkatalah Natan kepada raja: "Baik, lakukanlah segala sesuatu yang dikandung hatimu, sebab TUHAN menyertai engkau."

7:4 Tetapi pada malam itu juga datanglah firman TUHAN kepada Natan, demikian:

7:5 "Pergilah, katakanlah kepada hamba-Ku Daud: Beginilah firman TUHAN: Masakan engkau yang mendirikan rumah bagi-Ku untuk Kudiami?

7:6 Aku tidak pernah diam dalam rumah sejak Aku menuntun orang Israel dari Mesir sampai hari ini, tetapi Aku selalu mengembara dalam kemah sebagai kediaman.

7:7 Selama Aku mengembara bersama-sama seluruh orang Israel, pernahkah Aku mengucapkan firman kepada salah seorang hakim orang Israel, yang Kuperintahkan menggembalakan umat-Ku Israel, demikian: Mengapa kamu tidak mendirikan bagi-Ku rumah dari kayu aras?

7:8 Oleh sebab itu, beginilah kaukatakan kepada hamba-Ku Daud: Beginilah firman TUHAN semesta alam: Akulah yang mengambil engkau dari padang, ketika menggiring kambing domba, untuk menjadi raja atas umat-Ku Israel.

7:9 Aku telah menyertai engkau di segala tempat yang kaujalani dan telah melenyapkan segala musuhmu dari depanmu. Aku membuat besar namamu seperti nama orang-orang besar yang ada di bumi.

7:10 Aku menentukan tempat bagi umat-Ku Israel dan menanamkannya, sehingga ia dapat diam di tempatnya sendiri dengan tidak lagi dikejutkan dan tidak pula ditindas oleh orang-orang lalim seperti dahulu,

7:11 sejak Aku mengangkat hakim-hakim atas umat-Ku Israel. Aku mengaruniakan keamanan kepadamu dari pada semua musuhmu. Juga diberitahukan TUHAN kepadamu: TUHAN akan memberikan keturunan kepadamu.

7:12 Apabila umurmu sudah genap dan engkau telah mendapat perhentian bersama-sama dengan nenek moyangmu, maka Aku akan membangkitkan keturunanmu yang kemudian, anak kandungmu, dan Aku akan mengokohkan kerajaannya.

7:13 Dialah yang akan mendirikan rumah bagi nama-Ku dan Aku akan mengokohkan takhta kerajaannya untuk selama-lamanya.

7:14 Aku akan menjadi Bapanya, dan ia akan menjadi anak-Ku. Apabila ia melakukan kesalahan, maka Aku akan menghukum dia dengan rotan yang dipakai orang dan dengan pukulan yang diberikan anak-anak manusia.

7:15 Tetapi kasih setia-Ku tidak akan hilang dari padanya, seperti yang Kuhilangkan dari pada Saul, yang telah Kujauhkan dari hadapanmu.

7:16 Keluarga dan kerajaanmu akan kokoh untuk selama-lamanya di hadapan-Ku, takhtamu akan kokoh untuk selama-lamanya."

7:1 Dung i uju hundul rajai sahali di bagasan jabuna, jala naung marhasonangan rohana dibahen Jahowa maradophon nasa musuna humaliang.

7:2 Jadi ro ma hata ni rajai mandok panurirang Natan: Ua ida ma, maringan di bagasan jabu na sian hau Ares do ia ahu, ia poti ni Debata maringan do di tongatonga ni rimberimbe.

7:3 Dung i ninna si Natan ma mandok rajai: Antong laho ma ho! Nasa na sinangkap ni roham di bagasan, patupa ma i, ai Jahowa do donganmu.

7:4 Alai bornginna i ro ma hata ni Jahowa tu si Natan mandok songon on:

7:5 Laho ma ho, hatahon ma tu naposongku si Daud: Songon on do hata ni Jahowa: Tung tarbahen ho ma paulihon di Ahu sada bagas bahen ingananku?

7:6 Ai ndang dung maringan Ahu di bagasan jabu, olat ni ari dung huboan halak Israel nangkok sian Misir rasirasa sadarion, tongtong do Ahu mardalandalan, maringanan di bagasan undungundung.

7:7 Saleleng Ahu mardalandalan rap dohot sude halak Israel, tung dung ma Ahu mandok nanggo sada hata tu sahalak sian angka marga ni Israel, angka na hudokkon nian marmahan bangsongku Israel, songon on: Boasa so dipauli hamu di Ahu sada joro sian hau Ares?

7:8 On pe songon on ma dohononmu tu naposongku si Daud: Boti hata ni Jahowa Zebaot: Nunga Ahu mambuat ho sian parmahanan, sian na mangadu angka birubiru, asa bangkit ho gabe induk gumomgom bangsongku Israel.

