Khotbah Markus 13: 1-8 Waspadalah, Jangan Sesat

 Minggu 24 Set. Trinitatis; 14 November 2021

13:1 Ketika Yesus keluar dari Bait Allah, seorang murid-Nya berkata kepada-Nya: "Guru, lihatlah betapa kokohnya batu-batu itu dan betapa megahnya gedung-gedung itu!"

13:2 Lalu Yesus berkata kepadanya: "Kaulihat gedung-gedung yang hebat ini? Tidak satu batu pun akan dibiarkan terletak di atas batu yang lain, semuanya akan diruntuhkan."

13:3 Ketika Yesus duduk di atas Bukit Zaitun, berhadapan dengan Bait Allah, Petrus, Yakobus, Yohanes dan Andreas bertanya sendirian kepada-Nya:

13:4 "Katakanlah kepada kami, bilamanakah itu akan terjadi, dan apakah tandanya, kalau semuanya itu akan sampai kepada kesudahannya."

13:5 Maka mulailah Yesus berkata kepada mereka: "Waspadalah supaya jangan ada orang yang menyesatkan kamu!

13:6 Akan datang banyak orang dengan memakai nama-Ku dan berkata: Akulah Dia, dan mereka akan menyesatkan banyak orang.

13:7 Dan apabila kamu mendengar deru perang atau kabar-kabar tentang perang, janganlah kamu gelisah. Semuanya itu harus terjadi, tetapi itu belum kesudahannya.

13:8 Sebab bangsa akan bangkit melawan bangsa dan kerajaan melawan kerajaan. Akan terjadi gempa bumi di berbagai tempat, dan akan ada kelaparan. Semua itu barulah permulaan penderitaan menjelang zaman baru.

Singotsingot ni Jesus do turpuk on tu angka na porsea asa manat jala tongtong dungo unang lilu alani haulion ni portibi on. Godang di portibi on na manawarhon tu hita asa porsea hita tu angka hagogoon ni portibi on. Termasuk hamajuon ni parbinotoan na sian sisi negati boi mamboan jolma gabe ndang porsea be di Debata na manompa nasa na adong. Di turpuk on manurirangi do Jesus taringot tu hasususa ni bagas joro na di Jerusalem nang sude angka na di portibi on. Panurirangon ni Jesus di turpuk on songon sada singotsingot tu angka siseanNa. Boasa dipaingot Jesus angka siseanNa? Mansai kagum do angka siseanNa mangida haulion ni bagas joro ni Debata na di Jerusalem, didok nasida: “Bereng ma, Gurunami, uli ni angka batu on dohot tongam ni angka jabu on!” Diroha nasida hira ndang mungkin be lengse bagas joro i. Bagas joro simbol ni parsaoran ni na porsea dohot Debata i ma inganan na badia bagas ni Tuhan i. Andorang so habuangan Babel tubu do pangarajumion na songon i di tongatonga ni haporseaon ni halak Juda. Manang aha pe na masa na so jadi lengse bagas joro i hinorhon ni hagogoon dia pe i. Alai di tingkina lengde do nang Jerusalem raphon bagas joro ni Debata marhite na ditahop si Nebukadnezar raja ni halak Babel luat nasida (pat. Jer. 52: 12-23). Songon i ma nang anggapan ni angka sisean ni Jesus, hinorhon ni togu ni bangunan ni joro i ndang adong kemungkinan boi mangaleksehon joro i. Jala ala fungsi sakral ni joro i songon inganan parsombaon tu Debata, hira na so mungkin do lengse bagas joro i. Hombar tusi, jotjot tabege angka pandohan na somal ‘huria ni Debata’ manang ‘gareja ni Tuhan i’ alani i ndang mungkin pasombuonNa sega huriaNa. Alai sabalikna, nuga godang bagas joro ni Debata naung lengse naung tutup na so adong be manjou goar ni Tuhan i di joro i. Ndang adong be ruas ni huria na olo marsomba tu joro i. Marhite i dipamanat do hita asa unang merasa puas molo boi sada huria pauli bagas joro/gedung na uli jala dipangke muse i gabe suhatsuhat ni kesuksesan iman. Unang ma holan bangunan fisik tapauli, alai na rumingkot i ma pauli bangunan rohani na so lengse alani partingkian manang alani aha pe na masa di portibi on (pat. Mark. 14: 58; Jes. 66: 1).

