Khotbah Mazmur 147: 12 - 20 Megahkanlah Tuhan

 Minggu Set. Tahun Baru; 02 Januari 2022

147:12 Megahkanlah TUHAN, hai Yerusalem, pujilah Allahmu, hai Sion!

147:13 Sebab Ia meneguhkan palang pintu gerbangmu, dan memberkati anak-anakmu di antaramu.

147:14 Ia memberikan kesejahteraan kepada daerahmu dan mengenyangkan engkau dengan gandum yang terbaik.

147:15 Ia menyampaikan perintah-Nya ke bumi; dengan segera firman-Nya berlari.

147:16 Ia menurunkan salju seperti bulu domba dan menghamburkan embun beku seperti abu.

147:17 Ia melemparkan air batu seperti pecahan-pecahan. Siapakah yang tahan berdiri menghadapi dingin-Nya?

147:18 Ia menyampaikan firman-Nya, lalu mencairkan semuanya, Ia meniupkan angin-Nya, maka air mengalir.

147:19 Ia memberitakan firman-Nya kepada Yakub, ketetapan-ketetapan-Nya dan hukum-hukum-Nya kepada Israel.

147:20 Ia tidak berbuat demikian kepada segala bangsa, dan hukum-hukum-Nya tidak mereka kenal. Haleluya!

            Psalmen 147 on papatarhon pamusaton ni panombaon di bagas joro ni Debata di Jerusalem jala dirahuti dohot ojahan  PASANGAP  MA JAHOWA / MEGAHKANLAH TUHAN.  Boasa ingkon pasangapon Tuhan Jahowa? Ala Tuhan Jahowa do mual ni hangoluan namarhaholongan dohot parhuaso panggomgomion manang pangaramotion namanontong ro disaleleng ni lelengna;  Gabe boi hita tolhas jala malua sahat tu tikkion ; Boi mangolu jala lam matoras di parrohaon,  pamikkirion nang di partondion. Asa dibagasan hatorason i, patar tarida parsaoranta dohot panombaonta mamuji / pasangapon Tuhan Jahowa nampuna ngolutta. Ndang adong tudosan ni Tuhan Jahowa  namangkahohongi dohot manghongkop hita bangsoNa so holan Ibana namamelehon Dirina bahen haluaonta. Alani i, tapasangap ma, Tuhan Jahowa dibasan Yesus Kristus di sandok dingolutta.

            Di turpuk Minggu parjolo di Taon 2022 on, sude bangso ni Debata dijou jala diontang mamuji/pasangapon Tuhan Jahowa. : "Puji ma Jahowa, ale Jerusalem, puji ma Debata, ale Sion!"( Ay 12a). Panjouon Yerusalem dohot Sion ima panjouon di Teritorial/ inganan/ luat (Negara) dohot pangisina ( bangso/jolmana). Jerusalem gabe inganan nabadia ( Sak  2:12), jala Sion gabe lambang hajojongjong/kehadiran ni Tuhan Jahowa di bangsoNa. Sion songon puncak dolok natumimbo di Jerusalem, martuduhon gambaran ni Israel dipadan narobi nagabe huria nabadia di padan naimbaru (1 Raja  8:1, Pslm 2:6, Jes 1:8Mika 1:13, Mat 21:5, Joh 12:15, Roma 9:33, Heb 12: 22, 1 Pet 2:6).

            Mamuji manang pasangap Tuhan Jahowa ima gabe sada tanggungjawab mangalusi joujou holong ni Tuhan Jahowa di bangsoNa.  Tanggungjawab mamuji/pasangap Tuhan Jahowa dipangkilalahon songon alus namarsitutu tu joujou dohot pamilliton ni Tuhan Jahowa dibagasan pangkobasion diri mardongan unduk dohot  hasatiaon mangaradoti ulaon panjouon dohot pamilliton i. Pasangap Tuhan Jahowa di soara dohot di pangalaho. Ima gabe alus ni angka bangso natarjou jala natarpillit  pansangap Tuhan Jahowa,  songon tanda parsitutuon mananda dohot manjalo Holong Satia dipanodoon dohot dipanobuson ni Tuhan Jahowa. Dipapatar Tuhan Jahowa Holong SatiaNa  tu  bangso na pinillitNa; dipaondos ma on diondolan ni ayat namangihut  :

           

