Khotbah Mazmur 148: 1-14 Pujian Hanya Bagi Tuhan

 Minggu Set. Natal; 27 Desember 2020

148:1 Haleluya! Pujilah TUHAN di sorga, pujilah Dia di tempat tinggi!

148:2 Pujilah Dia, hai segala malaikat-Nya, pujilah Dia, hai segala tentara-Nya!

148:3 Pujilah Dia, hai matahari dan bulan, pujilah Dia, hai segala bintang terang!

148:4 Pujilah Dia, hai langit yang mengatasi segala langit, hai air yang di atas langit!

148:5 Baiklah semuanya memuji nama TUHAN, sebab Dia memberi perintah, maka semuanya tercipta.

148:6 Dia mendirikan semuanya untuk seterusnya dan selamanya, dan memberi ketetapan yang tidak dapat dilanggar.

148:7 Pujilah TUHAN di bumi, hai ular-ular naga dan segenap samudera raya;

148:8 hai api dan hujan es, salju dan kabut, angin badai yang melakukan firman-Nya;

148:9 hai gunung-gunung dan segala bukit, pohon buah-buahan dan segala pohon aras:

148:10 hai binatang-binatang liar dan segala hewan, binatang melata dan burung-burung yang bersayap;

148:11 hai raja-raja di bumi dan segala bangsa, pembesar-pembesar dan semua pemerintah dunia;

148:12 hai teruna dan anak-anak dara, orang tua dan orang muda!

148:13 Biarlah semuanya memuji-muji TUHAN, sebab hanya nama-Nya saja yang tinggi luhur, keagungan-Nya mengatasi bumi dan langit.

148:14 Ia telah meninggikan tanduk umat-Nya, menjadi puji-pujian bagi semua orang yang dikasihi-Nya, bagi orang Israel, umat yang dekat pada-Nya. Haleluya!

 

148:1 Halleluya! Puji ma Jahowa, hamu ale angka sian banua ginjang, puji hamu Ibana di angka banua ginjang!

148:2 Puji Ibana, sude hamu ale angka surusuruanna, puji Ibana, sude hamu ale angka paranganna!

148:3 Puji Ibana, ho ale mata ni ari dohot bulan, puji Ibana, sude hamu ale bintang angka na marsinondang i!

148:4 Puji Ibana, hamu ale angka langit ni langitan dohot hamu ale aek angka na di atas ni langit!

148:5 Ingkon pujionnasida ma goar ni Jahowa, ai mandokkon Ibana, jadi tartompa ma nasida.

148:6 Jala Ibana * pahot angka nasida ro di salelenglelengna, dibahen do sada aturan jala ndang halaosansa.

148:7 Puji ma Jahowa, hamu ale angka sian tano on, angka binatang ni laut ro di sude angka lung!

148:8 Ho ale api dohot ambolas ro di timus, habahaba, na pasauthon hatana i.

148:9 Hamu ale angka dolok dohot sude angka robean, hamu ale hau angka na marparbue ro di sude hau Ares.

148:10 Ho ale binatang dohot sude pahanpahanan, angka gulomit ro di angka pidong na marhabong.

148:11 Hamu ale angka raja ni tano on dohot sude angka bangso, hamu ale angka pangarajai ro di sude angka panguhum ni tano on.

148:12 Hamu ale angka dolidoli dohot namarbaju pe, hamu ale angka natuatua rap dohot angka na bajar.

148:13 Ingkon pujionnasida ma goar ni Jahowa, ai sasada goarna i do na timbul, diatasi hamuliaonna i do tano on dohot angka langit!

148:14 Jala Ibana patimbul sada * tanduk di bangsona i, bahen pujipujian di sude angka na niasianna, di angka anak ni Israel, bangso hasolhotonna i. Halleluya!

I.                   PATUJOLO

Digoar do buku Psalmen on molo di bahasa Ibrani “Tehillim” lapatanna pujipujian, taida do di buku Psalmen on tung mansai godang manoarahon pujian tu Jahowa, Jala bindu 146-150, didok do Psalmen Haleluya na diendehon di angka ari raya. Dipungka do di bindu 146-150, dohot pandohan Haleluya na patuduhon ringkot nai mamuji Jahowa. Haleluya na marlapatan “ Puji ma Jahowa” . Mamuji Jahowa songon bagian ni panombaon ni jolma do i tu ibana ala pambahenanNa, dipasahat do i marhite hata, ende, nang ngolu siganup ari. Ia pamujion i ndada marnida na masa (Job 1:21), dang holan di tingki las roha pujian Jahowa, alai di arsak nang las ni roha ai manontong do asi ni rohaNa, Pinuji ma Jahowa.

