Tata Ibadah Natal 25 Desember 2020

 Partording ni Pesta Parningotan Ari Hatutubu ni Tuhan Jesus Kristus

 

1.      Tabe Dohot Jou-Jou Tu Parsaoran Ni Hatutubu Ni Tuhan Jesus.

( U : Uluan,  H : Huria )

U  : Sadarion tanggal 25 Desember taon 2020, ima ojahan ni saluhut angka las ni rohanta di na   mamestahon ari hatutubu ni Tuhanta Jesus Kristus. Marpungu do sude angka na porsea manghamauliatehon asi ni roha ni Debata na manongos AnakNa na sasadai gabe Sipalua jala Sipangolu di sandok manisia.  Antong sian hami PHJ, Majelis dohot Sintua ni hurianta hupasahat hami “Selamat Ari Natal ma di hamu Saluhutna” Didongani asi ni roha ni Tuhanta Jesus Kristus dohot holong ni roha ni Tuhan Debata Amanta dohot parsaoran ni Tondi Parbadia ma hamu ari on rodi saleleng ni lelengna.

H  : “Selamat Ari Natal ma nang di hamu angka Amanami dohot inanami PHJ, Majelis dohot Sintua  ni huria on. Asi ni roha ni Tuhanta Jesus Kristus dohot holong ni roha ni Tuhan Debata Amanta dohot parsaoran ni Tondi Parbadia ma na mandongani hamu saluhutna !”

U  : Hamu angka dongan, manghalashon jala mangolophon hajujumpang pesta parningotan  hatutubu ni  Tuhanta Jesus Kristus sadari on Marende ma hita;

2. Marende Mars GKPI                                                                   Jongjong

Gereja Kristen Protestan Indonesia, Gereja Tuhan, Gereja tercinta,

Persekutuan orang-orang yang percaya

Bahwa Tuhan Yesus Kristus itu Anak Allah.

Ya Tuhan Yesus kepala Gereja, Dialah juga Juru S’lamat s’luruh dunia.

GKPI Gereja Tuhan yang Esa, Imamat Kudus dan rasuli serta am

GKPI gereja Kristen yang teduh, membuat hati serta iman pun teduh.

Rukun bersama melayani dengan tulus,

Memberitakan Injil Tuhan yang Kudus.

Gereja Kristen Protestan Indonesia, gereja Tuhan, gereja tercinta.

Persekutuan orang-orang yang percaya,

bahwa Tuhan Yesus Kristus itu Anak Allah.

Ya Tuhan Yesus Kepala Gereja, Dialah juga Juru s’lamat s’luruh dunia.

GKPI…GKPI… Hidup GKPI…

3. Votum – Introitus – Tangiang     :

U     : Di bagasan Goar ni Debata Ama, dohot Goar ni AnakNa Tuhan Jesus Kristus,  dohot Goar ni Tondi Porbadia, na manompa langit dohot tano on.

H     : Amen

U     : Gabe daging ma Hata i jala maringan di tongatonga ni hita on, jadi huida hami ma hasangaponna, i ma hasangapon ni Anak sasada na sian Ama i, gok asi ni roha dohot hasintongan. Haleluya

H     : Mangendehon          “ Haleluya, Haleluya, Haleluya.

U     : Martangiang ma hita : Ale Tuhan Debata Amanami na di banua ginjang. Marroha Ama do Ho tu hami halak pardosa na dangol on, ala ni i dilehon Ho do Anak-Mu na sasada i, Tuhan Jesus Kristus, asa porsea hami jala dapotan hangoluan marhitehite sian Ibana. Na mangido ma hami nuaeng tu Ho suru ma Tondim na badia i tu roha nami, asa manahan hami sahat ro di ujungna di bagasan haporseaon na sintong  jala asa martua hami marhitehite Anak-Mu Tuhan Jesus Kristus Tuhan nami.

U+H : Amen.

4. Marende B.E. 57 : 1 – 2  “Nunga jumpang muse”

Nunga jumpang muse ari pesta i, Hatutubu ni Tuhanta Jesus i.

Tuat do Ibana sian surgo i, mebat tu hita on.

Hasangapon di Debata, Damedame ma di jolma,

Las ni roha ni Debata hajolmaon muse.

Beta, ale dongan tu Betlehem i, itasomba ma dakdanak na disi.

Na tinongos ni Parasiroha i, Debata Ama i!

Hasangapon di Debata, Damedame ma di jolma,

Las ni roha ni Debata hajolmaon muse.

5. Epistel         : Psalmen 98 : 1 – 9

U     : Hata ni Debata patujolo ni Jamita di Pesta Natal sadari on, i ma na tarsurat di Psalmen 98: 1 – 9

Endehon hamu ma di Jahowa ende na imbaru sada, ai nunga dipambahen Ibana angka halongangan; nunga ditumpahi siamunna i dohot tanganna na badia i Ibana.

H     : Nunga dipabotohon Jahowa hatuaonna i, nunga dipapatar Ibana hatigoranna i di adopan ni angka parbegu.

U     : Nunga diingot Ibana asi ni rohana dohot hasintonganna tu bagas ni Israel, nunga diida luhut ujung ni tano on hatuaon ni Debatanta.

