Khotbah Mazmur 36: 6-11 Tuhan Adalah Kasih dan Setia

 Minggu 2. Set. Epiphanias; 16 Januari 2022

36:6 Ya TUHAN, kasih-Mu sampai ke langit, setia-Mu sampai ke awan.

36:7 Keadilan-Mu adalah seperti gunung-gunung Allah, hukum-Mu bagaikan samudera raya yang hebat. Manusia dan hewan Kauselamatkan, ya TUHAN.

36:8 Betapa berharganya kasih setia-Mu, ya Allah! Anak-anak manusia berlindung dalam naungan sayap-Mu.

36:9 Mereka mengenyangkan dirinya dengan lemak di rumah-Mu; Engkau memberi mereka minum dari sungai kesenangan-Mu.

36:10 Sebab pada-Mu ada sumber hayat, di dalam terang-Mu kami melihat terang.

36:11 Lanjutkanlah kasih setia-Mu bagi orang yang mengenal Engkau, dan keadilan-Mu bagi orang yang tulus hati!

36:12 Janganlah kiranya kaki orang-orang congkak menginjak aku, dan tangan orang fasik mengusir aku.

36:13 Lihat, orang-orang yang melakukan kejahatan itu jatuh; mereka dibanting dan tidak dapat bangun lagi.

Diturpuk Psalm nasahat tu hita di tikkion papatarhon tu hita balga ni hahomion ni holong dohot Asi ni roha ni Tuhan Jahowa na so hatudosan; manompa, mangalinggomi dohot paluahon sude nasa natinompaNa. Tung na so adong sada sian jolma, natuk paluahon dirina sian gogo dohot huasona sandiri, so ingkon mangasahon huaso dohot gogo ni Tuhan Jahowa. Sude angka nataulahon ingkon tapertanggung jawabhon tu panguhumon ni Asi ni rohaNa. Ala ni i,ringkot nasa jolma manggolom jala marsihohot marsigantung marlinggom tu Asi ni roha ni Tuhan Jahowa; Asa maruli gogo, haluaon dohot pasupasu mardapotdapot sian Ibana mual ni hangoluan dohot nasa uli basa. Ibana do na tuk manggomgomi, paradehon naringkot di ngolu ni jolma, mangatur dohot paluahon saluhut natinompaNa.

Ay 6-8 Ndang tararsam jala ndang hasuhatan hahomion ni Asiniroha, Hasatiaon, Habonaron, Panguhumon, Hasintongan (Keadilan) ni Tuhan Jowoha; Timbona, bidangna, bagasna. Asi ni Roha dohot uhum hasintongan ni Tuhan Jahowa disuhat di bagasan HOLONG Napolin. Tung na arga situtu do (ndang tararsam) Asi ni roham, ale Debata! Jadi marhaporusan di parlinggoman ni habongmu do angka anak ni jolma. "Alai angka na marhaposan tu Jahowa maruli hagogoon mardapotdapot, gabe marhabong ni lali laho manaek. Marlojongi nasida ndang olo loja, mardalani nasida ndang olo mandate"(Jesaya 40:31). Parlinggoma ni habongNa ima songon Metapor/ gambaran ni Tuhan Jahowa di bagasan PADANNA mangkongkop portibion jala namangkalomohon portibi on (alam : jolma, suansuanan, binatang) mardalan / marlinggom di bagasan huaso ni habong ni Tuhan Jahowa hombartu fungsi masing-masing. Di Surat ni Ap Paulus Epesus 3:18-19 didok "Naeng ma malo hamu mangantusi, rap dohot saluhut angka na badia i, ganjangna dohot bidangna, bagasna dohot timbona, laho tumanda holong ni roha ni Kristus, na mangatasi nasa pangantusion, asa sahattu hamu sandok hagogok ni Debata!" Angka namananda jala namian dibagasan linggoman ni Huaso ni Asi ni roha ni Tuhan Jahowa mandapot mual hangoluan mardapotdapot jala sahattu ibana hagogok ni Debata.

   Ay 9-11 Di bagasjabu ni angka Siihuthon Tuhan Jahowa; nasatia jala natigor, naunjur roha; Maruli gogo dohot butongan /mahahapan dipasupasu mardapotdapot jala sombu uas na sian mual hangoluan na mabaor sian Debata (Jeremia 2:13 ;17:13). Panurirang Jeremia mandok "Tuhan Jahowa do mual Hangoluan". Sai panene ma asi ni roham tu angka na tumanda Ho jala hatigoranmu tu angka na unjur marroha.

Hata ni Tuhanta manogihon hita, asa tontong marsigantung jala marhaporuson tu padan Asi ni rohaNa na balga i. Tarlumobi mian. Jala massihohot manggolom uhum dohot padan holong satiaNa. Ibana do natuk paluahon hita sian angka hamaolon, hasusaan, hahurangan marhite namanggohi ngolutta dohot gogo, huaso nang PasupasuNa na mamehetnehet. "Sai panene ma asi ni roham tu angka na tumanda Ho jala hatigoranmu tu angka na unjur marroha". Angka jolma na satia, na unjur marroha jala namarlinggom, marsigantung tu Asi ni rohaNa; manjalo jala mahapan di mual hangoluan, ima pasupasu nagodang marhite roha nasonang. Roha na sonang tama MAMUJI PASANGAPHON HOLONG ni roha ni Kristus Jesus na balga i. Holong ni Kristus Jesus nasuneahon diriNa humongkop portibion. Dibagasan Holong ni TUHAN Jahowa na balga i ( na so tararsam) di pasahat tu hita anakNa Tuhan Jesus Kristus paluahon portibion (pat Joh 3: 16). Dibagasan pangkophop na di silang i, mabaor mual hangoluan jala pasombu uasta, pasaehon dohot mamuri, manesa dosatta. Di godang dohot sonson ni angka hamaolon, sitaonon namandondoni ngolutta jotjot maneret hita holang sian Asi ni roha ni Tuhan Jesus. Alai tu angka namarsihohot, marsigantung tu huaso hahomion ni Asi ni roha ni TUHAN Jahowa dapotan di hagogok ni panandaon dohot parbinotoan di angka pasupasu na marbuhalbuhal. Songon dia pe gogo, doras ni aek magodang (binanga bolon) mangaup hitam molo adong jala gomos tagolom Tuhan parsigantunganta ndang tarbahen ni aek  nadoras i mangauphon hita. Didongani Asi ni Roha dohot Holong satia ni Tuhan Debata ma hita mandai dohot manggolom saluhut Asi ni rohaNa. Amen.