Khotbah Roma 8: 1-8 Pembaharuan Oleh Roh

 Pentakosta II; 24 Mei 2021

8:1 Demikianlah sekarang tidak ada penghukuman bagi mereka yang ada di dalam Kristus Yesus.

8:2 Roh, yang memberi hidup telah memerdekakan kamu dalam Kristus dari hukum dosa dan hukum maut.

8:3 Sebab apa yang tidak mungkin dilakukan hukum Taurat karena tak berdaya oleh daging, telah dilakukan oleh Allah. Dengan jalan mengutus Anak-Nya sendiri dalam daging, yang serupa dengan daging yang dikuasai dosa karena dosa, Ia telah menjatuhkan hukuman atas dosa di dalam daging,

8:4 supaya tuntutan hukum Taurat digenapi di dalam kita, yang tidak hidup menurut daging, tetapi menurut Roh.

8:5 Sebab mereka yang hidup menurut daging, memikirkan hal-hal yang dari daging; mereka yang hidup menurut Roh, memikirkan hal-hal yang dari Roh.

8:6 Karena keinginan daging adalah maut, tetapi keinginan Roh adalah hidup dan damai sejahtera.

8:7 Sebab keinginan daging adalah perseteruan terhadap Allah, karena ia tidak takluk kepada hukum Allah; hal ini memang tidak mungkin baginya.

8:8 Mereka yang hidup dalam daging, tidak mungkin berkenan kepada Allah.

Digurithon apostel Paulus do surat na tu halak Rom tagan so sahat dope ibana tu huta i, lao pajojorhon impola ni barita na uli taringot tu Jesus Kristus. Jala marhite surat on diajarhon apostel Paulus di ia ojahan ni barita na uli, i ma padan ni Debata tu si Abraham, ama ni halak Israel, di na dipintori Debata haporseaonna i, jala ditongos Debata do Jesus Kristus laho manesa dosa dohot paluahon jolma pardosa, asa malua jolma i sian dosana hinorhon ni haporseaonna tu Jesus Kristus. Ala naung madabu jolma i tu bagasan ni dosa, ndang adong be dalan ni jolma i laho mamintori dirina. Molo tung pe adong Patik ni Debata na dipasahat tu jolma i, ndang adong na tuk jolma singkop mangulahon i, ai tung so tarula jolma sude patik i. umbani marhite surat on diajarhon apostel Paulus asa mangolu dibagasan Tondi Parbadia, asa boi dohot hita mandapot haluaon na sian Debata i.

Dipatorang si Paulus dibindu 8 on taringot tu angka naung dipintori Debata naeng ma mangolu dibagasan habadiaon. Tutu, silehonon ni Debata do haluaon i, alai ingkon adong do respon (panjaloon) sian jolma i, i ma marhitehite na mangolu dibagasan habadiaon hombar tu lomo ni roha ni na mangalehon haluaon i, i ma Debata. Jala ndang sae holan porsea di tuhan i sambing, alai adong ma tanda haporseaon i, i ma magolu dibagasan habadiaon songon Ibana na badia i. ala asi do roha ni Debata tu hita jolma, jala dilehon haluaon i tu hita marhitehite Jesus na manaon silang i. ala ni do ingkon rap mate hita dohot Jesus dihau pinorsilang i, ala na hehe do Ibana, jala hita pe dohot dipahehe di bagasan mudarNa na durus di hau pinorsilang i, na naeng ma saor tu roha nang ngolunta, asa gabe sanghambona ma hita dohot Ibana (Rom.6:1-5).

Turpuk on ima poda ni Ap. Paulus na marhadomuan tu “parange”. Disosohon asa marparange mangadop tu Tondi ma ganup angka na porsea, jala dipaholang ma parange na mangadop tu daging. Somalna “parange” i marojahan do i tu “hadirionna” (parrohaonna) jala hadirion i mangihut tu “status”, jala status i marhadomuan do i tu pamilliton dohot panjouon ni Debata, tadok ma i tu haporseaonna. Di sude pardalanan ni ngolu on mansai ringkot jala dihaporluhon do parange na denggan. Sude jolma, sude keluarga, sude punguan, nang di huria, di agama dohot di negara pe diharingkothon do adong parange na denggan i manang didok ma i moral dohot etika.

