Khotbah Markus 16: 9-18 Kuasa Kebangkitan Yesus

 Minggu Paskah I, 04 April 2021

16:9 Setelah Yesus bangkit pagi-pagi pada hari pertama minggu itu, Ia mula-mula menampakkan diri-Nya kepada Maria Magdalena. Dari padanya Yesus pernah mengusir tujuh setan.

16:10 Lalu perempuan itu pergi memberitahukannya kepada mereka yang selalu mengiringi Yesus, dan yang pada waktu itu sedang berkabung dan menangis.

16:11 Tetapi ketika mereka mendengar, bahwa Yesus hidup dan telah dilihat olehnya, mereka tidak percaya.

16:12 Sesudah itu Ia menampakkan diri dalam rupa yang lain kepada dua orang dari mereka, ketika keduanya dalam perjalanan ke luar kota.

16:13 Lalu kembalilah mereka dan memberitahukannya kepada teman-teman yang lain, tetapi kepada mereka pun teman-teman itu tidak percaya.

16:14 Akhirnya Ia menampakkan diri kepada kesebelas orang itu ketika mereka sedang makan, dan Ia mencela ketidakpercayaan dan kedegilan hati mereka, oleh karena mereka tidak percaya kepada orang-orang yang telah melihat Dia sesudah kebangkitan-Nya.

16:15 Lalu Ia berkata kepada mereka: "Pergilah ke seluruh dunia, beritakanlah Injil kepada segala makhluk.

16:16 Siapa yang percaya dan dibaptis akan diselamatkan, tetapi siapa yang tidak percaya akan dihukum.

16:17 Tanda-tanda ini akan menyertai orang-orang yang percaya: mereka akan mengusir setan-setan demi nama-Ku, mereka akan berbicara dalam bahasa-bahasa yang baru bagi mereka,

16:18 mereka akan memegang ular, dan sekalipun mereka minum racun maut, mereka tidak akan mendapat celaka; mereka akan meletakkan tangannya atas orang sakit, dan orang itu akan sembuh."

Selamat paskah ma dihita saluhutna, di na naung sahat hita sadarion tu pesta paskah na parjolo i hata ni Debata na mamangkulingi hita ima taringot parjumpangan ni Jesus tu si Maria Magdalena dohot tu siseanNa. Dipatudu Jesus diriNa na naung hehe i, asa hobas nasida laho mamaritahon barita nauli, jala asa unang biar be roha nasida manang ganggu roha nasida siala nunga hehe be Kristus i sian hamatean i. nunga talu be hamatean ni dibahen Jesus, jala asa unang ganggu roha ni akka sisean, ido umbahen dijumpangi Jesus nasida. Asa Huaso Haheheon ni Kristus i manontong gabe di nasida.

Ro ibana manopot na hinaholonganNa (Ayat 9-15)

Sian mulana uju so tarsilang dope Jesus, nunga sai didok Jesus na ingkon mate do anak ni jolma i jala hehe di ari na patoluhon hombar tu na tarsurat di akka buku ni panurirang. Jala dung tolu ari hehe ma Jesus sian hamatean ni pintor dijumpangi Ibana ma si Maria magdalena. Dibagasan parjumpangan ni, mansai las do roha ni si Maria Magdalena gabe pintor marlojong ma ibana tumopot akka na hinaholonganna paboahon naung hehe Jesus sian hamatean jala nunga dijumpangi Jesus ibana. Alai gabe diparengkeli do ibana ala so porsea nasida. Dung i, dijumpangi Jesus ma akka siseanna na sampulusada i ditingki biar dope roha nasida tu akka panggomgomi hatiha i, siala dang be rap nasida dohot Jesus jala dang be adong na boi gabe pangusandean dohot paarsigantungan nasida dung mate Jesus. ditingki ro Jesus manjumpangi nasida, gabe lam tamba do biar ni roha nasida i, sai dirimpu nasida do sibolis i naeng mangago nasida. Alai Jesus, diboto Ibana do na diroha nasida i, gabe didok ma “unang mabiar hamu”. Gabe lam togu ma roha nasida siala dang ditadingkon Jesus nasida. Jala marnida do nasida di huaso ni haheheon ni. Gabe ingot ma muse akka sisean ni diakka pardalanan nasida na rap dohot Jesus uju so tarsilang dope Jesus, gabe lam pir ma partondion nasida. Dihilala Jesus nunga mago be biar ni roha akka sisean ni, gabe didok ma muse, “baritahon hamu ma barita nauli tu sandok portibi on”. Dison ma huaso ni haheheon ni Kristus i. gabe margogo ma akka sisean ni lah mamaritahon  barita nauli tu saluhut bangso.

