Khotbah 2 Samuel 1: 17-27 Kasih Persaudaraan

 Minggu 4 Set. Trinitatis; 27 Juni 2021

1:17 Daud menyanyikan nyanyian ratapan ini karena Saul dan Yonatan, anaknya,

1:18 dan ia memberi perintah untuk mengajarkan nyanyian ini kepada bani Yehuda; itu ada tertulis dalam Kitab Orang Jujur.

1:19 Kepermaianmu, hai Israel, mati terbunuh di bukit-bukitmu! Betapa gugur para pahlawan!

1:20 Janganlah kabarkan itu di Gat, janganlah beritakan itu di lorong-lorong Askelon, supaya jangan bersukacita anak-anak perempuan orang Filistin, supaya jangan beria-ria anak-anak perempuan orang-orang yang tidak bersunat!

1:21 Hai gunung-gunung di Gilboa! jangan ada embun, jangan ada hujan di atas kamu, hai padang-padang pembawa kematian! Sebab di sanalah perisai para pahlawan dilumuri, perisai Saul yang tidak diurapi dengan minyak.

1:22 Tanpa darah orang-orang yang mati terbunuh dan tanpa lemak para pahlawan panah Yonatan tidak pernah berpaling pulang, dan pedang Saul tidak kembali dengan hampa.

1:23 Saul dan Yonatan, orang-orang yang dicintai dan yang ramah, dalam hidup dan matinya tidak terpisah. Mereka lebih cepat dari burung rajawali, mereka lebih kuat dari singa.

1:24 Hai anak-anak perempuan Israel, menangislah karena Saul, yang mendandani kamu dengan pakaian mewah dari kain kirmizi, yang menyematkan perhiasan emas pada pakaianmu.

1:25 Betapa gugur para pahlawan di tengah-tengah pertempuran! Yonatan mati terbunuh di bukit-bukitmu.

1:26 Merasa susah aku karena engkau, saudaraku Yonatan, engkau sangat ramah kepadaku; bagiku cintamu lebih ajaib dari pada cinta perempuan.

1:27 Betapa gugur para pahlawan dan musnah senjata-senjata perang!

Kitab 2 (1) Samuel (nang sian kitab Josua sahat tu kitab Samuel) didok do buku panurirang na parjolo (Bibel Ibrani) manang buku Sejarah (Bibel Yunani). Khusus kitab 1 & 2 Samuel patuduhon sejarah perhusoran bangso Israel sian zaman Panguhum bongot tu zaman Rajaraja. Si Samuel ma panguhum parpudi, laos ibana panurirang parjolo, na mamiahi Saul gabe raja parjolo dung gabe berbentuk Kerajaan bangso i (1Sam. 9). Secara khusus turpuk on, manaringoti hamamate si Saul, nang songon i dohot angka anakkonna (1Sam. 31). Sahat ma barita hamamate i tu si Daud, na tongon di Ziklag, dibaritahon sahalak parangan ni si Saul (2Sam. 1:1-16). Dung i, pangalaho masa dung sahat barita hamamate i tu si Daud, i do isi ni turpukta on. Tangis ma si Daud. Mangandung ibana mardongan ende, ala parmate ni si Saul, dohot si Jonatan, anakna, i ma aleale ni si Daud. Boasa pola ditangisi si Daud i ma si Saul disi? Nda si Saul do na marsangkap naeng pamatehon si Daud? Alani hosomna, nang ala ni late ni rohana marnida si Daud, naeng agohonna hosana ro di marpiga hali? Ragam dibahen si Saul tahi na jahat tu si Daud, alai malua do ibana, ala pandonganion ni Jahowa. Molo tung naeng balas dendam si Daud, boi do, boi do agoon ni si Daud hosa ni si Saul hatop, holan on, ndang olo ibana. Sahali di halongonan Engedi, di sada liang, sanga do diseat jala dibuat si Daud suhisuhi ulos na pinangke si Saul, hatiha buang hajat (1Sam. 24 ). Paduahon di halongonan Sip, di atas robean Hakila, hatiha modom si Saul, didapot si Daud (1Sam. 26). Dua hali kesempatan na lapang di si Daud laho pamatehon si Saul, alai tung so olo do ibana. Boasa? Ala naposo ni Debata si Saul, na miniahan ni Debata (ida 1Sam. 24:7; 1Sam. 26:9-11).

