Khotbah Yohanes 13: 31-35 Mengasihi Seperti Allah

 Kamis Putih, 1 April 2021

13:31 Sesudah Yudas pergi, berkatalah Yesus: "Sekarang Anak Manusia dipermuliakan dan Allah dipermuliakan di dalam Dia.

13:32 Jikalau Allah dipermuliakan di dalam Dia, Allah akan mempermuliakan Dia juga di dalam diri-Nya, dan akan mempermuliakan Dia dengan segera.

13:33 Hai anak-anak-Ku, hanya seketika saja lagi Aku ada bersama kamu. Kamu akan mencari Aku, dan seperti yang telah Kukatakan kepada orang-orang Yahudi: Ke tempat Aku pergi, tidak mungkin kamu datang, demikian pula Aku mengatakannya sekarang juga kepada kamu.

13:34 Aku memberikan perintah baru kepada kamu, yaitu supaya kamu saling mengasihi; sama seperti Aku telah mengasihi kamu demikian pula kamu harus saling mengasihi.

13:35 Dengan demikian semua orang akan tahu, bahwa kamu adalah murid-murid-Ku, yaitu jikalau kamu saling mengasihi."

13:31 Jadi dung laho ruar ibana, didok Jesus ma: Na marsangap ma nuaeng Anak ni jolma i, jala marsangap Debata di bagasan Ibana.

13:32 Molo marsangap Debata di bagasan Ibana, pasangapon ni Debata ma Ibana di bagasan dirina, jala tibu ma pasangaponna Ibana.

13:33 Hamu angka anaha, sangombas nari nama Ahu rap dohot hamu; luluanmuna ma Ahu; alai songon naung hudok tu angka Jahudi: Ndang tarbahen hamu ro tu sitopotonki, laos i do hudok nuaeng tu hamu.

13:34 Patik na imbaru ma hulehon tu hamu: Naeng ma masihaholongan hamu; songon holong ni rohangku di hamu, naeng ma songon i dohot hamu masihaholongan.

13:35 Apala sian on ma tandaon ni halak saluhutna, hamu siseanku: Molo masihaholongan hamu.

Marsogot masuhanta ma sada parningotan na mansai badia jala na mansai balga di parpunguan ni halak Kristen, i ma parningotan haluonta marhite sitaonon dohot hamamate ni Tuhan Jesus Kristus na mamelehon diriNa humongkop hita, asa gabe jolma na malua hita sian parhatobanon ni dosa. Sude na i alani holong ni Debata tu jolma na tinompana, asa anggiat nian ndang tu hametan na salelenglelengna jolma alai asa boi dapotan hangoluan na salelenglelengna.

Di godang ni na masa sinuaeng on, mansai ringkot muse dipaingot hita di hata holong na sasintong na. Holong, na boi di ida jala di dai ganup halak na adong di humaliangta. Boasa jala songon dia do dalan laho mangulahon i? siala ni na hinalomohon ni roha do manang siala adong manang daong panghorhon na di hita?. Holong ima identitas ni halak Kristen na naung jumolo di ulahon jala dipatuduhon Jesus marhitehite pardalanan ni ngoluNa jala sahat tu ujung ni ngoluNa. Ido umbahen dipasahat Jesus marhite Panurirang Johannes on, sada parenta na imbaru. Na mulak muse naeng mangeahi saluhut jolma asa tuk patoguhon haporseaonna tu  Debata, ima asa marsihaholongan songon holong ni rohaNa di hita.

Nunga jumonok be tingki ni Jesus di portibi on, ido umbahen di bindu 13 on dipatuduhon perhatian khusus, na binahen ni Jesus tu angka siseanNa. Andorang so dipasahat Jesus Patik Holong ni roha i, Dipabotohon  tongon nasida disituasi parmanganon (13:2), disi ma sada tiruan na parjolo na binahen ni Jesus, ima marhitehite na mamburi pat ni angka siseanNa, na patuduhon partinandaan ni diri songon sahalak suruan, jala didok “martua ma halak na olo mangulahonsa” (Ay. 17). Dung bungkas si Judas iskariot sian inganan i, dipungka Jesus ma laho mangalehon parsiajaran tu angka siseanNa, asa tung lam mangantusi jala mananda nasida di hadirion ni Jesus jala dia do na inghon siulahonon ni nasida songon na hinalomohon ni Jesus.

Holong i ma patik naung ditonahon tu bangso Israel sian na robi. Ndada holan sahali patik holong i ditonahon. Ndada holan di Padan na Robi, sahat tu Padan na Imbaru tong dope mulakmulak patik holong i ditonahon tu angka na porsea. Jala patik holong i do na naeng idaonta marhite turpuk on. Ndang tarsirang isi ni pangajarion ni Jesus on tu latar belakang ni turpuk on dohot tu situasi na niadopan ni Jesus hatiha i. Tangkas do diboto Jesus na naeng masa tu diriNa, na naeng dijeheon si Judas Iskariot Ibana. Tangkas do diboto Jesus pola tolu hali na naeng soadahonon ni si Simon Petrus Ibana. Tangkas diboto Jesus na ingkon tadinghonon ni angka sisean i Ibana laho maporus (Mat. 25: 26). Diboto Jesus do saluhut na naeng masa i alai ndang sumurut holong ni rohaNa tu angka siseanNa. Disaluhut na naeng masa i, dipungka Jesus do hataNa mandok asa masihalohongan ma nian angka sisean i songon naung hinaholongan ni Jesus nasida sahat ro di ujungna (13: 1). Ala holong i do ciri ni halak Kristen.

