Khotbah Mazmur 118: 19 - 29 Diberkatilah Dia yang Datang dalam Nama Tuhan

 Minggu Palmarum; 10 April 2022

118:19 Bukakanlah aku pintu gerbang kebenaran, aku hendak masuk ke dalamnya, hendak mengucap syukur kepada TUHAN.

118:20 Inilah pintu gerbang TUHAN, orang-orang benar akan masuk ke dalamnya.

118:21 Aku bersyukur kepada-Mu, sebab Engkau telah menjawab aku dan telah menjadi keselamatanku.

118:22 Batu yang dibuang oleh tukang-tukang bangunan telah menjadi batu penjuru.

118:23 Hal itu terjadi dari pihak TUHAN, suatu perbuatan ajaib di mata kita.

118:24 Inilah hari yang dijadikan TUHAN, marilah kita bersorak-sorak dan bersukacita karenanya!

118:25 Ya TUHAN, berilah kiranya keselamatan! Ya TUHAN, berilah kiranya kemujuran!

118:26 Diberkatilah dia yang datang dalam nama TUHAN! Kami memberkati kamu dari dalam rumah TUHAN.

118:27 TUHANlah Allah, Dia menerangi kita. Ikatkanlah korban hari raya itu dengan tali, pada tanduk-tanduk mezbah.

118:28 Allahku Engkau, aku hendak bersyukur kepada-Mu, Allahku, aku hendak meninggikan Engkau.

118:29 Bersyukurlah kepada TUHAN, sebab Ia baik! Bahwasanya untuk selama-lamanya kasih setia-Nya.

Minggu Palmarum ima minggu parningotan hamamasuk ni Tuhan Jesus tu Jerusalem, di na mardalan Jesus laho bongot tu Jerusalem dibolus torop jolma  jala sude do natorop i marende, marsuraksurak manjouhuon: Hosianna, pinasupasu ma na ro di bagasan Tuhan i, laos dipahembang natorop i angka ulosna dohot maremare (palma). Molo tajaha panorangion ni angka pande bisuk, ia maremare (daun palem) ima simbol hamonangan. Ala manomu haroro ni raja do minggu sadari on, tubu ma nuaeng sungkunsungkun tu hita, songon dia do hita manomu sahalak raja Sipalua i?

Di tangan ni sahalak raja do huaso dohot panggomgomion, jala eaja do na mangaturhon nasa ruhut dohot pahothon paruhuman. Asa mansai tongam do sahalak raja di adopan ni saluhut na nirajaanna. Alani, molo ro raja manopt sada huta, ingkon tangkas do panomunomuon diparade, unang adong na mangambati harorona. Marbonsir sian i ma didok Parpsalmen “ungkap hamu ma di ahu angka bahal hatigoran”. Ndada holan sada bahal diungkap alai ingkon luhut do pangsisi ni luat i marlas ni roha manomu harorona. Di minggu Palmarum, Jesus bongot tu Jerusalem, tu bagas joro na marmulia i. Ibana do raja partigor jala Tuhan na manggomgomi nasa huaso di portibi on. Bongot Ibana tu Jerusalem laho pasidunghon ulaon parsuruon ni Ama i laho papatarhon holong ni roha ni Jahowa di portibi on.

Sidalian ni Parpsalmen bongot tu bagas joro ni Jahowa, i ma laho mandok mauliate siala naung ditopot Jahowa bangso i jala marhite naung ro Jahowa manopot bangso i gabe manjadi ma hatuaon ni Parpsalmen on. Mandok mauliate ndada holan marhite hata alai dohot do pambahenan marhite harorona tu bagas joro ni Jahowa. Dialusi do pardangolanna jala dioloi na pinangido ni rohana. Jolma na olo mandok mauliate ndang be mandele, marsak dohot holsoan alai dibagasan pos ni roha paboa naung dijalo pambahenan ni Debata. Molo tajaha sian bona ni turpuk jamita on, tangkas dipaboa songon dia parsorion manang pardangolan na masa di ngolunasida pola do hira naung mate siala ni hansitna. Alai, ndang dipasombu Debata nasida, ai ditopot do nasida jala dialusi anggukangguk nasida. Nunga monang nasida ala ni asi dohot holong ni Jahowa.