7:9 Sai hudongani ho na sai laon, manang dompak dia ho mangalangka jala nunga husiaphon sude angka musum maradophon ho, jala hubahen goarmu marbarita situtu, songon goar ni halak na bolon, angka na di tano on.

7:10 Angkup ni, nunga hubasabasahon sada inganan tu bangsongku Israel, jala nunga hulopokkon ibana, asa maringanan ibana disi, asa unang be tarhutiksa, jala unang be didatdati angka anak ni hageduhon manosaknosak ibana, songon uju di mulana.

7:11 Jala olat ni ari, dung hupabangkit angka panguhum parenta bangsongku Israel, Ahu do mangalehon hasonangan tu ho maradophon sude musum. Angkup ni marbagabaga muse Jahowa tu ho, paboa pahoton ni Jahowa pinomparmu sogot.

7:12 Ia dung jumpang tingkim mate, marpungu ho tu angka ompum, patindangonku ma pinomparmu dipudim, na ruar sian butuham, tu Ibana ma pahotonku harajaon.

7:13 Ingkon Ibana pauli sada bagas di Goarhu, jala Ahu pahothon habangsa ni harajaonna ro di salelenglelengna.

7:14 Ahu gabe Amana, jala Ibana gabe Anakku. Molo tung mambahen dosa Ibana, linsinglinsing ni jolma pangkeonku mangalinsingi Ibana.

7:15 Alai ndang unsatonku sian Ibana anggo asi ni rohangku, songon na huunsati sian si Saul, naung hupaijur di jolomi.

7:16 Alai ingkon hot do anggo pinomparmi dohot harajaonmu ro di salelenglelengna di jolom, habangsam pe ingkon hot do ro di salelenglelengna.

I.                   PATUJOLO

Hamu angka dongan, sada budaya do di angka raja na adong di luat sekitar Israel (Budaya Timur Kuno), hatiha molo nunga dipabangkit sasahalak gabe raja, sai jumolo do di pingkiri rohana laho pasangaphon Debatana. Isarana marhite na pasahathon pelean. Pasauthon pada naung hea niuarihonna, dohot lan angka na asing. Boi dohonon, 2 Samuel 5: 10,12 di dok di si “Dung i lam leleng, lam naek ma hatimbulon ni si David, ai di dongani Jahowa, Debata Zebaot do ibana. Jadi mananda ma si David naung pinahot ni Jahowa ibana bahen raja di Israel, jala naung pinatimbulNa harajaonna ala ni bangsoNa Israel”. Jempek dohonon nungga tung maahasonangan manang aha sipatupaonna laho pasangaphon Debata. Marhite turpuk on disangkapi rohana do laho “pajongjonghon bagas Joro ni Jahowa”. Ala memang hatiha i, dung gabe marrumangkon harajaon (monarkhi) Israel, sian si Saul sahat tu si David, ndang adong dope bagas joro i, di roha ni Raja David, gabe sangapma Debata ala adong inganan hapeahan ni poti parpadanan i. Sian sangkap ni Raja David di nalaho pajongjong bagas joro, i ma marpadan Debata tu ibana. Isi ni padan i ma “na laho pahoton ni Debata harajaonna ro di saleleng leleng na”. Sian baga i do, nang gabe taruli saluhut bangso na di portibion di haluaoni, songon naung dibaga-bagahon hian (Yes.11:1; Yer.23:5; Yeh.37:25). Marhite i do, di gurithon Thema ni jamita on “Harajaon ni Mesias na hot saleleng ni lelengna”.

II.                HATORANGAN

Disangkapi si David Pajongjong Bagas Joro

            Molo mangaranap hita tu pudi, di sejarah pajongjonghon undung-undung nang songon i paturehon poti parpadanan na di Israel (2 Musa 25-27), antusantama paboa, ulaula natung mansai arga situtu do i di nasida. Boi dohonon, tudos songon jantung manang urat nadi ni parugamoon do i di etong. Ai pemahaman teologis ni halak Israel, undung-undung dohot poti parpadanan, i do songon hataridaan naung di ihot Debata padanNa tu nasida. Jala dihaporseai nasida do i gabe hapapatar hajongjongan ni Debata laho mandongani dohot pahothon pasupasu nang harajaon i ( 2 Musa 25:22). Borhat sian pangarajumion si songoni, i do, gabe sai marhusari roha ni si David, jala laos dihatahon sangkapna i tu panurirang Natan, mandok “ ida ma, maringan di bagasan jabu na sian hau Ares do ia ahu, ia poti ni Debata maringan do di tonga-tonga ni rimberimbe (ay.2). Hataridaan parsombaonon dohot panghaporseaon na mangolu do si David sian sangkap na i.  Ai dirohana, ndang gabe umtimbo inganan dohot status hadirion ni ibana sian Debata. Di rohana, ndang suman molo Debata Nasuntimbul, dohot Nasun marmulia i mian di inganan na tumoru, ala ibana mian di inganan dohot ulaula nadumenggan. Sitiruon do saulak haporseaon so songoni. Ai ndang lupa ibana di hajongjongan songon naposo ni Debata. Alai saulak muse, naeng patingkoson ni Debata do pangantusion panghaporseaon ni Raja i. Ala taboto do, ndang di angka ula-ula manang ugasan napinali ni jolma Debata maringan. Debata mandok “Di banua ginjang dohot di habadiaon do Ahu maringan, alai huhut dilambung ni halak na magopu jala naserep martondi (Jes.57:15)”.

