Khotbah 1 Yohanes 3: 19-24 Menuruti Perintah Allah

 Minggu Jubilate, 25 April 2021

3:19 Demikianlah kita ketahui, bahwa kita berasal dari kebenaran. Demikian pula kita boleh menenangkan hati kita di hadapan Allah,

3:20 sebab jika kita dituduh olehnya, Allah adalah lebih besar dari pada hati kita serta mengetahui segala sesuatu.

3:21 Saudara-saudaraku yang kekasih, jikalau hati kita tidak menuduh kita, maka kita mempunyai keberanian percaya untuk mendekati Allah,

3:22 dan apa saja yang kita minta, kita memperolehnya dari pada-Nya, karena kita menuruti segala perintah-Nya dan berbuat apa yang berkenan kepada-Nya.

3:23 Dan inilah perintah-Nya itu: supaya kita percaya akan nama Yesus Kristus, Anak-Nya, dan supaya kita saling mengasihi sesuai dengan perintah yang diberikan Kristus kepada kita.

3:24 Barangsiapa menuruti segala perintah-Nya, ia diam di dalam Allah dan Allah di dalam dia. Dan demikianlah kita ketahui, bahwa Allah ada di dalam kita, yaitu Roh yang telah Ia karuniakan kepada kita.

Molo didok mangaradoti ima ulaon manjamothon, marmahani, manogunogu, patuduhon asa angka halak na porsea mangaradoti dirina, manjamoti dirina asa tongtong mangulahon patik ni Kristus. Patik ni Kristus ima holong. Molo tatangkasi pandohan i idaonta ma paboa ngolu ni halak Kristen na marhaporseaon na sintong ima marhite pangulaon di holong ni roha. Di bagasan holong ni roha i do dihamham saluhut isi ni Bibel, jala di bagasan holong ni roha i do saluhut dihamham nang silang ni Kristus i, laos di bagasan holong ni roha i do dihamham saluhut pangajarion ni hakristenon. Asa sangkababa hata do na boi dohonon taringot tu hakristenon dohot haporseaonta ima holong ni roha. Asa angka halak na mian di bagasan holong ni roha na sintong i do na mian di bagasan Debata, jala angka na tangkas porsea jala mian di bagasan Kristus i do na mangulahon holong ni roha na sintong di bagasan pambahenan dohot hasintongan. Hata “holong” mansai mura dohonon, alai maol mangulahon di bagasan hasintongan.

Di ayat 19 tangkas do dipatorang taringot tu hadirion ni angka na porsea, i ma angka na marharoroan sian hasintongan (na mangolu dibagasan hasintongan jala na mangulahon hasintongan) di adopan ni Debata jala na targoar nampuna ni Debata. Aha do na mambahen angka na porsea asa targoar songon i? Laho mangalusi sungkun sungkun on boi idaonta ayat 18-19, ai tangkas do didok: “Hamu angka anaha, unang ma hatanta dohot dilanta manghaholongi, naeng ma marhitehite pambahenan dohot hasintongan. Disi ma botoonta paboa sian hasintongan hita jala tapapos rohanta di joloNa”. Molo tapataridahon holong i marhite pambahenanta disi ma botoonta nampuna ni Debata do hita. Alai sipata olo do tubu sungkun sungkun taringot tu patik ni Tuhanta on. Molo nunga tahaholongi agka donganta, alai donganta i ndang olo patuduhon holong na maradophon hita, songon dia ma tutu rohanta? Jala i ma na masa di huria na parjolo i, na gabe hasahatan ni surat ni apostel Johannes on. Dung dijalo nasida hata ni Tuhanta i di tongatonga ni ngolu nasida, tubu ma roha laho mangulahon holong i. Alai ro ma angka jolma na manghasogohon barita na uli i, dipaporsukpursuk ma nasida. Adong ma na ditangkup, adong ma na dipukpuhi, adong muse na paroaroahon. Ragam ma cara dibahen asa mangae nasida. Alani i wajar do sian hajolmaon tubu dibagasan roha laho manungkun aha do sasintongna na masa i (mempertanyakan peristiwa yang terjadi). Jala mangihuthon hajolmaon boi do dapot roha mardame hita jala manghaholongi angka jolma naung manusai hita? Alai disituasi na songon i ma tarjou nasida nang hita asa pasahathon saluhut angka na masa di ngolunta holan tu Debata sambing. Unang holan manatap nasida tu hadirion sambing, manang manangihon na nidok ni rohana, alai naeng ma nasida manatap tu Debata jala manangihon hata ni Debata.

