Khotbah Filemon 1: 8-17 Hidup Sebagai Keluarga Allah

 Minggu 17 Set. Trinitatis; 26 September 2021

1:8 Karena itu, sekalipun di dalam Kristus aku mempunyai kebebasan penuh untuk memerintahkan kepadamu apa yang harus engkau lakukan,

1:9 tetapi mengingat kasihmu itu, lebih baik aku memintanya dari padamu. Aku, Paulus, yang sudah menjadi tua, lagipula sekarang dipenjarakan karena Kristus Yesus,

1:10 mengajukan permintaan kepadamu mengenai anakku yang kudapat selagi aku dalam penjara, yakni Onesimus

1:11 -- dahulu memang dia tidak berguna bagimu, tetapi sekarang sangat berguna baik bagimu maupun bagiku.

1:12 Dia kusuruh kembali kepadamu -- dia, yaitu buah hatiku --.

1:13 Sebenarnya aku mau menahan dia di sini sebagai gantimu untuk melayani aku selama aku dipenjarakan karena Injil,

1:14 tetapi tanpa persetujuanmu, aku tidak mau berbuat sesuatu, supaya yang baik itu jangan engkau lakukan seolah-olah dengan paksa, melainkan dengan sukarela.

1:15 Sebab mungkin karena itulah dia dipisahkan sejenak dari padamu, supaya engkau dapat menerimanya untuk selama-lamanya,

1:16 bukan lagi sebagai hamba, melainkan lebih dari pada hamba, yaitu sebagai saudara yang kekasih, bagiku sudah demikian, apalagi bagimu, baik secara manusia maupun di dalam Tuhan.

1:17 Kalau engkau menganggap aku temanmu seiman, terimalah dia seperti aku sendiri.

Tema  ni minggu jamita on: “Mangolu Songon Parripe (Keluarga) ni Debata”. Di paingot jamita on hita asa mangolu, marsaor songon keluarga na unduk tu Debata, di tongatonga ni keluarga marsadasada, di huria, dohot di masyarakat. Hombar tusi do sitangihononta sian turpuk jamita on. Surat Pilemon, ima surat pribadi ni Apostel Paulus tu si Pilemon laho mangelek si Pilemon asa di jangkon Onesimus, pangurupina hian mulak tu ibana. Songon halak Kristen si Pilemon di elek Apostel Paulus ibana manjangkon si Onesimus gabe anggina, sisolhotna. Marhite tema ni jamita on, “mangolu songon keluarga ni Debata (di bahasa Indonesia didok Ma tema jamita on “Hidup sebagai kelaurga Allah) ”. Tapatuduhon di parsaoranta di keluarganta, di huria dohot masyarakat, na keluarga ni Debata hita. 

Masihaholongan Ala ni Tuhan i. Mangihuton ayat 18-19, ditinggalhon si Onesimus si Pilemon, ala manangko ibana manang mangulahon naso denggan di bagas ni si Pilemon. Manang boha dalanna, ndang dipatorang songon dia parsahat ni si Onesimus tu Rom, pajumpang dohot Apostel Paulus di hurungan. Di na pajumpang Apostel Paulus dohot si Onesimus di hurungan, di paboa si Onesimus persoalanna di bagas ni si Pilemon. Alani i diajari, ditogutogu Apostel Paulus do si Onesimus gabe halak Kristen asa boi gabe marparange na denggan. Ala hamubaon ni roha ni si Onesimus diida apostel Paulus gabe dietong do si Onesimus gabe songon anakhonna, alani do asa didok ibana: anakkonna, na hutubuhon”. Dirajumi si Onesimus gabe anak partondion, ayat 9. Ala naung burju si Onesimus, disuru ibana mulak tu si Pilemon. Di elek si Paulus si Pilemon manjangkon si Onesimus. Na boi do nian si Paulus mamaksa si Pilemon manjalo si Onesimus, alai ala holong ni roha, songon anggi na hinaholonganna si Pilemon dielek ibana manjangkon si Onesimus.

