Khotbah Markus 3: 20-35 Jangan Menghujat Roh Kudus

 Minggu 1 Set. Trinitatis; 06 Juni 2021

3:20 Kemudian Yesus masuk ke sebuah rumah. Maka datanglah orang banyak berkerumun pula, sehingga makan pun mereka tidak dapat.

3:21 Waktu kaum keluarga-Nya mendengar hal itu, mereka datang hendak mengambil Dia, sebab kata mereka Ia tidak waras lagi.

3:22 Dan ahli-ahli Taurat yang datang dari Yerusalem berkata: "Ia kerasukan Beelzebul," dan: "Dengan penghulu setan Ia mengusir setan."

3:23 Yesus memanggil mereka, lalu berkata kepada mereka dalam perumpamaan: "Bagaimana Iblis dapat mengusir Iblis?

3:24 Kalau suatu kerajaan terpecah-pecah, kerajaan itu tidak dapat bertahan,

3:25 dan jika suatu rumah tangga terpecah-pecah, rumah tangga itu tidak dapat bertahan.

3:26 Demikianlah juga kalau Iblis berontak melawan dirinya sendiri dan kalau ia terbagi-bagi, ia tidak dapat bertahan, melainkan sudahlah tiba kesudahannya.

3:27 Tetapi tidak seorang pun dapat memasuki rumah seorang yang kuat untuk merampas harta bendanya apabila tidak diikatnya dahulu orang kuat itu. Sesudah itu barulah dapat ia merampok rumah itu.

3:28 Aku berkata kepadamu: Sesungguhnya semua dosa dan hujat anak-anak manusia akan diampuni, ya, semua hujat yang mereka ucapkan.

3:29 Tetapi apabila seorang menghujat Roh Kudus, ia tidak mendapat ampun selama-lamanya, melainkan bersalah karena berbuat dosa kekal."

3:30 Ia berkata demikian karena mereka katakan bahwa Ia kerasukan roh jahat.

3:31 Lalu datanglah ibu dan saudara-saudara Yesus. Sementara mereka berdiri di luar, mereka menyuruh orang memanggil Dia.

3:32 Ada orang banyak duduk mengelilingi Dia, mereka berkata kepada-Nya: "Lihat, ibu dan saudara-saudara-Mu ada di luar, dan berusaha menemui Engkau."

3:33 Jawab Yesus kepada mereka: "Siapa ibu-Ku dan siapa saudara-saudara-Ku?"

3:34 Ia melihat kepada orang-orang yang duduk di sekeliling-Nya itu dan berkata: "Ini ibu-Ku dan saudara-saudara-Ku!

3:35 Barangsiapa melakukan kehendak Allah, dialah saudara-Ku laki-laki, dialah saudara-Ku perempuan, dialah ibu-Ku."

3:20 Dung i muli ma Ibana, gabe rongom muse ro natorop i, pola sundat nasida mangan.

3:21 Jadi umbege i angka sisolhotna, ro ma nasida mangalap Ibana, ai ninna nasida do: Na rintik do Ibana.

3:22 Ia angka sibotosurat, naung tuat sian huta Jerusalem, didok do: Na sibolison do Ibana, jala induk ni angka sibolis i do dipangasahon, laho pabalihon angka sibolis.

3:23 Jadi dijou ma nasida tu jolona, marumpama ma Ibana mandok tu nasida: Tagamon ma pabalion ni sibolis i donganna sibolis?

3:24 Ai molo marsalisi sada harajaon sama dirina, ndang na hot harajaon i.

3:25 Jala molo marsalisi dongan sabagas sama nasida, ndang na hot na sabagas i.

3:26 Asa molo hehe sibolis i mangalo dirina jala marsalisi sama ibana, ndang tarbahen hot be ibana, na laho suda nama.

3:27 Ndang habongotan halak jabu ni ulubalang, laho mangarampas ugasanna, anggo so jumolo diihoti ulubalang i; dung pe i, asa tarbuatsa ugasanna.

