Khotbah Lukas 13: 1 - 9 Bertobat Supaya Tidak Binasa

 Minggu Okuli; 20 Maret 2022

13:1 Pada waktu itu datanglah kepada Yesus beberapa orang membawa kabar tentang orang-orang Galilea, yang darahnya dicampurkan Pilatus dengan darah korban yang mereka persembahkan. 

13:2 Yesus menjawab mereka: "Sangkamu orang-orang Galilea ini lebih besar dosanya dari pada dosa semua orang Galilea yang lain, karena mereka mengalami nasib itu? 

13:3 Tidak! kata-Ku kepadamu. Tetapi jikalau kamu tidak bertobat, kamu semua akan binasa atas cara demikian. 

13:4 Atau sangkamu kedelapan belas orang, yang mati ditimpa menara dekat Siloam, lebih besar kesalahannya dari pada kesalahan semua orang lain yang diam di Yerusalem? 

13:5 Tidak! kata-Ku kepadamu. Tetapi jikalau kamu tidak bertobat, kamu semua akan binasa atas cara demikian." 

13:6 Lalu Yesus mengatakan perumpamaan ini: "Seorang mempunyai pohon ara yang tumbuh di kebun anggurnya, dan ia datang untuk mencari buah pada pohon itu, tetapi ia tidak menemukannya. 

13:7 Lalu ia berkata kepada pengurus kebun anggur itu: Sudah tiga tahun aku datang mencari buah pada pohon ara ini dan aku tidak menemukannya. Tebanglah pohon ini! Untuk apa ia hidup di tanah ini dengan percuma! 

13:8 Jawab orang itu: Tuan, biarkanlah dia tumbuh tahun ini lagi, aku akan mencangkul tanah sekelilingnya dan memberi pupuk kepadanya, 

13:9 mungkin tahun depan ia berbuah; jika tidak, tebanglah dia!" 

Dihaporluhon do komitmen na marsitutu sian saluhut roha nang pingkiran laho mangihuthon Jesus, manangihon Ibana sian tulus dohot bulus ni roha. Turpuk on manaringoti pardalanan ni Jesus manopot huta Jerusalem (Luk. 9: 51), manjouhon tu hamubaon ni roha. Di turpuk on, ro do halak mandapothon Jesus paboahon tu Ibana taringot pangalaho na masa na binahen ni si Latus na pamatehon halak Galilea jala didurushon mudar nasida gabe saor tu na pinelehon nasida. Gabe tubu ma di roha na manungkun i, angka pardosa ma halak Galilea na mate i na pasahathon pelean i tu bagas joro ni Debata, ala nunga saor mudar nasida tu pelean na pinelehon nasida. Boasa dipamate si Latus angka halak Galilea? Ala mangalo/memberontak nasida tu parhuaso na di Jerusalem tu pamarenta Rom. Ndang diparsoada Jesus ba halak pardosa angka halak Galilea na mate i, alai dipatandap Jesus na so adong imbar nasida na manungkun i songon bangso na so olo porsea, ingkon songon i do muse nasida mago molo ndang muba nasida (ay. 3). Dung i ditaringoti Jesus muse, ndang gumodng dosa ni 18 halak na mate ditinggang palaspalas na di Siloam sian dosa ni halak na mate di Jerusalem na dilengse soldadu Rom? Jala tutu do masa na nidok ni Jesus i, ai ndang gok 40 taon na i, diae nasida ma songon na niae ni angka halak Galilea, na dipusa si Latus marhite soldadu Rom di huta Jerusalem taon 70 Masehi, ala ndang siap nasida mardame dohot halak na marmusu tu nasida.

Dua peristiwa na masa i, lumbalumba do i taringot tu uhum na naeng ro sijaloon nasida muse, molo ndang olo nasida marhamubaon ni roha. Dung i diajarhon Jesus do taringot tu hau ara na so marparbue hombar tu konteks historis ni tindakan ni si Latus na mansai jorbut, na mancampur mudar ni angka halak Galilea na dipusa ibana, tu pelean na pinelehon nasida (ay. 2). Dipatudos Jesus ma keadaan nasida songon hau ara naung tarlambat marparbue. Aha do na naeng dohonon ni umpasa i? Ala lokasi partubu ni hau ara i di porlak anggur do, tontu dirawat pangula na di porlak i do hau ara i dohot denggan ala tubu di tonga ni porlak anggur. Alai sian taon tu taon sahat tu taon patoluhon ndang adong parbue ni hau ara i. Nunga rade nampunasa porlak i laho manaba hau ara i, ala so marguna jala pola magopo tano i bahenon ni hau ara na so marparbue i. Diparentahon ibana ma pangula na di porlak i asa ditaba hau ara i. Alai ro ma pangula na di porlak i mandok tu nampuna porlak i, asa diloas hau ara i tubu nanggo apala sataon na i, asa sanga dipangkur humaliang bonana mambahen napu, anggiat olo marparbue tu taon na ro, alai anggo so marparbue tabaon nama.