     Asa ungkap roha ni si Pilemon manjangkon si Onesimus dipatorang si Paulus naung gabe sahalak na marguna si Onesimus, dung pajumpang si Paulus jala di ajari si Paulus ibana. Dung Kristen si Onesimus, nungga gabe halak na marguna ibana di si Paulus dohot di si Pilemon. Adong do nian sangkap ni si Paulus maniopi si Onesimus patureturehon ibana di Rom, alai ndang olo si Paulus maniopi si Onesimus, molo ndang ditolopi si Pilemon. Ala diboto adong persoalan ni si Onesimus tusi Pilemon, di paulak ibana tu si Pilemon, asa jolo mardenggan nasida. Di pangido si Paulus, asa si Pilemon mamutushon di jolona si Onesimus manang suruonna mangurupi si Paulus. Di suru apostel Paulus si Onesimus mulak tu si Pilemon asa di parhatopot si Onesimus hahuranganna jala mardame ibana tu si Pilemon. Sada na arga na boi siidaonta sian surat ni Apostel Paulus on, nang pe “marhutang budi” si Pilemon tu Apostel Paulus ala Apostel Paulus do na manogunogu ibana mananda Kristus, ndang didosak manang di paksa Apostel Paulus si Pilemon di pangidoannai. Boi do si Paulus mamaksa si Pilemon? Molo tajaha di ayat 8: didok “boi”. (Bibel, “mangarodihon”; Alkitab “memerintah”) alai ndang i di ula Apostel Paulus sisongon i. Ndang di pangke ibana “haboionnai”. Antong, boha do di bahen Apostel Paulus. Tajaha ma ayat 9 “Alai ala ni holong ni roha i, tagonan ma ahu mangelekelek ........”. Singkat ni na mangarodihon, mamaksa, mamarenta, justru gabe mangelek do apsotel Paulus marhite pandohan “mangelekelek nionjar  ni holong ni roha. Ndang dipangasahon Apostel Paulus na binahenna, baliksa mangula dibagasan holong do ibana rade ibana mangelekelek. Di ulahi ibana do muse mamangke hata “mengelekelek” di ayat 10. Pola dua hali didok ibana “mangelekelek” maradophon si Pilemon, patududuhon parsitutuonna jala sian nasa rohana do ibana mangeleelek.

       Boha hita dihajolmaonta, di pardangingonta, tung mansai jotjot manogihon hita mangetongetong naung tabahen, tapaksa ma jolma mambahen na denggan tu hita ala nunga tabahen na denggan tu nasida. Ndang olo hita mangelekelek ala tajujur angka naung tabahen. Molo songon i do hita ndang apala mangolu dope holong ni roha di hita. Molo sintong mangolu holong ni roha di hita songon na di Apostel Paulus, ndang rajumanta angka na denggan na tabahen tu dongan, ndang tapangidohon “balas budi”. Alai, songon na porsea hita, molo pe tung hea tabahen na denggan tu halak, molo adong sipangidoanta tu nasida, unang ma nian mamaksa. Didok hata namalo “di toru do tangan mangido, ndang di ginjang”.  Jala molo tasulingkit, pangidoan ni Apostel Paulus on ndada na tu dirina alai tu na donganna do. I pe tolap do ibana patoru dirina “mangelekelek”. Antong asa denggan parsaoranta di keluarga, di tonga ni huria, di huta nang di angka inganan na asing unang ma di ginjang hita molo mangido, unang ma patorbanghu dirinta tarajumi. Tahangoluhon ma holong ni roha asa molo tung adong sipangidoanta tu dongan, denggan ma tapangido di bagasan toruk ni roha. Mangelekelek ma hita mangido na ringkot tu hita nang tu dongan. Molo apala tu dongan mangelekelek do hita mangido, nda lam ma nian molo mangido hita tu Debata?

       Manjangkon songon dongan na hinaholongan. Hatoban ni si Pilemon do si Onesimus, ala di pangidohon Apostel Paulus, molo nungga mulak si Onesimus hombar tu parsuruon i, naeng ma di jangkon si Pilemon si Onesimus ndada songon hatoban. Alai songon dongan na hinaholongan ma. Di tingki na maporus si Onesimus ra adong di tangko ibana arta ni si Pilemon (ayat 18) alai songon parripe ni Debata, songon dongan naung rap di palua Tuhan Jesus, marpangidoan ma Apostel Paulus paboa na marutang diri do ni si Pilemon tu si Paulus (ayat 19). Ndang na mangasahon haapostelanna si Paulus alai na mangajari si Pilemon do asa mananda asi ni roha naung jinalona, gabe marsiajar ma ibana nang mangulahon asi ni roha. Di na mangido Ap Paulus asa di jangkon si Pilemon si Onesimus songon dongan na hinaholongan, jumolo do i dipatuduhon Ap Paulus ima marhite na manggoari Onesimus anak na di tubuhon (ayat 10).

     Unang ma adong na masilatean jala masihosoman di sada punguan dohot sada huria i di pabotohon tu hita bahwa hita mangolu songon parripe ni Tuhan i. Molo adong pe perbedaan pendapat manang pangkataion unang gabe mambuat na humuranng gabe sega paronganon alai tabaen ma holong na sian Tuhan i asa sada hita songon si Pilemon dohot si Onesimus na mangolu songon parripe ni Tuhan i. Marsihaholongan ma hita songon angka parripe ni Tuhanta. Mari hidup saling mengasihi sebagai keluarga Allah. Molo mangolu songon parripe ni Tuhan i hita, ndang mardia imbar be di hita dongan jolma, ndang mamereng status sosial ekonomi be hita ala rap na tinompa  ni Debata jala na tinobus ni mudar ni Jesus do hita. Alani mangolu ma hita songon parripe ni Tuhanta na marojahan tu holong ni roha, na mangargahon hadosan ni sude jolma.