Khotbah Yunus 3: 1-10 Kemurahan Allah yang Menyelamatkan

 Minggu 3 Set. Epiphanias; 24 Januari 2021

3:1 Datanglah firman TUHAN kepada Yunus untuk kedua kalinya, demikian:

3:2 "Bangunlah, pergilah ke Niniwe, kota yang besar itu, dan sampaikanlah kepadanya seruan yang Kufirmankan kepadamu."

3:3 Bersiaplah Yunus, lalu pergi ke Niniwe, sesuai dengan firman Allah. Niniwe adalah sebuah kota yang mengagumkan besarnya, tiga hari perjalanan luasnya.

3:4 Mulailah Yunus masuk ke dalam kota itu sehari perjalanan jauhnya, lalu berseru: "Empat puluh hari lagi, maka Niniwe akan ditunggangbalikkan."

3:5 Orang Niniwe percaya kepada Allah, lalu mereka mengumumkan puasa dan mereka, baik orang dewasa maupun anak-anak, mengenakan kain kabung.

3:6 Setelah sampai kabar itu kepada raja kota Niniwe, turunlah ia dari singgasananya, ditanggalkannya jubahnya, diselubungkannya kain kabung, lalu duduklah ia di abu.

3:7 Lalu atas perintah raja dan para pembesarnya orang memaklumkan dan mengatakan di Niniwe demikian: "Manusia dan ternak, lembu sapi dan kambing domba tidak boleh makan apa-apa, tidak boleh makan rumput dan tidak boleh minum air.

3:8 Haruslah semuanya, manusia dan ternak, berselubung kain kabung dan berseru dengan keras kepada Allah serta haruslah masing-masing berbalik dari tingkah lakunya yang jahat dan dari kekerasan yang dilakukannya.

3:9 Siapa tahu, mungkin Allah akan berbalik dan menyesal serta berpaling dari murka-Nya yang bernyala-nyala itu, sehingga kita tidak binasa."

3:10 Ketika Allah melihat perbuatan mereka itu, yakni bagaimana mereka berbalik dari tingkah lakunya yang jahat, maka menyesallah Allah karena malapetaka yang telah dirancangkan-Nya terhadap mereka, dan Ia pun tidak jadi melakukannya.

3:1 Dung i ro ma muse hata ni Jahowa tu si Jona paduahalihon, songon on:

3:2 * Borhat ma ho laho tu Ninive huta na bolon i, jala tingtingkon tusi tingting sipaboaonku tu ho.

3:3 Jadi borhat ma si Jona laho tu Ninive hombar tu hata ni Jahowa. Alai * huta na bolon do ianggo Ninive di jolo ni Debata, partoluarian mardalan lambasna.

3:4 Dung i dipungka si Jona ma mardalan di bagasan huta i parsadarian, jala martingting ma ibana mandok: Opatpulu ari nari na ma, jadi marongrong ma Ninive!

3:5 Jadi porsea ma angka jolma i isi ni Ninive i di Debata, jala ditingtingkon mandokkon marpuasa sadari, jala marulos hori nasida sian halak na magodang ro di na metmet.

3:6 Dung i sahat ma hata i tu raja ni Ninive. Jadi hehe ma ibana sian habangsana, jala diosari pangkeanna hian sian dagingna, jala martujungkon hori ibana, jala hundul tu sirabun.

3:7 Dung i disuru rajai ma martingting paboahon tu bagasan Ninive, songon on do tingting ni rajai dohot donganna angka na sangap: Nang jolma dohot pinahan, tole lombu dohot birubiru, ndang jadi mandai agia aha, ndang jadi manggagat, aek pe ndang jadi inumonna.

3:8 Ingkon marulos hori jolma, nang pinahan, jala gogoonna be joujou tu Debata; jala ganup jolma ingkon mulak sian dalanna na roa i, dohot sian hatodoson na niula ni tangannasida.