            Somal do hita mamuji sasahalak, donganta, ianakhon manang na asing pe ala ni pambahenanna, ala ni ulina, ala ni burjuna, ala ni malo na, dohot na denggan na asing. Alai laos di pangke jolma do tong mamuji lao mambuat roha, asa haru dioloi pangidoanna, manang songon pandohon “ ada udang dibalik batu”. Alai nda tung songon i hita mamuji Jahowa alai ala naung tapanghilalahon do pambahenan Nai . adong do na mamuji molo di lambung alai holan holang diparoaroa do, alai laos adong do tong na bangkol mamuji, mamuji donganna nang mamuji Jahowa nata pe nungga tung balga, bagas pambahenan ni Jahowa di ngoluna. Tapuji do Jahowa songon panombaonta jala hamuliateon ni rohanta ala pambahenan Nai di sude gulmit ni golunta. Parjolo do hita manghaporseai , marnida, mangpanghilalahon pambahenNa i, dungi ruar ma tutu pujipujian, songon parpasalmen on, naung mangida manghilalahon na binahen ni Jahowa ruar ma pujipujian na tung mansai uli, so holan dirina tahe alai digonghon do dohot na asing mamuji Jahowa, so holan dongan jolma , alai tung saluhut na tinompa na, di tano on nang di banua ginjang.

II.                HATORANGON

Ayat 1-6, Molo diida sian sisiasia ni Psalmen 148 on boi disagi gabe dua turpuk , na parjolo (ayat 1-6) dohot na paduahon (ayat 7-14), jala adong do suman ni na parjolo dohot paduahon, I ma parjolo dipasahat gonghon laho mamuji Jahowa ( ayat 1-5a) dung I dipaboa pambahenan ni Jahowa (ayat 5b-6), songoni do tong na paduahon gonghon laho mamuji Jahowa(7-13a), pambahenan ni Jahowa (13b-14). Di turpuk na parjolo on adong 8 hali didok laho mamuji Jahowa, jala dipungka do i sian angka surusuruan dohot angka paranganna, mataniari, bulan, bintang pe, langit ni langitan, aek angka na diatas ni langit.

            Saluhutnai, angka na di banua ginjang i, tung longang manang tarhalomong pe hita umbege manang marnida i, alai  Jahowa do manompa i. Holan hata do didok tartompa do nasida. Nda logang manang tarhalomong do hita marnida mataniari i, sada do, tuk manondangi portibion , huhut dope tuk mangelohon mohopna gabe hangoluan di jolma nang di angka na ditompa diportibion,  alai i pe Jahowa do jumadihonsa, dibagasan huaso ni Jahowa do saluhutnai. Pinuji ma Jahowa naung manompa saluhutna i. Jahowa do na pahothon nasida jala dang tarlaosan nasida aturan ni Jahowa. Tung holan Jahowa do tutu si pujion na marhuaso di ginjang ni saluhutna.

            Ayat 7-14, Dibagian na paduahonon, ima gonghon pamujion i tu angka na tinompa ni Jahowa na di tanoon. Saluhutna digonghon laho mamuji Jahowa, na tarida sian na digoarina angka na tinompa I dohot pandohonan “ro di sude” ndang adong mardiaimbar. Saluhut do tahe dibagasan huaso ni Jahowa, nang angka binatang di laut ro di sude angka lung, nang api, ambolas, timus, nang habahaba. Saluhutna I jotjot dihabiari jolma, di na olo angka gabe mara di jolma i, alai tung hagoon ni manang aha pe i tunduk do i tu jahowa. Angka dolok ro di sude robean, angka suansuanan, sude binatang nang angka pahanpahanan. Jolma i parpudi di gonghon laho mamuji Jahowa, taida hira na sarupa dohot di teologi panompaon i. saluhut jolma i do digonghon laho mamuji Jahowa, ndang marimbar, nang angka na marhuaso, baoa nang parompuan pe, natuatua nang na bajar dope. Dungkon digonghon saluhutna i mamuji Jahowa, di ayat 13 bonsir pamujion i ala ni goarNa na timbul i, na mangatasi saluhutna, jala na menarik ala olo do ibana patimbulhon bangsoNa Israel, mandapot asi ni roha bangso i gabe hasolhotanNa.

III.             PANIMPULI

Naeng sahat  nama hita tu ujung ni tain molo mangihuthon kelender Masehi, hir piga ari nai nama bolusan taon 2020. Molo sintong hita mangarimangi pambahenan ni Jahowa, di ngolunta nang di humaliangta, nang di tanoon tahe, tama do hita pujipujian ruar sian hita ala nib alga ni pambahenanNa i. molo mangihuthon taon parhuriaon, Minggu Parjolo dung Natal, dipangiot do hita marhita perayaan Natal i balga nai holongNa i, pambahenanNa i naung tajalo, tahaporseai naung dilehonNa Tuhan Jesus Kristus tu portibion. Molo tutu hita manghaporseai manghilalahon I, nda tama las rohatta, nda tama hita mamuji ibana, so holan hita tahe ala ni las ni rohatta nang dohot humaliang hita, nang tano on tahe, nang di banua ginjang gonghononta mamuji Jahowa. Ise haroha hita naeng mangarahon , manggonghon na di banua ginjang mamuji Jahowa? Alai ala ni rohanta di sude pambahenanNa na tu hita tapuji ma Ibana, tagonghon saluhut na di portibion nang na di banua ginjang mamuji Jahowa. Tama do longang roham marnida na masa na di tanoon, nang marnida na niulam, saluhutna i saguru di Jahowa do, ala ni i, tung holan Jahowa do sipujion ai saluhutna i jadijadianNa do. Amen.