Asa malua na porsea jala tardidi, ndang taruhum na porsea (ayat 16)

Mansai uli do ia motivasi dohot na tinuju ni panonaion ni Jesus Kristus i tu hita, i ma asa dipalua (Gorik: sothesetai) na porsea, jala ndang taruhum nuaeng nang muse (Gorik: kata-kritesetai) na porsea di ari panguhuman i. I do apala impola, na tinuju ni pangoloionta borhat tu liat portibion mamaritahon barita na uli taringot tu Jesus Kristus i (diri, ngolu, ajar, ulaon ni Jesus i) songon na pinatorang ni sandok evangelium Markus i sian bindu sada sahat tu bindu sampulu onom. Unang meret sian na tatuju i parborhatta. Ndang asa parhuasoon (politis, ekonomis, sosial, budaya) ni angka sisean ni Jesus portibion ia na tinuju ni ulaon mamaritahon barita na uli i. Molo adong sanga gabe mangalului huaso ia na tatuju di na mamaritahon barita nauli i, ba tapauba ma dirinta.  

Ihut tu angka na porsea jala na tardidi i do angka tanda halongangan di ngolu nasida (ayat 17-18).

Ndang holan asa malua angka na porsea i di ari panguhuman ia na binagabagahon ni Jesus tu angka siseanna na mamaritahon barita na uli i. Alai dohot do na mangihut on idaonnasida: "Ihut tu ngolu nang ulaon ni na porsea di Jesus Kristus na mangolu dohot mangula di bagasan goarNa do angka tanda halongangan na mangihut on: Parjolo, di bagasan goar ni Jesus pabalihon angka tondi na hodar (Gorik: daimonian, ayat 17) sian tongatonga ni halak dohot masyarakat na niingananna. Paduahon, mangkatahon angka hata na imbaru (ayat 17). Patoluhon, boi manaluhon ulok, jala malua sian angka rasun na pamatehon jolma di portibion (ayat 18). Paopathon, tuk pamalumhom na marsahit marhite na mangampehon tangan tu na marsahait (ayat 18).  Boi do hita mangantusi angka bagabaga pinasahat ni Jesus tu ganup na porsea tu Ibana di portibion di bagasan pangantusion songon na tarsurat i, i ma pabalihon angka tondi na hodar na marragam i di tingkinta nuaeng, marhata na imbaru, manaluhon angka na boi pamatehon jolma, isara angka binantang berbisa ulok nang angka rasun, jala parpudi pamalumhon sahit. Alai laos boi do i taantusi di pangantusion na mansai maju nuaeng, i ma mangalo angka ideologi na patutoru dohot pasiaksiak ngolu ni jolma nuaeng on (so marimbar na mansai borat di Indonesia on, i ma manaluhon penyalahgunaan narkoba), isara ideologi hatop mamora marhite na manggadis Narkoba. Dohot do tahe mangondihon jolma sian angka pihak-pihak di duru ni jolma di portibion na naeng pamatehon jolma i, mangalo angka rasun na mambahen mate jolma (hasesega ni aek, sipanganon, udara, senjata-senjata kimia dohot angka na mangarsuni na aisng). Nang mangantusi gejala sahit na somal dohot mambahen ubat na boi pamalumhon sian i ihut do tu ngolunta. Ndang holan sahit pamatang, alai dohot do angka sahit roha boi pamalumon ni na porsea di Jesus Kristus i, marhite huaso ni Debata nang marhite angka ubat medis. Ihut do di ngolu nang ulaon nasida angka tanda, songon Jesus na mamaritahon barita na uli i digohi tanda halonganan sian bona sahat tu ujung.

Mansai ringkot do i botoon, tiopon, haposan, ulahonon dohot patuduhonon ni ganup sisean ni Jesus di tingki on, di partingkian ni hajolmaon na lam maju situtu nuaeng on, i ma na lam mangasahon parbinotoan ni jolma dohot pasidingkon huaso di duru ni dirina, asa lam hiras roha nasida mamaritahon barita na uli ni Jesus Kristus i. Asa, mansai bidang do panghorhon ni molo borhat angka sisean ni Jesus nuaeng on mamaritahon barita na uli. Ndang holan haluaon sian uhum parpudi dapot ni na porsea jala tardidi dipalumehon tu nasida na porsea, alai dohot do hatauon nasida manaluhon angka na pasingkorsingkorhon dohot pamatehon ngolu ni jolma di portibion, dohot do pamalumhon angka sahit, sude marhitehite goar ni Jesus lehonon ni Jesus tu hita. Marhite-hite turpuk on, naeng ma tarida sian partondion ta dohot sian pambahenanta huaso ni haheheon ni Kristus, ima : Huaso haheheon ni Kristus I ingkon mamboan hita gabe muba sian biar ni roha gabe pir partondion ta. Nang pe sipata ganggu hita binahen ni akka ragam panggulmiton ni ngolu alai dung bongot hita tu huaso haheheon ni Kristus I, ingkon gabe parroha na pir tondi do hita jala bolong ma nasa biar ni roha mangihuthon Jesus. Huaso haheheon ni Kristus I, ingkon mambahen hita gabe parbarita nauli tu sandok tano on. Ingkon mananda do portibion tu asi dohot holong ni roha ni Kristus i marhite-hite hita. Huaso haheheon ni Kristus I mambahen hita margogo mangalo nasa na jat dohot margogo hita laho mangalo nasa sumbia ni sibolis i. on do na gabe jaminan di akka na porsea di Ibana, molo nunga bongot hita tu huaso haheheon ni Kristus.