Khotbah Ibrani 5: 5-10 Kristus Pokok Keselamatan

 Minggu Judika, 21 Maret 2021

Warna Liturgi: Ungu

5:5 Demikian pula Kristus tidak memuliakan diri-Nya sendiri dengan menjadi Imam Besar, tetapi dimuliakan oleh Dia yang berfirman kepada-Nya: "Anak-Ku Engkau! Engkau telah Kuperanakkan pada hari ini",

5:6 sebagaimana firman-Nya dalam suatu nas lain: "Engkau adalah Imam untuk selama-lamanya, menurut peraturan Melkisedek."

5:7 Dalam hidup-Nya sebagai manusia, Ia telah mempersembahkan doa dan permohonan dengan ratap tangis dan keluhan kepada Dia, yang sanggup menyelamatkan-Nya dari maut, dan karena kesalehan-Nya Ia telah didengarkan.

5:8 Dan sekalipun Ia adalah Anak, Ia telah belajar menjadi taat dari apa yang telah diderita-Nya,

5:9 dan sesudah Ia mencapai kesempurnaan-Nya, Ia menjadi pokok keselamatan yang abadi bagi semua orang yang taat kepada-Nya,

5:10 dan Ia dipanggil menjadi Imam Besar oleh Allah, menurut peraturan Melkisedek.

5:5 Laos songon i do nang Kristus: Ndang Ibana mangaithon sahala sintua ni malim tu dirina; Debata do, na mandok tu Ibana: "Anakku do Ho; sadari on do Ho hutubuhon!"

5:6 Songon nidokna i di na asing: "Malim do Ho ro di salelenglelengna, mangihuthon horong ni si Melkisedek!"

5:7 Tagan jolma Ibana, dipelehon do angka pangidoanna dohot elehelekna, mardongan angguk bolon dohot iluilu tu na tuk paluahon Ibana sian hamatean; jadi ditangihon do Ibana, gabe malua sian hatahuton i.

5:8 Ai atik pe Anak i Ibana, diguruhon do pangoloion marhite sian na tinaonanna i!

5:9 Jala dung rimpas gabe sihorhon haluaon salelenglelengna do Ibana di sude na mangoloi Ibana.

5:10 Digoar Debata do Ibana sintua ni malim, mangihuthon horong ni si Melkisedek.

Buku Heber on disurathon jala ditongos tu angka halak Kristen Jahudi na di parserahan hirahira di taon 80-90 laho mangurupi panjahana asa hot marhaporseaon di Jesus Kristus atik pe uju i tongon mangadopi pangunjunan na balga nasida. Buku Heber disurat jala ditujuhon tu huria naung leleng jongjong (5:12) jala naung hea manghilalahon sitaonon ala pangaleleon sian halak na manghasogohon nasida hatiha i (10:32-34). Huria hasahatan ni surat on, ndang na pinajongjong ni pangurit ni surat Heber (2:3). Songon huria naung matua huria Heber, diarahon panurat Heber on do ruas i asa marningot   pengalaman pardalanan ni huria i (10:32), jala nunga tangkas di nasida angka na boi  gabe tiruan di nasida taringot tu haporseaon (Heber 13). Tarbarita do huria on, siala huria na basar patupahon panghobasion tu ruas di huria na asing dohot panghobasion di angka na badia i (6:10). Sada unok na mansai bagas di buku Heber ima: ”Jesus sambing do na pasahathon pangungkapon na badia dohot singkop tu jolma, jala holan Jesus do na marhuaso pataruhon jolma i laho bongot tu harajaon ni Debata”. Alani i do buku Heber dibuhai marhite perbedaan ni ulaon Jesus Kristus dohot angka panurirang na parjolo i dohot angka suru-suruan, na marlapatan asa tung tangkas tatanda Jesus Kristus na tubu, manaon na bernit, mate, hehe jala na manaek tu surgo.

Alani sitaonon i gabe godang sian nasida na mandele, jala naeng manadingkon haposeaonna tu Kristus i. Alani i ma ditongos surat on laho pahothon haporseaon nasida. Jadi diarahon ma nasida asa tongtong satia manghaporseai Jesus Kristus, atik pe mangae na porsuk nasida sian angka na so manghalomohon barita ni Kristus. I ma ringkotna umbahen apala tangkas dipatorang hamalimon Jesus Kristus, na tumimbo sian patik dohot angka panurirang songon i nang sian  surusuran, alana dibagasan ibana do dipasingkop nasa rumang ni pelean pardengganan dalan manjalo haluaon sian dosa. Molo didok sintua ni malim di ngolu parugamoon ni halak Jahudi, ibana ma na pasahathon pelean tu Debata di Bagas Joro i, jala laos ibana do na pasahathon pasupasu. Tugas ni Jesus songon malim i ma na padomuhon hajolmaon muse asa mulak tu Debata na manompa ibana, ala sebelumna disirang dosa. Marhite Tuhan Jesus Kristus, mulak saor ma hita muse tu Debata. Ia hamalimon na niulahon ni hajolmaon, ndang boi menjamin kwalitas ni hubungan i tu Debata. Alai ianggo hamalimon na niulahon ni Jesus, justru menjamin asa mulak denggan marsaor jolma tu Debata asa taruli di hangoluan  sisaleleng ni lelengna. I do alana umbahen na digoari Jesus malim na bolon, naung manorusi angka banua ginnjang. Molo dung sahat pamerengan ni haporseaonta tusi, naeng ma gomos i tatiop, so tung maon ganggu muse rohanta.