1. Ibana patogu angka ransang ni pargumbanganmu/ ia melakukan peneguhan dimensi hukum (ay. 13a)

Bangso margogo jala togu marojahan di balga ni holong dohot  huaso ni Tuhan Jahowa. Uhum nanilehon jala napinahot ni Tuhan Jahowa ima songon tanda ni parsaoran  dohot panjouonNa dibagasan padan HOLONG SATIANA nabadia jala napolin. (ay. 19-20). On ma gabe ojahan panjouon dohot pamilliton ni Tuhan Jahowa di bangsoNa asa pasangap goarNa secara bertanggungjawab mangaradoti uhum panjouon dohot pamilliton i. Ala ni i ndang adong alasanta marginjang ni roha molo sumurung pe hita di gogo, di uhum dohot pasupasu na dihita, ndang ala ni gogo, hapistaran dohot hasangaponta, ala holan ala ni asi niroha dohot silehonlehonna nasumurung, nabadia sian Tuhan Jahowa do haroroanna,  jala na dipaojak dohot dipahoth di ganup hita nadipillit/naditodo /napinaluahombar tu sangkap hatuaonna gabe boi hita tolhas sahat tu taon 2022 on.           

 

2. Ibana mamasumasu bangsoNa dohot tu pomparanna (ay. 13 b).

Padan ni Tuhan Jahowa  Papatarhon na tontong satia mangaradoti keberlangsungan generasi ( jaminan sundut namangihut). Pasupasu dohot asi ni roha ni Tuhan Jahowa tu pinompar ni namangkabiari Ibana marsudut sundut. Padan na nipahot ni Tuhan Jahowa tu ompung ni Israel sian sundut ni si Abraham, Isak, Jakop marsundutsundut (1 Musa 26:3-5). Hubungan ni Tuhan Jahowa dohot bangsoNa digambarhon gabe bonang narara namanontong salelengna (Sian Padan Narobi dohot Padan Naimbaru)  ima padan pasupasu dipangaramotion/ pandonganion ni Debata dibangsoNa rodisaleleng ni lelengna.

      

3. Ibana pajonjong Hademahon/ hadameon/ kesejahteraan namassai sikkop; Mangalehon

Syalom ima roha na dame (rasa nyaman) di sude situasi dohot keadaan di sude namasa diparngoluon ni naporsea. Jaminan ni hademahon dipatupa Tuhan Jahowa marhite na pajonjongkon parbalohan Jerusalem naimbaru dohot mamasumasu sude pangisina marhite nadipamahap di angka naringkot i ( Ay.14). Tuhan Jahowa Pasingkopon nasa naringkot di bangsoNa di keadaan situasi dohot disipanganon nang parabiton.  Istilah syalom dison,  makkakkam keadaan na ideal, rasa nyaman na sikkop, gok las ni roha jala singkop diangka naringkot di ngolu siapari holan sian  panggomgomion dohot Asi holong Satia ni Debata (ay.15-18).

 

4. Ibana natontong mangarahon  dohot marmudumudu bangsoNa dohot Hatana;

Marulak loni.  "Ibana manongos hatana, gabe malala angka i, dipaborhat anginna, mabaor ma angka aek. Ibana mamaritahon hatana tu si Jakkob, angka patikna dohot uhumna tu Israel". ( Ay 15, 18b, 19). Tarida aspek bagabaga dohot pangkirimon tu nanaeng masa marsogot/ eskatologis. Godang ayat sian Bibeltaon namakkatahon Tuhan Jahoma marmudumudu bangsona, sada sian hata ni Tuhanta ima natarsurat di Psalmen 23 :1 “Jahowa do siparmahan ahu tung na so hurangan ahu”. Namarlapatan doi  Tuhan Jahowa mangarahon dohot marmudumudu bangsoNa dohot hataNa. Ndang dipaluas namangihuthon, naporsea di Ibana hurangan dimanag ahape. Onma padan nahot sian Tuhan Jahowa na so muba na so mose hombar tu hataNa.

Mangolu dibagasan Tuhan Jesus ima sada ulibasa napatar tarida diparsaoranta dohot Tuhan Jesus marhite pamujion, pasangap Ibana dibasan  panombaon di hata nang pambahenan. Tuhan Jahowa tontong satia mangalehon nadumenggan dingolutta, jala tontong do diparmudumudu hita disude naringkot i. Unang ganggu rohatta di si. Ai parasi roha jala pardenggan basa do Tuhan Jahowa, lambat tarrimas jala parasi roha godang, jala ro di salelengnulelengna do asi ni ro. Alani i dijou do hita mamuji pasangap goarna namarmulia i, tanda ni mauliate ni rohatta di denggan ni basaNa. Amen.