Khotbah Filipi 3: 4b - 14 Berlari Menuju Panggilan Sorgawi

 Minggu Judika; 03 April 2022

3: 4b Jika ada orang lain menyangka dapat menaruh percaya pada hal-hal lahiriah, aku lebih lagi:

3:5 disunat pada hari kedelapan, dari bangsa Israel, dari suku Benyamin, orang Ibrani asli, tentang pendirian terhadap hukum Taurat aku orang Farisi,

3:6 tentang kegiatan aku penganiaya jemaat, tentang kebenaran dalam mentaati hukum Taurat aku tidak bercacat.

3:7 Tetapi apa yang dahulu merupakan keuntungan bagiku, sekarang kuanggap rugi karena Kristus.

3:8 Malahan segala sesuatu kuanggap rugi, karena pengenalan akan Kristus Yesus, Tuhanku, lebih mulia dari pada semuanya. Oleh karena Dialah aku telah melepaskan semuanya itu dan menganggapnya sampah, supaya aku memperoleh Kristus,

3:9 dan berada dalam Dia bukan dengan kebenaranku sendiri karena mentaati hukum Taurat, melainkan dengan kebenaran karena kepercayaan kepada Kristus, yaitu kebenaran yang Allah anugerahkan berdasarkan kepercayaan.

3:10 Yang kukehendaki ialah mengenal Dia dan kuasa kebangkitan-Nya dan persekutuan dalam penderitaan-Nya, di mana aku menjadi serupa dengan Dia dalam kematian-Nya,

3:11 supaya aku akhirnya beroleh kebangkitan dari antara orang mati.

3:12 Bukan seolah-olah aku telah memperoleh hal ini atau telah sempurna, melainkan aku mengejarnya, kalau-kalau aku dapat juga menangkapnya, karena aku pun telah ditangkap oleh Kristus Yesus.

3:13 Saudara-saudara, aku sendiri tidak menganggap, bahwa aku telah menangkapnya, tetapi ini yang kulakukan: aku melupakan apa yang telah di belakangku dan mengarahkan diri kepada apa yang di hadapanku,

3:14 dan berlari-lari kepada tujuan untuk memperoleh hadiah, yaitu panggilan sorgawi dari Allah dalam Kristus Yesus.

Apostel Paulus, i ma sada apostel na dijou mamaritahon barita na uli dung hehe Tuhan Jesus. Tarbarita do ibana songon sada halak Farisi na mansai denggan mangulahon patik dohot uhum ni halak Jahudi. Hinorhon ni hasatiaonna tu patik dohot uhum ni halak Jahudi pola do dimusui ibana angka siihuthon Jesus ala dihilala maralo ngolu nasida tu patik dohot uhum ni halak Jahudi jala garang do ibana mangalele angka ruas ni huria na parjolo i. Jala dietong do ngoluna so hasurahan di hatigoran sian Patik ala mangihuthon parngoluonna dohot pangulaonna di patik i. Alai dung pajumpang ibana dohot Jesus, jala dung dijangkon Jesus ibana gabe siseanNa, muba ma sude pangantusionna taringot hatigoran. Saluhutna ulaonna ujui digoari ibana do ngolu pardagingon. Nasa paruntungan na dihilala ibana ujui mangihuthon patik dohot uhum ni halak Jahudi, gabe harugian do dihilala ibana dung diihuthon ibana Kristus. Hata on dihatahon ndada mandok ndang ringkot parbinotoan dohot status hamoraon, tarlumobi jabatan na tiniop ni apostel Paulus andorang so diihuthon ibana ulaon ni Kristus, sude do pasangaphon ibana hatiha i.

Alai dung pajumpang ibana jala diihuthon ibana ulaon ni Kristus i, nasa na denggan na niulana mangihuthon patik i mangeahi hatigoran dohot haluaon gabe harugian do i dirajumi ibana. Jala saluhut na niulana ujui orbukorbuk nama dietong, ala nunga jumpang ibana haulion dohot pangomoan di panandaon di Jesus Kristus i. Ndang be jumpang ibana hatigoran alani patik i, alai tung alani haporseaon di Kristus Jesus i do, i ma hatigoran na sian Debata, na marojahan di haporseaon. Asi ni roha ni Tuhan Jesus Kristus do mambahen ibana dapotan hatigoran, i ma pangomoan dohot hamuliaon na nilehon ni Kristus Jesusi. Asa ndang adong sipangasahonon sian diri ni jolma mangeahi hatigoran. Dibagasan ngolu naung dapotan hatigoran na sian Debata dibagasan haporseaon tu Tuhan Jesus, nuaeng bongot ma jolma i tu ngolu na imbaru. I ma ngolu na so mangolu di dirina be alai mangolu dibagasan Jesus Kristus.