3:9 * Ise umbotosa, anggiat tung marpangulahi jala solsolan ni Debata rohana, jala mulak ibana sian parpiar ni rimasna, asa unang mago hita.

3:10 Jadi dung diida Debata pambahenannasida, na mulak i nasida sian dalannasida angka na roa i, * gabe disolsol Debata ma rohana taringot tu hamagoan na nilumbahonna bahenonna hian tu nasida, gabe ndang saut dibahen.

Adong do perbedaan buku ni Panurirang Jona on tu buku ni panurirang na asing. Ai pengalaman ni ngoluna songon panurirang do na gabe ondolan ni buku on, ndang hata panurirangon songon di buku na asing. Barita pengalaman i, ima na disuru Debata si Jona tu huta Ninive, ibukota ni kerajaan Asyur laho maningtinghon hata ni Debata asa marhamubaon ni roha halak Ninive, unang madabu tu uhum nasida. Alai ndang borhat tu Ninive si Jona, sebalikna manimbil ibana naeng laho tu Tarsis, maporus sian adopan ni Debata. Adong do alasanna, ia Ninive (Asyur) musu ni bangso Israel do, na ingkon nian di roha ni si Jona uhuman ni Debata.

Musu ni bangso Israel do halak Ninive. Sada luat na ribur na so hinalomohon ni torop angka panurirang. Ndang tarjalo ni torop halak molo ingkon marasi ni roha Debata tu bangso na tung mansai jahat. Dos do i nang tu pangalaho ni torop halak di partingkian nuaeng, maol do tarjalo rohanta molo dihaholongi Debata halak na tahasogohon, molo dipasupasu Debata parjahat, na tangkas situtu manimbil sian lomo ni roha ni jolma dohot Debata. Alai di son ma idaonta hinabalga ni asi ni roha ni Debata atik pe manjua panurirang i dumulanai, ndang disundati Debata asi ji rohaNa. Ndang pangalaho ni panurirang i gabe panundati di asi ni rohaNa. Ndang dipangke Debata suhatsuhat ni rohanta i laho mangantan, mangorui sahat tu na manundati asi ni rohaNa maradophon halak na olo paubahon rohaNa. Dipataridahon do diturpukta on ia Debatanta i, Debata parholong ni roha na sumurung jala pardame, na rade manjangkon hamumulak ni parjahat. Lomoan do rohaNa mida hamumulak ni parjahat i, sian mandabu uhum. On ma na so tarjalo ni si Jona. Ai dipingkiri ibana do molo nunga alo ni halak ni Israel dohot ma i alo ni Debata. On ma sada parsiajaran na ummarga di haporseaonta. Sai taanggap do angka halak na mambahen hansit roha manang pamatang dohot pingkiranta na ingkon dapot panguhuman sian Debata. Ndang olo hita manesa angka hasalaanna. Jala molo sai dapotan pasupasu ibana sian Tuhanta, gabe lam sogo ma rohanta tu Tuhanta i. Gabe hita do na naeng mangatur pasupasu ni Tuhan i.

Digoari Debata do huta Ninive on huta na bolon (ay. 3), bolon di Debata. Atik pe sipata menek idaon ni hita jolma alai tupa do bolon i di adopan ni Debata. Huta on do na dirajumi sada sian huta na umbalga hamianan ni angka sombaon, jala na ribur nang dibilangbilang ni hajolmaon. Asa ndang holan bolon di bilangan ni hajolmaon, alai dohot do bolon nang dibagasan dosa. Alani dosa dohot pangalaho masida, ndang diboto be manirang siamun dohot sihambirangna. Ndang adong pangondian manang penasihat hukum di nasida uju ro tingting on, haroro ni si Jona hira na mangalap nasida do tu bagasan paruhuman. Holan partingkian 40 ari do dilehon laho paubahon roha. Tingki na mansai jempek situtu molo maradophon sada bangso na tolping tu sada paruhuman.