Rahasia ni partinaonon dohot hamamateNa. Didok Jesus ia partinaonon na masa tu Ibana ima pangapulion, ala marhite I gabe marsahap ma Ibana. Marhitehite habernitonNa di silang I monang maralohon huaso hagolapon, ima sibolis, jala na ruminghot di ondolho Jesus nga gabe ulaon Na I dalan patupahon haluaon tu ganup halak, ima pardomuan ni Debata dohot angka na tinompaNa.

Marhitehite partinaonon na niadopan ni Jesus tuk paubahon roha ni angka siseanNa na sian mulana tung mansai maol mangantusi di angka boa-boa dohot parsiajaran na pinasahat ni Jesus. Diarahon Jesus nasida asa unang tarlalap di hamamate ni Jesus jala ndang mula ulaon, alai inghon tong do hobas nasida. Tangkas didok Jesus di ulaon na inghon si ulahonon ni nasida ima naeng ma marsihaholongan (34-35). Jesus sipalua gabe tiruan. On ma na inghon manontong dipangke jala di ingot ganup halak di nalaho mangantusi boasa inghon marsihaholongan. Tandaon ni halak ma na sisean ni Jesus angka na masihaholongan, apala sian on ma tandaon ni halak tutu molo tarida haholongan i. Marhite on, singkop ma tutu na nidokna “pargabus do halak na mandok holong rohana di Debata alai dihosomi donganna (1 Joh. 4: 20)”. Molo siihuthon Jesus ingkon manghangoluhon holong i diganup ari ndang marimbar jolma, ndang holan na di bagasna manang parsaoranna sambing. Jala ditopa Jesus do angka siseanNa marhite holong na pinatuduhonNa marhite mamuri pat ni sisean, dohot marhite pangoloion ni Jesus tu hau pinorsilang,  lam ditopa ma angka sisean asa manghangoluhon holong i. Ala marhite holong do tong dipatupa Jesus haluaon tu portibi on. ndang holan di pamangan sambing didok holong rohaNa alai diganup angka ulaon ni Jesus sai na patuduhon holongNa do tu portibi on.

Di boa-boa taringot tu hamamate ni Jesus on adong na ingkon antusanta taringot tu “Holong” (manghaholongi) na gabe sada parenta na imbaru. Di bahasa Ibrani (PL) Kasih (Ahev), dipahami songon hagogoon na ni onjar ni roha laho mangulahon ulaon na manghorhon las ni roha (kegembiraan) (Imamat 19:18). Suang songoni di bahasa Yunani (PB) hata na gumodangan na dipangke tu hata holong ima (agape) na naung tangkas ta pahami songon holong na tumimbo, ima holong naso marnida imbar, jala gombaran na pinatuduNa ima holong ni Debata tu ganup halak. Songoni ma nang hita manghaholongi Debata nang donganta jolma. Taingot ma naung jumolo do hita taruli di holong na ni lehon ni Debata umbahen na inghon hita udut mangulahon holong I (1 Joh 4:7). Ido na gabe ojahan jala mampargogoihon hita laho mangulahon parsuruan I. Holan pangoloion I do, ndada gogo, hapistaran, dohot sude na adong di hita na pinangidoNa.

Identitas ima tanda na  patuduhon hadirion ni sasahalak jolma. Ise ibana jala songon dia ibana. Molo di interaksi sosial manang di keanggotaan Gereja  inghon do adong goarna, di bagian administrasi Negara inghon adong Kartu Tanda Penduduk (KTP) na, dna. Ima ringhot ni identitas asa ditanda jala hot ibana di hajongjonganna. Jesus sandiri pe secara langsung jala tangkas mambahen sada tanda (identitas) di angka siseanNa, ima Holong. Asa ditanda ise nasida jala hot hajongjongan ni nasida songon si ihuthon Jesus. Dao ma namarsihosoman di angka na marhahamaranggi hinorhon ni angka arta, dao ma hosom di angka dongan saparkarejoan, di dongan sahuria, di dongan sahuta dohot di sude ma tahe, asa marsangap ma Debata marhitehite namarsihaholongan hita saluhut na sisean ni Debata. Holong na sian jala na ginombarhon ni Jesus ima na gabe tiruan di hita laho mangulahon i. Parenta sian Jesus do holong i, molo didok parenta ingkon siulahonon, unang marpaima jolo hita mangulahon holong i jala i do songon identitasta angka siiuhuthon Kristus.