Khotbah Kisah Para Rasul 4: 32-37 Membangun Persekutuan yang Saling Mengasihi

 Minggu Quasimodogeniti, 11 April 2021

4:32 Adapun kumpulan orang yang telah percaya itu, mereka sehati dan sejiwa, dan tidak seorang pun yang berkata, bahwa sesuatu dari kepunyaannya adalah miliknya sendiri, tetapi segala sesuatu adalah kepunyaan mereka bersama.

4:33 Dan dengan kuasa yang besar rasul-rasul memberi kesaksian tentang kebangkitan Tuhan Yesus dan mereka semua hidup dalam kasih karunia yang melimpah-limpah.

4:34 Sebab tidak ada seorang pun yang berkekurangan di antara mereka; karena semua orang yang mempunyai tanah atau rumah, menjual kepunyaannya itu, dan hasil penjualan itu mereka bawa

4:35 dan mereka letakkan di depan kaki rasul-rasul; lalu dibagi-bagikan kepada setiap orang sesuai dengan keperluannya.

4:36 Demikian pula dengan Yusuf, yang oleh rasul-rasul disebut Barnabas, artinya anak penghiburan, seorang Lewi dari Siprus.

4:37 Ia menjual ladang, miliknya, lalu membawa uangnya itu dan meletakkannya di depan kaki rasul-rasul.

Kitab Ulaon ni Apostel paandarhon Ulaon ni Tondi Parbadia marhitehon angka sisean ni Jesus Kristus, na targoar apostel dung manaek Ibana tu Surgo. Hinorhon ni Tondi i, singkop ma bohal ni angka apostel i: tang haporseaonnasida huhut marhabaranion laho hehe jala borhat Marbarita na Uli. Dipatandahon nasida ma Jesus i tu halak Israel (Jahudi), laos gabe maherbang do tu saluhut jolma na so mananda Jesus dope (sipelebegu), asa porsea: ia Jesus do Mesias, Sipangolu. Dibagasan sangkap hatuaon ni Debata, manghorhon do ulaon ni Apostel i, i ma: lam tu toropna bilangan ni na porsea! Laos i ma dalanna laho merintis hajongjongan ni Huria Kristus Bona (Gereja Kristus Mula-mula) di zaman Apostel. Ndang leleng dung saor Tondi Parbadia (bindu 2), ditangkup ma si Petrus dohot si Johannes (Ul. 4:1-4), ala parjamitaonnasida (Ul. 2:14, 3:11 du). Dipajongjong angka uluan ni ugamo nang halak Jahudi, songon i nang partogi ni bangso Romawi do nasida na dua. Manungkunhon songon na tarsurat di Ul. 4:7 ‘Gogo ni ise manang goar ni ise dipangasahon hamu patupahon i?’. Tegas jala barani do si Petrus manghatindangkon haporseaonna di jolo ni sude na torop i, hombar tu pandok Tondi Parbadia tu ibana. Ndang meret ibana sian haporseaon naung pinaojak ni Debata tu ibana marhitehite Jesus, Kristus i (Ul. 4:8-12). Haroa nunga tung mengganggu situtu angka apostel i tu nasida, ala ni pangajarionna i. Ai lam torop do antong na mangihuthon Jesus, Tuhan i. I do umbahen, sai diasupi huhut dirarang nasida si Petrus dohot si Johannes laho marjamita be mangasahon goar ni Jesus. Alai hot do apostel na dua i di haporseaonna (Ul. 4:13-22). Dung malua nasida, dihatahon ma pengalamannasida i tu angka donganna apostel nang ruas ni huria i. Dung i martangiang ma nasida mamuji Tuhan i, huhut mangido hahirason ni Tondi sian na marhuasoi, asa lam patar halongangan na sian Debata Jahowa marhitehite goar ni Jesus, Kristus i. Satongkin i, gok Tondi Parbadia do nasida tanda na ditangihon Debata do jouojunasida (Ul. 4:23-31).      

Di tongatonga ni keadaan yang tidak ideal, i ma ancaman na sai ro sian uluan ni ugamo Jahudi nang partogi Romawi, laos disi do nasida lam sada. Ginohi ni ala sapartinaonan, lam togu ma hasadaon ni rohanasida. Didok di ayat 32: ‘Saroha saoloan’ nasida. Tanda ni na saroha saoloan nasida, i ma sian sikap jala tindakan nasida yang mengedepankan keutuhan persekutuan/komunitas itu demi terlaksananya pemberitaan INJIL (ida ay. 33). I do nuaeng na nidokna sian pangalaho ni angka paradongan di sapunguan i: ‘Hapunjunganna artana i, hatopan do i saluhutna dietong’ – tidak ‘Sesuatu dari kepunyaannnya adalah miliknya sendiri, tetapi segala sesuatu adalah kepunyaan mereka bersama’. Dibahen i do ndang adong sian nasida na hurangan. Molo adong pe na membutuhkan biaya demi berlangsungnya pemberitaan INJIL (ida ay. 33), rade do na sapunguan i, i ma angka parhauma manang parjabu, manggadis ugasanna i. Dung i diboan ma tuhor ni na ginadisna i, laho dipeakkon tu jolo ni angka apostel, asa disagihon tu angka na hurangan (ay. 34-35). Songon si Josep, na digoari angka apostel si Barnabas, digadisi do hauma golatna, diboan ma tuhor ni na ginadisna i tu jolo ni angka apostel (ay. 36-37).