3:28 Situtu do hatangkon: Tarsesa pe nasa dosa ni angka jolma ro di nasa ragam ni panginsahionnasida na dompak Debata;

3:29 anggo na mangaleai Tondi Parbadia i, ndang dapotsa hasesaan ni i nang di tingki sogot; parutang dosa sisalelenglelengna nama ibana.

3:30 Ala didok nasida: Partondi na hodar do Ibana.

3:31 Dung i ro ma inana dohot angka anggina, jadi di ruar nama nasida jongjong, gabe disuru ma na manjou Ibana.

3:32 Na hundul do natorop i humaliang Ibana, gabe didok ma: Di alaman an do inangmu dohot angka anggim ro di angka ibotom; diusoi do Ho!

3:33 Alai ninna ma mangalusi nasida: Ise do goaron dainang, jala ise do dohonon angka anggingku?

3:34 Jala dibereng ma angka na hundul humaliang Ibana, ninna ma: Angka on do dainang dohot angka anggingku!

3:35 Ai na mangulahon lomo ni roha ni Debata, i do anggingku, i do ibotongku, i do dainang!

Marragam do angka tantangan na diadopi Tuhan Jesus di saluhut angka panghobasion naniulaNa di na laho pararathon Barita Nauli ima Barita Haluaon, papatarhon Huaso dohot HagogoonNa huhut patupahon halongangan na patuduhon habalgaon ni hasangaponNa. Tantangan i jotjot ro sian angka halak na di humaliangNa na mabiar marnida saluhut pambahenanNa (siboto surat) jala ro do muse tantangan i sian sisolhotna (ay 21: Na rintik do Ibana). Marragam do dipatupa angka sibotosurat di na laho mangunjuni Jesus termasuk ma i patubu barita na so sintong ima na jumpangta di turpuk on: dipabali Tuhan Jesus sibolis marhite pangulu ni sibolis(ay 23). Dialusi Tuhan Jesus ma alualu i marhite sada umpama na diuduti dohot pangajarion taringot tu dosa na mangaleai Tondi Parbadia.

Di na laho  mangadopi alualu/barita na so sintong i dipatuduhon Jesus ma tu nasida sada umpama ima molo marsalisi sada harajaon manang sada bagas tontu sahali ndang hot harajaon nang bagas i. Lapatanna, molo sibolis do dipangke Tuhan Jesus pabalihon sibolis, nda gabe sega ma harajaon ni sibolis i? Alani i ndang sintong barita na nidok ni nasida i. Didok sibotosurat pe i asa lam moru do na mangihuthon Tuhan Jesus jala ndang gabe tersingkir be pangajarion ni sibotosurat di tingki i. Ai dihatindanghon nasida do si Beelsebul induk ni angka sibolis do dipangasahon Ibana laho pabalihon angka tondi na hodar i. Dibahen pe barita sisongon i ala dianggap nasida ia Jesus ndang sarombang dohot hasomalan (tradisi) Patik Musa jala na maralo tu sangkap nasida disarupahon ma i tu halak na marsaroha di ulaon sihabolison (Beelsebul) na maralo tu Debata. Alani i do diajarhon Jesus tu nasida umpama i, ndang hot harajaon molo marsalisi sama dirina, ndang hot na sabagas molo marsalisi dongan na sabagas, jala na laho salpu do sibolis i molo marsalisi sama ibana. Sian pandohan on boi dapotta pangantusion na umbagas di hangoluonta siganup ari ima di sude ulaon, di sude ari, di tonga ni bagas asa unang olo hita marsalisi asa unang mago hita. Godang taadopi angka hamaolon di siganup ari on alai molo boi do tarajai roha dohot pingkiranta asa unang marsalisi hita ra ndang mura be hita dielaela sibolis. Tarlumobi molo boi hita mardame dohot dirinta jala sai taihuthon pangajarion ni Tuhan Jesus, dapotta ma hasonangan na manongtong di bagasan Tuhanta. Masipataluan roha, masianjuan, masiargaan, masihaholongan i do dalan laho padimundimun hasadaon ni huria songon pamatang ni Kristus. Marragam do hita angka ruasna, marragam pangalahonta, marragam nang angka parangenta, alai ala rap pamatang ni Kristus do hita ingkon holong do pangkeonta di tonga ni huria i asa unang masa parbolatbolatan, asa unang marsalisi hita sama hita.

