Khotbah Keluaran 20: 1-11 Kasih Kepada Allah

 Minggu Okuli; 7 Maret 2021

20:1 Lalu Allah mengucapkan segala firman ini:

20:2 "Akulah TUHAN, Allahmu, yang membawa engkau keluar dari tanah Mesir, dari tempat perbudakan.

20:3 Jangan ada padamu allah lain di hadapan-Ku.

20:4 Jangan membuat bagimu patung yang menyerupai apa pun yang ada di langit di atas, atau yang ada di bumi di bawah, atau yang ada di dalam air di bawah bumi.

20:5 Jangan sujud menyembah kepadanya atau beribadah kepadanya, sebab Aku, TUHAN, Allahmu, adalah Allah yang cemburu, yang membalaskan kesalahan bapa kepada anak-anaknya, kepada keturunan yang ketiga dan keempat dari orang-orang yang membenci Aku,

20:6 tetapi Aku menunjukkan kasih setia kepada beribu-ribu orang, yaitu mereka yang mengasihi Aku dan yang berpegang pada perintah-perintah-Ku.

20:7 Jangan menyebut nama TUHAN, Allahmu, dengan sembarangan, sebab TUHAN akan memandang bersalah orang yang menyebut nama-Nya dengan sembarangan.

20:8 Ingatlah dan kuduskanlah hari Sabat:

20:9 enam hari lamanya engkau akan bekerja dan melakukan segala pekerjaanmu,

20:10 tetapi hari ketujuh adalah hari Sabat TUHAN, Allahmu; maka jangan melakukan sesuatu pekerjaan, engkau atau anakmu laki-laki, atau anakmu perempuan, atau hambamu laki-laki, atau hambamu perempuan, atau hewanmu atau orang asing yang di tempat kediamanmu.

20:11 Sebab enam hari lamanya TUHAN menjadikan langit dan bumi, laut dan segala isinya, dan Ia berhenti pada hari ketujuh; itulah sebabnya TUHAN memberkati hari Sabat dan menguduskannya.

20:1 Dung i diaturhon Debata ma sude angka hata on, ninna ma:

20:2 Ahu do Jahowa Debatam, na paruarhon ho sian tano Misir, sian bagas parhatobananmu.

20:3 Ndang jadi marangkup Ahu adong Debatam.

20:4 Ndang jadi bahenonmu di ho ganaganaan, manang sumansuman dia na di banua ginjang nang di tano on, ro di na di bagasan aek na di toru ni tano.

20:5 Ndang jadi ho marsomba tu nasida, manang oloanmu nasida, ai Ahu do Jahowa Debatam, Debata parrimas, na mangaluluhon hajahaton ni amaama tu angka anakna ro di sundut patoluhon dohot paopathon, angka na sogo roha di Ahu.

20:6 Alai asi do rohangku di angka na marriburibu, angka na mangkaholongi Ahu, angka na mangaradoti angka patikku.

20:7 Ndang jadi dohononmu goar ni Jahowa Debatam, anggo sian neang ni roha, ai sai na hona toru ni Jahowa do manang ise na mandok goarna sian neang ni rohana.

20:8 Ingot hamu ma ari Sabbat laho pabadiahonsa.

20:9 Onom ari ma hamu mulaulaon, jala bahenonmu nasa ulaonmu.

20:10 Alai anggo ari papituhon i, ari paradianan ni Jahowa Debatam do i. Ndang jadi bahenonmu disi agia aha ulaon, nang ho manang anakmu, manang borum, manang naposom lahilahi, manang naposom boruboru, ro di pinahanmu, nang na sorang tu ho, di bagasan hutam.

20:11 Ai di na onom ari do ditompa Jahowa langit dohot tano dohot laut dohot nasa isina, dung i maradian ma Ibana di ari papituhon i. Dibahen i do umbahen na dipasupasu Jahowa ari paradiananna i jala diparbadiai.

