Khotbah Roma 4: 18-25 Allah Memperhitungkan Iman Orang Percaya

 Minggu Reminiscere; 28 Februari 2021

4:18 Sebab sekalipun tidak ada dasar untuk berharap, namun Abraham berharap juga dan percaya, bahwa ia akan menjadi bapa banyak bangsa, menurut yang telah difirmankan: "Demikianlah banyaknya nanti keturunanmu."

4:19 Imannya tidak menjadi lemah, walaupun ia mengetahui, bahwa tubuhnya sudah sangat lemah, karena usianya telah kira-kira seratus tahun, dan bahwa rahim Sara telah tertutup.

4:20 Tetapi terhadap janji Allah ia tidak bimbang karena ketidakpercayaan, malah ia diperkuat dalam imannya dan ia memuliakan Allah,

4:21 dengan penuh keyakinan, bahwa Allah berkuasa untuk melaksanakan apa yang telah Ia janjikan.

4:22 Karena itu hal ini diperhitungkan kepadanya sebagai kebenaran.

4:23 Kata-kata ini, yaitu "hal ini diperhitungkan kepadanya," tidak ditulis untuk Abraham saja,

4:24 tetapi ditulis juga untuk kita; sebab kepada kita pun Allah memperhitungkannya, karena kita percaya kepada Dia, yang telah membangkitkan Yesus, Tuhan kita, dari antara orang mati,

4:25 yaitu Yesus, yang telah diserahkan karena pelanggaran kita dan dibangkitkan karena pembenaran kita.

4:18 Maralohon nasa pangkirimon do haporseaonna na mangkirim i, asa gabe ama ni torop bangso ibana, hombar tu hata i: "Songon i ma sogot pomparanmu!"

4:19 Ndang na olo gale haporseaonna i paidaida pamatangna na hira so marngolu be, ai nunga saratus taon ne' umurna, nang paidaida si Sara, naung saep ladang i.

4:20 Ndang olo ganggu rohana tumadingkon haporseaon di bagabaga ni Debata; na lam tu toguna do tahe haporseaonna jala diparsangapi do Debata.

4:21 Ai pos situtu do rohana: Tuk do gogo ni Debata patupahon na pinarbagabagana i.

4:22 Ala ni i do umbahen na dirajumi i gabe hatigoranna.

4:23 Ndada ala ni ibana sambing, umbahen na tarsurat, naung dirajumi tu ibana.

4:24 Hita pe, ditatap do disi, ai sirajumon do nang tu hita haporseaon di Ibana, na pahehehon Jesus Tuhanta i sian na mate.

4:25 Ai dipasahat do Ibana ala ni pangalaosionta i, jala dipangolu siala hatigoranta.

Mansai godang do taadopi di ariari parpudion hamaolon-hamaolon. Ala godang ni hamaolon i, torop halak Kristen manadinghon haporseaonna, ala ndang margogo di haporseaonna. Dirimpu rohana, ia halak Kristen songon “bangso” na pinillit ni Debata dao sian angka haporsuhon dohot hamaolon (Teologia Sukses). Hape ndang songoni pandohan ni Debata, lam dihasogohon portibi on hita alani haporseaonta tu Tuhan Jesus. Mansai tung godang do tantangan. Alai unang ma nian alani angka hamaolon i gabe taparsoada haporseaonta tu Debata, naeng tatiru songon haporseaon ni si Abraham songon na tarsurat di turpuk on.

Aha do umbahen dirajumi Debata si Abraham gabe hatigoran? Haporseaonna tu Debata i do umbahen dirajumi ibana gabe hatigoran. Haporseaonna, ndang mangasahon gogona marhite pambahenan, alai haporseaonna na manghirim jala satia di padan na niuarihon ni Debata tu ibana, nang pe secara fisik si Sara naung matua songon i nang si Abraham na so mungkin be marpinompar. Aha do sasintongna haporseaon? Haporseaon ni si Abraham mangalehon pangantusion tu hita aha do sasintongna haporseaon. Taboto do naung dibagabagahon Debata tu si Abraham, gabe ama ni saluhut bangso. Boha do alus ni si Abraham tu bagabaga ni Debata i? Hape songon naung pinatorang nangkin ndang memungkinkan be kondisi ni si Abraham dohot si Sara mardakdanak ala naung matua. Alai, porse ibana boi Debata patupahon bagabagaNa nang pe ndang mungkin menurut logika ni jolma. Ndang keterbatasan fisik ni jolma na manontuhon huaso ni Debata, ala huaso ni Debata menembus keterbatasan fisik ni jolma. Taingot ma, ndang hombar tu na pingkiran ni jolma i pambahenan ni Debata, jala pangurupionna i pe tung so tardodo roha ni jolma i do.

