Khotbah Lukas 24: 1-12 Kebangkitan Yesus

 Paskah Subuh, 04 April 2021

24:1 tetapi pagi-pagi benar pada hari pertama minggu itu mereka pergi ke kubur membawa rempah-rempah yang telah disediakan mereka.

24:2 Mereka mendapati batu sudah terguling dari kubur itu,

24:3 dan setelah masuk mereka tidak menemukan mayat Tuhan Yesus.

24:4 Sementara mereka berdiri termangu-mangu karena hal itu, tiba-tiba ada dua orang berdiri dekat mereka memakai pakaian yang berkilau-kilauan.

24:5 Mereka sangat ketakutan dan menundukkan kepala, tetapi kedua orang itu berkata kepada mereka: "Mengapa kamu mencari Dia yang hidup, di antara orang mati?

24:6 Ia tidak ada di sini, Ia telah bangkit. Ingatlah apa yang dikatakan-Nya kepada kamu, ketika Ia masih di Galilea,

24:7 yaitu bahwa Anak Manusia harus diserahkan ke tangan orang-orang berdosa dan disalibkan, dan akan bangkit pada hari yang ketiga."

24:8 Maka teringatlah mereka akan perkataan Yesus itu.

24:9 Dan setelah mereka kembali dari kubur, mereka menceriterakan semuanya itu kepada kesebelas murid dan kepada semua saudara yang lain.

24:10 Perempuan-perempuan itu ialah Maria dari Magdala, dan Yohana, dan Maria ibu Yakobus. Dan perempuan-perempuan lain juga yang bersama-sama dengan mereka memberitahukannya kepada rasul-rasul.

24:11 Tetapi bagi mereka perkataan-perkataan itu seakan-akan omong kosong dan mereka tidak percaya kepada perempuan-perempuan itu.

24:12 Sungguhpun demikian Petrus bangun, lalu cepat-cepat pergi ke kubur itu. Ketika ia menjenguk ke dalam, ia melihat hanya kain kapan saja. Lalu ia pergi, dan ia bertanya dalam hatinya apa yang kiranya telah terjadi.

Molo adong tarbege hita barita taringot na adong jolma na hehe sian na mate, ra boi dohonon godang do sian hita maol jala ndang porsea. Jala molo pe naeng porsea, ingkon na taida do secara langsung na mate i hehe sian tanoman. Alani do sian bona ni haheheon ni Jesus Kristus sahat tu nuaeng on sai torus do adong angka na so tarbahen manghaporseai hamamasa ni haheheon ni Jesus. Alai di hita angka siseanNa, sian bona ni Hakristenon sahat tu nuaeng, sada na so tarlupahon hita di hamamasa ni haheheonNa i, ima hagogoon ni huaso ni Debata na pahehe Jesus sian hamatean i. Masa jala tarida huaso ni Debata na so hatudosan disi. Alani do marhite turpuk on, ndang hamamasa i na naeng idaonta, alai hagogoon ni huaso ni Jesus i do. Hagogoon ni Debata na pahehe Jesus sian hamatean na gabe unok ni jamita on. I do umbahen ndang apala dipatorang songon dia Jesus dipahehe, alai songon dia do huaso na paheheon Jesus sian angka na mate i mangula, jala songon dia Jesus naung hehe i marhuaso.

Ndang tarpadomu barita hamamate gabe tu barita haheheon molo mangasahon pingkiran sambing. Alani do asa longang situtu do angka parompuan na ro tu tanoman ni Jesus marnida angka na masa i ala ndang tarjalo ni pingkiran: ise do na manggulang batu i? Jala ise do na mambuat bangke ni Jesus i? Hape sasintongna haheheon ni Tuhan Jesus nunga dipabotohon hian tu angka siseanNa. Alai boasa boi nasida lupa? Boi dohonon ala na dibagasan habot ni roha dope nasida, ndang margogo dope nasida ala ingot dope nasida di angka na masa i na manostosi ateate nasida. Laho do nasida laho mamiaki pamatang ni Jesus songon mangulahon paradaton na somal do i di halak Israel songon dalan pasangaphon sasahalak naung mate. Haheheon ni Tuhan Jesus patoguhon jala manondangi ngolu na di haholomon na binoan ni habot ni roha.