Di bagasan turpuk on dihatahon Ap. Paulus do na mardomu tu parange. Adong dua bentuk ni parange i na ringkot sitangkasanta, ima: Parange na mangadop tu daging: Ap. Paulus, ia parange na mangadop tu daging, ima parange na marguru tu daging, manang parulaon ni pamatang, na manghorhon tu hamatean. Parange sisongon ima na nirajaan ni tondi hatoban na mamboan jolma i gabe mangolu di bagasan biar. Mansai tangkas do dihatahon Ap. Paulus taringot tu parulaon ni daging molo tajaha di Galatia. 5:19-21. Parange na mangadop tu Tondi: Mangihuthon Ap. Paulus, ia parange na mangadop tu Tondi ima parange na mamboan ganup na porsea tu hangoluan, gabe anak ni Debata, patauhon manjou Debata gabe amang, dohot panean di harajaon ni Debata.

Alani angka na porsea na ingkon do mangolu dibagasan haundukon tu patik ni Debata, mangaradoti na hinalomohon ni roha ni Debata, alai pasidinghononna ma  na maralo tu lomo ni roha ni Debata. Dipatudu parange i do ngolu na dipaimbaru Tondi, ndang dos parange ni halak na mangolu dibagasan Kristus dohot halak na so mangolu dibagasan Kristus, ima na mangoloi hagiot ni daging sambing, gabe manghorhon dosa dohot hamagoan. Ia  masa pe hadosaon ndada holan ala ni elaela ni portibion manang na manghaliangi hita, alai taloas do hadosaon i manghamudihon ngolunta on. hamusuon dompak Debata do na marharoan daging ala ndang unduk i tu patik ni Debata (ay.6-8). alai ngolu na ginomgoman ni Tondi  ni Debata i ma na marparbuehon parbue na tama, parbue ni Tondi “Gal.5:22“.

Turpuk Jamita on, tongon tu Parningotan Pentakosta II dohot topik: Dipaimbaru Marhite Tondi Parbadia. Molo dipaimbaru Tondi Parbadia hita,  tutu ingkon imbaru jala marasing ma nang ulaonta. Dipaimbaru marhite Tondi Parbadia ma ganup hita, dipalua hita sian harohaon ni daging. Ala ni i, dipasahat apostel Paulus do asa huria i, unang be mangolu marharohaon daging na mamboan tu hamagoan, alai marharoahon Tondi ma, ala i do ngolu na hombar tu lomo ni roha ni Debata, na marparbuehon dame na sumurung. Ido umbahen di dok asa jalahanta angka na diginjang i, di si do Kristus (Kol.3:1,2). Di ingot jala diajari Tondi i do ngolu ni angka na porsea i asa tongtong marpanatap tu Tuhan Jesus Kristus (Joh.14:26; 15:26). Asa madapot haluaon dohot pasupasu na so murung sian Debata hita. Ai marhite Tondi ni Debata, dilehon do tu hita bisuk dohot gogo laho mangantusi jala mangadopi saluhut angka na masa dingolu on.

Antong, rade do hita mamungka di tingki on mangolu di bagasan Tondi? Angka na rade mangolu di bagasan Tondi, i ma na rade mangalehon roha nang dirina digohi hata ni Debata. Jala mangolu dibagasan Tondi, i ma ngolu di bagasan lomo ni roha ni Kristus (6-11). Nang pe adong hagaleon ni jolma i, alai molo marhite Tondi i, dipasingkop do angka hagaleonta i. Diurupi jala dipargogoi Tondi i do nang ngolunta, dilehon do dingolunta hadameon (ay.6) dohot hahisaron mandalani ariari ni ngolunta. Jala Tondi ni Debata i donang na manungguli roha dohot pambahenanta asa mar haimbaruon, na marlapatan manalpuhon ngolu na buruk gabe marhangoluan na imbaru. Paubahon angka hajahaton tu hadengganon. Pangalaosi gabe pangoloi tu Debata.  Sadari on ta pestahon do ari Pentakosta paduahon, anggiat ma dipaimbaru Tondi i nang ngolunta marhite di na tapaumbuk ngolunta on tu Debata, jala tapaombar ulaonta tu lomo ni rohaNa. Tajalo jala taihuthon ma Tondi na mangamudihon ngolunta on, paluaonNa ma hita sian gomgoman ni dosa jala togihononNa ma hita tu hangoluan na dibagasan Jesus Kristus, i a haluaon i. Amin