Dung marende nasida dibagasan las ni roha, ro ma panindangion taringot tu batu parsuhi i ma batu na mangihot jala pasadahon na sambariba dohot na sambariba nari. Ingkon adong do batu parsuhi asa hot jala togu sada bagas jongjong. Ise do nidokna batu parsuhi? Di Padan Naimbaru, Jesus do batu parsuhi i. Ibana do ojahan jala ulu ni huriaNa jala hita angka na tinobusna ingkon mandok mauliate di sude naung pinatupa ni Jahowa. Tangkas do taida songon dia holong ni Jahowa dibagasan diri ni Jesus na paluahon dirinta sian hamatean.

Halongangan do saluhut di ida Parpsalmen pambahenan ni Jahowa na paluahon nasida, boi taida marhite pandohan ni Parpsalmen na mandok, ari on do na jinadihon ni Jahowa. Boi pe malua nasida sian angka hamaolon ndada ala pambahenan ni jolma i, alai pambahenan ni Debata do. Haluaon na pinatupaNa i do na pinaboa ni Parpsalmen i, jala laho manjanghon i ndang adong agia aha so holan mandok mauliate, marolopolop dohot marlas ni roha. Alai ndada holan taringot tu naung masa nasida mandok mauliate dohot do nang tu ari na naeng ro pangaramotion ni Jahowa. Alani i do didok, Iale Jahowa, sai manumpak ma Ho! Pandohan on di Padan Narobi somalna diendehon andorang so dipasahat pelean hamauliateon di ari raya parlapelapean (Mark. 11: 9-10; Mat. 21: 9). Pangidoan do pandohan i tu Jahowa. Molo di ari pesta parlapelapean, marlapatan ma hata i asa songon na pinangido  nasida i masa jala hombar tusi ma nang na naeng masa tu ari na mangihut. Dung panindangion i, ro ma muse pandohan, “Pinasupasu ma na ro marhitehite goar ni Jahowa, hupasupasu hami ma hamu, angka na sian bagas ni Jahowa”. Nasa na ro marsomba tu Jahowa di bagas joro na di Jerusalem, bongotanna do bahal manang harbangan, jala ditomu ma nasida angka na masuk tu bagas joro i marhite pandohan i. Pandohan laho bongot dohot laho haruar do ayat 26 on.

Jahowa do panondang di hita (ay 27). Nunga dipapatar tu hita Tuhan Jesus Kristus na gabe panondang di hita. Marhite hatiuron i do nasida boi marlas ni roha jala marnida diri nasida sandiri dibagasan hatiuron i (Psalmen 36: 10; 43: 3). Hataridaan ni las ni roha i do pelean na pinasahat ni bangso i. Dihaliangi ma langgatan pamelean jala laos ditambathon ma angka pelean i di tanduk ni angka langgatan. Dipaujung parpsalmen ma turpuk on marhite pamujian dohot mandok mauliate (ay 28-29). Ditogihon do hita di bagasan pamujian i asa sada di bagasan roha mauliate, tontu pamujion i ro sian panandaon na tangkas di sude pambahenan ni Debata naung paluahon sasahalak sian ragam ni hamaolon, tarlumobi ma haluaon sian dosa dohot hamatean. Dibagabagahon haroro ni Kristus na manobus hita gabe pelean na manongtong. Ro di saleleng ni lelengna do asi ni rohaNa, Ibana do Alpha jala Ibana do Omega, hamuliaon ma di Jahowa ai saut do lomo ni rohaNa mamboan dame dohot pasupasu tu sude natinompaNa.

Di Minggu Palmarum sadari on, dipaingot do hita manomunomu Jesus na ro mamongoti rohanta be, tarlumobi di naung jonok ari parningotan ni hamamateNa di ari jumat na naeng ro on. Ndang huta Jerusalem secara fisik be na neng bongotan ni Jesus nuaeng, alai dirinta, rohanta, pingkiranta na naeng dibongoti Jesus, asa mian Ibana dibagasan hadirionta. Songon dia do hita manomu haroro ni Jesus i di ngolunta? Dibagasan las ni roha do manang ndang? Homar tu topik minggunta, Pinasupasu ma na ro dibagasan goar ni Tuhan i. Pandohan ni angka na torop manomu Jesus mamongoti huta Jerusalem, naeng ma dohot hita manomu Ibana dibagasan las ni roha.