H     : Marsuraksurak ma ho, ale sandok tano on, mangolophon Jahowa, pangiar ma soaram marolopolop, jala marende ma hamu.

U     : Puji hamu ma Jahowa, marangkup arbap, mardongan arbap dohot soara ni ende!

H     : Marolopolop ma hamu di jolo ni Raja Jahowa, mardongan sarune dohot soara ni sangka.

U     : Mardorom ma laut ro di isina, portibi on ro di pangisina i.

H     : Martopaptopap ma angka batang aek, rap marolopolop ma angka dolok.

U+H : Dijolo ni Jahowa, ai nunga ro Ibana laho manguhum tano on, uhumonna ma portibi on marhitehite hatigoran dohot angka bangso marhitehite hasintongan.

U     : Martua ma halak na manangihon hata ni Debata, na umpeopsa jala na mangulahonsa.

H   : Amen.

6. Marende B.E. No. 59 : 5 + 7         “O Jesuki hupuji Ho”

DiriNa dirumari do SangapNa ditinggalhon do,

Manogu hajolmaon i tu Debata, AmaNa i.

I ma binaen ni Jesus i pataridahon holong ni

RohaNa na tongtong basa. Ipe tapuji Debata.

7. Tangiang Manopoti Dosa – Bagabaga Hasesaan ni Dosa         :

U    : Di na jongjong hita di Pesta Natal parningotan hatutubu ni Tuhanta Jesus sadari on, tama taingot jala tatopoti dosanta, hahurangan dohot pangalaosionta tu Debata. Ala ni i hohom ma jolo hita satongkin songon na manulingkiti rohanta.

             ……………Saat Teduh……… Huhut diiringi B.E. No. 53 : 1

Ale Debata Amanami na di banua ginjang! Diparhatopot rohanami do balga ni holong dohot asi ni rohaM di hami. Dilehon Ho do anakMu Tuhan Jesus Kristus tu portibi on, tubu dibagasan haleaon manaon na porsuk pola ingkon mate tarsilang asa gabe haluaon di hami. Dia ma naung hubahen hami tu Ho balos ni i? Jot-jot do manang godang  huuari manang baga-baga nami tu Ho ale TUHAN hape ndang tulus i huulahon hami. Molo jumpang ari Natal si songon on sai maruari do hami marhite angka ende nami na mandok “Hulehon di Ibana sudena di au on, olo,  olo,  sude na di au on”,  hape dia ma naung hulehon hami tu Ho ale Tuhan? So ndada gabe tardapot di hami angka pargabus di joloM?  Molo tung i pe, sai asi rohaM di hami sai sesa dosanami.

    H                 :  Marende  No. 53 :  2   “Di Betlehem do Tubu”

            Tu holong ni rohaNa, Hubonom rohangkon

            Hulehon di Ibana sude na di au on. Olo,olo sude na di au on

U  : Ganup jumpang Pesta Natal si songon on sai huendehon hami do “Sai naeng haholonganku, Ho ale Tuhanki! nang marsak las rohangku ingkon lam ganda i…...!” hape asing do huulahon hami,  jotjot do ndang huhaholongi hami Ho, sian nasa roha,  ate-ate,  pingkiran dohot sian nasa gogo nami suang songoni ndang huhaholongi hami dongan nami doshon dirinami, lumobi nang angka musunami. Holan di masa ni pangunjunan, sitaonon, arsak, parungkilon do huringkoti hami Ho. Molo adong di hami pintor ginjang do rohanami, molo so jumpang na pinangido ni roha pintor mandele laos manundalhon Ho. Asi rohaM di hami pargogoi hami manghaholongi Ho dohot angka dongan nami lumobi ma nang musunami.

H  : Mangendehon  No. 53 : 3  “ Di Betlehem do tubu”

        Sai naeng haholonganku Ho ale Tuhanki

            Nang marsak las rohangku, ingkon lam ganda i

            Olo, olo ingkon lam ganda i

U    : Ale Tuhan Debata, mansai burju do Ho mamasu-masu ngolunami di parianakhonon, di ulaon si ganup ari, jabatan, karier; dilehon Ho do di hami arta sinamot nang di angka pansarian na tama dohot lan na asing,  atik pe jot-jot huparsoada hami angka i songon parbue ni pasu-pasuM. Hape dia ma haburjuonnami naung hulehon hami tu Ho dohot tu huriaM balos ni naung hujalo hami suksuk sian Ho?  Hata ni ende nami ganup jumpang ari Natal na mandok “burju naeng lehononku di Ho rohangkinon” tung adong ma hulehon hami rohanami tu Ho ale Tuhan?. Ale Tuhan ajari hami asa burju mangalehon rohanami dohot dirinami tu Ho.

H  : Mangendehon  No. 53 : 4  “Di Betlehem Do Tubu”                                       

            Burju naeng lehononku di Ho rohangkinon,

            Asi rohaM Tuhanku urupi au tongtong,

            Olo, olo urupi au tongtong.