Umpama ni Jesus i manggombarhon halak Jahudi songon hau ara naung tarlambat marparbue. Debata do nampunasa porlak i, jala Jesus do na mangula di porlak anggur i. Sude ulaon ni Jesus laho mamboan bangsoNa nang sude bangso tu hamubaon ni roha, asa marparbue di haporseaon. Marhite dialog di turpuk on antara nampuna porlak dohot pangula, digombarhon disi asi ni roha ni Jesus tu bangsoNa, na adong do pertimbangan sian Debata, anggiat diargahon nasida asi ni roha ni Debata na mangalehon tingki dope asa marhamubaon ni roha. Marhamubaon ni roha na marlapatan olo mangihuthon na nidok ni Jesus, mangolu dibagasan holong, nang pe alo naeng do ingkon tahaholongi, songon holong ni Jesus tu sude bangso sahat tu na tarsilang Ibana alani holongNa, songon i ma nian holong nasida tu sude jolma, nang tu halak Rom na tongon menjajah nasida hatiha i. Dia do tumagon di nasida: manguhum dongan nasida na manaon musibah ala dipamate si Latus (parhuaso ni halak Rom), manang marnida musiba i songon sada sipaingot tu nasida asa muba roha nasida sandiri?

Marhite umpama na binahen ni Jesus patuduhon balga ni holong ni Debata tu hita. Na mangula di porlak i nunga mangalehon rohana laho mangurus hau ara i. Tung i nama gok ni holong ni rohaNa tu hau ara i. I ma na manggombarho perhatian ni Debata marhite holongNa tu sude jolma, asa olo paubahon roha. Nang pe ndang dipatorang di turpuk on manang na adong do parbue ni hau ara i di taon na mangihut. Alai na naeng dohononna, na salpu do di sada tingki halambason ni roha ni Debata, molo ndang marparbue (ndang muba), tabaon ma! Alai andorang so ditaba, sasintongna mansai balga do asi ni roha ni Debata mangalehon tingki parasian tu jolma asa marhamubaon ni roha, jala di sada tingki ingkon masa do paruhuman di ari parpudi. Alani do asa dilehon dope di hita tingki marhamubaon ni roha. Jala hamubaon ni roha na marsitutu ma. Hamubaon ni roha na marsitutu i ma na manghasiholi haluaon na sian Debata na pasombu uas ni tondinta songon siihuthon Jesus. Naeng adong sihol ni roha laho muba/bertobat maninggalhon dalan hageduhon, ai i do didok di Jesaya 57: 7 “Sai ditadingkon halak parjahat i ma dalanna, jala jolma pargeduk i, angka sangkapna, sai mulak ma ibana tu Jahowa, asa marpangulahi rohana mida ibana; dohot tu Debatanta, ai buas do rohana manalesei.” Ndang lomo roha ni Debata mate angka pardosa dibagasan dosana, alai lomo do rohaNa mulak tu Ibana (bertobat), ai buas do roha ni Debata manelesei angka dsa ni jolma naung mangulahon dosa. I ma asi ni roha ni Debata. Pertobatan na sejati ndang cukup holan na menyesal, alai ingkon adong sihol ni roha na tubu sian roha na ias jala tulus olo maninggalhon sude ngolu hagolapon tu ngolu hatiuron.

Di tingki diida Debata bangsoNa ndang mangolu di bagasan hasatiaon, gabe dipatudos Jesus ma tu hau anggur dohot hau ara na marparbue (ay. 2). Adong do na deba mangarimpu molo mate halak secara tidak wajar tontu alani dosana ma i, ala diuhum Debata nasida. Hape sala do asumsi na songon i. Manang songon dia pe parmate ni sasahalak ndang adong hubunganna manang na jahat manang na burju na mate i. Boha muse ma angka missionaris na mate tarbunu, na teraniaya sahat tu na mate dibangkar alani pambahenan ni angka parugamo tertentu na fanatik? Gabe tardok ma nasida angka parjahat manang pardosa na sumalin nasida? Alani i marhite turpuk on naeng mangarahon hita asa unang tabahen dirinta gabe suhatsuhat ni hasintongan. Dengganan ma hita mangauhon tu rohanta be saluhut angka na masa diadopanta, lumobi ma molo marpardomuan tu angka dongan, asa unang targasip hita. Dipaingot Jesus do hita, uhum ni Debata na bersifat adil jala sintong. Halak na manjua di asi ni roha ni Debata mambahen dirina gabe mangolu di luar asi ni roha ni Debata (anugerah Allah). Molo mangolu halak ndang be dibagasan asi ni roha ni Debata, na marlapatan tartutup ma dalan hangoluan di ibana. I ma hamatean dohot uhum na mansai jorbut jala dangol salelenglelengna. Alani binsan tingki parasian dope nuaeng, taparhaseang ma tingki na ni lehon ni Debata, sotung sanga salpu i (BE. 392).