Dibagasan pangantusion sisongon i ma si Daud mangalapati parmate ni si Saul, tuanna i. Tung posa do tutu ujung ni ngolu si Saul, pola dilotongi angka parangan ni Palistim si Saul dohot angka anakkonna. Ditumpar nasida do si Saul, pola targisik bugangna. Ala ni bernitna, dibuat si Saul ma podangna laos maninggangkon dirina tusi, mate ma ibana. Ndang sae holan disi, ditipul nasida do muse uluna. Parirna i tutu. Tumatangis do si Daud, disansani pangkeanna sandiri, dohot angka baoa na rap dohot ibana. Marpuasa ma nasida. Digorga si Daud ma sada ende andung taringot tu sior, pola disurat di bagasan pustaha ni halak na bonar (ida konteks Jos. 10:13). Jala ende on diparentahon ibana do ingkon ajarhononhon tu sude halak Juda (ay. 17-18). Sikap manang pangalaho ni si Daud on mamungka pangantusion na imbaru maradophon sude angka na mangihuthon ibana, maradu sude tahe halak Israel, asa manang na songon dia pe kepribadian sahalak Raja, siuluhon nasida, ingkon do tongtong  pasangaphononhon, dalan laho berempati  di nasa na uli na denggan naung diulahon Raja i saleleng mamarenta ibana. Tarlumobi, ala naposo ni Debata do Raja i, na miniahan ni Debata.

Ende andung i cukup puitis, bersifat informatif¸ ala ditaringoti inganan nang partingkian hinatos ni si Saul dohot si Jonatan. Mamungka sian ay. 19 ende i, dijouhon si Daud mandok Israel, paboa hamuliaonna nunga tung sernep, ala nunga mate tartullang, magopo nang angka ulubalangna. Ende on martudutudu tu Raja Saul, na miniahan ni Debata, alai nunga mate, dibahen halak Palistim. Sada barita hailaan do i, sasintongna, dibahen i, molo tung tarbahen, unang ma nian sar barita i di Gat, nang di angka alaman ni Askelon, markas ni Palistim. Asa boha? Asa unang marlas ni roha nasida, manghalashon hataluan ni Israel (ay. 20). Asa unang tung balga situtu ulu nasida mangarehei, ala monang maralohon bangso ni Jahowa, Debata na tarbarita na sun Hinagogo i. Ditaringoti muse dolok Gilboa, i ma dolok inganan partos ni si Saul dohot angka anakkonna. Ala disi durus mudar ni si Saul, ditangianghon si Daud asa unang be adong nambur manang udan menetek tu tano manang hauma na disini.

Nuaeng, di jolonasida, lumobi di si Daud, tinggal bangke na ma naeng tagamonnasida. Dijou si Daud do nian tuanna i, si Saul, dohot alealena i, alai ndang olo ro, ndang mangolu be. Panjouon boti na ma i, paboa holong ni rohana, ai hasudungan ni rohana situtu do na tinangishonna i (ay. 23). Asa ndada holan ibana na tumatangis, ihut do angka donganna, dohot sandok tahe boru (halak) Israel, tarlumobi di na sanga manghilala na diulushon Raja Saul i ma ulos surta tu pamatangnasida, na mambahen pangkeannasida marjagarjagar sian sere (ay. 24). Lam suda ma ilu ni si Daud dung mangandung taringot tu si Jonatan, alealena situtu. Dietong ibana na ma si Jonatan i ma anggina. Marsak situtu rohana, pola sahat tu na dipasarisari ibana sada tanda di panadingna i.  Dihatindangkon si Daud do, ia lomoan do rohana mida holong ni si Jonatan tu ibana, sian holong ni roha ni angka parompuan (ay. 25-26). Ndang hinata, ala holong ni roha si Jonatan tu si Daud, gabe malua si Daud sian parmaraan na binahen ni si Saul hian tu ibana. Na tuani do adong si Jonatan, siparholong i, gariada sahat tu na bersumpah ibana marhitehite Goar ni Jahowa, laho paluahon si Daud sian tahi na jahat sian amana, si Saul (1Sam. 19-20). Tontu nuaeng, diingot si Daud ma padan naung dipajongjongna dohot na hinaholonganna i. Na ni ingotna angka kenangan i, nda lam tariluilu ibana? Huhut diandunghon ibana hata parpudi dibagasan ende i: ‘Magopona i! Tung marragean angka ulubalang jala mago angka parhohas tu hamusuon’(ay. 27).