Molo tapaihutihut pengalaman ni si Abraham, ndang marsigantung tu kondisi fisik haporseaonna, marsigantung di huaso ni Debata do ibana. Hot ditiop ibana padan ni Debata na tu ibana, jala lam manongtong panghirimonna di hasisingkop padan ni Debata (ay. 20-21), alani do dirajumi Debata haporseaonna gabe hatigoranna. Haporseaon na songon i ma dirajumi Debata gabe hatigoran ni si Abraham. Lapatanna, haporseaon do ojahan ni hatigoran ni si Abraham, ndang ala mangulahon Sunat manang Patik umbahen na dipintori Debata ibana. Andorang so adong dope Patik dohot Sunat, nunga dipintori Debata si Abraham alani haporseaonna. Padan naung pinahot ni Debata, ndang tarpasohot Patik i, laho manundati bagabagaNa; ai 430 taon do i umpudi asa ro Patik (Gal. 3: 17). Jala molo Patik do do na gabe ojahan haluaon ni jolma, tontu hombar tu kemampuan ni jolma mangulahon Patik i do haluaon na jinalo ni jolma. Hape ndang adong jolma na tau mangulahon Patik ni Debata dohot singkop, asa malua sian dosana. Antong ndang mungkin malua jolma sian dosana, ala ndang adong jolma na boi singkop mangulahon Patik. Alani tung mansai arga do pengalaman ni si Abraham di hita. Dipangido hata ni Debata, naeng adong nang di hita haporseaon songon si Abraham. Alani naeng tarajumi, na so margogo hita mangulahon Patik asa tau hita di adopan ni Debata. Holan haporseaon tu Jesus Kristus do na margogoihon hita gabe boi pajumpang hita dohot Debata (ay. 23).

On do pangajarion na mansai ringkot di hakristenon na ginoaran dipintori Debata marhite haporseaon. I do umbahen asing pangajarion ni hakristenon taringot tu haluaon sian ugamo na asing. Sude do ugamo mangajarhon porlu do mangulahon na denggan, amal, patik dohot uhum asa boi manjalo haluaon, i ma na nidok dipintori ala mangulahon angka ulaon na denggan. Holan Bibelta do na mangajarhon dipintori ala haporseaon (dibenarkan karena iman). Di Padan na Robi pe nunga diajarhon taringot dipintori Debata alani haporseaon, songon si Abraham na dipintori Debata ala haporseaonna di padan naung niuarihon ni Debata tu ibana. Di Padan na Imbaru lam diondolhon jala dipasingkop muse marhite hata ni Debata na sinurathon apostel Paulus, “Ndang adong na tigor nanggo sada, tung saluhut do jolma mardosa jala na ingkon hona uhum (Rom 3: 10,23). Alani nunga mate Kristus manobus angka pardosa, asa ganup na porsea di Kristus nunga be sesa dosana, nunga gabe angka naung dipintori Debata (gabe anak ni Debata) hita. Na marlapatan, adong kepastian di angka na porsea, naung dipalua Jesus Kristus jala dijamin haluaonna. Molo madabu pe muse mangulahon na sala manang dosa, barani ma angka na porsea mangokui dosana jala mangido hasesaan ni dosa. Barani ma angka na porsea mandalani ngoluna dibagasan haunduhon tu hata ni Debata.

Minggunta sadarion on i ma Minggu Reminiscere, na marlapatan “Sai ingot ma ale Jahowa denggan ni basaM (Psalmen 25: 6)”. Denggan ni basaNa naung mamintori hita marhite Jesus Kristus, gabe malua hita sian dosa nang hamatean. Mansai porlu taingot asi ni roha ni Debata manang denggan ni basaNa naung jumolo dipasahat Debata tu hita. Dipasahat Ibana denggan basaNa sambing dipasahat i tu hita, andorang so tapangido dope sian Ibana. Ai andorang so taantusi ide do Jesus Kristus, nunga dipilit hita bahen AnakNa marhite Sakramen Pandidion Nabadia. Uju tardidi hita tu bagasan goar ni Debata Ama, AnakNa Tuhan Jesus Kristus, dohot Tondi Parbadia na marlapatan na dohot do hita tubagasan hamamate nang haheheon ni Kristus, asa sahat hita tu harajaonNa na manongtong. Marhite denggan basa ni Debata do hita pasingkophon sude na denggan na taula. Ndang singkop sada ulaon taula ala kemampuanta terbatas, ala gabe dipasingkop Debata. Jala denggan basa ni Debata dipasahat tu sude na tinompaNa. Nuaeng hita naung manjalo denggan basa ni Debata ndang boi holan na pasif manang ndang mulaulaon hita. Tanggungjawab ni angka naung manajalo asi ni roha ni Debata, naeng ma tarida di parangenta, naeng gabe parasiroha hita songon Debata naung marasiniroha tu hita, terlepas layak manang ndang layak nasida manjalo asi ni roha sian hita. Asa sude halak boi marnida asi ni roha ni Debata na adong dibagasan dirinta, marhite na gabe parasiroha hita tu sude halak bahkan tu sude na tinompa. Parangenta do na patuduhon kwalitas ni haporseaonta. Marhite parangenta tarida ma, na mangolu do manang ndang haporseaonta (Jak. 2: 17). Ai i do tandana angka na porsea sian sibolis, didok di hata ni Debata, ai sibolis pe porsea do adong Debata jala angka dotdot, alai ndang diulahon sibolis hata ni Debata (Jak. 2: 19). Alani ndang marguna haporseaonta molo so taulahon hata ni Debata. Antong, naeng ma taargahon asi ni roha ni Debata marhite na mangulahon tanggungjawabta gabe parasiroha tu sude halak (Jak. 2: 20). Dipatorang apostel Paulus, marhite haporseaon ni si Abraham sude bangso gabe porsea di Jesus Kristus. Songon ma nang hita, naeng dirajumi Debata hita gabe hatigoranNa songon pinompar ni si Abraham (ay.23-24). Alai ndang boi tapangasahon ulaon manang pambahenanta na denggan di adopan ni Debata, holan haporseaon di asi ni roha ni Debata na paluahon hita dibagasan Jesus Kristus.