Raja do mamuhai parsitutuon laho paubahon roha ni saluhut pangisi ni huta i. Mangihut ma nang tu ganup jolma na ginomgomanna. Hehe ibana sian habangsana, diosari pangkeanna, martujung hori, jala hundul ibana di ginjang ni sirabun (ay. 6). Tiruan sian sahalak uluan laho paluahon bangsona sian paruhuman. Sada tiruan na arga nang tu hita di partingkian sinuaeng. Uju ro lumbalumbai, ndang dipangasahon raja i gogona songon sahalak raja ibana, alai baliksa ditanggali ibana do nasa gogo dohot huasona, ndang dipangke ibana pahean harajaonna i laho mangadopi paruhuman ni Debata, baliksa diosari ibana do. Ndang dihara ibana paranganna laho pajongjong partahanan. Alai hundul tu orbuk ni sirabun do ibana ndang hundul di habangsana, saluhutna i diulahon raja laho patuduhon ndang marimbar ibana sian orbuk i. Ndang diparsoalhon nasida dia ma dalanna umbahen pola hona uhum ni Debata nasida. Jala ndang dipersoalhon nasida na tuk do manang ndang Debata laho manguhum nasida. Alai dirajumi nasida bangso pardosa nasida. Huhut tangkas dirajumi nasida Jahowa do panguhum na sintong.

Ringkot situtu do nang hita marguru tu halak Ninive na di bagasan turpuk on, anggiat tung taruli hita di asi ni roha ni Debata. Ala sipata jotjot do tahomol dosa dohot hahuranganta, ndang ra tatanda jala tatopoti hahuranganta dibagasan toruk ni roha. Pola sipata laho maporus, tumadingkon huria dalan laho mangampini diri sandiri. Hape uju lam sai maporus jolma i lam manusai diri do ibana. Holan dalan manolsoli diri tu adopan ni Tuhan Jesus do jumpang hita panghirimon na imbaru.

Alani di pangunjungi ni turpuk on di ayat 10 didok, diida Debata ma pambahenan nasida, na mulak i nasida sian dalan nasida angka na roa i, gabe disolsoli Debata ma rohaNa taringot tu hamagoa na nilumbahonNa bahenonNa hian tu nasida, gabe ndang saut dibaen. Ndang dihalomohon Tuhan i hamagoan ni manang sada pe sian nasa jolma na tinompaNa. Ndang adong sasintongna na muba sian sangkap ni Tuhan i. Hot do Ibana di asi ni rohaNa na manongtong i. Alani adong tolu na porlu antusanta taringot tu ayat na parpudi on. Naparjolo, ndang dihalomohon Tuhan i mian hita dibagasan dosa. Di tingkina ingkon boanon ni Tuhan i do luhutna jolma i tu bagasan paruhuman i. Di turpuk on tangkas situtu do hapataran ni sogo ni roha ni Debata marnida hadosaon. Napaduahon, diajari turpuk on do hita taringot tu holong ni roha ni Debata. Dihirim Tuhanta do haluaon. Ditahi Debata do patuduhon holong ni rohaNa tu nasa pardosa. Diuhum Debata do nasa dosa, alain laos disi do tubu asi ni rohaNa mida angka pardosa. On do na so tarjalo roha ni si Jona di mulana i, umbahen na gogo dijua ibana laho borhat tu Ninive. Dipatudu Debata do holong ni rohaNa tu angka halak pardosa songon i nang tu angka panurirang na lilu, tu angka jolma di na robi nang tu hita di tingki sinuaeng. Napatoluhon, ndang sae holan di roha dohot pamangan sambing hamubaon i, ingkon patar do hamubaon i marhite pangalaho dohot pambahenan. Laos songon i do nang Debata, ndang dipinsang Ibana si Jona marhite pandohan sambing, alai dohot do marhite pambahenan.

Alani rap tajangkon ma asi ni roha ni Debata tu haluaon i marhite hamubaon ni roha dohot marhite pangalaho na patar di adopan ni Debata dohot dongan jolma. Jala unang mangiburu hita molo jumpangan angka na uli dongan na tahasogohon.