Diuji Debata sangkap ni si David

            Hata ni situ-tua mandok “ndada simanuk-manuk sibontar andora, ndada sitodo turpuk si ahut lomo ni roha”. Tudos tu si ma, na boi tapamanat sian ayat namangihut on. Ringkot situtu do nian na manarihon angka nahasea di dongan tarlumobi ma manarihon angka na uli Debata. Alai molo tapamanat di ayat 4-7, songon na maralo do sangkap ni Raja David i tu Debata. Dipasahat Debata hataNa marhite panurirangNa mandok “Tung tarbahen ho ma paulihon di Ahu sada bagas bahen ingananHu?” (ay.5). Nasala do di Debata molo disarihon si David angka na denggan tu Debata? Nasala do molo dihangoluhon jolma i biar dohot holong tu Debata? Sian mula ni mulana dung ojak portibion, jala dung dipapatar Debata diriNa dohot lomo ni rohaNa tu jolma, sai di ajarhon Debata do asa jolma na tinompaNa i mangoloi Debata marhite na manghaholongi Debata sian ias roha dohot sian nasa ate-ate dohot sian nasa gogo (5 Musa 6:5). Asa unang sala mangantusi hita di alus i, ringkot antusanta jumolo ayat 8-9 i, na mandok “Nungga Ahu mambuat ho sian parmahanan, sian na mangadu angka biru-biru asa bangkit ho gabe induk gumonggom bangsongKu Israel. Sai hudongani ho na sai laon .....”. Marhite pandohan i boi enetonta impolana, Parjolo: Debata do na marhuaso diginjang ni saluhut. Ndang adong na tuk manundati sangkapNa. Jala sangkap ni Debata ndang marguru tu giot manang lomo-lomo ni jolma, tarlumobi molo gabe dipatujolo angka jolma i sangkapNa. Sian pengalaman ni si David hatiha dung dipillit ibana gabe raja gumonggom Israel, manigor dipalao halak israel do ibana. Pola do 7 satonga taon ibana holan gumonggom Juda di Hebron. Alai ndang adong huasa na boi manundati sangkap ni Debata. Saut do ibana gumonggom Israel raya muse.

Paduahon: Debata ndang maringanan di angka ula-ula manang angka ojahan na pinauli tangan. Ndang tuk jolma laho mambahen Debata mian di sada ugasan, tarlobi mambahen Debata gabe mian holan di sada inganan manang luat. Ala Debata dinamis do di angka ulaonna, ndang statis/ Debata na maha ada dohot maha hadir do Ibana. Ai panatapan ni Debata, ndang dos i tu panatapan ni jola. Ido umbahen na tung mansai tegas Debata mandok “Ai ndang dung maringanan Ahu di bagasan jabu, olat ni ari dung Huboan halak Israel nangkok sian Misir......salelng Ahu mardalandalan rap dohot sude halak Israel, tung dung ma Ahu mandok: Baosa so dipauli hamu di Ahu sada joro sian hau Ares?” (Ay.6-7). Ndang tama jolma i mangatur Debata hombar tu lomoNa, manang hombar tu haporluanNa. Alai Debata mangula jala marmahani jolma i di sude inganan doohot partingkian hombar tu sangkapNa.

            Asa ndang adong na sala di sangkap ni raja David i. Ala taboto do, sundatpe tahi ni si David alai dipasaut Debata do i marhite ianakhonna si Salomo. Jala denggan do sangkap ni si David i di Debata (1 Raja-raja.8:17-18). Boasa? Ai hataridaan ni parbue ni hasatiaon na mar Tuhan do nabinahen na i. Alai marhite alus sian Debata, naeng bohalanni Debata si David taringot tu hadarion manang hajongjongan ni Debata maradophon nasa na tinompaNai. Marhite alus i lam bagas jala lam matoras pamotoan ni si David di ruhut-ruhut parugamoon na denggan, asa lam tu polinna parsihohoton dohot parsombaonna tu Debata. Ala ditongatonga dohot di humaliang ni angka sisomba gana-ganaan do nasida maringanan. Marhite soso-soso i, songon naposo ni Debata si David, asad i angka ulaonna songon Raja gumonggom Israel, lam dilehon si David ma roha, tingki dohot pingkiranna asa jumolo marpanukkun tu Debata. Ai ula-ula nametmet manang naposo ni Debata do ibana. Marhite i, saluhut naporseape naeng manghangoluhon, ngolu na jumolo tangi di lomo ni roha ni Debata.