Tung uli jala denggan situtu do parsaoran ni Huria Bona i (ida Psalmen 133). Laos di tongatonga pangarongomon sian angka humaliang nasida do lam tandap parsaorannasida na saroha saoloan. Sian pangalaho masa di turpukta on, tangkas ma dohononta: ‘Ai marurat sian holong ni roha ni Debata marhitehite Jesus, Kristus i’ do ojahan ni na saroha saoloan nasida. Boi dohonon ndang saroha saoloan na musiman, manang saroha saoloan ala adong kepentingan. Alai saroha saoloan naung dipartondihon nasida. Tangkas jala bagas do tutu dihangoluhon nasida, ai Jesus, Guru huhut Tuhan i, naung rap saleleng on dongannasida, na mamelehon diriNa laho tu hasesaan ni dosa angka jolma, gabe tobus ni angka pardosa i! I ma HOLONG. Holong na so hea dope diida jala diulahon angka apostel nang donganna sapunguan i. Nuaeng nunga tung tangkas dihilala nasida sian Jesus, Kristus i. Pangalaho Holong na binahen ni Jesus i do naeng hangoluhononnasida. Marojahan di holong na pinatupa ni Jesus i do nuaeng naeng ulahononnasida di tongatonga parsaoranasida angka na sapunguan i. Holong na sian Jesus i do nuaeng na manggohi hadirionnasida laho berkorban demi keutuhan persekutuan i, i ma persekutuan sihatindangkon goar ni Jesus i.

Jadi boha hita amang-inang, angka dongan sapunguan, dongan sahuria, nunga tung boha pangkahangoluhononta di holong na sian Tuhan i, ai nunga tung marurat huhut marparbue i tu humaliang? Nunga adong nian na tapelehon tu Tuhan i marhite na manarihon ulaon Parbarita Nauli? Hita sandiri ma mengevaluasi hita. Holan on, ringkot  sipasingoton, ia holongta i, songon holong ni Tuhanta Jesus, holong na tulus do, i ma tanpa syarat. Molo pandok ni na deba, unang holong na marpambuat (nang pe nian ndang adong holong na marpambuat, ai molo nunga ‘marpambuat’, ndang holong be goar ni i). Unang ala silehonlehonta i, gabe naeng hira berkuasa hita tu sasahalak manang tu sadasada punguan hasahatan ni silehonlehonta i. Tangkas ma pajamotonta pandok ni si Dietrich Bonhoeffer on: Yesus Kristus berperan sebagai pengantara antara seorang yang mengasihi dan orang-orang yang ia kasihi. Karena sebagaimana hanya Kristus yang dapat berbicara kepada saya sedemikian rupa sehingga saya dapat diselamatkan, maka demikian jugalah sesama saya dapat diselamatkan hanya oleh Kristus. Ini berarti bahwa saya hendaknya membebaskan sesama saya dari setiap usaha untuk mengatur, memaksa, dan mendominasi dia dengan kasih saya itu. Oleh karena Kristus telah terlebih dahulu bertindak secara berdaulat terhadap saudara saya, bahkan sebelum saya mampu bertindak apa-apa, maka saya harus membiarkan kemerdekaannya menjadi milik Kristus semata.  Saya hendaknya memperlakukan dia sebagaimana adanya dia di hadapan Kristus.

Lapatan ni pandohan na nidok di ginjang, i ma marsilehonlehon ma hita ala asi ni roha ni Tuhanta naung tapanghilalahon. Unang ma nian marsilehonlehon hita asa ... ... .... (taisi be ma), manang boi kita tarik kesimpulan: i ma asa boi ADONG NAENG DIDOKNA. Dao ma tutu angka pangalaho sisongon i sian hita ruas ni Tuhan i, tarlumobi sian Parhalado ni Tuhan i. Hita nuaeng dibagasan Minggu-Minggu PASKAH (nang pe sasintongna ganup Minggu do hita mar-PASKAH), i ma Minggu-minggu manaringoti huhut mangalapati haheheon ni Tuhanta Jesus sian hamatean. Minggunta sadarion digoari do Minggu Quasimodogeniti, i ma Minggu parjolo dung PASKAH. Lapatan ni Minggunta i, i ma: ‘Songon posoposo na imbaru tubu, na uasan tu susu na tama’, na marojahan sian 1 PETRUS 2:2. I do tutu, hita on sude halak Kristen, pangalahonta naeng ma hira posoposo na uasan tu susu na tama, lapatanna: Hita on, naeng ma tongtong girgir melekat tu Jesus, Tuhanta, Siparholong i. Hita sian sundut na umposo, gariada sahat tu sundut na tumua, beta hita tongtong melekat tu mual ni hangoluanta i. Anggo posoposo, susu i do mual tu hangongoluna. Hita on halak Kristen, Jesus i do mual ni hangoluanta. Asa dung sahat tu hita na sian mual i, unang so di hita antong – unang macet di hita, tapabaor ma muse tu donganta, tu humaliangta, asa lam torop na manghilala holong na sian Tuhanta i. Asa lam rarat angka jolma, di ganup angka persekutuanna nang komunitasna gabe inganan hapusatan ni holong na sian Tuhanta i, na pabaorhon muse holong i mandapothon sandok angka na tinompa.