Pamusatan ni sude pangajarion dohot ulaon ni Tuhan Jesus ima holong. Jadi sude ruhut ruhut ni parugamoon ingkon do marjohan tu holong. Holong i, ndang holan di hata, alai tarida marhite pambahenan. Turpuk jamita on naeng mangarahon hita manghaholongi Debata marhite na mangaradoti dohot mangulahon Patik na pinasahatna tu bangsoNa. Dung sahat bangso Israel di dolok Sinai, di ruar nasida sian Misir tano parhatobanan tu tano naung pinarbaga ni Jahowa tu ompu nasida. Dilehon Debata ma Patik na sampului tu si Musa.  Molo taida sian haroro ni Patik na sampulu on, ndang dilehon Patik on gabe dalan laho paruarhon nasida sian parhatobanon Misir. Alai tu nasida naung ruar manang malua sian parhatobanon i do Patik i dilehon. Asa ndada Patik ni halak na tarhurung patik on, alai Patik ni halak naung mandai haluaon do. Jala turpuk on manaringoti opat Patik na parjolo. Dipasahat Debata sude Patik on laho mangatur bangso na pinilitNa i jala mardalan do i songon sada ruhut ruhut di parngoluan nasida di tingki na naeng ro dihatiha i. Angka aturan manang Patik siradotan nasida mangihuthon pangarimpunon na binahen ni Tuhan Jesus disagi gabe dua bagian. Patik I-IV, patik na mangatur hubungan ni jolma dohot Debata. Patik V-X mangatur hubungan ni jolma dohot donganna jolma. Jala turpuk jamita on ima bagian na parjolo.

Naparjolo, Ahu do Jahowa Debatam,..... (ay. 2). Dibuhai do patik on sian hadirion ni Jahowa ala Debata do situngkoli saluhut. Holan alani Ibana do umbahen tuk hita mangulahonsa. Dipatandahon Jahowa diriNa marhite pandohan: Ahu do Jahowa Debatam, pandohan on naeng mangondolhon parsaoran na pulik jala na khusus, sian Debata maradophon bangsoNa dohot maradophon jolma ganup marsadasada. Alani di Patik na parjolo didok, ndang jadi marangkup Ahu adong Debatam (ay. 3,5). Ndang adong na asing na boi gabe Sipalua, Sipangolu, na tongtong mangalehon pasupasu holan Debata do.

Napaduahon, ndang jadi bahenonmu di ganaganaan,........ (ay. 4-5). Dua uhum na parjolo marhadomuan do tu buku 2 Musa 34: 14 nang buku Musa 3 Musa 9: 14. Dekalog Sikhem (5 Musa 27: 15) dibuhai dohot pandohan na mandok: “Hona toru ma manang ise na mambahen sada ganaganaan na niuhir manang na tinuang, hagigian ni Jahowa, jadijadian ni tangan ni halak pande, jala dipajongjong do i di inganan na buni”. Sude angka debata tuangan, ajiajian manang ganaganaan, tiang bahen parningotan manang batu bahen panombanombaon ndang boi adong di jolo ni Debata, ai Jahowa do Debata. Ibana do na manarihon sude nasa panggulmiton di ngolu jala mangalehon nasa ringkot di nasida. Halak namardua Debata, ima na so mangalului huaso dohot hagogoon ni Debata, manang na mangalo Debata dirina sirimasan manang siuhuman ni Debata.

Di dua Patik i, diuduti dohot parenta na so jadi ho marsomba tu nasida, manang oloanmu nasida....... (ay. 5-6). Dihatiha i, balga situtu do panggora ni debata sileban laho sumomba sombaon, asa ndada holan di langgatan inganan ni angka ganaganaan i, ala dohot do nang dibagasan deba roha ni jolma. Jala di na ruar nasida sian Misir, diboan nasida do ragam ni angka ulaula perak dohot ulaula sere dohot angka ulos, hira tabantaban do i diboan nasida sian halak Misir (2 Musa 12: 35-36), alai ndang sadia leleng sian i, nunga manigor madabu nasida sumomba ganaganaan. Sere na binoan nasida i dibahen gabe ganaganaan (2 Musa 32: 4). Balga do panggora ni angka ondeng i nang di ngolunta, molo so mardongan habisuhon hita mamangkesa. Kita bebas memanfaatkan tetapi dilarang mengidolakan. Ndang diloas Ibana mardua holong hita maradophon Ibana dohot maradophon na asing.