Asi-asi ni Debata marhite napahothon Harajaon ni Si David

            Halongangan do pambahenan ni Debata tu si David. Sundat ibana laho pajongjong bagas joro, alai gabe taruli pasupasu na so tarasam ibana marhite na pahoton ni Debata harajaonna. Aha do na laho idaonta sian angka i? Dipaimbaru Debata do pangantusion dasor laho membangun undung-undung. Boasa? Somalna, asa tarpasu-pasu nasida, sai adong do syarat na mangihut na laho ulahon nasida. Isarana asa hot padan naung niuarihonon ni Debata, ingkon do pajongjongon nasida undung-undung hombar tu sangkap ni Debata. Jala ingkon paturehon nasida poti parpadanan, asa marhite i ro Debata  mandapothon nasida. Dirajumi nasida, molo singkop di ula angka i, singkopma nang ro angka pasupasu. Marhite ayat 10-16 on, dipaimbaru Debata ojahanni haporseaon i. Ndang be andul di taringoti “aha naung binahen nasida”. Alai aha do nalaho patupaonNa dipudian ni ari? Na naeng idaonta sian i, ima “Saluhut napinatupa ni Debata tu bangso i dohot tu sundut na parpudi muse, ndada marguru tu hajongjongan ni jolma songon na tinompa ni Debata, alai marguru tu asi-asi ni Debata di bagasan holongNa sian hadirionNa.

            Aha do padan nanaeng pasahaton ni Debata tu si David? Parjolo: Naung di pahot Debata si David gabe  raja ni Israel. Malope si Saul raja naparjolo, alai ia raja parjolo na pinillit ni Debata, si David do (ay.8). Ragam angka pambahenan ni Debata naung ni alaman ni si David dalan pasauthon panjouon i (ay.9). Paduahon: Naeng pahoton ni Debata harajaonna i. Hataridaan na, ima marhite, naung dibasabasahon Debata inganan tu si David (keluarga dohot pinompar). Patoluhon : Na umbalga sian i, ima pandohan salelenglelengna. Martudu-tudu do i tu harajaon Mesias na tubu sian pinompar ni si David. Angka on ma isi ni padan i. Naumporlu sian i, ima : Ndang ndang adong na tuk mangambati sangkap na balga i. Boasa? Ala rumang ni harajaonna i ndang sundat i masa ala ni hamatean. Ai Debata sandiri mamillit pinompar ni si David laho mangunduti harajaon i (ay.12-13). Ndang gabe tanggal harajaon i ala ni Dosa (ay.14-15). Ndada na mandok bebas mardosa jolma i. Alai marpangulahi do roha ni Debata di angka na manolsoli dosana. Jala harajaonna i masa ro di saleleng ni lelengna (ay.16).

III.             PANIMPULI

Aha do nalaho putihonta sian padan harajaon na manontong i? Ro ma hita tumopot raja i, ima Jesus Mesias naung dipapatar Debata tu hita. Lehononna do nasa na hasea tu hita songon na nilehonna tu si David, alai saluhutna i marharoroan  sian asi ni rohaNa, laho pararathon harajaonNa. Taingotma, ndang maringan ibana di ugasan na tapauli. Jala ndang tuk gogonta laho manundati manang laho mangarahon sangkapNa asa hombar tu sangkapta. Alai mangula do Debata di sandok portibion, di sandok huria hombar tu lomoNa. Sai jotjot do gabe partuktuhan angka pandapot na mandok, holan di huria nami do Debata mian, ai holan di gareja nami do adong habadiaon. Angka pandohan si songoni nungga mangarajai Debata goaron i. Hape ingkon na ni rajaan ni Debata do hita asa denggan. Tapasidingma pangantusion dohot pandapot sisongoni, ai ndang marguru tu habadiaonta manang haburjuonta Debata mangula, alai marguru tu asi-asiNa. Manontongma hita satia tu Tuhan Jesus. Songon pandok ni endeta di B.E No.76:1,4 : “Sada nama sangkap ni rohangku di sandok portibi on, lomo ni rohaM ma sungkunonghu, di sude na naeng ulahononhi. Olo, i ma padanhi tu Ho Jesus Tuhanhi”. Ai holan Jesus do na so suda taon dohot arina. Hata ni Tuhanta mandok “Ai nungga tangkas huboto sangkap angka na husangkapi taringot tu hamu ujung na hinalungunhonmuna (Jer.29:11). Satiama hita managam haroro ni Tuhanta na paduahalihon i, asa parsidohot hita di harajaon na manontong i. Selamat Advent ke IV. Amen.