Khotbah Efesus 2: 11-22 Kesatuan dan Damai Dalam Tuhan

 Minggu 7 Set. Trinitatis; 18 Juli 2021

2:11 Karena itu ingatlah, bahwa dahulu kamu -- sebagai orang-orang bukan Yahudi menurut daging, yang disebut orang-orang tak bersunat oleh mereka yang menamakan dirinya "sunat", yaitu sunat lahiriah yang dikerjakan oleh tangan manusia, --

2:12 bahwa waktu itu kamu tanpa Kristus, tidak termasuk kewargaan Israel dan tidak mendapat bagian dalam ketentuan-ketentuan yang dijanjikan, tanpa pengharapan dan tanpa Allah di dalam dunia.

2:13 Tetapi sekarang di dalam Kristus Yesus kamu, yang dahulu "jauh", sudah menjadi "dekat" oleh darah Kristus.

2:14 Karena Dialah damai sejahtera kita, yang telah mempersatukan kedua pihak dan yang telah merubuhkan tembok pemisah, yaitu perseteruan,

2:15 sebab dengan mati-Nya sebagai manusia Ia telah membatalkan hukum Taurat dengan segala perintah dan ketentuannya, untuk menciptakan keduanya menjadi satu manusia baru di dalam diri-Nya, dan dengan itu mengadakan damai sejahtera,

2:16 dan untuk memperdamaikan keduanya, di dalam satu tubuh, dengan Allah oleh salib, dengan melenyapkan perseteruan pada salib itu.

2:17 Ia datang dan memberitakan damai sejahtera kepada kamu yang "jauh" dan damai sejahtera kepada mereka yang "dekat",

2:18 karena oleh Dia kita kedua pihak dalam satu Roh beroleh jalan masuk kepada Bapa.

2:19 Demikianlah kamu bukan lagi orang asing dan pendatang, melainkan kawan sewarga dari orang-orang kudus dan anggota-anggota keluarga Allah,

2:20 yang dibangun di atas dasar para rasul dan para nabi, dengan Kristus Yesus sebagai batu penjuru.

2:21 Di dalam Dia tumbuh seluruh bangunan, rapi tersusun, menjadi bait Allah yang kudus, di dalam Tuhan.

2:22 Di dalam Dia kamu juga turut dibangunkan menjadi tempat kediaman Allah, di dalam Roh.

 Adong do peribahasan na mandok: bersatu kita teguh, bercerai kita runtuh. Manang di halak Batak adong do pandohan, aek godang aek laut, dos ni roha sibahen na saut, manang sada ma dainan songon aek, unang dua songon tuak. Marhite pandohan ni, boi dohonon mansai ringkot hasadaon di tonga-tonga ni parpunguan nang huria ala manghorhon hadengganon do i. Alai memang molo tapaihutihut angka na masa, sai adong do pe angka pamolamola na manegai hasadaon i, songon na masa di turpuk jamita sadari on.

Mansai ketat do halak Jahudi maniop tradisi adat istiadat nasida jala holan mementingkan kelompokna sandiri. Gabe maol ma bangso na asing marsaor dohot halak Jahudi di huria i, ala adong dope parbolatbolaton di huria i hape nunga gabe rap halak Kristen nasida. Merasa diri tumimbo do halak Jahudi sian bangso na asing, didok “halak na manjalo parsunaton do nasida”, alai ndang anggo bangso na asing. Gabe hambatan na mansai balga do i di hasadaon ni huria diida apostel Paulus. Dihaporseai halak Jahudi adong dorpi parholangan (tembok pemisah) bangso na asing dohot Debata, didok nasida: “Ndang parjambar di Kristus hamu uji, dibalian ni harajaon Israel do hamu, jala ndang taruli di angka parpadanan bagabaga; soada sihirimon jala soada Debata di hamu di tano on (ay. 12). Bangso na so Jahudi didok “dao” (ay. 13;17) alai halak Jahudi “jonok”. Di padan na Robi disurathon do jonok do bangso Jahudi tu Debata ala tu nasida dipasahat Debata angka uhumNa. Nang pe adong pemisah ni bangso Jahudi dohot Debata, alai umbalga do tembok pemisah bangso na so Jahudi tu Debata. Mansai timbo do dorpi parholangan i halak Jahudi dohot na so Jahudi, gariada di Mateus 15: 2 dipatudos do nasida na so Jahudi songon “panangga”. Alani do nang di bagas joro ni halak Jahudi adong do dorpi parholangan (tembok pemisah) timbona 135 cm (3 hasta), na membatasi halak Jahudi dohot na so Jahudi naung tardidi tu “Baptisan Proselit” (pandidion gabe masuk tu ugamo Jahudi.