Tangkas do idaonta holong ni si Daud dompak si Saul dohot si Jonatan. Sada ciri khas do i di zaman Padan na Robi, molo pola adong sahalak Raja manansani pangkeanna sandiri, dung i marpuasa marpiga ari, didongani angka siihuthon ibana, nang luhutan bangsona, i ma ala parmate ni sasahalak, berarti andul sumurung do na mate i di rohana. Lapatanna: Holong situtu do Raja i tu na mate i. Paduahon, tanda holong si Daud tu na hinaholonganna i, i ma menciptakan sada ende, secara khusus isi ni ende i manaringoti sihaholonganna i. Ende i, i ma mengekpresikan perasaan – jiwa ni si Daud, na tumatangis, huhut mangandung, ala ni bernit na tinaonna i. Adong dope na patoluhon, i ma tanda na andul sumurung sian sude tanda ni holongna, i ma tarsurat di 2 SAMUEL 9:1-13. I ma na diboan si Daud (dung gabe Raja Israel Raya) si Mepiboset, anak ni si Jonatan, pahompu ni si Saul, sahalak na pangpang patna duansa, mian di istana raja. Gabe sapanganan ma si Mepiboset dohot si Daud, jala nietong ma ibana sada sian angka anak ni Raja i. Luar biasa do kan, holong i? Ala dihangoluhon si Daud do asi ni roha na sian Debata laho manghaholongi si Saul, Jonatan dohot si Mepiboset.

‘Songon holong ni si Daud’, i do na tongtong pinangido sian hita, siihuthon Kristus, Tuhanta i. Ala dihangoluhon si Daud do holong na sian asi ni roha ni Debata umbahen tarbahen ibana manghaholongi si Saul! Molo marningot parange ni si Saul tu si Daud uju ni ngoluna, so i na ma, hamatean si Daud do disangkapi. Ndang tartuhuk si Daud i laho manghaholongi si Saul molo tung sian hadirionna sambing. Alai ala dipasahat si Daud do dirina, hadirionna tu Debata Jahowa, dipasiat Jahowa ma roha ni si Daud, laho manghaholongi si Saul. Boi do naeng goaronta holong ni si Daud i, songon na nidok ni Jesus di MATEUS 5:44: ‘Manghaholongi musu’? I do tutu. Holong na niantusan halak Kristen bukanlah kasih yang biasa, yang dikenal dunia ini. Apa itu: ‘Kasihilah sesamamu manusia (tetapi), dan bencilah musuhmu’ (Mat. 5:43). Molo songon i dope hita, dos do pangalahonta i dohot halak na so mananda holong. Ai i do umbahen didok Jesus: ‘Ai molo holong rohamuna holan di angka na mangkaholongi hamu, dia ma upamuna? Gari angka sijalobeo, nda songon i do dibahen? Dia do hasurunganmuna, molo denggan hatamuna holan tu angka donganmuna? Gari angka sipelebegu, nda songon i do dibahen?’ (Mat. 5:46-47). Hasurungan ni hita halak Kristen, i ma ala tahaholongi do musunta (Mat. 5:44). Talehon mangan nasida hatiha male, jala talehon minum hatiha mauas, songon pandok ni si Paulus di ROM 12:20. Sahalina i, holong na sian asi ni roha ni Debata ma tabahen laho manghaholongi, asa: ‘na so mungkin disura rohanta, mungkin jala tupa do i di bagasan Tuhanta’ (Luk. 1:37).