U.   Hamu angka dongan, nian asing ni naung taparhatopot nangkin, godang dope dosa dohot pangalaosionta tu Debata, ndang tarpajojor hita i sada sada di ari on. Alai tung dia pe dosanta di adopan ni Debata,   barita na uli di hita  di Pesta Hatutubu ni Tuhanta Jesus Kristus mandok : “Asa on do na rumingkot di hata on: Adong do di hita sintua ni malim, na hundul di siamun ni habangsa Hatongamon na di banua ginjang i, Dibahen i, tarbahen Ibana do paluahon sandok angka na manjonohi Debata marhitehite Ibana; ai na mangolu do Ibana tongtong, laho mangondihon nasida”. Hasangapon ma di Debata na di ginjang

H    : Amen.

8. Marende B.E. No. 56 : 4   “Sao ro ma hamuna”

O Jesus, Tuhanku sai naeng pujionku, pambaenMu di ahu pardosa on;

Ai gabe jolma Ho humophop ahu. Tasomba ma Ibana.

Tasomba ma Ibana. Tasomba ma Ibana Rajanta

9. Ruhut Ngolu na Imbaru : Mateus 5 : 19

U     : Hata ni Debata na gabe ruhut di ngolu na imbaru di bagasan Pesta Natal sadari on, i ma na tarsurat di Mateus 5 : 19

“Asa manang ise na mangarumpakkon sada sian angka patik na ummetmet i jala dipodahon i tu jolma, i ma goaron na ummetmet di harajaon banua ginjang i; alai na mangulahon jala mangajarhonsa, i do goaron na balga di harajaon banua ginjang i”.

Antong rap mangido gogo ma hita tu Tuhan Debata :

U+H    : Ale Tuhan Debata, sai pargogoi ma hami mangulahon na hombar tu hata-Mi.

10. Marende B.E. No. 52 : 1 – 2       “Hatuaon do”

Hatuaon do las ni roha do, Hatutubu ni Jesus i!

Mago do jolma Ro ma Tuhanta, Las be las be ma rohanta i!

Mago do jolma Ro ma Tuhanta, Las be las be ma rohanta i!

Hatuaon do, las ni roha do, Hatutubu ni Jesus i!

Domu do hita tu Debatanta, Las be, las be ma rohanta i!

Domu do hita tu Debatanta, Las be, las be ma rohanta i!

11. Manghatindangkon Haporseaon           :

12. Tingting / Sunggul-sunggul        :

13. Tangiang Pangondianon            :

14. Marende B.E. No. 62 : 1 + 3       “Halalas ni roha godang”

Halalas ni roha godang, na hubaritahon on:

Nunga tubu Sipalua di hita jolma on.

Hasangapon di Debata, Laos dame, dame, dame ma di jolma,

Lomo ni roha ni Debata do hita jolma on.

Tuhan Jesus hadomuan na disuru Debata,

Na pasaehon sude dosa, di dolok Golgata.

Hasangapon di Debata, Laos dame, dame, dame ma di jolma,

Lomo ni roha ni Debata do hita jolma on.

15. Evangelium          : Heber 1 : 1 – 4

¹Jotjot jala ragam najolo pambahen ni Debata mangkuling i angka ama i marhitehite angka panurirang i.

²Alai di angka ari na parpudi on dipanghulingi do hita marhite sian Anak i. Ibana do dipabangkit gabe sitean parluhutan i, jala marhitehite Ibana do ditompa angka hasiangan i.

³Sillam ni hasangaponna dohot suman ni hadirionna do Ibana, jala diusung do parluhutan i marhitehite hatana na marhagogoon i. Jala dung dipatupa Ibana haiason sian angka dosa, hundul do Ibana tu siamun ni Hatongamon na di ginjang i.

⁴ Songon surung ni Goarna na tineanna i, na mangatasi angka surusuruan, songon i do surung ni hasangaponna martimbangkon nasida.

16. Marende B.E. No. 46 : 6 – 7  “Na sian ginjang do Au ro”

Boti di dok barita i tinongos tu parmahan i;

Tu nasa hajolmaon pe ditongos Debata dope.

On pe rohangku tanda ma, luhutna i patangkas ma,

Ai ise posoposo i? Jesus, alealem do i.

17. Ayat Pelean          : Mateus 2 : 11

U  : Andorang so tapasahat peleanta, jumolo tatangihon hata ni Debata na gabe ojahan ni haporseaonta pasahathon peleanta, i ma tarsurat di Mateus 2:11

“Laos dibongoti ma bagas i, gabe diida ma Dakdanak i dohot si Maria, inana i. Dung i manungkap ma nasida marsomba tu Dakdanak i, dirungkari ma artanasida: Sere, haminjon dohot angka na angur, parsombanasida tu Ibana”.

18. Tangiang Pelean  :

19. Ende Pelean B.E. No. 49 : 7  “Sai ro ma tu bara”

 Antong rohanami ma peleanMi, O Jesus, hasian, sai jalo ma i;

Ias jala sonang ma baen angka i, Tongtong gabe domu ma tu rohaM i.

20. Tangiang Panutup          : Ale Amanami

21. Pasu-pasu :

22. Amen… Amen… Amen…