Molo tapamanat di ayat 5-6, ndang na mandok tipahonon ni Jahowa dosa ni amana tu ianakhonna. Alai laho pajamothon do, ai nasa na niula ni natoras manginona langsung manang ndang tu ianakhonna. Alani boasa didok ro di sundut patoluhon dohot paopathon, siala dosa ni amana na olo dalit tu ianakhonna, jala na opat generasi on tagamon dope on boi masipaidaan di ngolu diganup ari. Asa ubat na tontu tu generasi na mangihut, i ma pertobatan, hamubaon ni roha. Tangkas do didok, alai asi do rohangKu di angka na marriburibu, angka na mangkaholongi Ahu, angka na mangaradoti angka PatikKu. Na marlapatan, dao do saribu hali gumanjang asi ni roha ni Debata sian muruk dohot rimasNa. Alani i, binsan dilehon Debata dope di hita tingki asa mulak ma hita tu Debata. Tapangke ma sude ngolunta laho manghaholongi Debata marhite pangoloion dohot hasatiaon mangulahon lomo ni rohaNa.

Napatoluhon, ndang jadi dohononmu goar ni Jahowa Debatam......... (ay. 7). Sai unang ma goar ni Jahowa Debata diaithon dohot nasa na maralo tu hinalomohonNa, jala mambahen mara tu habadiaonNa. Ndang jadi buraan Debata (2 Musa 22: 28a), jala ndang jadi manolon na so tutu marhite goarNa, asa unang marlea Debata.

Napaopathon, ingot hamu ma ari Sabat laho pabadiahonsa....... (ay. 8-11). Marhite patik on dipaingot Debata do bangsoNa laho marparsaoran rap dohot Ibana. Dilehon Debata do sada tingki di bangso i laho marsaor rap dohot Ibana jala rap dohot donganna jolma. Di na tinotophon ni Debata sada ari paradianan sian ragam ni tugas laho mangula ragam ni ulaon mangalului ngolungolu siganup ari, disi ma boi maradian jala sonang roha (2 Musa 23: 12; 31: 17), ndang tama molo marsidalian jolma i alani ronsot ni angka ulaon, ai gari Tuhan i maradian do Ibana sian panompaon bolon na pinatupaNa uju manompa hasiangan on ro di pangsina. Diaturhon Debata onom ari hita mulaulaonta, alani tapangke ma tingki dohot denggan. Molo tapangke tingki na nilehon ni Debata tu hita ndang tagamon hurangan hita. Ai marhite ulaonta i Debata manarihon angka na ringkot di ngolunta. Jadi di ari papituhon maradian ma hita, asa mulak muse gogo laho manguduti angka siulaon, tapangke ma ari paradianan i laho mamuji Debata, jala sude do ingkon maradian, nang angk pinahan na somal dipangke karejo ingkon maradian. Nuaeng di hita halak Kristen naung porsea di Jesus Kristus, ari paradianan di hita nuaeng ari Minggu, ai di ari Minggu do Tuhan Jesus hehe sian na mate.

Marhite turpuk on disungguli do hita sa polin manghaporseai Debata, unang adong hita na mardua Debata, na manghaporseai dohot mangido pangurupuion tu huaso haholomon (isarana, marsomba tu sumangot ni na mate, mardatu, mambahen panjaga ni daging, jabu dohot ladang), mardebatahon arta, jabatan, hapistaran dna. Na mangaradoti angka patik ni Debata jala na mangulahon angka i, i ma halak na pabadiahon dohot manghaholongi Jahowa di ngoluna.