Antong boasa ditaringoti apostel Paulus dorpi parholangan di turpuk on? Ndang na mandok sipanolopi apostek Paulus di tradisi ni halak Jahudi i. Ditaringoti apostel pe i asa tongtong do diingot ruas ni huria Epesus ngolu nasida na jolo andorang so mananda Kristus dope, asa tongtong marserep ni roha nasida jala tongtong marningot asi ni roha ni Debata tu nasida. Disituasi na songon i diajarhon apostel Paulus do konsep hasadaon. Molo naeng berkembang panghobasion di huria ingkon marsada do huria, alai ingkon jelas do hasadaon na songon dia, asa unang gabe manghorhon mara. Ingkon hasadaon na sintong na hombar tu hata ni Debata. Unang hasadaon na semu, sada idaon sian luar alai godang angka kepentingan pribadi di bagasan. Berbahaya do hasadaon na songon i, ndang gabe tu hadengganon di huria alai holan pajongjonghon hasadaon di duru sambing ndang hasadaon na manongtong. Alai marhite hamamate ni Kristus i do na pasadahon halak Jahudi dohot na so Jahudi, gabe dibagasan Kristus Jesus do sude bangso dipasada marhite mudarNa. Jala Kristus do na padamehon dung dipasada Ibana bangso Jahudi dohot bangso na asing. Ai ditangtangi (dihancurkan) mudar ni Kristus do dorpi parholangan i, i ma hamusuon ni halak Jahudi dohot na so Jahudi (ay. 13-14). Dipadenggan Kristus parsaoran ni halak Jahudi dohot bangso na asing marhite silang ni Kristus naung mamusa hamusuon (ay. 15-16). Alani ndang adong be dorpi parholangan ni halak Jahudi dohot na so Jahudi dung mananda Kristus nasida. Ala sude bangso naung porsea di Tuhan Jesus nunga ditompa gabe jolma na imbaru na marsada jala mardame dibagasan Kristus. Nang pe marasing budaya, bahasa, alai unang be masihosoman jala masilatean. Dame na sian Kristus i do na manjou angka na jonok dohot angka na dao gabe marsada di bagasan Kristus. Ndang adong be bangso na merasa tumimbo sian bangso na asing, Jahudi nang so Jahudi sarupa di jolo ni Debata, rap jolma na imbaru di bagasan Kristus.

Dosa i do sasintongna na manirang dohot mamolamola jolma sian donganna nang dohot Debata. Alai dung porsea jolma i tu Kristus disesa Debata angka dosanta, i ma dosa na patubuhon parbolatbolaton (tembok pemisah), dung disesa dosanta gabe jonok ma sude jolma tu Debata marhite Kristus. Sude tembok pemisah antara jolma dohot Debata nang tu donganna jolma na patubuhon parbolatbolaton nunga ditangtangi mudar ni Kristus. Lam jonok halak tu Kristus, sasintongna ingkon lam denggan do hubunganna tu dongan jolma. Lam dao hubunganna dohot Kristus, lam dao do hubunganna tu donganna jolma. Lapatanna hubunganta dohot donganta jolma ndang ditontuhon etnis, budaya, bahasa, alai ditontuhon mudar ni Kristus naung pasadahon sude halak Kristen di portbi on. Alai boasa sai adon halak Kristen na lomo rohana sai marbadai dohot donganna jolma? Boi dohonon sasintongna ala ndang denggan hubunganna dohot Debata, ai molo denggan do hubunganna dohot Debata, sasintongna denggan do hubunganna dohot donganna jolma. I do kuncina sasintongna, asa hubunganta dohot Debata do na mengendalikan hubunganta dohot dongan jolma. Nang pe sai dimusuhi halak hita alai molo denggan hubunganta dohot Debata, boi do dipauba Debata roha ni halak na sai mamusuhi hita gabe mardame dohot hita. Ai marhuaso do Debata paubahon roha ni jolma na jat gabe burju tu alona. Alani tugas jala tanggung jawab ni halak Kristen do mamboan hasadaon dohot dame di keluarga, huria nang masyarakat. Nang pe sai dijungkati halak hita, alai unang olo hita marmusu dompak manang ise pe, tajaga ma hasadaon dohot hadameon, asa unang tubu parbolatbolaton di keluargam huria nang masyarakat.

Dirinta do bagas joro ni Debata jala Kristus do batu parsuhi na gabe ojahan di hita songon bagas joro ni Debata. Kristus do na pasadahon jala pauliulihon hita songon bagas joro ni Debata, gabe marsada jala gabe mian hita di bagasan tondiNa (ay. 20-21). Dipauliuli Kristus hita marhite angka panurirang dohot apostel di huria na parjolo sahat tu tingki on marhite angka naposoNa. Holong ni Kristus do na mangarahut roha ni ganup halak Kristen gabe masihaholongan, gabe boi marsada jala mardame dohot sude jolma di portibi on. Antong nunga ditangtangi Kristus dorpi parholangan i, sai unang be adong halak na sai membangun tembok pemisah di ngoluna nang di bagasan rohana, ai rohanta on do bagas joro ni Kristus. Molo adong dope halak Kristen na membangun tembok pemisah dibagasan rohana (isarana: dendam, hosom, late, nang teal) tontu na manghorhon harugian tu dirina sandiri do ibana di si, ai gabe ndang boi dirina marsada manang mardame tu donganna jolma. Marhite mudar ni Kristus na durus di hau pinorsilang i, gabe dipauli parsaoran naung sanga sega i, asa lam tu dengganna parsaoran ni jolma i dohot Debata nang dohot donganna jolma. Asa tu si do hita dijou Tuhan Jesus di pardalanan ni ngolu on, i ma gabe halak sipardame dohot siboan dame. Ala hadameon na sian Jesus Kristus mamboan hasadaon sian na dao dohot na jonok na manghorhon las ni roha dohot sonang ni roha (pat. B.E No. 122).