Songon Anak ni Debata Jesus, ringkot do patuduhononna pangoloionNa, tarida do i dipanghobasion tohonanNa: Raja, Malim, Panurirang, na gabe pengantara Ibana, penghubung ni Debata tu jolma, jala antara ni jolma tu Debata. Tangkas disurathon turpuk on, Debata sandiri do mamilit Ibana tu ulaon i. Ndang Ibana mangaithon sahala sintua ni malim tu diriNa, Debata sandiri do mandok tu Ibana: “AnakHu do Ho, sadari on do Ho hutubuhon” (ay.5). Sudena i dipaandar songon sada hasintongan taringot tu Kristus, ai Debata sandiri do na mandok tu Ibana “AnakHu do Ho”. Pamilithon ni Debata di Ibana gabe sintua ni malim, i ma mangihuthon horong ni si Melkisedek. Melkisedek i ma raja salem sahalak malim na bolon didok ma i raja na adil manang malim ni Debata na sun timbul i (1 Musa 14:17-24). Melkisedek dihaporseai halak Jahudi songon sahalak tokoh na ro sian ginjang na pajongjonghon hasintongan i. Asa hata “horong Melkisedek” manggombarhon Kristus Sintua ni Malim na ro sian ginjang na so dung boi targantihon manang ise pe. Marhite hatorangan on, hamalimon ni Jesus i ma hamalimon na ro sian ginjang, sian Ama i, na so dos dohot angka malim na asing dohot sian lepi. Jadi mansai tangkas do Jesus malim na bolon i, i ma malim na ro sian surgo i, tumimbo sian saluhut, na mamelehon diriNa sahali ro disaleleng ni lelengna. Ibana do malim na paimbaruhon parpadanan, parpadanan na singkop na hot ro di saleleng  lelengna (ex hapax).

Sintua ni malim naung saor ditongatonganta na martudutudu tu Tuhan Jesus. Ibana do jolma jala Debata situtu, gabe boi dihilala angka na hinilala ni jolma di portiibi on. Ai aut so jolma situtu Ibana, maol do hita mandok naung dihilala Jesus na tahilala i. Alai nang Jesus pe tarunjun do Ibana nang pe so mardosa Ibana. Diida Ibana do borat ni ulaon i, gabe pelean pardengganan Ibana, jala songon birubiru ni Debata na mamorsan dosa ni jolma nang portibi on (Joh.1: 29, 36). Marungkil situtu do Ibana di porlak Getsemane laho mananggali hajolmaonNa i, pola malhot hodokNa mardekdehan (marhaltohalto). Na ingkon mate do Ibana, alai ndang pola tahutan, jala hamamateNa i do hangoluan ni sandok manisia ala pangoloion ni jolma di Tuhan i. Di na pinanghilalahon ni Jesus sude angka na tahilala, ro di sude angka hagaleonta i, laos disi do hita manghilala na dibuati Jesus angka hahuranganta i gabe dimampuhon hita manghirim di pasupasu na marragam dope tu tingki na mangihut. Ido umbahen didok panurat on, marhiras ni roha ma hita mandapothon habangsa parasiasian, asa tajalo talup ni roha, jala asa dapot asi ni roha hita bahen pangurupion  ditingki halehetanna (4: 16).

Marhite na singkop diulahon Tuhan Jesus ulaon na pinasahat ni Debata di hau pinarsilang gabe Sipalua ma Ibana, gabe so margogo be sibolis i. Hamoraon, hasangapon, hagabeon ndang tuk paluahon hita. Tung songon dia pe godang ni artanta, tung songon dia pe timbo ni pangkatta, ndang tuk i paluahon hita sian hamagoan tarlumobi sogot di ari parpudi i. Pangoloion ni Tuhan Jesus di Debata mamboan haluaon di hita, jala gabe targoar ma hita angka anak ni Debata. Tontu molo tung pe targoar hita gabe anak ni Debata ndang boi holan menikmati holong dohot pangaramotion ni Debata hita, alai ingkon gabe pangoloi do di Debata, alani asa rade ma hita mangoloi parsuruon ni Debata, unduk ma hita tu hata ni Debata. Sungkun-sungkun di hita nuaeng, rade do hita gabe pangoli di Debata? Jala ingkon taingot do pangoloion di Debata ndang na mandok gabe ndang adong sitaonon bolusonta. Alani molo tung pe taadopi sitaonon manang parungkilon alani pangoloionta, unang ma nian pintor mansohot hita mangoloi Debata, alai tatiru ma songon pambahenan ni Tuhan Jesus, na tongtong satia diparsuruon ni Debata, tatiru ma Tuhan Jesus songon na di ayat 7 i, i ma martangiang mangido gogo tu Debata alani dokdok ni sitaonon sibolusonNa laho manghophop hita. Hita pe nian naeng ma songon i, molo tung pe godang hamaolon na taadopi alani hauduhonta tu parsuruon ni Debata, martangiang ma hita tu Debata. Songon anak ni Debata hita tahangoluhon ma hata ni endenta na tarsurat di B.E. No. 417.