Na mangaleai Tondi Parbadia i, ndang dapotsa hasesaan ni i nang di tingki sogot. Mansai tahaporseai do ia Debata parasiroha, parholong roha jala na lambat tarrimas na olo manesa sude dosanta, hape di ay.29 didok parutang dosa sisalelenglelengna do na mangaleai Tondi Parbadia. Mansai koras do pandohan on jala tung mansai maol antusan. Ia sibonsiri ni hata na koras on ima alualu ni sibotosurat na mandok sibolis dibahen Jesus pabalihon sibolis jala didok nasida muse di ay 30: Partondi na hodar do Ibana. Sasintongna songon induk manang sintua di ngolu ni parugamoon  angka sibotosurat, ingkon nasida do na patandahon ulaon ni Tondi Parbadia hape on gabe nasida do na manihai. Alani i, dipasingot Tuhan Jesus ma nasida marhite sipasingot na mansai koras. Pandohan on naeng paingothon nasida asa unang be sai didatdati nasida alualu nasida i, asa muba nasida, asa unang gabe madabu nasida tu dosa na mangaleai Tondi Parbadia. Antong songon dia do pangalaho ni na manihai Tondi Parbadia? Di Heber 6:4-6 na dirajumi manihai Tondi Parbadia ima angka naung dipatiur jala naung partohap di haluaon alai gabe marbalik jala ndang adong panolsolion. Holan angka naung tangkas mananda jala mandai hasintongan dungi ditadinghon so mardongan panolsolion ido na digoari mangaleai Tondi Parbadia.

Taringotanta ma angka ise do goaron hahaanggi ni Tuhan Jesus? Didok: Ai na mangulahon lomo ni roha ni Debata, i do anggingku, i do ibotongku, i do dainang. Ndang na gabe mandok diparsoada Tuhan Jesus keluargaNa. Ala tangkas do taboto dioloi Tuhan Jesus do parsuruon ni InaNa si Maria di pesta marbagas na di huta Kana (Joh. 2: 3-5), jala dipasahat Tuhan Jesus do inaNa tu angka siseanNa uju di hau pinarsilang Ibana (Joh. 19: 26-27). Ayat 35 on ima pangajarion tu situan natorop nang tu ganup halak Kristen paboa sisada keluarga do sude angka siula lomo ni roha ni Debata. Mansai arga situtu do ayat on, anggiat huriaNa tongtong marojahan di bagasan holong, huria na gabe songon bagas ni Debata anggiat dipargogoi Tondi Parbadia gabe siulahon hata ni Debata, huria ndang na ala ni mudar (partuturon, tarombo, samarga) manang sibuk (na mangharingkothon haportibion). Asing ni parmudaron, adong do kekeluargaan na umbidang di halak na porsea tu Tuhan Jesus. Dijamitahon Tuhan Jesus tu natorop i nang tu sisolhotna (inaNa nang hahaanggiNa) partalian na imbaru, ima partalian na niihot ni tondi-partondion dohot roha parbagasan, ndang partalian sibuk parduru na otomatis. Ai molo siala ni mudar dohot sibuk, partalian na otomatis do i, ido umbahen didok:”Tampulon aek do na marsabutuha”. Tung mansai tangkas do dijamitahon Ibana, ganup halak molo naeng solhot tu Ibana, ingkon do masuk tu partalian na imbaru ima na mangulahon lomo ni roha ni Debata. Asa boi tarulahon hita lomo ni roha ni Debata, tapangido ma pangajarion sian Tondi Parbadia, na mangurupi, mangondihon jala na mangajarhon hasintongan dohot hapintoron tu hita na hombar tu lomo ni roha ni Tuhanta. Sude do hita tarjou mangulahon lomo ni roha ni Debata jala manghilalahon na marhahamaranggi do hita saluhutna. Molo marhahamaranggi do hita, unang be olo hita dibolabola sibolis.