Ngolu ni apostel rap dohot angka na porsea di Tuhan Jesus, i ma ngolu na marparsaoran tu angka haporsuhon (ay. 10). Manaon na porsuk do Tuhan i laho manesa dosa ni jolma. Malua jolma sian dosana be ndada alani na niulana mangoloi patik dohot uhum i, alai tung alani Kristus Jesus naung mate humophop hita pardosa. Asa ngolu ni angka naung manjalo hasesaan ni dosa i ma na saor dohot haporsuhon ni Tuhan Jesus. I do asa didok di Mateus 16: 24 “Nasa na giot mangihuthon Ahu, disoadahon ma dirina, diporsan ma silang na tu ibana; diihuthon ma Ahu!” Hinorhon ni haporsuhon ni Kristus, nunga margogo angka na porsea mangadopi haporsuhon. Marhite i boi ma auhononta songon na tarsurat di Mateus 11: 28 – 30 “Ro ma hamu tu Ahu, hamu angka na loja jala na sorat, asa hupasonang hamu! Jangkon hamu ma augangku, marguru ma hamu tu Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangku jala neang do dohot na hupaporsanhon.”  Ndang pandelean be haporsuhon i di halak na porsea, alai gabe dalan patulushon haluaon nama i di angka na porsea. Marhite i ma boi gabe sapangalaho hita dohot hamateanNa. Ia hamamate ni Kristus i, hamatean na marujung di haheheon do. Alani ma, hamatean ni naporsea, i ma hamatean na marujung di haheheon do.

Ngolu ni angka na porsea, i ma ngolu naung manjalo hatigoran na sian Debata. Angka na porsea manjalo hatigoran marhite haporseaon dibagasan Jesus Kristus. Asa ganup na porsea dibagasan Jesus Kristus, angka i ma na mananda hagogoon ni haheheon ni Kristus, na saor tu haporsuhon ni Tuhan Jesus, jala sapangalaho di hamamateNa, jala manghirim di haheheonNa sian angka na mate. Ganup halak na porsea na saor jala sapangalaho di haporsuhon dohot hamatean ni Tuhan Jesus, sapangalaho do nasida nang di hagogoon dohot haheheon ni Tuhan Jesus. Haheheon ni Kristus i do na gabe urat ni panghirimon ni apostel Paulus nang hita. Nunga marujung dosa dohot hamatean dibagasan haheheon ni Kristus. Ala nunga hehe Kristus sian angka na mate, ihut tu Ibana ma angka na porsea i. Alani, mangolu dibagasan hagogoon dohot haheheon ni Kristus i nama angka na porsea jala mangasahon i patauhon angka na porsea i manghirim di hangoluan na so ra suda.

Molo nunga sapangalaho di haporsuhon dohot hamatean nang dihagogoon dohot haheheon ni Kristus i, hinorhon ni i naeng bongot angka na porsea i tu ngolu na imbaru songon na nidok ni apostel Paulus di ayat 14 “Huhalupahon na di pudingku, hueaki angka na di jolo. Dompak pandang i do hupuspus, dompak upa hamonangan na sian panjouon ni Debata sian ginjang, di bagasan Kristus Jesus i.” Manatap tu jolo mangeahi hangoluan na manongtong i do sangkap ni ngolu na porsea. Songon na nidok ni pandohan ni angka na malo: tading na ringkot dibahen na rumingkot. Na marlapatan, godang do na ringkot di tonga ni ngolunta, alai hombar tu haporseaon na pinatorang ni Apostel Paulus on, ingkon tabaranihon do hita manadingkon i molo so gabe patubu haporseaon tu Tuhan Jesus. Asa rap ma hita marlojong mangolo i panjoun ni Debata na sian ginjang dibagasan Kristus Jesus i. Dibagasan panghuduson na badia do ngolu ni na porsea. Ndada ngolu na so margira tu dia. Satongkin do tingki on laho salpu. Nunga ro panjoun tu hasesaan ni dosa, ro panjouon tu hasasaor di haporsuhon ni Kristus, ro panjouon tu haheheon ni Kristus, ro panjouon tu hangoluan na ro ra suda. Alani i, marlojong ma hita dompak pandang situjuon i, i ma Tuhan Jesus naung mate jala hehe.