Barita haheheon ni Tuhan Jesus maol do tarjalo roha ni natorop i dihatiha i ala boruboru manghatindanghonsa. Adat ni halak Jahudi, holan baoa do na tau marharajaon. Hombar tu paradaton ni halak Jahudi na jolo tung na so jadi do boruboru gabe sitindangi. Dietong gabus manang turiturian jala ndang tajalo roha ni halak Jahudi molo sahalak parompuan gabe sitindangi. Alai dipangke Debata do sangkap ni angka parompuan na sian punguan na mangihuthon Jesus, i ma si Maria Magdalena dohot si Maria na sadanari, na naeng maningkir tu udean di ari parjolo dung salpu Sabat (Mat. 28: 1). Nasida ma na gabe sitindangi di haheheon ni Jesus. Jala songon hasomalan di halak Jahudi, asa dimpos manang togu taringot tu angka na masa, ingkon adong do saotikna sitindangi dua halak, jala i do uhumna (5 Musa 19: 15). Jala na menarik dison sitindangi i ima dua halak parompuan, hape dihalak Jahudi ingkon baoa do na gabe sitindangi, di son ma taida haheheon ni Jesus mamboan haimbaruon manang mangarumpakkon hasomalan adat ni halak Jahudi saleleng on taringot tu horong ni sitindangi. Ditait haheheon ni Tuhan Jesus do hagaleon ni boruboru sian na soada hian gabe diharingkothon jala dipatau di ganup gulmit ni parngoluon on.

Parsaoran dibagasan manogot on i ma na digoari buhabuha ijuk. Diibuhabuha ijuk on dijou jala dipaingot hita angka na porsea dihagogoon dohot huaso ni Tuhan Jesus Kristus na manaluhon hamatean i. Dijou jala disoso i do hita asa porsea dihaheheon ni Jesus, atik pe ndang taida pamatang ni Jesus secara fisik. Jala haheheon ni Tuhan Jesus on ma sada na mansai ringkot di ngolu haporseaonta ala tangkas do didok di 1 Korint 15: 17 “Alai anggo so dipahehe Kristus i, magopo ma haporseaonmuna, jala tong dope hamu dibagasan dosamunan”.

Mansai ringkot do panghorhon jala huaso ni haheheon ni Jesus on di ngolu ni angka na porsea tingkion na boi dohonon adong biar taadopi alani panghorhon ni virus corona on. haheheon ni Jesus paintophon manang pamagohon biar ni angka na porsea. Alani denggan do molo dibagasan tingki on tarimangrimangi huaso ni Debata na pahehe Jesus sian hamatean, tarlumobi di na taadopi angka hamaolon na mansai balga situtu di ngolu nang ulaon, tarlumobi disiala ni virus corona on. Marhite huaso haheheon ni Jesus on, naeng idaonta, gari hamatean nunga ditaluhon Ibana, tontu hamamasa ni virus corona on boi do taluhonon ni Debata. Alani unang ganggu hita dihuaso ni Debata, unang gabe mago haporseaonta gabe sungkun-sungkun hita di huaso ni Debata. Unang lupa hita marningot hagogoon ni huaso haheheon ni Kristus di ngolunta, ai haposan do hagogoon ni Debata na pahehe Jesus Kristus sian angka na mate. Pos ma rohanta margogo do haheheon ni Jesus i manalpuhon biar i, jala haheheon ni Jesus laho mamboan dame di ngolunta. Manang aha pe biar dohot holso ni rohanta, maporus manang tu ibana ma hita mangalu-alu, rade do Ibana laho mangurupi hita songon na binahenna i tu dua halak parompuan i. Dung i, mansai ringkot situtu do haheheon ni Jesus i di angka na porsea, ala marhite haheheon ni Tuhan Jesus do ojahan ni haporseaonta, ai molo so hehe Kristus, magopo ma haporseaon ni halak Kristen (1 Kor. 15: 17). Jala marhite haheheon ni Jesus i gabe ojahan di pangkirimonta na hehe do sogot angka na porsean sian hamatean. Amen.