I do pangantusion ni ruas ni huria na gabe hasasahat ni surat 1 Johannes on. Songon angka na porsea tarjou do nasida tongtong papatarhon holong i marhite pambahenan nasida. Alai huhut do dihilala nasida na hurang singkop nasida mangulahon joujou i. Sipata humurang do nasida papatarhon holong tu dongan jolma. Sai susa ma diroha nasida jala sai tubu di roha nasida: tama dope nasida tardok halak na porsea? Ndada holan nasida, hita pe boi do susa tahilala molo tatanda hahuranganta, na hurang singkop do nang hita mangalusi joujou papatarhon holong i tu donganta jolma. Taboto do na denggan na patut taulahon alai ndang taulahon gabe manolsoli ma hita di rohanta jala panolsolion i jotjot do gabe boban na borat i di ngolunta. Alai tuani ma ro hata ni apostel i tu ruas ni huria na parjolo i nang tu hita saonari: “Molo disolsoli rohanta hita, umbalga do Debata sian rohanta jala diboto saluhutna. Denggan ma molo tarjolma hita di angka dosa nang hahuranganta jala tubu panolsolion i, alai laos huhut ringkot taboto habalgaon ni asi ni roha ni Debata na mamboto saluhut na masa i jala na mangantusi hagaleonta nang hahuranganta, jala tarlumobi na mamintori hita gabe pintor jala tama di adopanNa.

Alani ndang adong na boi mangambati hita mandapothon Debata, pasolhot dirinta tu Tuhan i, asa manang aha pe tapangido, jaloonta so sian Ibana. Ra taingot do pigapiga angka naposo ni Debata di Padan Narobi na tongtong manjaga parsaoranna dohot Debata, isara ni si Abraham. Tung mansai denggan do parsaoranna dohot Tuhan i. Boi do i idaonta marhite panghataion ni si Abraham dohot Debata uju naeng didabu uhum tu huta Sodom. Ndang buni dibahen Debata aha sipamasaonNa tu huta Sodom. Dipaboa do sude jala ditangihon Debata do pangidoan ni si Abraham asa tung boi nian salpu parsorion i sian huta Sodom. Diloas jala ditangihon Tuhan i do pangidoan na tung mansai ganjang sian si Abraham, pola onom hali dipasahat ibana pangidoan i jala sai dioloi Debata do (1 Musa 18). Tutu ndang singkop pangalaho dohot pambahenan ni si Abraham di jolo ni Debata, alai ndang dipaholang ibana  dirina sian Debata, sai dipadimundimun ibana do parsaoranna dohot Debata.

Nang hita pe, ndang adong jolma na singkop di jolo ni Debata, alai ndada gabe sumurut jala mandao hita sian adopan ni Debata di na tarjolma hita jala tasolsoli dirinta. Baliksa tahe naeng lam tadapothon ma Debata asa marhite i boi tongtong tapasahat pangidoanta tu Debata. Lam bangkol do rohanta molo mandao hita sian Ibana, jala molo tapaholang dirinta sian Ibana. Alai molo lam tapasolhot dirinta tu Ibana lam dao ma bangkol ni roha i alai marhiras ni roha ma hita mandapothon Ibana. Alani lam tapauneune ma parsaoranta rap dohot Debata. Tutu ndang ulaon na mura i. Sipata boi do tubu hagaleon di hita na boi mambaen hita gabe mandao sian Tuhan i jala sipata manimbil hita sian lomo ni rohaNa. Alai di na tarsunggul jala tarjolma hita di hurang ni pambahenanta i, tasolsoli ma dirinta asa tapareahi ma muse parsaoranta dohot Tuhan i. Asa marhite parsaoranta na denggan maradophon Debata lam ditogu ma hita mananda lomo ni rohaNa jala mangulahon patikNa. Turpuk on naeng mangondolhon asa sude angka siihuthon Kristus tongtong mangaradoti patik ni Tuhan i, i ma mangolu dibagasan holong songon holong naung dipatuduhon Kristus marhite ngoluNa. Tarpatupa hita do mangaradoti patik i, molo mian hita dibagasan holong na sian Kristus, jala taparhatopot dosantadi joloNa. Tutu sian hajolmaonta maol do hita hibul mangulahon lomo ni rohaNa, alai dipatau huhut dipargogoi Tondi Parbadia hita mangulahon patik ni Debata, asa laos marhite i ma jumpang hita na tarsurat di ayat 22 na mandok: “Jadi manang aha pe tapangido, jaloonta do sian Debata”. Alai ringkot taantusi hata on i ma parbue ni raga ni angka parkaro na niadopan dibagasan pardalanan ni ngolu (merupakan hasil dari sebuah proses panjang dalam kehidupan). Ndang na tubu botinon i, ala nunga godang na dibolus jala diadopi huhut diulahon asa sahat tu parbue na arga i.