Alai andul do sian pamotoan ni sisean i pandohan ni Jesus, gabe ninna Jesus ma tu nasida: ‘Diida ho do angka jabu na bolon on? Ndang pasombuon nanggo dua batu martinditindi na so gargaronna (ay. 2)’. Sungkunsungkun do roha ni angka siseanNa na opat halak i andigan ma masa na nidok ni Jesus ‘na so pasombuon nanggo dua batu martinditindi na so gargaronna’. Manguduti panurirangon ni Jesus taringot tu bagas joro i, diuduti angka sisean i do pabagashon manang manulingkit sadihari ma angka i masa. ‘Paboa ma tu hami, andigan masa i, jala dia ma tandana, paboa songgop ma saluhutna? (ay. 3-4)’. Tangkas do di roha dohot pingkiran ni Jesus marnida hinadeak ni angka mara maradophon haporseaon ni jolma na marrongoman andorang so sahat tu tingki ari parpudi i. I ma sian angka parpoda haliluon dohot na mangarajumi diri songon Mesias di tongatonga ni huria i. “Jaga ma hamu, sotung dililuhon halak hamu (ay. 5)”. Dihatahon Jesus do nang hinadeak ni angka pangajarion, songon i nang pengakuan na manoluk goar ni Jesus (mesias palsu). Jala tung torop halak lilu binahen ni pangajarion ni parpoda haliluon i (ay. 6). Pandohan i ndada masa dao dijolo ni tingki ni Jesus, tung sopot do tingki ni Jesus dunghonsa naek tu banua ginjang i ma fenomena mesias palsu na martubuan tingki na robi. Jala ndada holan di tingki i tahe tubu angka mesias palsu, alai di masa dunghonsa mamasuhi masamasa modernisasi tong do adong halak na mangarajumi diri songon mesias dalam konteks lokal manang internasional. Asa poda on patuduhonia di ujung ni partingkian i tung torop do tubu angka poda na maralo tu hata ni Debata di tongatonga ni huria i. Alani i ma ringkot halak na porsea i padasiphon haporseaonna be huhut lam tangkas mananda jala mangoloi hata ni Debata sambing di ngolu nasida.

Dung i diuduti Jesus muse mangajari angka siseanNa marhite pandohan: Asa molo dibege hamu barita ni angka hamusuon ro di gaor ni na marmusu, unang hamu tarsonggot! Ndang tarbahen so masa angka i, alai ndang i dope ujungna. Ai na hehe do sogot bangso maralohon bangso, harajaon maralohon harajaon; masa ma nang laho marluatluat, masa ma nang haleon. Parmulaan ni pambebeonna do i (ay. 7-8). Panurirangion ni Jesus on taringot tu angka na naeng masa tu tingki na aneng ro. Nang pe sasintongna sian najolo nunga tung masa porang maralohon angka bangso di portibi on, jala torus do adong lalo di portibi on, tarlumobi di negaranta Indonesia on jotjot do masa lalo. Tarlumobi ma muse hinapapir ni na masa hinorhon ni pangontak ni haleon potir, olo do ala masa wabah songon i nang logo ni ari na mambahen gabe so adong na boi parsaulihonon ni angka na mangula hauma. Haleon boi do masa alani hapogoson hinorhon ni sahit na berkepanjangan songon wabah Covid-19 naung hampir dua taon pandemik na sai jorbut songgop tu sandok inganan di portibi on. Gabe so diboto jolma be mangula ulaonna holan alani sahit na jorbut i. I ma angka pambebeon, parmulaan ni haroro ni Tuhan i, adong angka tanda papatarhon paboa lam jonok partingkian.

Didok topik ni jamita on do asa dungo ma hamu sotung lilu, i ma sada sunggul-sunggul taringot tu ragam ni parpoda haliluon/mesias palsu na marrongoman sian tingki na salpu sahat tu ombas on nang sahat tu tingki haroro ni Kristus paduahalihon. Alai godang do halak mangarajumi ndang mungkin dope ro Jesus paduahalihon, ala songon na so tingkina dope, jala angka tanda na marhahonaan tu na masa na nidok ni Jesus songon na ditupruk on, ala nunga somal dibege jala diida gabe dietong nama i kejadian na biasabiasa sambing. Antong songon dia do asa boi hita bertahan mangadopi angka na masa i? Molo dipatudos pardalanan ni ngolunta on songon pardalanan ni sada kapal, molo naeng sahat do hita tu inganan na tatuju, tontu unang tatumpangi kapal na bocor ai pasti lonong do kapal i di ujungna. Molo naeng malua do hita naeng marsigantung marsihohot hita holan tu Debata. Ndang tu portibi on hita marsihohot ai kapal na bocor do portibi on, nang godang haulion dohot angka tawaran kenikmatan dilehon portibi on, ndang adong sihaposan di portibi on jala na laho suda do angka na di portibi on. Marsigantung ma hita tu na so ra suda asa malua hita. Unang marsigantung hita tu na laho salpu molo naeng dihita haluaon na hot salelengna.